رواية حبي الوحيد الفصل السابع و العشرون بقلم جنا عطيه
"في المستشفي"
الدكتور وهو بيعمل السونار: الرؤية من هنا أوضح
ندي بفضول: ولد ولا بنت ؟؟
الدكتور: ولد حضرتك حامل في ولد .... ومراد بص لندي وضحك ضحكة بسيطة وكان فرحان جدا كذلك ندي اللي كانت هتطير من الفرحة
مراد بفرحة: يعني حامل في ولد؟.
الدكتور: أيوة والله أهوا حامل في ولد اهوا ..... ومراد مسك إيد ندي وندي كانت فرحانة والدكتور سمعهم صوت ضربات قلبه
ندي بدموع وفرحة: ممكن نسمع صوته اكتر
الدكتور بإبتسامة: طبعا تقدروا تسمعوا صوته اكتر .... ومراد وندي كانوا بيسمعوا صوت ضربات قلبه وهما مبسوطين وفرحانين
الدكتور بإبتسامة: صحة البيبي كويسة جدا وقلبه كويس أهم حاجة تلتزم على الدوا أشوفها المرة الجاية
ندي: إن شاء الله ..... ومراد وندي ركبوا العربية واتجهوا الي فيلا الجرحي وليس مراد الجرحي
مراد وهو بيقبل إيدها: أحلي خبر سمعته في حياتي إني خفيت تماما من مرضي وبعديها خبر حملك وإنهاردة خبر إنك حامل في ولد أنا مش فرحان عشان انتي حامل في ولد أنا فرحان إن في حتة مني جواكي
ندي بحب: وأنا أحلي خبر سمعته في حياتي إننا بقينا متجوزين وأنا حامل
مراد وهو بيحرك الدريكسيون: من ساعة ما دخلتي حياتي وأنا حياتي إتغيرت 360 درجة
ندي وهي ساندة على كتفه الأيمن: إحنا الاتنين غيرنا حياة بعض
مراد وهو بيقبل رأسها: ربنا يخليكي ليا يا ندي
ندي بحب: ويخليك ليا يا مراد
_______________
"في فيلا الجرحي"
كانوا وصلوا مراد وندي ونزلوا ودخلوا الفيلا وسميحة فتحتلهم باب الفيلا
سليم بفرحة: مراد إزيك ..... وسلّم عليه وبعدين سلّم على ندي وقال: إزيك يا ندي الحلو اللي بطنه كبرت اهوا وضحك وبعدين مراد سلّم على الكل
مراد بهمس وغيرة: مش قلتلك يا ندي مليون مرة تلبسي واسع أدي بابا شاف بطنك ينفع كدا
ندي بهمس: مراد انا طول عمري بلبس واسع وانهاردة لابسة واسع بردوا بطني هي اللي كبرت وبعدين ألبس إيه تاني ألبس شوال ما هو واسع
ثريا بضحك: مالكوا بتتهامسوا على إيه
ندي بإبتسامة: مافيش والله لسة جايين من عند الدكتور وعرفنا نوع المولود
غزل: بجددد طيب والنبي يا ندي قولي نوعه إيه
مراد بضحك: في إيه يا غزل هنقول والله مش سر هو
فريدة: يارب تكون بنت وسموها فريدة على إسمي ..... وكلهم فضلوا يضحكوا جامد
ندي بإبتسامة: واحد اتنين تلاتة
مراد وندي في صوت واحد: ولد .... وكلهم فضلوا يضحكوا وفؤيدة قامت تتنطط وغزل كانت عايزة تقوم تتنطط معاها بس حست بتعب في بطنها فمقامتش
فريدة بفرحة وهي بتبوس ندي من خدها: ندوش حبيبتي بس كان نفسي في بنت
مراد بضحك: متزعليش يا فريدة المرة الجاية بقا نبقي نجيبلك بنت
ندي بضحك: لااااا كفاية واحد بس عادي يا فريدة غزل تبقي تجيبلك
