رواية حبي الوحيد الفصل الرابع و العشرون بقلم جنا عطيه
"في فيلا الجرحي"
فريدة: يوووووه هو في إيه الحتة دي مش عايزة تتفهم ليه؟
ثريا: في إيه يا فريدة صوتك واصل لحد تحت يا فريدة
فريدة: ماما الحتة دي مش عارفة أفهمها وانا واثقة ومتأكدة إن إمتحان بكرا هييجي كله على الحتة دي
ثريا: طيب حاولي تذاكريها وتفهميها يعني ادرسيها حتة حتة هتلاقي نفسك فهمتيها وانا هخلي سميحة تعملك حاجة تشربيها وإنتي بتذاكري يمكن دة يساعدگ
فريدة: حاضر يا ماميتو ... إيه دة مازن بيتصل بيا
ثريا بضحك: ردي عليه متعمليش نفسك تقيلة عشان أنا عرفاكي
فريدة بتوتر: لا والله هعمل نفسي تقيلة ليه يعني ؟؟
ثريا بضحك: يابنتي كنت بعمل الحركات دي وأنا صغيرة بردوا مش عليا الحاجات دي يلا ردي قبل ما يقفل
فريدة بخجل: حاضر هرد عليه
ثريا محبتش تتقل عليها وتكسفها راحت طلعت من أوضتها ونزلت خلت سميحة تعملها أيس كوفي عشان فريدة بتحبه
___________________
"في فيلا الاسيوطي"
نادية: إيه رأيك يا علي لو عزمنا مراد وندي على الغدا بكرا ؟؟
علي: أه والله لسة بفكر في الموضوع دة عايز أعزمهم على الغدا لأن بصراحة وحشوني وعايز أشوفهم
نادية: خلاص يبقي إن شاء الله نعزمهم بكرا على الغدا
علي: إن شاء الله هكلمهم إنهاردة وأعرفهم بالموضوع
نادية: وانا هعرف هنادي عشان نجهز كل حاجة
__________________
"في فيلا ليل الجرحي"
ليل: غزل غزل غزوووولة غززززل
غزل بعصبية: إيه يا ليل غزل غزل غزل في إيه هو انا في تركيا وانا جمبك في نفس البيت
ليل بضحك: خلاص أنا أسف يا حضرة الأستاذة غزل
غزل بهدوء وحب: كنت عايز إيه يا ليو بتنادي عليا ليه؟؟
ليل: مش إنتي بتحبي السينما في فيلم جديد هيتعرض علي السينما إنهاردة بليل وانا حجزت تذكرتين ليا وليكي إيه رأيك لو نروح إنهاردة؟
غزل بفرحة: بجددد طبعاً موافقة أنا بحب السينما اوييي ... وحضنته جامد
ليل بضحك: خلاص خلاص مكنتش أعرف إنك هتفرحي اوي كدا دة إحنا كدا نروح كل يوم السينما
غزل بحب: أنا بحبك اوي اوي يا ليل
ليل بسرحان: وأنا بعشقك يا عيون ليل تعرفي لما بتضحكي بحس إن الدنيا كلها بتنور ... وبعد كدا بعد عنها وقال: أحم أحم لو قعدنا كتير هنا مش هننزل
غزل بخجل: أحم أحم طيب تعالى نفطر وبعدين نجهز ونشوف هننزل إمتي
ليل: يلا طيب نفطر
___________________
"في فيلا مراد الجرحي"
ندي صحيت من النوم لقت نفسها في حضن مراد وهو كان نايم وفضلت تدقق في ملامحه وقد إيه هو جميل وفضلت تلمس على وجه لحد ما مراد فاق مننومه بإنزعاج
مراد بنوم: في إيه يا ندوش إيه اللي صحاكي
ندي بضحك: دة المفروض إننا نصحي يعني الساعة داخلة على 10
مراد: إنتي أفسدتي أخلاقي المفروض كنا نقوم من بدري يعني نقوم 9 (أحنا كمان بنصحي 9 بس 9 بليل😂😂)
ندي بدلع: يعني خسارة فيا إنك تصحي بدري شوية شويتين
مراد بسرحان: لا طبعا مش خسارة فيكي يا روحي ... وقرب منها و.... لكن ندي سابته ودخلت الحمام وفضلت ترجع
