رواية نور قلبي الفصل السابع و العشرون بقلم نرمين هانى
**الغيره القاتله***
ف منزل ياسمين
العريس.......ازيك ياعروسه
ياسمين وهى تنظر لمظهره وشكله باستغراب وفرحه.......مش معقول مصطفى
مصطفى ببتسامه......اى رايك ف المفاجئه دى
ياسمين باستغراب.....بس انت مغير شكلك خالص
مصطفى بكدب..........ههههههه عريس بقا
ياسمين بفرحه وغيظ........طيب لى مقولتليش دنا كنت ببقى متغاظه منك وهفرقع كدا كنت بتبقى مستفز
مصطفى......هههههههه يابنتى اومال تبقى مفاجئه ازاى المهم انا مسميش مصطفى وحكاية مصطفى دى متقوليهاش قدام حد انا متقدملك بصفتى حسام
ياسمين بندهاش وضحك.......هههههههههه يعنى بذمتك دا وقت هزار بس ف حاجه غريبه
مصطفى...........حاجة ايه دى
ياسمين بستغراب.............انت اقنعت بابا ازاى يعنى دا كان عايز واحد غنى ومن عيله جامده
مصطفى بفخر.......ومين قال انى مش كدا
ياسمين بتعجب ودهشه........نعم يعنى ايه
مصطفى بجديه.........يعنى انا ظابط يااسمين واسمى حسام مش مصطفى
ياسمين بضحك.......ههههههه يابنى بطل هزار بقى دا انت شغال معايا ف الشركه
مصطفى بهدوء.....انا شغال ف الشركه لمهمه بصى... وحكالها بااختصار كل حاجه
بس الكلام دا اهلك ميعرفهوش وادينى قولتلك انا جاى بصفتى حسام الظابط مش مصطفى اللى شغال معاكى ف الشركه
ياسمين بزهول وصدمه........يعنى انت كدبت عليا ومقولتليش
مصطفى بهدوء...........انا مكدبتش دا شغلى غير كدا احنا مكنش ف اى علاقه بنا عشان اقولك ودلوقتى قبل اى حاجه صارحتك بالحقيقه مخبتش عليكى عشان احنا هبنى حياتنا سوا والكدب دا من اهم الاسباب اللى ممكن تهدم العلاقه
ياسمين بضيق........اه تمام
مصطفى ببتسامه.......غريبه كنت فاكر هتفرحى
ياسمين ببتسامه........لا منا فرحانه طبعا بس موضوع الظابط دا لخبطنى شويه غير كدا الحكايه دى مش سهله وف خطر عليكو
مصطفى..........ياستى متقلقيش انتى متعرفيش خطيبك المهم عايزين نتفق على كل حاجه
ودخلو اهلهم
احمد*والد ياسمين*.......ها نقول مبروك
ياسمين بكسوف لا ترد
ايمان.........لولولولولولولى لولولولولولولولى
مصطفى بسعاده وهو ينظر لياسمين..........نقرا الفاتحه
وتم قراءة الفاتحه بسعاده وهما ينظرون ف عيون بعضهم بفرحه **ويارب ارزق كل البنات بالفرحه واللحظه دى وانا معاكو برضو 😂😉**
*********************************************************
على البحر
فارس بتوتر........انا بحبك وعايز اتجوزك
اسماء بصدمه........اييييه
فارس بهدوء............زى مسمعتى انا بحبك بشقاوتك وجنانك دا وعايزه اتجوزك ها اى رايك
اسماء بتوتر......اى انا
يقاطعها صوت من خلفها فتنظر ترى........
