 |
رواية احببت مجرمة الفصل الخامس والعشرون 25 بقلم جهاد محمد
مؤمن طلع يجري اخد حور و يزن من قدام العربية اللي كانت هتخبطهم
مؤمن:- أنتوا كويسين في حاجه حصلت لكم
حور وهي بتعيط:- احنا كويسين سكرا يا عمو
يزن:- أحناكةيسين يا عمو شكرا أنت عمو البطل
مؤمن ابتسم على برائتها :- أنتِ كويسة يا حبيبتي بتعيطي ليه
حور مسحت دموعها:- أنا كويسة يا عمو انا بس خفت
مؤمن:- طيب أنتوا كنتوا رايحين فين ولا بتعملوا ايه فين بابا او ماما
حور:- ماما في الشغل
مؤمن:- طيب وباباكم فين
حور و يزن بصوا لبعض بحزن وقالوا:معندناش بابا
مؤمن استغرب:- طيب أنتوا كنتوا رايحين فين
حور شاورت على محل الايس كريم
حور:- احنا كنا رايحين نجيب ايس كريم من عمو بتاع الايس كريم
مؤمن:- طيب تعالوا هجيب لكم
مؤمن اخد حور و يزن بس قبل ما يروح يشتري لهم راح جاب ندى واللي كانت واقفه خايفة
ندى:- يزن حور أنتوا لسه مش مشيتوا
مؤمن:- هو أنتوا تعرفوا بعض
ندى:- ايوا هما اصحابي في المدرسة
مؤمن:- بس دول أكبر منك
ندى:- ما ما هو ماما تبقى صاحبة مامتهم واحنا كنا نروح عندهم كتير
مؤمن استغرب أكتر بس سكت
طيب تعالوا اجيب لكم الايس كريم
مؤمن اخدهم للمحل
مؤمن:- لو سمحت اربع علب ايس كريم
حور:- بس احنا تلاتة يا عمو
مؤمن:- امم طب وانا
حور:- اي ده هو أنت هتأكل معنا ايس كريم
مؤمن:- وليه لا
حور:- ماما كمان بتاكل معانا
الرجل:- اجيب لحضرتك يا بيه بالشوكولاته الأطفال بيحبوها
مؤمن و يزن في نفس واحد:- لا عندي حساسية منها
مؤمن و يزن بصوا لبعض باستغراب
الرجل:- الظاهر إن ابن حضرتك زيك يا بيه عنده حساسية من الشوكلاته
مؤمن بص للرجل وسرح شوية قد ايه كان يتمنى يكون عنده طفل ولكن في قلوب مريضة محبتش تشوفه مبسوط مع حبيبته
الرجل جاب الايس كريم وجاب لمؤمن و يزن طعم غير الشوكولاته
حور:- شكرا يا عمو يزن يلا بينا احنا اتأخرنا
مؤمن:- لحظة واحده أنتوا هتروحوا ازاي
حور:- عمو السواق مستنينا
مؤمن:- يعني أنتوا قلت له إنكم هتأكلوا ايس كريم عشان يستناكم
حور بتفكير:- امم لا احنا مش قلنا له
مؤمن:- هو اكيد لما مش لاقوكم قال لمامتكم ومش لعيد يكون قلها إنكم اتخطفتوا تعالوا معايا البيت
مؤمن اخدهم البيت لحد ما يعرف يتواصل مع أهلهم او مامتهم
السواق لما لاقى الأطفال مخرجوش دخل سأل وعرف اهم خرجوا من بدري
السواق:- اعمل ايه دلوقتي ياسين بيه لو عرف هيقتلني
ملحوظة ياسين اهبل اه ومجنون ولكن مش بيرحم أي حد يقرب من حور أو يزن هو بيحبهم جدا لما بيتعصب مش بيشوف حد قدامه
السواق اتصل على ياسين
ياسين بيه
ياسين:- خير يا رامز الاولاد وصلوا للبيت
السواق:- ما هو ما هو
ياسين:- ماهو ايه يا رامز انطق
السواق:- في الحقيقة انا استنيت انهم يطلعوا كتير بس هنا مطلعوش ولما سألت عليهم قالولي خرجوا من بدري
ياسين:- ايه أنت بتقول ايه أنت عارف لو حور او يزن حصلهم حاجه انا ممكن اعمل فيك ايه أنت فين اخلص
السواق:- أنا قدام باب المدرسة
ياسين:- أنا جاي وادعي انهم ميحصلهمش حاجه عشان لو حصل غير كده تقول على نفسك يا رحمن يا رحيم
ياسين قفل في وشه وطلع يجري
رزان بقلق:- في ايه يا ياسين ايه حصل
ياسين:- محصلش حاجه انا رايح اجيب هدية لحور ويزن ما أنتِ عارفه عيد ميلادهم قرب
رزان :- امم هحاول أصدق