مراد: اوووف ندي بطلي عناد وخلينا نجيب الدكتور يفحصك بدل ما انتي كل ما تأكلي حاجة ترجعيها
ندي بتعب: أنا كويسة بس شوية تعب بسيط كدا هو أي حد بطنه بتوجعه بيروح للدكتور .... مراد غسل وشها وطلعها وقعدها على السرير
مراد: لا مش أي حد يا ندي بس إنتي بجد تعبانة وكل شوية ترجعي شوفي وشك مصفر إزاي دة مش تعب عادي دة تعب جامد بطلي عناد وتعالي نروح المستشفي
ندي بتعب: لا أنا كويسة بس عايزة أشرب كوباية الأعشاب اللي أنت عملتها الصبح
مراد بهدوء: يا حبيبتي أنا أعملك بس دة مش حل مش كل ما بطنك توجعك تشربي كوباية الأعشاب دي لازم نشوف حل
ندي: مراد أنا كويسة والله بس عايزة أرتاح شوية ومش عايزة أشغل التكييف كتير عشان متعبش وعايزة أطلب منك طلب
مراد بإستسلام لانه عارف عناد ندى: ماشي يا حبيبتي ... إيه هو الطلب؟؟
ندي: عايزة أروح أقعد مع ماما يومين لإني محتاجة أروحلها وأقعد معاها تاني
مراد بحزن: طيب ليه هو أنا عملت حاجة تزعلك فعشان كدا عايزة تروحي تقعدي مع مامتك يومين ؟
ندي بسرعة: لا لا والله مافيش حاجة زعلتني بس أنا عايزة أغير جو شوية وماما وحشتني عايزة أروح أقعد معاها يومين بس
مراد بتنهيدة: ماشي يا ندي اللي انتي عايزاه تعالي نفطر ونغير هدومنا وتعالي أوديكي لمامتك
ندي بحب: شكرا يا مراد علي تفهمك ليا
مراد بحب: عفوا يا حبيبتي دة حقك وحق أهلك يلا تعالي ننزل نفطر
ندي بحب: يلا يا مراد
______________
"في فيلا ليل الجرحي"
غزل: ليل هو أنت مش هتروح الشركة ؟؟
ليل: لا مش هروح هعمل الشغل وهحضر الاجتماعات اونلاين علي اللابتوب
غزل: طيب كويس إنك مش هتروح الشركة
ليل: انا هشتغل إنهاردة اونلاين ونروح السينما والشغل أصلا مش كتير
غزل: طيب يا روحي
______________
"في فيلا مراد الجرحي"
مراد: يلا افطري يا ندى عشان نروح عند مامتك
ندي وهي بتشم ريحة الأكل: مراد هو ليه ريحة الأكل عاملة كدا
مراد بإستغراب: ماله ريحة الأكل ما الأكل ريحته زي الفل أهوا
ندي بقرف: لا يا مراد الأكل ريحته حمضانة
مراد بإستغراب: يابنتي ما الأكل ريحته حلوة أهي مافيهوش ريحة الحماضة ... وأكل قطمة: واهوا طعمه تحفة أهوا
ندي بدموع: لا والله ريحته حمضانة وملهوش طعم
مراد بسرعة: لا لا إنتي هتعيطي ولا إيه خلاص والله ريحته حمضانة حمضانة اللي إنتي عايزاه بس أنا شايف أنه طعمه وريحته حلوين وبعدين مش دة التوست اللي إنتي بتحبيه وعلي طول بتفطري بيه ماله إنهاردة ما هو هو
ندي بدموع: لا المرادي غريب عن امبارح ريحته وحشة وملهوش طعم
مراد: خلاص خلاص من غير عياط تعالي طيب كلي حاجة تانية
ندي بقرف: الأكل كله ريحته غريبة هو في إيه أنهاردة الأطل كله ريحته غريبة
مراد بضحك: لا بصي كدا صلي على النبي(عليه أفضل الصلاة والسلام 🦋❤️) هي حاجة من الأتنين يا إنتي في حاجة في حاسة الشم والتذوق بتاعتك يا المشكلة من عندي أنا أنا شايف إن الأكل مافيهوش غلطة كـطعم وكـريحة
ندي: طيب خلاص تعالى نروح لماما
مراد: هتنزلي كدا من غير فطار؟؟ طيب كلي لقمة حتي!!