غزل بإبتسامة: حاضر يا فري هنشوف الموضوع دة بعدين
ليل بإبتسامة: يتربي في عزكوا يا مراد
مراد بجدية: طيب عايزين نختار إسم ولد
فريدة: في مسلسل تركي البطل إسمه فريد إيه رأيكوا في الإسم دة (مسلسل طائر الرفراف مصر وتركيا والعالم كله اكيد عارفه😂😂)
ليل بضحك: بلااااش تركي غزل طول ما هي قاعدة بتتفرج علي تركي مش هتبقي إنتي وهي كفاية تركي هو إسم حلو بس في الأحلي
ندي بتفكير: نوح إيه رأيكم في الإسم دة
مراد: حلو اوي إسم حلو وفي نفس الوقت ديني
ليل: علي إسم سيدنا نوح عليه السلام
كلهم في صوت واحد: عليه السلام
غزل بإبتسامة: إسم حلو اوي
ندي بإبتسامة: خلاص يبقي نسميه نوح
مراد وهو ماسك إيد ندي: نوح مراد الجرحي
فريدة بلهجة المسلسلات التركيه المدبلجة: أديشه جميل
ثريا: أحلي إسم سمعته حلو اوي ... ربنا يتمملك على خير يا ندي
ندي: يارب يا ماما يارب
سليم بجدية: مراد عايز كل الورق بخصوص الصفقة الجديدة
مراد بجدية: ماشي يا بابا كدا كدا انا مجهزوا عشان عارف حضرتك هتطلبه مني
سليم بإبتسامة: طيب كويس إنك مجهزوا بكرا تبقي تديهولي
مراد بإبتسامة: حاضر يا بابا
ثريا: في هنا عصير مانجا طبعا ندي وغزل وكلنا بنحبوا عصير المانجا فـعشان كدا هخلي سميحة تقوم تحطه .... وسميحة جابت العصير وحطته على الترابيزة وثريا عطت للكل عصير
ندي وهي بتشربه: تحفة العصير تحفة
ثريا: انا اللي عملاه بإيدي إنتوا عارفين إن العصاير أنا بحب أعملها بإيدي
مراد: العصير حلو اوي ..... كلهم كانوا بيشربوا عصير إلا غزل وثريا وكلهم لاحظوا كدا
ثريا: غزل حبيبتي ما تشربي العصير هو مش عاجبك ولا إيه
غزل بإبتسامة: لا والله طعمه حلو بس أنا مش عايزة أشرب
ليل: غريبة يعني إنتي طول عمرك بتحبي المانجا سواء كانت عصير او أكل ما تشربي يا غزل
غزل بضيق: مش عايزة أشرب يا ليل
ثريا: خلاص يا ليل سيبها على راحتها ...... وليل سابها وهو مستغرب وغزل كانت قاعدة متدايقة بسبب وجع بطنها علي عكس شخصيتها اللي دايما بتضحك وتهزر وكلهم لاحظوا كدا
ليل بهمس: غزل في إيه مالك وشك مصفر وساكتة طول الوقت في حاجة ولا إيه
غزل بتعب: مافيش بس بطني وجعاني شوية حاسة إني عايزة أرجع ودماغي وجعاني من امبارح وانا كدا قلت دة وجع بسيط وهيروح بس لسة موجود بالعكس دة بيزيد
ليل: ودة إيه علاقتوا بالعصير؟؟
غزل: مش عارفة بقا أنا مش عايزة أشرب العصير دة قرفـ"ـانة منه ومش عايزة اكل أي حاجة ولا طايقة ريحته حتي
ليل بضحك: دة إنتي غريبة أوي في حد مابيحبش ريحة المانجا دة المفروض يعملوا شامبو بالمانجا من جمال ريحتها
_______________
"عند مراد وندي"
ندي بهمس: مراد هي غزل مالها شكلها متغير من ساعة ماجينا
مراد: والله ما اعرف شكلها كدا تعبانة والله أعلم المهم ...
