رواية نور قلبي الفصل الرابع و العشرون بقلم نرمين هانى
الحلقه الرابعه والخامس والعشرون
ف النادى
يارا بدلع.......ها ياحبيبى هنعمل الخطوبه امتى
فارس بصدمه.......نعم خطوبة مين
يارا بدلع.........خطوبتنا طبعا يابيبى
فارس باستهبال...........هو احنا هنتخطب
يارا بفرح......ووووواووو احنا هنتجوز علطول انت عايز تعملى مفاجئه صح ونعمل الفرح علطول من غير خطوبه ييييس
فارس بزهول شديد........ياحزن الحزن طيب اقولها اى دى والنبى
على بضحك شديد........ههههههههههه قولها الفرح امتى وابقى اعزمنى والنبى
فارس بغيظ شديد.........انت هتستهبل ياحيوان هى ناقصه و ليارا بهدوء ودون قصد.....بص ياحببتى انتى الف واحد
تقاطعه يارا بفرح..........عااااااااا دا بيقولى حببتى
فارس بصدمه وزهول لما قاله............احييييه
على بضحك شديد........هههههههههههه جيت تكحلها عمتها هههههههههه
يالهوووووى ياجدعان هههههههه مش قادر
فارس وهو يضربه بغيظ.........امشى من هنا ياحيوان
على وهو يحاول السيطره على ضحكته........ﻻ سيبنى والنبى اتفرج مش هعمل صوت والله هقعد مؤدب
يارا بفرح.......ها الفرح امتى بقا
فارس وهو يحاول ان ﻻ يجرح مشاعﻻها........بصى هو انا
تقاطعه يارا........اووووبس دا معاد الكوافير دلوقت هكلمك بعدين باى يابيبى
فارس بسرعه......استنى بس اسمعى اى ولكنها مشيت بسرعه
فارس بغيظ وهو ينظر لعلى........عجبك كدا
على وهو يكتم ضحكته.....ههههههههه مش عارف تقولها كل شئ قسمه ونصيب بسيطه خالص اهى ههههههههه
فارس بغيظ...........هو انا لحقت اقول حاجه مش شايف
على بضحك...........هههههههههه ﻻ وكله كوم وحببتى كوم هههههههه حبيبك منين
فارس بغضب......جت كدا عشان مجرحش مشاعرها يامتخلف ومختش بالى اصﻻ
على بضحك......هههههههههه بس هى مصدقت وقفشت فيها هههههههه
فارس بغيظ.......اووووف منك لله ياجاسر
*****************************************
ف الشركه
جاسر بضيق.......انتى بتهزرى ياماما يعنى اى هنسافر بكره
امينه بخبث..........وفيها اى يعنى كلنا محتاجين نغير جو واهى فرصه نتجمع كلنا
جاسر بضيق.......بس ياماما الشغل اى
امينه بغضب مصتنع.........بﻻ شغل بﻻ زفت قولت هنسافر يعنى هنسافر مش كفايا مبقتش اعرف اشوفك تمشى بدرى وتيجى على النوم كل حياتك بقت شغل وبس احنا لينا حق عليك برضو
جاسر بتنهيده........خﻻص ماشى ياماما
امينه ببتسامه.........ونور تديها اجازه عشان هيجو معانا وهنقعد اسبوع
جاسر بغضب.........اسبوع ليه كل دا هو 3 ايام كفايا
امينه...........ماشى بس تديها اجازه وارحم البت شويه
جاسر بضيق........ماشى ياماما سﻻم
امينه.........سﻻم
*****************************************
ف الشركه
ياسمين وهى تتحدث فى الهاتف بصوت عالى نوعا ما حتى يسمعه مصطفى ............مش انا فسخت خطوبتى......
مصطفى بنتباه لما تقوله وابتسم فقد فهم ما تحاول فعله
ياسمين..........اه والله يابنتى الفلوس مش كل حاجه برضو ......اها ماشى سﻻم
مصطفى وهو يحاول بصعوبه منع ضحكته من الضهور........