يارا.......فارس حبيبى اى رايك ف المفاجئه دى
فارس بصدمه.......يالهوى انتى اى اللى جابك دلوقت
يارا بدلع.........عشان نحدد معاد الفرح طبعا
اسماء بغيظ وغضب........انتى يابتاعة انتى بتعملى ايه هنا
يارا......اى بتاعه دى انتى متعرفيش انا مين
اسماء..........مين يعنى بنت بارم ديلو بنت ملزقه
يارا.............انا خطيبه فارس ياحببتى
اسماء بتعجب........ بتقولى خطيبك مين ياحلوه
يارا وهى تمسك ف دراع فارس..........فارس طبعا انتى مكنتيش تعرفى ولا اى لا اخس عليك مش تقولها يابيبى بصى بقا احنا هنعزمك على فرحنا طبعا ولازم تيجى
اسماء بغضب شديد ونظره حارقه..........بقى هى خطيبتك هه اومال اللى قولته دا ايه
فارس بتوتر..........اهدى هفهمك كل حاجه اسمعى بس
اسماء بغيظ وغضب........اخرس تتك القرف عليك انت وهى وجريت
فارس بسرعه وهو يحاول الالحاق بها..........استنى بس اسمعى
يار..........هو اى اللى استنى سيبك منها
فارس بغضب...........اى مخطوبين دى هو احنا كنا اتنيلنا
يارا...........محنا ف حكم المخطوبين يابيبى
فارس وهو بنزع يديه منها بغضب .........الله يخربيتك ياشيخه ابعدى بقا اوووف وسابها ومشى
اسماء دخلت على نور الغرفه بغضب......ينفع اللى عمله دا ولنور بغيظ....انتى يازفته سرحانه ف اى
نور بسرحان....هه
اسماء وهى تضربها بغيظ......قومى فوقى من سرحانك دا هرش عليكى مايه دلوقت
نور باستغراب..........مالك انتى كمان
اسماء وهى تلف حوالين نفسها...........الجزمه بيقولى بحبك والاقيلك ف ديله واحده بتقولك اى وبتريقه .....انا خطيبه فارس
نور بسرحان وهى تمشى ف الاوضه هى الاخرى.........وانا ازاى يقولى فاجئه كدا مع انو مكانش باين عليه حاجه
اسماء............ليه مشوفتهوش دا كان لازقلى بس مكنتش اعرف انو جزمه كدا
نور...........انا بتكلم على جاسر قالى انو بيحبنى
اسماء بغيظ شديد واستهزاء...........هتلاقى وراه واحده وعيلين مهو الصغير جاب واحده الكبير ايه بقا
نور وهى تجلس.......انا دوخت ...ههههههههه ممكن بقى تفهمينى براحه ف ايه وعيلين ايه انا مش فاهمه حاجه
اسماء وهى تمشى ف الغرفه بغضب.......فارس قالى انو عايز يتجوزنى لسه يدوبك هرد عليه الاقيلك اللى طلعت من قفاه تقولك دا خطيبى طيب كانت تستنى اما اترسم عليه شويه
نور.........هههههههههههههههه دا اللى مضايقك
اسماء بغيظ وغضب..........بت ملزقه انا عارفه خطبها على ايه دى بتقول يابيبى دى مقرفه وبتتكلم برقه مقرفه زيها
نور .......ههههههههه اهدى بس انتى رقيقه اكتر منها بكتير والله
اسماء..........اتنيلى انا مليش ف الهبل دا هو انا اعرف اقول يابيبى لا مليش ف السهوكه دى
نور ........ههههههه وانتى فاكره ان دى رقه لا ياحببتى الرقه مش معناها الدلع ف الكلام بصوت هادى وكلام حلو لا الرقه فى طبع القلب وحنيته وحرصه على شعور اللى حواليه هى دى منتهى الرقه ....عرفتى بقا ليه بقول كدا
اسماء........اه وبغل..........هاين عليا انزل اجيبهم هما الاتنين من شعرهم كدا واخبطهم ف بعض يتفشفشو كدا منا مش هفضل أكل ف نفسى كدا وخلاص
نور بضحك...........ههههههههه وانتى مالك مضايقه ليه
اسماء........انا دا منظر واحده متضايقه لعلمك مش فارق معايا خالص يعنى ولا اى حاجه