ندي بهمس: نوح مراد الجرحي الإسم عاجبني أوي
مراد: مش الإسم بس هو اللي عاجبني ومامته كمان عجباني
ندي بخجل: أحترم نفسك يا مراد
مراد بضحك: هو انا قلت حاجة غلط إنتي لسة مكسوفة مني يابنتي دة إحنا مابينا طفل جاي في الطريق
ندي بخجل: والله يا مراد لو ما إحترمتش نفسك لأقوم من جنبك
مراد بضحك: هتقومي تروحي فين؟
ندي بغيظ: عادي أقعد في أي مكان هي الدنيا دايقة يعني
مراد بضحك: خلاص خلاص هسكت والله ..... وندي سندت علي كتف مراد
ثريا: هو في موضوع مهم يا جماعة ولا إيه شيفاكوا بتتكلموا بصوت واطي
فريدة بضحك: طيب نقوم نروح بيتنا ونسيبكوا علي إنفراد ولا إيه؟؟
ليل بضحك: ما إنتي في بيتك يا هبلة هو في بيت تاني ولا إيه؟؟
فريدة: أصل بتتعاملوا كإننا ضيوف يعني
سليم بضحك: ما تسيبيهم يا فري إنتي حاشرة مناخيرك ليه
مراد: قلها يا بابا والنبي
فريدة بغيظ: كلكوا بقيتوا عليا عشان أنا الصغيرة صح
مراد وليل في صوت واحد: يييييي الاسطوانة بدأت
ندي بضحك: خلاص يا جماعة كلكوا عليها كدا وكملت لمراد: وسع كدا وكملت لفريدة: تعالي أقعدي جمبي
فريدة بإبتسامة: ندوش حبيبتي واختي والله
ندي: غزول تعالي جنبنا
مراد برفعة حاجب: لا والله كلكوا بقيتوا علينا طيب
ندي بضحك: قوم يلا أقعد جنب أخوك وسيبنا مع بعض .... وغزل قامت قعدت مع فريدة وندي
فريدة وهي بتبص لليل وقاصدة تغيظه: شكرا يا ندوش الوحيدة اللي بتحس بيا
ليل: قسماً بالله طفلة قال إيه وعايزة تتجوز بعد ما تتخرج دي ممكن تعمل خناقة مع مازن عشان عروسة لعبة
غزل بضحك: خلاص بقا يا ليل سيبها في حالها
ليل: هو مالهم متجمعين علينا ليه كدا
مراد: أيوة يابني مالهم دول
ندي: زي ما زعلتوا القمر دي محدش يزعل بقا
ليل بضحك: قمر دي قمر .. قمر بالستر ياختي .... وكلهم فضلوا يضحكوا واليوم عدا بسلام وسعادة
_______________
"صباح تاني يوم"
مراد قام من النوم بدري عمل رياضة وبعدين خد شاور وغسل أسنانه ولبس بدلته وكان قمر(بس بقا عشان ندي بتغيير😂😂)
ورش بيرفيوم بتاعه وبص علي ندي لاقاها نايمة زي الملاك قبّل رأسها وخدها وندي قامت مزعوجة
ندي بإنزعاج: مراد في إيه؟؟
مراد بحب: مافيش يا روحي أنا رايح الشركة فقلت أسلم عليكي
ندي وهي بتففل زرار القميص بغيرة: أقفل الزرار دة فاتحه لمين هلا قول ميت مرة اقولك أقفل الزرار دة مش كل لبسة أقولك كدا
مراد بضحك: خلاص هقفلهم بعد كدا مكنتش أعرف إنك بتغيري كدا
ندي بغيرة: أديك عرفت أهوا عشان بعد كدا تقفلهم كويس
مراد وهو بيقبل خدها: خلاص متزعليش
ندي بإبتسامة: مش زعلانة يا روحي
