رواية حظ عاثر الجزء الثاني الفصل الخامس بقلم ليل ادم
ادهم : الحمد لله أكلنا وضحكنا و أتخانقنا وكل حاجه عملناها ممكن اعرف هنرجع البيت اذاي
جمال: شوف اخوك حماده اكيد عنده خطه بديله
حماده: وربنا ما عندي حاجه شوف سعيد
سعيد: خلاص تعالي نطلع بره يا ادهم نشوف عربيه نتفق معاها ترجعنا البيت
جمال: صح كده وانا كمان جاي معاكم ياله انت كمان يا حماده
حماده: ومين يقعد مع الحريم
جمال: حريم انت بتسمي طقم المعاشات اللي معانا ده حريم
ام أيمن: أتلم يا جمال يومك اسود شكله النهارده
جمال: يومي اسود من يوم ما عرفتك يا حربوقه انتي
ام أيمن: أنا حربوقه يانص راجل ياض دنتا تحمد ربنا اني قبلت اتجوز واحد شبهك
جمال: واحده أبوها كان تربي و أمها كانت بتبيع فجل عايز منها أي خليتك أنسانه واتجوزتك يا حتت رمه
ام أيمن : ايوه وانت أبوك كان مستشار وامك كانت في الكنيست يا عره الرجاله
أدهم: خلاص بقا ابوس أيدك وأيديها خلاص تعبنا منكم عايزين نغور من هنا
جمال:: نكمل في البيت يا حربوقه يابنت نبويه بتاعت الفجل
ادهم : علشان خاطري أمسحيها فيا
ام أيمن: والله مش هتكلم كده كده هطلق أول ما نرجع دا راجل لسانه ظفر
ادهم: طب خلاص امشي بقا (وخد جمال والشباب وخرج)
جمال : حد منكم معاه فلوس أنا كل اللي في جيبي ٤٠٠ جنيه
ادهم : ياعم أنا معايا فلوس
سعيد: وانا كمان معايا بتاع ألف جنيه
حماده: بتبصلي كده ليه يا جمال
جمال: ممعكش فلوس يابن الكئيبه
حماده: معايا أربعين جنيه وشريط دريملي و شريط سماح يا اهل السماح
جمال: اي ياض يا حماده سماح يا اهل السماح ده
حماده: ده الجبروت كله ده خبره السنين تيجي نشوف
ادهم : ياعم اسكت محدش ياخد حاجه تانيه علشان الكمين واحنا راجعين
حماده: افتح بوقك يا بابا
جمال: فخفخ علينا ( وخد حبايه وحماده كمان حبايه )
ادهم : لو سمحت ياسطا تنزلنا ____
السائق: مفيش مانع
ادهم : طب ياله ندخل معاه وناخد الحريم من جوه
السائق: بس لو حد معاه حاجه يرميها علشان وربنا الكمين بره كانس الطريق
ادهم : حماده سمعت
حماده: طب اي
جمال: هات البرشام
حماده: اهو
جمال: اسكت بقا خش ياسطا
في جانب آخر السائق وصل عند الشاطئ دخل ادهم وجمال علشان يخدو الحريم
جمال: افتحي شنطتك
ام أيمن: ليه
جمال: افتحي بس
ام أيمن: أهو
جمال: الكيس ده أمانه معاكي لحد ما نرجع البيت
ام أيمن. : في اي الكيس ده يا جمال
جمال: فلوس لقيتها بره اوعي حد يعرف
ام أيمن: يابن المرزقه مش هقول لحد بس النص بالنص
جمال: ماشي بس. اسكتي و اركبي
ام أيمن: ماشي يا اخويا
اثناء الطريق
حماده: أنا عطشان اوي
جمال: الحبايه دي معطشاني برضوه وحاسس اني مش مظبوط
حماده: وأنا
السائق: الكمين لسه وقف ربنا يستر
ظابط المباحث: (بص ل حماده) انت بتشتغل اي ياض
حماده: اي ياض اي اسمي حماده علبه
ظابط المباحث: بتشتغل اي يا حماده
حماده: باحث كيميائي ( وبيضحك هو و جمال)
ظابط المباحث: الله وانت يا حجوج بتشتغل اي
جمال: رائد فضاء في وكاله شعبان الحمش
ادهم :(فتح باب الميكروباص ونزل ) مساء الخير يا فندم
ظابط المباحث: وانت شغال اي ياعم الوسيم انت راخر
ادهم : أنا محامي
ظابط المباحث: ( بص ل ام أيمن) وانتي يا خالتي بتشتغلي اي
ام أيمن: يعني هبقا خالتك و هشتغل ( وضحك الجميع)
ادهم: يا بيه ممكن تخليك معايا بس حضرتك بتسأل بنشتغل اي ليه انت ليك تفتيش والبيه يشوف الرخصه
ظابط المباحث: والله ابدا أنزلي ياعم الباحث الكيميائي وانت ياعم الرائد
حماده: اوي اوي انزل
ظابط المباحث: انت مبلبع اي ياض
حماده: سماح يا اهل السماح
ظابط المباحث: ربنا أبدا مبلبع اي
حماده: ياعم بقولك سماح يا اهل السماح
ظابط المباحث: وربنا ما هحلك انت بتاعي النهارده واخد اي
حماده: هات ايدك
الظابط: اتفضل
حماده: وعهد الله واخد سماح يا اهل السماح
ظابط المباحث: اي سماح يا اهل السماح دي
حماده: هو في عالم يكشف اسرار أخترعاته