ياسين:- طيب انا ماشي سلام
ياسين وصل للسواق ومسكه من لياقة قميصه أنت كنت بتعمل ايه لما هما خرجوا ها رد عليا
السواق بخوف والله يا ياسين بيه انا كنت واقف مستنيهم بس هما خرجوش
حسابك معايا بعدين
ياسين دخل المدرسة وسأل اذا كان في كاميرات
وفعلا لقى كاميرات ولما شاف التسجيلات لقاهم خرجوا فعلا بس مكنش باين غير إنهم خرجوا ومركبوش العربية
ياسين خرج وطلع صورة حور ويزن فضل يسأل اللي رايح واللي جاي على أمل انه يلاقيهم لحد ما اخد باله من الكاميرات اللي في المكتبة واللي كانت جايبة الشارع كله تقريبا
ياسين دخل واستأذن انه يشوف الكاميرات
قبل شوية مؤمن كان وصل البيت ومعاه وحور و يزن أما ندى فهو وصلها للبيت واستني لحد لما شافها دخلت ومشى
صفاء:- مين دول
مؤمن حكى لها اللي حصل
وصفاء لأول مرة يصعب عليها حد
صفاء:- أنتِ اسمك ايه يا صغيرة؟
حور:- أنا اسمي حور وانا مش صغيرة
صفاء:- اومال أنتِ ايه
حور:- أنا كبيرة أنا عندي ٦ سنين
صفاء:- يعني كده أنتِ مش صغيرة
حور:-اه
صفاء ضحكت(ينهار الدنيا حصل فيها حاجه)
صفاء بصت للولد الي كان يشبه مؤمن بدرجة كبيرة
صفاء:-وأنت اسمك ايه يا حبيبي
يزن:- اسمي يزن
صفاء:- مؤمن أنت مش ملاحظ حاجه
مؤمن:- ايه يا ماما
صفاء:- الولد ده شبهك أوي
مؤمن:- لا ده تلاقي أنت متهيألك
محمود:- لا يا ابني امك بتتكلم صح الولد ده شبهك أوي
مؤمن كان لسه هيتكلم ولكن قطع كلامه دخول هادمة اللذات و مفرقة الجماعات سيرين
سيرين:- مؤمن حبيبي وحشتني
وكانت ليه هتقرب ولكن هو بعد عنها بسرعة
مؤمن بغضب:- سيرين لو قربتي ما تلوميش الا نفسك أنتِ فاهمه
حور:- طنط طنط أنتِ شبه كولوي اللي في الدعسوقة والقط الأسود هي بتبقى عايزة تتجوز ادريان وبتكره مارينت بس ادريان مش بيحبها
سيرين:- مين دي وايه اللي هي بتقوله ده
صفاء ومحمود ضحكوا على البنت الصغيرة الشقية
سيرين غضبت:- هو في ايه أنتِ بنت قليلة الأدب وأهلك معرفوش يربوكِ أنت مين اصلا أنتِ بنت واحده من الخدم صح
يزن راح مسك كوباية الماية اللي على التربيزة و رماها عليها
احنا متربين أحسن تربية
سيرين كانت لسه هتمسكه تضربه ولكن وقف في وشها مؤمن
مؤمن بغضب جحيمي:- إياك تقربي منه أو منها
سيرين بغضب أكبر:- أنت مش شايف هو عمل ايه
مؤمن سيرين أنت اللي غلطانة مكنش ينفع تقولي عنهم كده
سيرين:- بس يا مؤمن
مؤمن:- سيرين اللي عندي قلته
سيرين مشيت من غير ولا كلمة فهي عارفه غضب مؤمن كويس اوي
سيرين بعد ما مشيت بص لمامته اللي ضحكت على الأطفال الأشقية دي
مؤمن استغرب من مامته أوي ولكن فرح الأطفال دي قدرت ترجع ضحكت باباه ومامته اللي اختفت من بعد موت وعد
ياسين شاف مؤمن وهو بينقذ حور و يزن من العربية و لما اشترى لهم الايس كريم واخدهم معاه
ياسين ركب العربية وطلع على بيت مؤمن
مؤمن كان قاعد بيفتكر أخته وعد وصاحبه اياد اللي عرف بموته متأخر أوي وافتكر رزان هو عمره ما نسيها ولا قادر ينسى اللي عملته فيه فاق على الصوت ام محمد وهي بتقول انه في حد مستنيهم في الجنينة بره
مؤمن:- مين ده
أم محمد:- معرفش يا ابني هو بيقول انه جاي ياخد الولاد
مؤمن طلع:- ياسين
ياسين:- ازاي حضرتك يا مؤمن بيه انا جاي اخد حور و يزن وشكرا لأنك انقذتهم واخدتهم
لبيتك
مؤمن:- العفو بس هما قالوا ان باباهم مش موجود