مراد وهو بيقبل رأسها: أنا هروح الشركة دلوقتي لو إحتاجتي أي حاجة إتصلي بيا
ندي بإبتسامة: ماشي يا حبيبي ...... ومراد خد مفاتيح عربيته ونزل ركب عربيته واتجه إلى الشركة
_______________
ليل قام خد شاور ولبس بدلته وسرح شعره وحط البيرفيوم بتاعه ولبس ساعته ولاقي غزل نايمة منكمشة زي الجنين في بطن أمه
ليل وهو بيقبل خدها: زوزو غزولة
غزل بإنزعاج: في إيه يا ليو بتصحيني ليه
ليل: كنت عايز أسلم عليكي يا روحي وتقولك إني رايح الشركة
غزل بقرف: إيه الريحة الوحشة دي
ليل بإستغراب: أنهي ريحة مافيش ريحة
غزل وهي بتشم القميص بتاعه: الريحة جاية من هنا
ليل بإستغراب: دي ريحة البرفيوم بتاعي
غزل بقرف: البرفيوم دة ريحته وحشة
ليل بصدمة: ريحته وحشة إيه مش دة البرفيوم اللي كنتي جيباهولي في عيد ميلادي وقلتيلي ريحته شدتني وريحته حلوة وإنتي بتحبي ريحته
غزل بقرف: لا ريحته وحشة وغريبة
ليل وهو بيبص في الساعة: غزل بصي انا هتأخر على الشركة لازم أمشي دلوقتي لو عزتي أي حاجة كلميني
غزل بإبتسامة: ماشي يا روحي ...... وليل قبّل رأسها ومشي
______________
"في الشركة"
مراد بإحترام: بابا هو دة الورق اللي حضرتك كنت عايزه إتفضل
سليم وهو بيبص في الورق: رائع الورق كله متنظم وجايب كل تفصيلة بخصوص الصفقة
مراد بفرحة بيحاول يخفيها: شكرا يا بابا انا لازم أمشي دلوقتي عشان عندي شغل في المكتب
سليم بإبتسامة: ماشي يا مراد تقدر تمشي دلوقتي ولو في حاجة تانية هكلمك
مراد: حاضر يا بابا ...... ومراد راح علي مكتبه وكان مبسوط جدا إنه قدر يخلي سليم مبسوط بيه كدا
_________________
"في فيلا ليل الجرحي"
غزل طلعت بيجامة ليها ودخلت عشان تاخد شاور
غزل وهي بتشم الشامبوا: إيه دة ريحة الشامبو عامل كدا ليه ريحته وحشة دة حتي بجوز الهند وانا طول عمري بجيبه وبحبه ... وغزل مقدرتش تستحمل ريحتها وفضلت ترجع وهي ماسكة بطنها
غزل وهي بتغسل وسهل: في إيه يا غزل مالك بقالك يومين بطنك وجعاكي إيه حكاية الروايح معاكي مافيش حاجة عجباكي ليه ...... وخدت الشاور وهي بتحاول تتجاهل ريحة الشامبو والشاور جيل ولبست بيجامتها وطلعت وسرحت شعرها وحطت بيرفيوم
غزل بعصبية: لا دة كدا كتير اوي مافيش ريحة عجباني وكل الروائح وحشة كدا ..... وحطت رشة بيرفيوم على خفيف كدا
________________
غزل: سهر سهر ممكن تعمليلي كوباية ينسون أو نعناع اي حاجة سخنة
سهر: من عنيا يا ست هانم ........ وسهر عملتلها كوباية نعناع
غزل وهي بتاخد بق من الكوباية: سهر إنتي أجازة إنهاردة
سهر بفرحة: بس يا ست هانم أنا........
