رواية نور قلبي الفصل الثالث و العشرون بقلم نرمين هانى
ف المستشفى
اسماء بمرح.......احنا هنبات هنا ولا اى ياجدعان ف مستقبل بيضيع هه مش واخده بالك ولا اى ياحنون
حنان بضحك.......هههههه لا واخده يا لمضه اما نشوف هتعملى ايه
اسماء بغمزه.......كل خير ان شاء الله
فارس بضحك.....ياخوفى يابدران
اسماء......خليك ف حالك ياعم انت
حنان وهى تقف......طيب يالا نروح احنا بقا
نور......ايوا يالا عشان الشغل بكره
جاسر.......اه ماانتى فرحانه بقا مش هكون هناك
نور بضحك.....هههههه انا لا خالص
اسماء بمرح........اوعى تفهمها صح
جاسر.....هههههههه لا متخفيش
حنان........انتو هتباتو هنا ولا هتخرجو
جاسر......لا بكره هخليهم يكتبولى على خروج احسن عشان محدش يشك ف حاجه
حنان......تمام.....وسلمو عليهم ومشيو
**************************************
مازن وهو يتحدث ف الهاتف بغضب........الخبر انتشر ف كل مكان ياحيوان والشرطه بتدور على اللى عمل كدا لازم تختفى اليومين دول انت فاهم
حامد بحيره........وانا هروح فين يعنى ياباشا
مازن بزعيق.......روح ف اى داهيه المهم تختفى نهائى لحد الموضوع ما يهدى شويه مفهوم
حامد..........انت تؤمر ياباشا
**************************************
ف منزل نور
اسماء وهى تدخل المنزل........ياااه اخيرا اما كان حتة اليوم
نور بتعب......فعلا كان يوم صعب
حنان......يالا لو عايزين تاكلو هاتو كلو وانتى ياايه دا بيتك يابنتى انتى مش غريبه
ايه بأحراج...........ربنا يخليكى ياطنط
اسماء.......اه احنا هنأكل عشان نعرف نذاكر والمعلومه تثبت
حنان وهى تدخل حجرتها..... ماشى تصبحو على خير
كلهم......وانتى من اهله
نور.....وانا كمان هنام ولاسماء....... خدى ايه بقا تنام معاكى على السرير
اسماء.......قشطات
ودخلت نور غرفتها
اسماء بضحك........يالا احنا بقى نأكل الواحد هفتان من الصبح انتى متعرفيش عملت اى ف مرات ابوكى قطعت نفسى
ايه بااستغراب......انتى روحتى عندنا
اسماء.....ايوان يالا بس نأكل وهحكيلك
ايه.......ماشى
********************************************
نور وهى نائمه على السرير.........هو انا خوفت عليه النهارده كدا ليه ومقدرتش اتحمل واغمى عليا وبسرحان.......مش معقول اكون حبيته بالسرعه دى وبعدين دا بارد و شايف نفسو وبتفكير......بس انا حصلى كدا لييه ممممم ممكن يكون عشان كنا مع بعض واحنا صغيرين وبتأكيد......اه اكيد هو كدا
وحاولت تقنع نفسها بهذا الكلام حتى غطت ف ثبات عميق
**********************************************
ف المستشفى
مروان........احم احم
جاسر وهو يرفع حاجبه.......عايز اى قول من الاخر
مروان ببتسامه خبيثه.......اللى حصل النهارده دا تسميه ايه
جاسر ببرود........هو اى اللى حصل
مروان.......اللى عملتو مع نور مش غريبه شويه
جاسر.......عادى انت ناسى ان والدتها موصيانى عليها
مروان بااستهزاء.......لا ياشيخ
جاسر.............ايوا امال هيكون ايه يعنى
مروان........وقعت ف حبها مثلا انت مشوفتش نفسك كنت عامل ازاى لما وقعت واغمى عليها
جاسر بغضب.........مروان شيل الكلام دا من دماغك دى تخاريف وكلها غلط ف غلط انا مش هحب تانى انسى
مروان بخبث.........انت حبيت مش لسه هتحب تفرق بس بتقاوح
جاسر..............لا بتهيئلك انت فاكر انى ممكن اسلم قلبى لبنت تانى تبقى غلطان انت ناسى اللى هايدى عملته فيا ولا اى
*****فلاش باك****
جاسر بغضب.......يعنى اى انتى اتجننتى
هايدى بدلع.......لا ياحبيبى بس انت كنت بالنسبالى واحد بيجبلى كل اللى عايزاه ومعاه فلوس عشان كدا وقفت على الخطوبه دلوقتى بقا افضل معاك ليه بعد ما باباك فلس كدا ومات بحسرته هفضل معاك على ايه يعنى
جاسر بصدمه.........ايه اللى بتقوليه دا وكلامك وحبك ليا دا كان اى