ندي: أيوة أنا أصلا مش جعانة بس قلت أكل أي حاجة منزلش من غير أكل
مراد: أنا هتشل منك يا ندي إنتي حرة ... ومسك إيدها وراحوا ركبوا العربية وأتجهوا إلي فيلا الاسيوطي
"في العربية"
مراد: أربطي حزام الامان عشان هنتحرك دلوقتي يا ندي
ندي: ماشي ... ربطته ... وهما في الطريق كلموا علي عشان يعرفوه أنهم رايحين لهم
مراد بإحترام: ازيك يا عمي حضرتك عامل إيه
علي: الحمدلله يا مراد كويس أنت عامل إيه أنت وندي
مراد: الحمدلله أنا وندي كويسين
علي: أنت وندي أتخانقتوا ولا إيه؟؟
مراد بضحك: لا لا خالص بس أنا وندي جايين لأن ندي كانت عايزة تيجي تقعد مع مامتها شوية يومين تلاتة كدا
علي: تنوروا طبعا دة أنا لسة كنت هكلمك عشان نتغدا مع بعض بكرا
مراد بضحك: سبحان الله إيه الصدفة دي أدينا إحنا اللي جينا أهوا
علي بضحك: ماشي يا مراد تنور أنت وندي
مراد: ماشي يا عمي .... وقفلوا مع بعض واتجهوا على الفيلا
________________
"في فيلا الأسيوطي"
طبعا علي كان معرف نادية أن ندي ومراد هييجوا إنهاردة وإن ندي هتقعد يومين تلاتة .... ومراد وندي وصلوا وسلموا على بعض ودخلوا
نادية: طيب أنا هدخل المطبخ أشوف هنادي وصلت لإيه
ندي: أنا جاية معاكي في المطبخ يا ماما
نادية: تعالي يا ندي
"في المطبخ"
نادية: هنادي بقا هتعملك الأكلة اللي إنتي بتحبيها
ندي: هنادي أكلها كله تحفة
هنادي بإبتسامة: شكرا
ندي: هنادي تقدري تمشي دلوقتي انا هكمل الباقي
هنادي: لا ميصحش يا ......
ندي بمقاطعة: شششش أنا هكمل الباقي وحشني المطبخ وعايزة أنا اللي أعمل الحاجة بإيدي
هنادي بتفهم: ماشي .... وندي هي اللي كملت
نادية: لسة زي ما إنتي متغيرتيش يا ندي لازم كل حاجة تعمليها بإيدك
ندي: طبعا لسة زي ما أنا ... ماما هاتي الفلفل الأسود مش عارفة أجيبه
نادية: أهوا ... وندي أول ما شمته دخلت تجري على الحمام ترجع
نادية بخوف: إنتي كويسة يا ندي
ندي بتعب واضح في وشها: أيوة كويسة
نادية: طيب أغسلي وشك كدا وتعالي .... وندي غسلت وشها وطلعت علي اوضتها
"في غرفة ندي"
ندي بتعب وهي قاعدة علي السرير: مش عارفة مالي إنهاردة من أول اليوم عمالة أرجع حتي علي الفطار كنت شاماه ريحته حمضانة وملهوش طعم بس مراد قالي إن الأكل مافيهوش ريحة الحماضة وإنه حلو ولما شميت ريحة الفلفل الأسود مقدرتش أستحمل وبطني وجعاني اوي مراد عملي كوباية اعشاب ريحتني شوية بس التعب رجع تاني
نادية بشك: طيب مرحتيش للدكتور ليه؟؟
ندي: مراد قالي إني اروح للدكتور كذا مرة بس أنت مرضتش لإني مش حاسة إني محتاجة دكتور
نادية بشك لكنها كتأكدة من قرارها: ما يمكن إنتي حامل يا ندي أصل كل الأعراض اللي عندك بتدل إنك حامل
ندي بضحك: هههههه هو أي حد بطنه توجعه يبقي حامل دة شوية ألم وهيروح
نادية بإصرار: لا إنتي حامل يا ندي هاتي تيست حمل من الصيدلية وأعمليه
ندي: لا حول ولا قوة إلا بالله العلي العظيم مستحيل يعني حمل إيه لا يا ماما مافيش حاجة من دي
نادية: وإيه اللي خلاه مستحيل مش يمكن إنتي فعلا حامل وما تروحي إعملي التيست مش هتخسري حاجة
ندي وهي بتفكر: بصراحة مش متأكدة بس لا لا أكيد مش حامل بس عشان أريحك هروح أعمله وأمري إلى الله بس مش هطلع حامل
نادية بضحك: ولو طلعتي هااا؟.