نور بضحك......هههههههههههههه واضح والله
اسماء بغيظ.........عااااااااااا والله لوريهم مهو انا ميتعملش فيا كدا هيحصلى حاجه لو معملتش فيهم حاجه
نور بضحك...........هههههههههه اومال لو كنتى وفقتى عليه كنتى عملتى اى دا كويس انها جت قبل متردى عليه
اسماء بغيظ............بطلى ضحك مترفزنيش
نور.............انرفزك هههههههههههههه انا برضو دا انتى الغيره هتطلع من عينك
اسماء بغيظ وغضب...........غيره هههههههههه من البت شبه العصايه اللى مش عارفه تقف دى وعلى الجزمه اللى طلع خاطب دا لا مش انا ياحببتى مش انا
***** الغيره اول احساس بيعرفك انك بتحب الشخص دا لما تحسها تجاهه. و أول احساس بيعرفك انك مبقتش تحبه لما تبتدى متغرش عليه...........هى المقياس*****
نور بضحك.........هههههههههههه طيب اقعدى عشان خيلتينى
اسماء وهى تجلس............ماشى انا هفكر وهوريه بقا ثم قالت وهى تقف بغيظ مره اخرى...........والله لطلع عينه مش هخليه يشوف تانى
نور بضحك شديد..........هههههههههههههههههههههه مش قادره انتى اتجننتى يابنتى اهدى واقعدى
اسماء وهى تجلس.........ماشى
نور براحه...........اخيرا الحمد لله
********************************************************
ف غرفة جاسر
جاسر.........بقولك يامروان اى هو الحب من وجهة نظرك يعنى اى اللى عرفك انك بتحب نادين
مروان بدهشه............نعم انت بتتكلم جد
جاسر بغضب...........انت اهبل يالا اومال بهزر متخلص
مروان بغمزه..........وانت بتسأل ليه بقا
جاسر............اخلص بقا وبطل رخامتك دى عايز اعرف مش اكتر
مروان...........اصل سؤال صعب بص ياسيدى .....انها تكون وحشاك على طول....لما تحس انك عايز تسمع صوتها باستمرار ...لما تكون مضايق هى اول حد يجى على بالك عشان تحكيله....لو يوم عدى من غير متكلمها تحس ان ف حاجه نقصاك وان اليوم ضلمه اووى بس مجرد متشوفها او تسمع صوتها بس تحس الشمس طلعت وبقى الجو حلو ولما تكون زعلانه متعرفش تنام الا لما تشوفها فرحانه وبتضحك مش تنام ودموعها على خدها .....وقال وهو باصص لجاسر اللى سرح راح مكمل بضحك.....ههههههههه وتلاقيه سرحان كدا ومش معاك والله ووقعت ياحلو
جاسر بعد مافاق من سرحانه...........اخرس يازفت
مروان بغمزه...........قولى بقى فى اى
جاسر بهدوء..........انا بحب نور وهتجوزها
مروان بفرح.........ههههههههه ايوا بقا اخيرا نطقت حرام عليك ياشيخ بهدلتنا معاك
جاسر ببتسامه وتنهيده ولم يرد عليه
*******************************************
وف الليل
حامد ف الهاتف.........لاقيتها ياباشا وجبتها معايا ف الفيلا
مازن..........تمام كويس اووووى وانا هخلى الدكتور دا يكتبلى على خروج بكره عشان اشفى غليلى منهم
حامد........قشطه ياكبير طيب والشحنه
مازن............هخلى جاسر يمضى عليها هجباله من كل ناحيه لحد مايوقع وادوس عليه بجزمتى
حامد بخبث...........الله عليك ياباشا
مازن..........بلغنى لو حصل حاجه سلام
حامد..............سلام ياعمنا
*********************************************
ف منزل ايه