هايدى..........لعبه كنت بتسلى شويه وبعدين انا كنت هكمل معاك لو لسه زى ماانت بس وانت فقير كدا متلزمنيش
مازن باستهزاء وهو يتوجه نحوهم.........اى جاسر باشا مالو مصدوم كدا ليه هههههههه انت فاكر هتفضل معاك وانت كدا دا انت شويه ومش هتعرف تدخل المكان اللى انت فيه دلوقتى دا تانى
جاسر وهو يقوم يضربه بقوه..........اه ياحيوان انا هوريكم يازباله
مازن وهو لا يستطيع الدفاع عن نفسه فمازن امام جاسر لا يقارن بشئ
الامن وهو يمسك به ويبعده عنه ......يالا يااستاذ مينفعش كدا
مازن وهو يتالم ويمسحه وجهه الملئ بالدماء وبزعيق............ارمو الزباله دا بره
جاسر بغضب وهيجان شديد وهو يحاول الافلات منهم......... سبونى ماشى انا وانت والزمن طويل والله لدفعك تمن اللى عملته دا انت والزباله اللى معاك والله لوريك
*******باك******
مروان بقلق......جاسر
جاسر بالم.......كلهم واحد انا لايمكن احب تانى خلصنا بقى
مروان بتنهيده......براحتك ياصاحبى ولنفسه........نور هى اللى هترجعك زى ما كنت.. نظرة القلق اللى شوفتها ف عينك دا دليل على حبك ليها بس ياريت متضيعهاش من ايدك وترجع تندم يا صاحبى****
***********************************************
بعد مرور عدة اسابيع بسرعه على الجميع فقد بدأت الحياه ف الاستقرار مجددا لدى الجميع فقد انهت اسماء وايه وفارس امتحانتهم وف انتظار النتيجه اما جاسر ونور...........
***
ف الشركه.....
نور بغيظ وغضب.......اعملى قهوه يانور......هاتى ملفات ........عالى التكيف وبغضب......تكيف اى اللى اعليه يعنى انت ايدك هتتكهرب لو عليته بالرموت من جمك ....هو بيطلع غيظه فيا ولا اى
يقاطعها صوت جاسر وهو ينادى عليها.....
نور وهى تطرق الباب وتدخل
نور........افندم
جاسر ببرود.......اجلى اجتماع شركه كيتا لمعاد تانى
نور........تمام
جاسر ببرود........واعمليلى قهوه وياريت بسرعه
نور بغضب وهى تتجه نحوه.......انا مهندسه مش شغاله عندك مش كفايا انى وفقت اشتغل سكرتيره ايييه طلبات كل شويه حتى ف البيت بتدينى شغل اعملو كدا كتير انا عندى طاقه انت شايفنى اله قدامك انا انسانه علفكره وليا طاقه
جاسر ببرود وهو ينظر للورق امامه........القهوه وبسرعه
نظره نور له بعضب وذهبت من امامه وهى تضرب الارض بكعب حذائها غاضبه ولنفسه......بارد وغبى ومعندوش دم
اما هو فراقب حركتها طارقا على المكتب بقلمه تاركا الحريه لابتسامه هادئه على طفولتها
ولنفسه.......لسه طفله زى ماانتى عمرك ما هتتغيرى
************************************************
ف منزل نور
ايه بقلق وهى تهز قدمها بتوتر وتنظر للساعه بدقه ف انتظار ظهور النتيجه
اسماء بتوتر هى الاخرى ........اهدى بقا روشتى أمى ارحمينى انا ناقصه توتر
حنان وهى تتوجه نحوهم وتحتضنهم.......اهدو ياحبايبى نصيبكو هتاخدوه ان شاء الله متقلقوش ربنا عارف انتو تعبتو اد ايه الفتره اللى فاتت وان شاء الله ربنا هيكرمكو وتدخلو الكليه اللى عايزنها
اسماء ونور......يارب
حنان ......متقلقيش فارس قال هيجبهالكو
اسماء.......مهو انا مش قلقانه غير من كدا
حنان......ههههههههههه ليه بس
يقاطعها رن هاتف المنزل لتسرع اسماء وترد بلهفه
اسماء بلهفه.....الو
فارس باستهبال......ايوا مين
اسماء........انت بتستظرف جبت النتيجه ولا لا
فارس بصوت حزين........اه جبتها
اسماء بخوف وتوتر......ها وجبت ايه
فارس بهدوء.......انتى عارفه طبعا ان كل شئ قسمه ونصيب
اسماء وهى على وشك البكاء.....ايوا
صمت فارس ولم يرد لتتأكد ان مجموعها لم يدخلها تجاره حتى
اسماء ببكاء.........خلاص عرفت درجاتى وحشه مش كدا
فارس بضحك.........ههههههه وحشه ايه يامجنونه انتى جايبه 98.5 وايه98 وتقولى وحشه
اسماء بفرحه .........انت بتتكلم جد والنبى ياكابتن
فارس بضحك........اه والله عملتيها ازاى دى