مصطفى بحزن مصتنع........انتى فسختى خطوبتك معقول
ياسمين باستغراب لزعله فقد توقعت ان يفرح..........اه محصلش نصيب بس انت مالك زعﻻن كدا ليه انى فسخت
مصطفى باستغراب مصتنع.........هو ف حد يفرح ف فسخ الخطوبه برضو
ياسمين بغيظ..........اه عندك حق ولنفسها..........طيب اقوله اي دا معقول يكون حب حد تانى
مصطفى..........ياسمين
ياسمين بلهفه......نعم
مصطفى ............معلش الملف اللى قدامك دا
ياسمين بغضب...........اتفضل
مصطفى بابتسامه.........ههههههههه شكرا
ياسمين وهى تنظر له بغيظ ولنفسها..........غبى
*****************************************************************
جاسر وهو يضغط على الزرار............نور تعالى المكتب حاﻻ
نور.........حاضر اووووووف علله يقولى اعملى قهوه هضربه واللى يحصل يحصل
نور وهى تطرك الباب وتدخل.......ايوا
جاسر ببرود.........انتى من بكره اجازه لمدة 3 ايام
نور بفرح...........احلف
جاسر..........نعم
نور......احم ﻻ مفيش بس ليه يعنى
جاسر..........هنسافر كلنا نغير جو
نور باستغراب............كلنا مين
جاسر........كلنا اهلى واهلك
نور بأمل...........وانت هتقعد عشان الشغل مش كدا
جاسر ببرود.............ﻻ انا جاى وﻻ فى مانع
نور باحباط..........ﻻ مفيش
جاسر ...........تمام ياﻻ على مكتبك
نور بغيظ.......عنئذنك ولنفسها........حتى ف اﻻجازه ورايا اووووووف
*******************************************************
ف المستشفى
الدكتور بجديه...........ان شاء الله خمس ايام بالكتير واكتبلك على خروج
مازن وهو يرقد على سرير المرضى............ياريت يادكتور ولنفسه*واما اخرج هنتقم منهم بنفسى*
وبسرحان وهو يتذكر الحادثه بعد ان تحدث مع حامد ف الهاتف ليختفى
***فﻻش باك***
ف السياره
مازن وهو يقود سيارته بسرعه حتى ينفس عن غضبه.......غبى معرفش يخلص عليهم وبتوعد وهو يلقى الهاتف بغضب ...........بس انا هوريهم وبفزع وهو يرى السياره التى تأتى بتجاهه وﻻ يستطيع السيطره على السياره.......حااااااسب.........حاااااسب
*انت معايا يا مازن باشا*
يقولها الطبيب المعالج له
مازن بعد ان فاق من سرحانه........ايوا
الدكتور........عنئذنك
مازن.........اتفضل ولنفسه بشر......كلها كام يوم واخرجلكم واعرفكم مين هو مازن الهاشمى وبتفكير....... وﻻزم ادور على هايدى هتساعدنى كتير
*********************************************
تررررررررن ..........تررررررن
ايه وهى تفتح الباب وتنظر بصدمه..........عم صبحى
صبحى*جار ايه ف منزل ابيها*.............. ازيك يابنتى
ايه بقلق.......الحمد لله اتفضل
صبحى.........تشكرى ودخل المنزل
حنان وهى تخرج من المطبخ.............مين ياايه
ايه.............دا عم صبحى جارى ف بيت بابا
حنان ببتسامه.............اهﻻ بحضرتك
صبحى.........اهﻻ بيكى معلش جيت من غير معاد بس انا والله تعبت اووى عشان اوصلها
حنان..............ﻻ وﻻ يهمك عنئذنكو ....ودخلت حجرتها لتعطى لهم الحريه ف الحديث
صبحى........اتفضلى
ايه.........اتفضل اقعد يا عمو
صبحى وهو يجلس..............تسلمى يابنتى
ايه بقلق...........خير ياعمو بابا كويس مش كدا
صبحى......ابوكى تعبان يابنتى ونفسو يشوفك
ايه بخوف.............تعبان مالو
صبحى.......جالو جلطه
ايه بفزع......ايييه من اي ايه اللى حصل
صبحى.......اللى حصل ان.......