ياسين:- اه فعلا انا ابقى خالهم
حور و يزن:- ياسوووو
ياسين وحضنهم:- وحشتوني يا قرود
حور و يزن:- وأنت كمان
ياسين:- اه يا كدابين ده انا عارفكم أنتوا اما بتصدقوا تلاقوا حد تتعرفوا عليه
حور:- صح احنا اتعرفنا على نانا صفاء وجدو محمود وحبيناهم أوي
ياسين:- شكرا ليكم لأنكم اهتمتوا بيهم
صفاء بحزن بعد ما اتعودت عليهم:- كده هتسبوني وتمشوا
حور ويزن:- احنا هنجي تاني
صفاء:- وعد
حور و يزن:- وعد
محمود:-خلوا بالكم من نفسكم هنستناكم باي نانا باي جدو باي يا عمو البطل مؤمن ابتسم:- باي
ياسين اخدهم بعد ما ودعوا صفاء ومحمود ومؤمن الليوان حاسس ان حاجه غالية اللي بتتاخد منه وكان غيران من ياسين جدا
ياسين ركب حور و يزن العربية وساق بيهم
ياسين:- أمكم لو عرفت اللي حصل مش هترحمنا يُفضل مش تقولولها دلوقتي
حور:- ماشي
يزن:- لا انا هقول لماما ماما لازن تعرف
حور:- يزن ماما لو عرفت ممكن تزعق لنا
يزن سكت شوية
ياسين:- يزن يا حبيبي مين قال احنا هنخبي على ماما لا احنا قلنا مش هنقولها دلوقتي احنا اصلا رايحين على بيت تيتا حياة وفرح هناك
حور ويزن بفرح:- بجد
ياسين:- اه
حور و يزن كانوا فرحانين جدا هما بيحبوا فرح وجدتهم حياة و بيعتبروا حياة أختهم الكبيرة
وصلوا البيت
ياسين وقفته رزان وهي مربعة ايديها
رزان:- حياة يا حبيبتي خدي حور ويزن وروحوا العبوا
فرح:- حاضر يا روز
فرح اخدتهم
رزان:- كنتوا فين
ياسين بارتباك:- أنا أنا اخدتهم ورحنا الملاهي
رزان:- هو أنت مش قلت إنك رايح تجيب لهم هدية حوار الملاهي ده جه امتى
ياسين:- عادي يعني يا رزان ما أنتِ عارفه انا بحبهم وقلت افرحهم
رزان:- اتمنى يكون كده بجد لأن لو في حاجه مخبيها عليا وعرفتها من نفسي هزعلك يا ياسين
ياسين:- هكون مخبي ايه يعني يا رزان
رزان مردتش ودخلت
ياسين اخد نفسه براحه ودخل وراها
بعد يومين عدوا من غير جديد
رزان كانت بتشوف ترتيبات حفلة عيد الميلاد
رزان:- كل حاجه جاهزة يا ماما
حياة:-ايوا يا بنتي ربنا يفرح قلبك دايما
رزان باستها من رأسها:- يارب يا حبيبتي
خلاص انا هروح أجيب حور و يزن من البيت وجاية وأنتوا جهزوا كل حاجه
ياسين:- متقلقيش كل حاجه جاهزة
الكل كان مجتمع سيف و ملك و بنتهم ندى و الحفلة كانت مشتملة العيلة بس وبعض من رجال الأعمال القليل منهم جدا بس في ناس هتيجي تاني وهتكون مفاجأة
رزان وصلت للبيت بتاعها واللي كان فيه حور و يزن
رزان:- حوووور يززززن أنتوا فين
حور:- في ايه يا روز انا هنا
يزن:- ايه يا ماما
رزان:- تعالوا عامله لكم مفاجأة
حور و يزن :- ايه هي
رزان:-امم هي كده مش هتكون مفاجأة بس تعالوا نجهز وبعدين هتعرفوا كل حاجه
رزان اخدتهم ولبسوا لبس حلو جدا كانت هي وبنتها زي الأميرات و يزن اللي كان زي الأمير
في الوقت ده كان مؤمن ومامته وباباه وطبعا سيرين رفضت انها تيجي معاهم اصلا هما مكنوش عايزينها تيجي عشان عارفين انها بتكره حور و يزن وصلوا للبيت و تفاجئوا انه قصر الامبراطورة
ياسين استقبلهم بكل ترحيب:- شكرا لأنكم لبيتوا دعوتي
صفاء:- احنا بنحب حور و يزن عشان كده لما جيت تدعينا لعيد ميلادهم وافقنا من غير تفكير
ياسين ابتسم
حياة اخدت بالها ان ياسين واقف مع ناس وبيتكلم معاهم بس اتصدمت لما لقيت الناس دي هي نفسها عيلة مؤمن اللي كانوا السبب في إن فرحة بنتها تتكسر وكمان ابنها يروح منها