ايه لنفسها............اكيد اللى عملتو صح انا مش هتجوز تانى مع انى حاسه ان محمد فعلا كويس بس ممكن يكون كويس دلوقتى وبعد كدا يبقى زى بابا وانا هخاف ادخل تجربه زى دى وانا لو اتجرحت تانى ممكن اموت اهم حاجه دلوقتى ان اشتغل واركز ف مذاكرتى وبس
فرغلى بصوت عالى............ايه
ايه وهى تدخل عليه...........ايوا عايز حاجه يابابا
فرغلى............ايوا ياحببتى اعملى عشا عشان نأكل مع بعض
ايه.........انت تؤمر ياجميل ثوانى والاكل هيكون جاهز
فرغلى.......ربنا يحميكى يابنتى ويبعتلك اللى يعوضك عن اللى شوفتيه
ايه بحزن.........هروح اجهز العشا وخرجت بسرعه
**************************************************
امينه بااستغراب............هو ف اى غريبه قاعدين ف الاوضه يعنى مش عادتهم
حنان...........مش عارفه صحيح مين البنت اللى شوفتها من شويه دى
امينه...........دى يارا زميلة فارس ف الكليه و
يقاطعها مروان.............ازيكو ياحلوين
امينه بوشوشه.............هو ف اى يامروان
مروان بضحك..........ههههههه اه هو فى ايه
حنان............بطل استهبال اى الحكايه منزلتوش ليه
مروان..........الحب بهدله بقى
امينه............حب اى هه
نادين من خلفه............جاسر هيخطب نور
امينه بفرح...........بجد والله يعنى هو اللى قال صح قال انو عايز يتجوزها مش كدا
نادين بضحك...........ههههههههههه ايوان اخيرا الحجر نطق
فارس..........بس متقليش ليه حاجه بقا هو اكيد هيجى يقولك
امينه بفرح وراحه..........طبعا اخيرا جاسر ابنى رجعلى
نادين...........طيب انا هروح اشوف البنات وبضحك.............هههههههه اومال فين يارا
امينه............راحة تنام باين
نادين ............احسن برضو وجريت
نادين وهى تدخل عليهم.........مالكو قاعدين كدا ليه
نور..........مفيش مالنا
اسماء بغيظ...........سبينى عشان اعرف افكر مش فاضيه انا بقا دلوقت محدش يكلمنى انا هقوم انزل تحت ومشيت
نادين ...........مالها دى
نور بسرحان.........فكك منها
نادين بغمزه...........وانتى بقا مالك ياجميل
نور.............جاسر قالى انو بيحبنى فاجئه كدا وحكتلها كل حاجه
نادين.........ههههههههههه ايوا بقا الغيره جننته
نور باستغراب...........غيرة ايه بقولك فاجئه هو كان باين عليه حاجه
نادين بهدوء...........بصى ياستى جاسر مبيبينش اللى جواه بسهوله بيعرفك اللى عايز يعرفهولك بس مش اكتر بارد درجه اووى مع ان جواه حاجه تانيه من ساعه ماساب خطبيته وهو بقى كدا بارد مفيش اى حاجه بتأثر فيه مع ان كان عندو مشاعر تغطى الدنيا كلها وكفايا عزفه والحانه بس منها لله بقى عقدته انتى بقى اللى رجعتيه تانى فهمتى ومدام صارحك بمشاعره يبقى حبك بجد وواثق انك مش هتخدعيه
نور باستغراب وعدم فهم...........ثوانى انا مش فاهمه هو كان خاطب
تقاطعها حنان وهى تدخل عليهم..........يالا انزلو نتعشى
نور ونادين.........ماشى يالا
حنان باستغراب.........اومال فين اسماء
***************************************************
ف غرفة يارا
اسماء وهى تمشى ببطئ بدون ان تصدر صوت حتى وصلت لسريرها
اسماء لنفسها...........نايمه ياحببتى دنا هجبلك صرع دلوقتى هخليكى تمشى تكلمى نفسك ف الشارع
ثم نظرت لها بخبث و......................
بدل ماتدور وتبحث علي الروايات خليها علي تليفونك وحمل تطبيقنا