****فلاش باك****
منيره بخبث.......ها اتاكدت انى حبله ف الواد هتكتبلى البيت بقى بااسمى
فرغلى بفرح.......ومالو ما انتى هتبقى ام الواد
منيره ببتسامه.......تسلملى
وبعد ان تم كتابة البيت بيع وشراء لمنيره وقد نسى فرغلى امر بنته تماما بفرحته بالواد
منيره وهى تنظر للعقد بيدها.......اخيرا
ثم مسكت هاتفها وضغطتت على عدة ارقام
منيره بصوت واطى.....الو ياحبيبى خلاص خليته يكتب البيت بااسمى وصدق انى حامل وبضحك.......لولا انك بعتلى الدكتور ايااه وقاله انى حامل وف واد كمان مكنش صدق
فرغلى من خلفها بصدمه......اه يا واطيه يازباله بقى بتخونينى ومش حامل كمان
منيره بخضه وقد وقع الهاتف من يدها......فرغلى
فرغلى بزعيق وهو يمسك يدها بقوه.......اه فرغلى اللى مستغفلاه وخلتينى ارمى بنتى ف الشارع ياخاينه يازباله امشى اطلع بره
منيره بااستهزاء وهى تنزع يدها منه.......ههههههههه ضحكتنى البيت دا بااسمى ياحبيبى انت اللى تمشى تطلع بره وياريت تطلقنى قبل ما تمشى من هنا فاهم
فرغلى وهو يضع يده على قلبه بألم ويقع على الارض....... اااااه منك لله ياشيخه روحى منك لله
******باك*****
صبحى بحزن.......ومن ساعتها وهو ف السرير ولولا انى اتكلمت معاها وقولتلها تخليه ف الشقه كانت رمته ف الشارع
ايه بدموع شديده......معقول كل دا حصل لبابا
صبحى بهدوء.......بصى يابنتى انا عارف ان ابوكى اذاكى كتير بس برضو دا ابوكى وفى شده ومحتاجك وربنا وصانا ببرهم يابنتى ودا كان درس جامد ليه فسامحيه يابنتى وروحيله
ايه بدموع والم.......اكيد ثوانى هغير واجى معاك
ودخلت قاات لحنان الحوار الذى دار بينهم
حنان بهدوء......روحى يابنتى اقفى جمب ابوكى وربنا يشفيه يارب
ايه بحزن......يارب وسلمت عليها هى واسماء
وخرجت ذهبت مع العم صبحى بهدوء
************************************************
ف الشركه....