حياة:- ياسين الناس دي بتعمل ايه هنا
صفاء اتصدمت من وجودها واتضايقت جدا
ياسين:- استني بس يا ماما تعالي عن اذنكم يا جماعة لحظة
ياسين اخد حياة على جنب عشان محدش يسمعه
ياسين:- في ايه بس يا ماما
حياة:- هما بيعملوا ايه هنا رزان لو شافتهم مش هتسكت
ياسين:- يعني أنتِ عاجبك حالها طيب وأحفادك عاجبك انهم يتحرموا كن باباهم
حياة:- محدش قاله يرمي بنتي ويتهمها بالخيانة ده كسر فرحتها بأنها تقوله انها حامل بنتي اتكسرت بسببه
ياسين:- يا حبيبتي أنا عارف كل ده والله بس الحياة واحده لازم نعيشها وننسى كل حاجه حصلت لنا في الماضي مش ده كلامك ولا ايه
حياة سكتت هو عنده حق
حياة:- أنا هاقف واشوف هتعمل ايه بس لو بنتي حصلها حاجه انا مش هرحمهم
ياسين:- متقلقيش دي أختي
صفاء:- هي الست دي بتعمل ايه هنا
محمود:- اسكتي بقى يا صفاء احنا جايين عشان الأطفال نسيتي انهم هما رجعوا الروح لبيتنا
صفاء كانت هتتكلم بس قطع كلامها ياسين
ياسين وقف في النص:- يا جماعة ركزوا معايا دلوقتي احنا هنطفي الأنوار عشان أصحاب عيد الميلاد جايين وأول ما يدخلوا هنفتح الأنوار أنتوا فاهميني صح
ياسين قفل الأنوار بس في الوقت ده مؤمن جاله تليفون خرج للخارج عشان يتكلم
رزان دخلت هي وحور و يزن
رزان:-طيب ادخلوا أنتوا وانا هاجي وراكم
حور ويزن:- ماشي
حور و يزن دخلوا
حور بصوت عالي:- في حد هنا هو النور مطفي ليه روووز أنت فين
يزن:- في حد هنا؟
ياسين فتح النور والأصوات عليت في المكان
حور و يزن كانوا فرحانين
رزان راحت شغلت أغنية أجنبية هما بيحبوها جدا
رزان وقفت جنبهم وبدأت انها ترقص معاهم على نغمات الأغنية بس هي وبتلف اخدت بالها من مؤمن واللي كان لسه داخل
مؤمن اتصدم من ان رزان بترقص معاهم وانبهر بجمالها
مؤمن في نفسه:-معقول يكونوا ولادها لا لا مستحيل
صفاء ومحمود كانوا لا يقلوا عنه صدمته
رزان:-دول بيعملوا ايه هنا ولكن لم تهتم
رزان شاورت لملك و ندى وفرح وبنتها حياة
كلهم وقفوا جنب بعض وفضلوا يرقصوا بكل حب
الكل كان شايف حبهم لبعض واللي مش بيحتوي على اي كراهية أو حقد بالعكس كانوا بيتمنوا لبعض كل خير
وقفوا عن الرقص وراحوا عشان يقطعوا التورتة
حور و يزن اخدوا بالهم من مؤمن جروا عليه
حور:- عمو البطل عمو البطل
مؤمن حضنهم بكل حب
حور:- نانا صفاء وجدو محمود كمان
صفاء:- اه شوفتي بقى احنا اللي جينا مش أنتوا
رزان راحت وقفت جنب ولادها باستغراب:- حور يزن أنتوا تعرفوهم من فين
حور:- ده عمو البطل يا روز
رزان:- عمو البطل؟ازاي يعني
حور ببراءة:- هو انقذنا انا و يزن من العربية وشالنا كده زي البطل
رزان بخوف:- عربية أي دي ياسين هما بيقولوا ايه
ياسين خبط على دماغه البنت الصغيرة دي ودته في داهية
ياسين:-اهدي يا رزان ده كان حادث بسيط وهما مش حصلهم حاجه اهم زي الفل
رزان:- حادث بسيط وانا اخر من يعلم
رزان حضنت ولادها:- طيب أنتوا ليه مقولتوش ليا
يزن:- بصراحه يا ماما انا كنت هقولك بس ياسين و حور قالوا انك هتزعقي لنا عشان كده مش قلنا لك
ياسين كان لسه هيتكلم و لكن وقفته رزان بإشارة منها على عدم تكلمه
رزان :- أنا قلت لك لو في حاجه مخبيها قولها عشان لو عرفت هزعلك يا ياسين لا ومش بس كده ده الحاجه كمان تخص حور و يزن
ياسين:- يا رزان انا..