اسماء بفرحه شديده وهى تغلق ف وجهه......عااااااااااااا هنجيب البالطو يا ماما
فارس وهى ينظر للهاتف بغيظ......ماشى بقى بتقفلى ف وشى طيب اما اشوفك
ايه وهى تصرخ بفرحه وهى تحتضنها وتقفز بسعاده.......هيييييييييييييييه عااااااااااااااااااااااا
حنان بضحك ودموع.......لولولولولولى الف مبروك ياحابيبى
اسماء وايه وهم يحتضنوها........الله يبارك فيكى ياحنون
حنان بتنهيدة فرح........الحمد لله
*************************************************************
ف الشركه
ف فترة البريك
نور.......اى يابت سرحانه ف اى
ياسمين بتنهيده.......ف اللى حصلى بس انتى عارفه انا ولا غلطانه ولا ندمانه انى سيبته
نور بانتباه.........مش فاهمه
ياسمين.......اقصد مش وحش ان الواحد يغلط ويحس بغلطته ...اوقات بسمع ناس بتقول انها مش بتندم خالص على حاجه عملتها بس انا بصراحه مش من الناس دى انا بغلط وبندم كتير ......ممكن اندم عشان اختيار غلط اختارته ...ممكن اندم عشان كلمه قولتها او حتى كلمه كان نفسى اقولها ومقولتهاش ومش شرط اندم عشان غلط ممكن اندم عشان دخلت حد ف حياتى واذانى وساعتها بندم اووى زى دلوقتى لما سبت مصطفى اللى بيحبنى بجد ودخلت واحد تانى ف حياتى دايما كان بيتريق على شكلى كان كل اللى يهمه المظهر بس ساعتها عرفت انى كنت غلط
نور........ وقررتى ايه
ياسمين.......قررت امشى ورا احساسى لاول مره من غير مااخوف نفسى قولت لنفسى هيحصل اى لازم اجرب ولما اجرب هعرف اقرر انا عايزه ايه بالظبط علشان لو مكنتش عملت كدا كان ممكن يجى اليوم اللى اندم فيه والوم نفسى واقول انا معملتش كدا ليه وحتى لو طلعت غلطانه مش مهم المهم انى جربت ومخوفتش انى اجرب المهم انى اديت نفسى فرصه اعرف حاجه جديده ف حياتى المهم انى مفضلتش واقفه زى منا وفاكره ان الانسان بفلوسه وشكله...اى حاجه انا عملتها وندمت عليها هى اللى هتعلم منها ف المستقبل وهيجى الوقت وهعرف ان اللى حصلى ده مكنش وحش زى ماانا فاكره واللى حصل كان فيه خير ويمكن ربنا بعدنى عن شر اكبر مكنتش واخده بالى منه وان الفرحه هتيجى لحد عندى بس صدقينى لو مكنتش اتخطبت وجربت كنت فضلت بنفس التفكير لحد دلوقتى
نور بسعاده.......اتغيرتى اوووى يا ياسمين
ياسمين بمرح........شوفتي بقيت اقول حكم اهو
نور.......بركاتك يامصطفى
ياسمين بغيظ.......مصطفى هو بيكلمنى كلمتين على بعض دا بقى بيتجاهلنى بشكل غريب
نور.......هههههه معلش بس قوليلى حددتى مشاعرك اتجاهه
ياسمين بحيره......لا مش عارفه
نور بغمزه......وشكله ولبسه
ياسمين بغيظ.......كان زمان بطلى رخامه بقا
نور.......ماشى هروح اشوف هولاكو بقا اللى احتمال اقتله قريب دا
ياسمين بضحك........ماشى ربنا معاكى
************************************************************
امينه بفرح وهى تتحدث ف الهاتف.......الف مليون مبروك لاسماء
حنان بسعاده......الله يبارك فيكى ياحببتى
امينه......اى رايك بقا نسافر بكره ونتلم كلنا كدا
حنان باستغراب ........بكره علطول كدا
امينه ببتسامه.........طبعا خلاص احنا اطمنا على نتايج العيال هنستنى ايه خلينا نغير جو بقا شويه
حنان ببتسامه .........خلاص ماشى نسافر بكره
امينه........تمام يالا سلام ياحببتى
حنان........مع السلامه
************************************************************
ف منزل فرغلى
فرغلى بتعب........انا عايز بنتى اطلبيها تيجى عايز اشوفها قبل مااموت
منيره...........هى ناقصه قرف بنتك اى انا مش فاضيه للهيافه دى عايزها روحلها انت
فرغلى...........الله ينتقم منك ياشيخه
**********************************************************
ف النادى
يارا بدلع......ها ياحبيبى هنعمل الخطوبه امتى
فارس بصدمه........نعم خطوبة مين
بدل ماتدور وتبحث علي الروايات خليها علي تليفونك وحمل تطبيقنا
