رواية غلطة عمرى الفصل الثاني 2 بقلم شروق حسام

 

رواية غلطة عمرى الفصل الثاني بقلم شروق حسام

الجزء الثاني 🦋 

بقلم شروق حسام 🦋

_" لااااااااا "

هانم بخضة " فيه ايه يا حبيبتي بتزعقي ليه انتي كويسة يا عمري "

شهد بدموع " انتي كويسة يا ماما الحمد لله يا رب الحمد لله "

هانم حضنتها بقلق " بسم الله الرحمن الرحيم محسودة يا عين أمك أهدي بس يا روحي "

شهد بخوف " هو.....هو أنا معرفش ايه اللي حصل انا كنت فين انا كنت..... وانتي كنتي ......محمود محمود اه محمود كان كان"

_"أهدي يا نور عيني اهدي مش معقول خوفك من اخوكي يوصلك لحد كده ده بيحبك"

شهد بنفي "لا لا لا هو مش بيحبني هو بيكرهني وانا بكرهه"

فضلت تتمتم في الكلام لحد ما رجعت نامت تاني بس المرة دي في حضن امها 

.....................

تاني يوم 

شهد صحيت من النوم وافتكرت اللي حصل لها امبارح وافتكرت ان جالها كابوس أن اخوها عرف انها حامل ده غير كلامها مع مصطفي اللي خلي كابوسها كأنه حقيقة 

ذنبها ان هي حبته هو فضل يحوم حواليها بس عشان يكلمها وهنا اللي بيقول عليها محترمة هي اللي شجعتني أكلمه لحد ما فعلا كلمته وخرجت معاه والخروج جاب تجاوزات لحد ما اتجوزنا عرفي وحصل اللي حصل وأنا دلوقتي حامل وفي مصيبة

خرجت شهد الصالة بعد ما جهزت نفسها لقت ماماها بتنضف الشقة

شهد وهي بتحاول تكون طبيعية " صبا الخير يا ست الكل بتروقي النهاردة يعني ايه اللي بيحصل الوزير جاي ههههه"

_" لا يا لمضة أشرف صاحب أخوكي جاي يتقدم لك"

شهد بغضب " انا أصلا مش موافقة ليه توافقوا من غير ما تقولولي "

محمود بغضب وهو جاي من وراها " بصي يا روح أمك هم كلمتين "

كمل وهو بيمسكها بقسوة من شعرها " احنا معندناش بنات هي اللي تختار وأشرف محترم وهيصونك وابن ناس وكمان صاحبي ولا انتي شايفة لك شوفة"

شهد بوجع ودموع "شوفة ايه بس انا "

محمود بزعيق " من غير بس الراجل جاي النهاردة ومش عايز مشكلة تحصل فاهمة ولا لأااا"

كل ده وهانم متكلمتش لأنه يعتبر راجل البيت زيه زي باباه والكلمة اللي بيقولوها جوزها مش بيكسرها

.....................

_"بسم الله ما شاء الله قمر يا أشرف زين ما اخترت عروستك قمر ما شاء الله يا بختك بيها"

أشرف بص لمامته بإبتسامة ومتكلمش

شهد قدمت لهم القهوة وهي ايديها بترتعش 

_" ا..اتفضل"

أشرف بإبتسامة جذابة "تسلم ايدك"

شهد قعدت جنب مامتها وفضلت تكلم نفسها " قلبي وجعني والذنب بياكل فيا مينفعش اخدعهم يا ربي اعمل ايه في الورطة دي حتي لو اتكلم محمود هيموتني"

_"شهد"

_"يا شهد"

_"ها نعم يا محمود "

محمود وهو بيجز علي أسنانه " يلا يا حبيبتي عشان نقرأ الفاتحة "

شوية وخلصوا قراية الفاتحة

محمود بقرف " ألف مبروك يا عرووسة"

كمل بضحكة " ألف مبروك يا عريس"

أشرف بضحكة "الله يبارك فيك يا صاحبي بص بقي انت مش غريب احنا نعمل الخطوبة اخر الأسبوع والفرح وكتب الكتاب أول الشهر الجاي انت عارف انِ مجهز شقتي من زمان ومش ناقص غير شهد تنورها ومش محتاج حاجة غيرها حتي من غير شنطة هدومها"

محمود بهمس " اتكسفي شوية يا جدع ههههه بجح صحيح"

_"روح شوف ناهد مراتك ما انت بتعمل اكتر من اللي انا بعمله وبقوله احنا هنستهبل علي بعض هههه"

سمير والد شهد بإبتسامة " اتفضلوا يا جماعة علي السفرة عشان نتعشي سوا"

_"تسلم يا عمي احنا لازم نمشي"

_"لا والله ابدا هتتعشوا معانا انا حلفت بالله يلا قدامي يا واد ده انت ابني علي اخر الزمن هتتكسف مني الله يرحم أيام الثانوي لما كنت بتيجي مع محمود تذاكرو هههههه وكنت بتهجم علي الأكل"

_"ليه بس الإحراج ده هههه ماضي وعدي يا حجوح"

_"طب يلا قدام يا واد اتفضلي يا مدام صفاء"

....................

عدي شهر

كانت شهد اتخطبت لأشرف وطول الشهر ده متكلموش غير هم 3 مرات 

حاولت تكلم مصطفي تاني تشوف حل بس هو بيصدها بكل الطرق وراح خطب هنا صاحبتها الواطية 

...................

_"ادخلي برجلك اليمين يا عروسة"

شهد دخلت بكسوف وهي بتبص حواليها بتوتر

_"ادخلي خدي شاور والبسي الاسدال اللي علي السرير عشان نصلي مع بعض عايز نبدأ حياتنا علي طاعة ورضا ربنا"

بعد شوية خلصوا صلي وشهد فكت الطرحة من علي شعرها

أشرف بإنبهار " واو شعرك حلو اوووي اللهم بارك"

أكمل بهيام وحب " تعرفي يا شهد أنا بحب من زمان من وقت ما كنت في ثانوي وانتي لسه عيلة بضفاير ساعتها دخلت قلبي وقفلت عليكي بالضبه والمفتاح جواه"

_"انا كنت بطلبك من ربنا في كل الاوقات وفي كل صلاه وفي كل دعوه من دعواتي انا بحبك ب..ح..ب..ك"

شهد فضلت ساكته وهي بتسمع كلامه كلامه كان بينزل على قلبها زي الخناجر اللي بتقطع فيه هو ايه ذنبه يحصل له كده ويتجوز واحده زيها ضيعت شرفها

مستحملتش كل ده وأغمي عليها وهي بتتمني أن ربنا يأخدها وتموت

الفصل الثالث من هنا 

بدل ماتدور وتبحث علي الروايات خليها علي تليفونك وحمل تطبيقنا

تعديل المقال