رزان:- ولا كلمة حسابي معاك بعدين
رزان بصت لمؤمن:- شكرا لأنك انقذتهم جميلك ده هيفضل دين في رقبتي
رزان:- يلا عشان نقطع التورتة
يزن افتكر حاجه:- ماما اما هجيب حاجه من فوق وجاي
رزان:- ماشي يا حبيبي متتأخرش
يزن طلع الأوضة وجاب منها حاجه بس هو ونازل من على السلم وقع ورأسه اتخبطت في الحيطة جامد رزان اخدت بالها منه:- يزززززززن
رزان جريت عليه بس كان وقع خلاص
رزان بدموع:- يزن يا قلب ماما قون يا حبيبي أنت كويس
ياسين:- رزان مش وقته يلا نوديه على المستشفى
رزان كان ماسكاه بين ايدها ومكنتش حاسه بحاجه
ياسين:-رزان فوقي
ولكن لا حياة لمن تنادي
مؤمن اخده منها وطلع يجري على العربية ياسين طلع وراه
ملك:- رزان فوقي ابنك محتاجك
رزان طلعت تجري ركبت معاهم
حور كانت بتعيط على أخوها جامد
وصلوا للمستشفى
مؤمن:- دكتور بسرعة دكتور
الممرضين جم ومعاهم النقالة حاطها عليها يزن ودخل للعمليات
رزان قعدت في الأرض من غير ولا كلمة
مامتها بعد ما وصلت قعدت جنبها واخدتها في حضنها
رزان:- ابني يا ماما لو حصلوا حاجه مستحيل اقدر اعيش
ملك وصلت وكانت بدمع على صحبتها
سيف اخدها في حضنه وطلعها برا
سيف:- اهدي يا حبيبتي
ملك:- هي ليه بيحصل معاها كده يا سيف هي طيبة والله
سيف:- يا حبيبتي ده قضاء ربنا منقدرش نعترض عليه
ملك:- يا سيف رزان لو كانت عايشة وبتضحك معانا فده عشان ولادها هي بتضحك وفرحانه عشانهم هما
سيف:- إن شاء الله ربنا هيقومه بالسلامة
ملك:- رزان قوية أوي يا سيف أنا عمري ما شفت حد في قوتها طول عمرها مهما يحصل بتفضل واقفة زي الجبل مع ان بيكون نار في قلبها انا لما كنت صغيرة حصلت مشاكل كتيرة بين بابا وماما وقتها ماما سابت والبيت وبابا كمان سافر وفضلنا انا وكارم لوحدنا كارم اتعرف على شلة مش تمام وكان بيجبهم البيت كنت بخاف أوي
وفي مرة ضربني جامد عشان قالي اعملي حاجه وكان أصحابه قاعدين فأنا مردتش اخرج بعدها كان بيضربني دايما لحد ما في يوم رزان شافته وفضلت تزعق له أوي وضربته بالعصايا هي كانت صغيرة زيي بس كانت أوي
حتى لما ما مات باباها وحمزة هي مكنتش عامله اي ردة فعل بس ولما مؤمن اتهمها بالخيانة معملتش حاجه بس لما اياد مات وقتها هي اضغطت جدا وكان لازم تتطلع اللي جواها
وبردو كل اللي عملته انها بكيت شوية بس لما عرفنا انها داخله على الاكتئاب وراحت لدكتور نفسي وقتها عرفت انها جابت آخرها وان مهما كان الإنسان قوي بيجي عليه اقوات بيضعف فيها
كل ده و سيف كان سامعها واستغرب من قوة ورزان وحزن جدا على ملك من اللي عاشته في طفولتها
سيف اخدها فس حضنه بكل حب
وعند رزان كان الدكتور طلع
رزان قامت جري عليه