غزل بمقاطعة: أجازة إنهاردة يا سهر انا عطيتك أجازة
سهر بفرحة: شكرا شكرا شكرا شكرا شكرا ........ وغزل إبتسمت وكملت شرب كوباية النعناع
________________
"في المساء"
"في الشركة"
سليم: عملنا شغل حلو اوي يا جماعة إنهاردة
مازن بتكبر مصطنع: انا اللي واخد اصعب حاجة فيكوا وعملتها على أكمل وجه
ليل: خلاص بقا يا مازن مكانش يوم تعبت جامد فيه
سليم: كدا خلصنا شغل نقدر نروح ليل كلّم يونس عشان لو أي حاجة حصلت يعرفنا
ليل: ماشي يا بابا هقولوا حالاً ...... وخلصوا الشغل وكل واحد راح فئاته
________________
"في فيلا مراد الجرحي"
مراد دخل الفيلا ولقاه ندي بتعيط
مراد بخوف: مالك يا ندي بتعيطي ليه ؟؟
ندي بدموع: إبنك عمال يضربني في بطني يرضيك كدا
مراد بضحك: لا طبعاً لازم يتعاقب ..... ونزل عند بطنها وقال: إنت يا نوح مزعل ماما وبتضربها في بطنها ليه
ندي بضحك: دة بجد مبقاش يضربني في بطني دة إنت مسيطر بقا
مراد وهو بيعدل لياقة قميصه بتكبر: يابنتي انا شخصية كاريزما خالص
ندي بضحك: طيب يا كاريزما الإسبوع الجاي عندنا معاد مع الدكتور
مراد: عارف يا روحي
ندي: طيب تعالي عشان نتعشي عشان هموت من الجوع
مراد بصدمة: إنتي مش لسة متعشية
ندي: أيوة اتعشيت وهتعشي تاني ....... بس ثواني كدا عرفت منين إني أتعشيت
مراد: يابنتي كل الأخبار عندي انا كلمت صفيا وقالتلي إنك إتعشيتي وخدتي علاجك
ندي: طيب كويس انا أتعشيت بس إبنك متعشاش تعالي عشان تأكل لإنه جعان
مراد بضحك: لا والله يعني الأكل اللي بتاكليه مش بيوصله وفي اكل مخصص ليكي وأكل مخصص له
ندي بضحك: طبعا إنت متعرفش ولا إيه
مراد بضحك جامد: لسة عارف منك دلوقتي
ندي: شفت بقي معلوماتي العالية دي اقل حاجة عندي
مراد: طيب تعالي يلا عشان نتعشي .... وبدأوا يتعشوا
_______________
"في فيلا ليل الجرحي"
ليل: غزولة حبيبتي أنا جيت
غزل بتعب: حمدلله على السلامة يا ليو
ليل بإستغراب: مالك في إيه وشك مصفر وبهتان كدا ليه وفين سهر
غزل بتعب باين في وشها: سهر عطيتها أجازة مش عارفة مالي بقالي يومين تعبانة وبرجع مش عارفة الروايح معايا يسمها وحشة
ليل وهو حاطط وشها بين إيده: طيب كنتي قلتيلي عشان أجيب دكتور يفحصك
غزل وهي بتحضن ليل ومغمضة عينها: بس أنا كدا خفيت
ليل بضحك: لا والله يعني حضني أنا اللي هخففك دة إحنا نقفل كل المستشفيات والصيدليات كلها عشان حضن مني بيشفي .... لكن مسمعش صوت لغزل
ليل: غزل غزولة أنا بكلمك ..... وفجأة حس بتقل في إيده وبص عليها لاقاها مغمي عليها
ليل بلهفة بيضرب بخفة علي خدها عشان يفوقها: غزل غزل ردي عليا غززززل .... وكلم دكتور عشان ييجي يفحصها
بدل ماتدور وتبحث علي الروايات خليها علي تليفونك وحمل تطبيقنا