ندي بضحك: إنتي مصممة بقا إني حامل
نادية بضحك: أيوة ما يمكن فعلا حامل أصل كل الأعراض اللي عندك بتدل إنك حامل
ندي: ماشي
_______________
"في المساء"
"في فيلا ليل الجرحي"
ليل: يلا يا غزل جهزتي؟؟
غزل من جوا: أيوة يا ليو بس بسرح شعري
ليل: طيب خلصي لحد ما أحضر العربية
غزل: ماشي يا ليو ... وليل حضر العربية وغزل سرحت شعرها وخلصت وراحوا ركبوا العربية واتجهوا الي السينما
ليل: بتعرفي تربطي حزام الامان ولا لا فاكرة المرة اللي فاتت لما أتقابلنا أول مرة
غزل بضحك: ااااه فاكرة هي دي حاجة تتنسي ساعتها فضلت تبرطم في الكلام وانا عملت نفسي مش واخدة بالي
ليل بحب: ياااه شوفي دلوقتي بقينا عاملين إزاي
غزل بحب: بقينا متجوزين وبنحب بعض
ليل بحب: واللي يقول غير كدا كداب ..... وقبل خدها وإتجهوا إلي السينما
_______________
"في السينما"
بعد ما الفيلم بدأ
ليل: إيه رأيك في الفيلم أنا أول ما لاقيته قلت هو دة وحجزت تذكتين فيه علي طول
غزل: بجددد الفيلم دة حلو اوي تحسه إنه بيشرح قصتنا
ليل: أهي البنت دي شبهك أوي بنفس تصرفاتك
غزل بضحك: أيوة فعلا شبهي ونفس تصرفاتي
ليل: طيب تعالي نركز في الفيلم ... وغزل سندت علي كتف ليل وفضلوا يتفرجوا على الفيلم
_______________
"في فيلا الأسيوطي"
ندي: خلاص قررت إني أعمل التيست دة يا ماما
نادية: طيب كويس تبقي عملتي اللي عليكي طلعتي حامل ألف مبروك مطلعتيش عادي يعني مش أخر الدنيا
ندي: طيب ماشي طيب مين اللي هيجيب التيست ... هنا مراد دخل
مراد: ندوش حبيبتي عايزة حاجة
ندي بزعل: أنت هتمشي؟؟
مراد: أيوة يا روحي بس هكلمك يعني ووقت ما تحبي تروحي أو عايزة حاجة كلميني
علي بضحك: مراد هو أنت ليه محسيني إنك سايب ندي في بيت غريب دة بيت أبوها
مراد بضحك: مش قصدي والله يا عمي بس مش عايز أسيب ندي لوحدها
ندي بحب: لا يا حبيبي أنا مش لوحدي لو عزت أروح هكلمك تيجي تأخدني
مراد: ماشي يا حبيبتي يلا عايزة حاجة
ندي: لا يا حبيبي شكرا ... ومراد قبّل رأسها ومشي وعلي راح عشان يوصله
ندي: مين هيجيب التيست يا ماما
نادية: عادي هخلي أي حد يجيبهولك عادي
ندي: طيب ماشي ... الفضول هيأكلني وأعرف أنا حامل ولا لا (والله يا ندي كلنا الفضول هيأكلنا إنتي حامل ولا لا😂😂)
نادية: طيب إنتي مقلتيش ليه لمراد علي الموضوع دة
ندي: عايزة أعملهالوا مفاجأة يعني لو حامل تبقي مفاجأة ولو مش حامل أبقي معشمتهوش علي الفاضي وكمان عايزة لما أقوله حاجة أبقى واثقة في كلامي
نادية: ماشي يا حبيبتي ... وأنا هخلي أي حد يجيبلك التيست وبالفعل نادية خلت حد يجيب تيست الحمل وندي عملت التيست
ندي بتوتر: مش عايزة أشوف خايفة
نادية بهدوء: متخافيش هتخافي من إيه يعني إفتحي التيست وشوفيه ..... وندي فتحت التيست ولقت الشرطتين بمعني إنها حامل
ندي بصدمة ممزوجة بفرحة: ........
نادية بفرحة: ........
بدل ماتدور وتبحث علي الروايات خليها علي تليفونك وحمل تطبيقنا