الدكتور:- الطفل نزف كتير محتاجين متبرع بالدم لأن زمرة دمه نادرة
رزان:- ايه هي
الدكتور:- AB سالب
رزان قعدت على أقرب كرسي
رزان حطت ايدها على بوقها عشان تكتم شهقاتها
حياة حطت ايدها على كتفها:- هتتحل يا بنتي
رزان:- ازاي يا ماما اعمل ايه انا أول مرة احس اني عاجزة
مؤمن بصدمه:-أنا
رزان بصت له باستغراب
مؤمن:- أنا زمرة دمي AB سالب
الممرضة:-طيب حضرتك ممكن تتفضل معايا عشان نتأكد
مؤمن:-تمام
مؤمن راح مع الممرضة وكان بيفكر في حاجه
الممرضة اخدت منه دم وجابت له كوباية عصير
الممرضة:- حضرتك لازم تشرب الكوباية دي عشان تعوض الدم اللي خسرته
مؤمن رفض ولكن مامته اخدت منها الكوباية وارغمته انه يشربها
مؤمن خرج
رزان:- شكرا شكرا لأنك انقذت حد من ولادي للمرة التانية
رزان مكنتش اخده بالها ان مؤمن لاحظ ان زمرة دمه نفس فصيلة دم يزن
بعد شوية الدكتور خرج و طمنهم عليه
ياسين:- هو هيصحى امتى
الدكتور:- بكرة إن شاء الله الف سلامة عليه
ياسين:-الله يسلمك
ياسين:-ماما حياة فرح أميرة ملك وسيف و رزان الكل يمشي وجودكم هنا ملهوش لازمة
رزان:- أنا مش ماشية من هنا يا ياسين
ياسين رفض انه يعاند معاها هو عارف ان اللي في دماغها هتعمله
ياسين:- طيب يا جماعة تقدروا تروحوا وانا ورزان هنفضل هنا
مؤمن كان مضايق منه جدا
مؤمن وهو بيجز على أسنانه:- وأنت تفضل معاها ليه
رزان:- لا يا ياسين روح أنت وخد معاك ماما عشان تاخد بالك منها ومن حور وانا هقعد هنا
ياسين:- بس يا رزان
رزان:- ياسين لو سمحت اسمع الكلام اللي بقول عليه
ياسين:- ماشي
ياسين وحياة وفرح وملك وسيف مشوا حتى مؤمن ومحمود وصفاء مشوا بس رزان مخدتش بالها من صفاء اللي كانت الصدمة باينة عليها وكانت بتبص على يزن بكل صدمة واكنها عايزة تقول حاجه بس مش قادرة
مؤمن مشى بس في الحقيقة هو كان قاعد بيراقب رزان لأنه مش قادر يسيبها لوحدها في المستشفى
تاني يوم يزن فاق وكان الكل جه ياسين وحياة وملك و سيف حتى حور جت معاهم ومؤمن كمان
يزن:- ماما انا رأسي واجعني أوي
رزان:- معلش يا حبيبي الف سلامه عليك
بعد الشوية الدكتور دخل
الدكتور:- اهلا اهلا البطل عامل ايه
يزن:- أنا كويس الحمد لله
الدكتور وهو بيبص بصة اخيرة على التقارير اللي في ايده
الدكتور:- حلو أوي خير الحمد لله ناخد بالنا بعد كده من نفسنا
رزان:- هو يقدر يخرج امتى
الدكتور:- تقدري تاخديه بالليل بس نكتب له أدوية يمشي عليها وياخد باله من نفسه
رزان:-تمام
الدكتور و مؤمن خرج وراه
مؤمن:- دكتور لحظة لو سمحت
الدكتور:- ايوا خير حضرتك يا أستاذ مؤمن
مؤمن:- لو سمحت هو أنا عايز اعمل تحليل DNA ........