نور....يالا يابنتى عشان نمشى
ياسمين......ماشى يالا عشان اوصلك معايا
نور.....قشطه
وف سيارة ياسمين
ياسمين بضيق حكتلها اللى حصل مع مصطفى
نور بضحك.....ههههههههههه اكيد عرف اللى بتعمليه مصطفى ذكى
ياسمين.......يسلام لا معتقدش
نور.......انتى اصلا متأكده انك بتحبيه ولا مجرد اعجاب
ياسمين......واى الفرق بقى بين الاعجاب والحب
نور بجديه.......لا الفرق كبير طبعا الاعجاب احساس مؤقت لكن الحب احساس دائم
ياسمين بتركيز.......ازاى يعنى
نور بتوضيح...........الاعجاب انك تشوفى حاجه معينه تشدك ليها وتنبهرى بيها لغاية متلاقى احسن منها او غيرها وتسبيها عشان كدا احساس مؤقت.....انما الحب متعرفيش انتى بتحبى غير لما تحبى ...الحب اكتشاف مش طريقه....الاعجاب بيبقى ليه اسباب كتير انما الحب ملوش اى سبب غير انك عايزه تكونى مع الشخص دا تحت اى ظروف
ياسمين بتساءل......يعنى ممكن الاحساس بين الاتنين يبقى زى بعض يعنى ممكن تكونى معجبه بحاجه ويتهيألك انك بتحبيها والعكس انك بتحبى حاجه ويتهيألك انك معجبه بيها
نور بايجاب وهى تهز رأسها......اه طبعا بيحصل بس دا للى مش عارف هو بيحب ولا معجب ولو اعجاب هينسى انما لو حب استحاله ينسى او يكره .....الحب ياسو بيعيش جوانا مش بيموت حتى لو اصحابه ماتوا فاهمه
ياسمين.....ايوا فهمت ثانكس يانور ريحتينى ويالا ياانسه وصلنا هاتى الاجره بقى
نور وهى تنزل من السياره.......امشى يابت سلام
ياسمين بضحك.....سلاموز وانطلقت بالسياره وهى تفكر ف كلام نور وتطبقه على مصطفى
*****************************************************************
ف منزل ايه
طق.....طق....طق
منيره وهى تفتح الباب........اى اللى جابه يابت انتى هو انا ناقصه واحده خرصه كمان تيجى تعيش معايا ف بيتى
ايه بضيق......انا جايه اخد ابويا وامشى وسعى من وشى
منيره.......ياريت يااختى هتريحينى من قرفه والله
ايه وهى تنظر لها باشمئزاز وتدخل الغرفه لوالدها بهدوء
ايه وهى تنظر لوالدها بدموع.......بابا
فرغلى وهو يفتح عيونه بدهشه ......ايه انتى جيتى الحمد لله انى شوفتك يابنتى سامحينى انا عارف انى عذبتك كتير بس اهو اديكى شايفه ربنا انتقملك منى
ايه بدموع........انا مسمحاك وهاخدك من هنا انا قولت لعمى صبحى ووافق اننا نروح نقعد عندو وهشتغل لحد منجيب بيت لينا متقلقش ثم قالت بصوت عالى......عم صبحى
صبحى وهو يدخل عليهم......ايوا يابنتى
ايه.......تعالى ساعدنى والنبى ناخد بابا من هنا
صبحى .......من عنيا ثم اخذوا فرغلى وعند الباب
فرغلى بنظرة كره لمنيره......انتى طالق بالتلاته وبدعاء.....ربنا ينقم منك ياشيخه...ثم وذهبو لمنزل عم صبحى
***********************************************
ف صباح اليوم التالى
اسماء وهى تغلق الشنط وتقف على باب المنزل.......يالا ياماما والنبى انا خلصت اهو
حنان وهى تخرج.........ماشى بس نزلو الشنط يالا
اسماء بمرح..........نعم شنط اى اللى ننزلها مش فارس ومروان وجاسر جايين يشيلو بقا احنا بنات عائلات محترمات منشلش شنط
فارس وهو يدخل المنزل......محترمات انا ماشى ياعم
مروان وهو يمسك يده........شيل يابطل
فارس وهو يشيل شنطه اسماء........حاطه فيها زلط دى ولا اى
اسماء من خلفه.........اعمل بلقمتك يابابا وشيل وانت ساكت
فارس بغيظ وهو يحاول رمى الشنطه فوقها.......هرميها فوقك والله
اسماء وهى تجرى .......هههههه اسفين ياصلاح
فارس........مجنونه والله
نور وهى تنزل هى الاخرى......ها هنركب فين
امينه.......انتى وفارس واسماء وجاسر ف عربيه جاسر
فارس.....قشطه
امينه......وانا وحنان ونادين ف عربيه مروان
الكل........تمام
وكل واحد ركب عربيه وانطلقو.............
الفصل الخامس والعشرون من هنا
بدل ماتدور وتبحث علي الروايات خليها علي تليفونك وحمل تطبيقنا