_______________________
حور كانت قاعدة وتلعب مع يزن
ياسين:- رزان لحظة عايزك
رزان قامت وقفت معاه على جنب
خير يا ياسين
ياسين:- رزان احنا لازم نتكلم
رزان:- قصدك ايه
ياسين:- رزان أنت مخدتيش بالك ان مؤمن هو اللي اتبرع ليزن
رزان:- وايه يعني
رزان:- ياسين أنا عارفه أنت عايز تقول ايه بس صدقني لا ده وقته ولا ده مكانه أجل الكلام ده لبعدين
___________
الدكتور:- حضرتك يا أستاذ مؤمن عايزة تعمل تحليل DNA لمين
مؤمن:- بصراحه ليزن
الدكتور:- هو مش ابنك
مؤمن:-أنا عايز اعمل التحليل عشان اعرف
الدكتور باستغراب شديد:-تمام تقدر تجيب خصلة من شعره ونتأكد
مؤمن:- تمام
مؤمن خرج من عند الدكتور وكان جواه أحاسيس كتيرة متلخبطة
مؤمن وقف قدام باب أوضة يزن بص فيها ملاقش حد
مؤمن:- حمد لله على السلامة يا بطل
يزن:- الله يسلمك يا عمو
مؤمن:-هو مفيش حد ولا ايه
يزن:- لا هما راحوا يصلوا في المسجد اللي جنب المستشفى
مؤمن:- اه
مؤمن قرب منه وحط ايده على رأسه ومن غير ما ياخد باله اخد منه شعره
يزن بوجع:- اه
مؤمن:- معلش يا حبيبي دلوقتي تخف ان شاء الله
(يعني أنت والجرح على الواد ايه ده يا ابني)
مؤمن اخدها
مؤمن للممرضة:- لو سمحتِ اتفضلي عايز اعمل التحليل
الممرضة:- تمام
الممرضة اخدت منه عينة
النتيجة هتظهر خلال ٥ أيام
مؤمن:- تمام
بعد يومين كان يزن خرج من المستشفى
رزان كانت قاعدة لقيت رسالة على تليفونها من رقم غريب كان محتواها
《الحقيقة هتبان والسر هينكشف وكل ساقِ سيسقى بما سقى لو بتحبي أولادك تعالي على العنوان ده》
رزان مكنتش فاهمه اي حاجه بس راحت للمكان واللي كان عبارة عن بيت في الصحراء تقريبا
رزان:- مين هنا أنت مين
بس اتفاجأت لما لقت مؤمن هناك
رزان:- أنت اللي بعت لي الرسالة
مؤمن:- هي جاتك أنتِ كمان
رزان:- اه
ظهرت صفاء واللي اتصدمت من وجود مؤمن و رزان
أنتوا بتعملوا ايه هنا
رزان:- لحظة واحده هو أنتِ كمان جات لك رسالة انك تيجي هنا
صفاء:- اه
فجأة ومحمود وحياة ظهروا
هو في ايه احنا مش فاهمين حاجه مين اللي بيلعب معانا بالطريقة دي
رزان:-لحظة كل واحده يقول الرسالة اللي اتبعتت له
محمود و رزان و حياة طلع لهم نفس الرسالة
بس صفاء مكنتش موافقة انها تقول الرسالة اللي اتبعتت لها
رزان:- ممكن تقولي الرسالة اللي وصلتك
صفاء بارتباك:- ما هي زي رسالتكم بالظبط
رزان بصوت عالي:- أنت مين وعايز اي مننا
ياسين:- أنا اللي جبتكم هنا
رزان بصدمة:- ياسين أنت بتعمل ايه هنا
ياسين:-وعدتك اني هجيبلك حقك وانا بوفي وعدي
ياسين راح عند العربية وطلع منها الشخص
الشخص ده كان صدمة لرزان و مؤمن و صفاء
رزان:- أنت؟
الشخص واللي كان وشه مشوهة:- أنا آسف سامحيني بالله عليكِ يا هانم
رزان نزلت في ضرب بكل غل
اسامحك منك لله بوظت حياتي حسبي الله ونعم الوكيل انا مش مسامحاك وعند الله تجتمع الخصوم ينتقم منك ربنا منك لله دمرتني ودمرت حبي وثقتي
الشخص:- أنا اسف والله هي اللي قالت لي اعمل كده
مؤمن ضربه:- مين هي انطق معنى كده ان رزان مش خاينة
الشخص:- لا لا يا بيه هي قالت لي ان مفيش حد في البيت ولما رحت كانت الهانم في الأوضة ضربتها على رأسها وقتها أغمى عليها وانت جيا وقتها وافتكرت انها خاينة
مؤمن ضربه بكل قوة:- مين دي مين اللي كانت السبب في بعدي عن مراتي وحبيبتي
الشخص شاور على صفاء واللي كانت دموعها نازلة
مؤمن ايه أمي أنتِ أنتِ كنت السبب في كل ده طيب ليه معقول محبتيش تشوفيني فرحان ليه
صفاء:- أنا آسفة آسفة يا حبيبي انا غلطت بس والله عرفت غلطي خلاص
صفاء كانت بتقرب منه ومسكت وشه بايدها وهي بتعيط
مؤمن بعد ايدها عنه:- أنا مش مسامحك ابدا يا ماما
مؤمن بص لرزان بنظرة آسف لكنها بعدت وشها عنه
ياسين:- لسه الحقيقة مكملتش تحبي تقولي يا صفاء هانم ولا اقول انا
مؤمن:- في ايه تاني حرام عليكِ يا ماما
ياسين:- صفاء هانم كانت ناوية انها تقتل رزان وفعلا اجرت شخص بس للاسف بنتها وعد اخدت الرصاصة بدل رزان وماتت
مؤمن بصدمة أكبر لدرجة انه وقع بجسمه في الأرض:- أنت بتقول ايه يعني أنتِ اللي قتلتليها حرام عليكِ قتلتِ بنتك ودمرتِ حياتي
صفاء:- لا لا انا مكنش قصدي اقتلها
محمود مقدرش يستحمل لف صفاء وضربها بالقلم
محمود:- أنتِ طالق يا صفاء عمري ما اتخيلت ان الحقد والكراهية يوصلوا بكِ انك تقتلي بنتك وتدمري حياة ابنك بالشكل ده
مؤمن:- أنت عرفت كل ده منين
أسيل:- أنا اللي قلت له
مؤمن:- أسيل حازم؟
أسيل:- ايوا انا سمعتها يوم الجنازة وهي بتتكلم مع صورة وعد وبتتعترف بكل حاجه
في الوقت الشرطة وصلت وقبضت على صفاء اللي كانت بتعيط:-سامحوني مكنش قصدي اقتل بنتي سامحني يا مؤمن
مؤمن وقف قدام رزان اللي كانت مش بتبص له ومسك ايدها:- أنا آسف يا حب عمري سامحيني
رزان بصت له والدموع في عينها:- طلقني يا مؤمن
مؤمن:- أنتِ بتقولي ايه مستحيل اعمل كده
رزان:-لا يا مؤمن مش مستحيل زي ما قدرت تعيش من غيري ٦ سنين هتقدر تكمل مع خطيبتك سيرين ولا نسيتها انسى كل حاجه حصلت دلوقتي وكمل على اساس اني خاينة
مؤمن:- أنا عارف انك مضايقة بس اديني فرصة شهر واحد شهر واحد بس يا رزان
رزان فكرت في ولادها:-تمام موافقة
رزان وصلت هي و حور و يزن البيت مع مؤمن واللي كان طرد سيرين بعد ما عرف انها كانت تغتلس أمواله من الشركة
حور بفرحة:- أنا مبسوطة اوي لأن هيبقى عندي بابا
يزن:- وانا كمان
مؤمن:- تعالوا اوريكم اوضكم اللي جهزتها عشانكم
مؤمن اخدهم للأوض بتاعتهم واللي كان مجهزها بشكل لطيف مز الوان الأوضة والالعاب وكل حاجه
رزان كانت فرحانة لفرحة ولادها
مؤمن بعد ما دخل نيم الأطفال
يلا يا حبيبتي
رزان دخلت الأوضة من غير ولا كلمة
مؤمن خرج علبة من جيبه كان فيها سلسة جميلة اوي كان بيلبسها لرزان
رزان مسكت السلسة بعصبية ورمتها
رزان:- اوعى تنسى لأني مش هنسى مش هنسى انك اتهمتني في شرفي مش هنسى انك اتهمتني بأني قتلت نفس بريئة مش هنسى وأنت كمان اوعى تنسى
فاكر الكلام ده يا مؤمن بيه فاكر لما كنت مرمية على الأرض وقلت لك الكلام ده اديني بفكرك مش هنسى انا وافقت اننا نرجع بس عشان اديك فرصة زي ما قلت غير كده لا واصلا هو شهر واحد بس ووقتها هنطلق
مؤمن والدموع في عينه:- أنا آسف
رزان ضحكت بسخرية:- آسف آسف على ايه آسف على جرحك ليا ولا على ضربك ولا على اتهاماتك آسف على ايه يا مؤمن باشا انا بكره اليوم اللي شفتك فيه بكره نفسي لأني في يوم حبيتك من كل قلبي آسف على ايه ولا ايه
مؤمن:- آسف على كل حاجه اتعرضتي لها في غيابي آسف على كل حاجه عملت لها جرحتك انا اسف
رزان خرجت من الأوضة وهي بتعيط قعدت في الجنينة بصت للسماء بكل حزن
رزان:- أنا عملت ايه عشان يحصل فيا كده
أم محمد:- عامله ايه يا بنتي
رزان:- أم محمد الحمد لله
أم محمد:- انا اسفة انا سمعت كلامك بالغلط بس صدقيني يا بنتي مؤمن من ساعة ما أنتِ مشيتي وهو اتغير أوي بقى عصبي واختفى لمدة سنة هو كان زي الجثة اللي من غير روح صدقيني
رزان:- طيب اعمل ايه هو السبب في كل ده لو كلن وثق فسا ولو لشوية مكنش ده هيبقى حالنا