ظابط المباحث: وانت ياعم الرائد سماح يا اهل السماح ولا حاجه تانيه
جمال: أنا عطشان
رحاب : لو سمحت يا ريس
ظابط المباحث: اه كده كملت اتفضلي
رحاب : أنا رحاب حازم ابو الفضل بنت حازم بيه ابو الفضل
ظابط المباحث: (بص ل حماده) خدت معاك سماح يا اهل السماح
حماده: لا دي بنت ناس بجد ملهاش في البكش بتاعنا ده إنما بقا باقي العربية واخد دريملي وبروبوق وبالذات عم جمال ده العنتيل ده بقا اسطوره البرشام اخترع اي حاجه افتح بوقك يا بابا
جمال: اهو
حماده: شوفت
ادهم : يابني ابوس ايدك اسكت الله يكرمك
رحاب : حضرتك عايز اي الوقتي
ظابط المباحث: ممكن تتكلمي بأسلوب احسن من كده
رحاب: هو ده اسلوبي حضرتك عايز اي
ظابط المباحث: هات يابني الميكروباص على جمب عدي الطريق
ادهم: لا مفيش على جمب حضرتك عايز اي علشان عايزين نمشي
ظابط المباحث: تفتيش العربية كلها
ادهم : ماشي فتش
ام أيمن: (عماله تغمز ل جمال )
جمال: اي ياوليه
أم أيمن: ( بصوت واطي) الفلوس
جمال: خليها معاكي في اي فتش يا بيه
ظابط المباحث: والحريم كمان
ادهم : فتش ياعم يارب نخلص
ظابط المباحث: ( فتح كيس ام أيمن) اي ده
ام أيمن: فلوسي في اي
ظابط المباحث: اوعي طيب افتح اعرف جوه الكيس اي
ام أيمن: خد يا اخويا يارب نخلص
ظابط المباحث: (طلع من الكيس شريطين برشام) الله
ام أيمن: ينهار أبوك اسود
ظابط المباحث: لمي نفسك ياست انتي
ام أيمن: مش انت قصدي على الناقص جوزي
جمال: الحمد لله ظهر العدل
ظابط المباحث: اي البرشام ده كله يا وليه
حماده: ما هو ده سماح يا اهل السماح والتاني دريملي اتنين ملي
ظابط المباحث: الله اكبر اي الجمال ده انتو جايين منين
حماده: يعني شورت عم جمال ابو نخلتين ده ميوحيش أننا كنا في البحر
ظابط المباحث: انت بقا الباحث اللي مخترع الكلام ده
حماده: يابيه انت مكبر الموضوع ليه انت مش لقيت البرشام مع الكيس
ظابط المباحث: اه
حماده: خلاص خد الكيس أحبسه
ضحك الجميع ظابط المباحث أضايق جدا
في جانب آخر رحاب كانت كلمت والدها قالت لي كل حاجه
رحاب : بعد اذنك كلم
ظابط المباحث: مين ده
رحاب : بابا
ظابط المباحث: لا قولي لي بابا يجي قسم فايد (وخد الجميع على القسم)
ام أيمن: يا راجل يا عديم الضمير تضحك عليا وتديني كيس برشام وتقولي كيس فلوس
جمال: أنا عملت كده حسبي الله ونعم الوكيل فيكي يا حربوقه
حماده: ياجدعان بس بقا دماغي ورمت وربنا عطشان يا عمنا أقف عند اي كشك ابوس ايدك
ظابط المباحث: هو أنا شغال عند امك ياض اسكت بدال ما أنزل اقل منك
حماده: ياعم بقولك أقف عند الكشك أنا هدفع حق المياه أنا معايا أربعين جنيه
امين الشرطة: معلش يا ابراهيم بيه شكلها عائله مجنونه
ظابط المباحث: وربنا ل هعلمك الأدب يا عم الباحث انت
حماده: خلي بالك اللي بتتكلم معاه ده استاذ رياضيات كمان
ظابط المباحث: انت مدرس رياضيات دنتا عره
حماده: طب جرب اسأل كده اي سؤال
ظابط المباحث: خمسه على واحد فيها كام
حماده: خمسه على واحد مش رجوله ( وبيضحك بصوت عالي هو و الجميع)
ظابط المباحث: ( بص ل الأمين شافه بيضحك) بتضحك على اي انت كمان
حماده: (بصوت عالي) عطشاااااان
بعد الوصول إلى القسم
ظابط المباحث: أنا مش عايز الحريم خليها بره حتا الست دي بره
جمال: الله ازاي مش البرشام كان معاها
ظابط المباحث: لا يا خفيف البرشام كان بتاعك انت والباحث هات الاتنين دول جوه
ادهم: طب يا بيه
ظابط المباحث: بقولك اي خليك بره انت والراجل اللي معاك ده الاتنين دول بتوعي النهارده
حماده: طب وبكره
ظابط المباحث: ( ضرب حماده بالقلم ) يأخي اسكت بقا انت اي
حماده: وربنا ما هسكت على الظلم ده هاتلي اشرب يا ادهم ريقي ناشف
الظابط: هاتهم جوه العيال دي
جمال: عيال اي عيب عليك أنا اكبر من أبوك
حماده: حقك عليا يا عنتيل مش عارف قيمتك
ظابط المباحث: في راجل في السن بتاعك ده يلبس كده
جمال: حلو مش كده
ظابط المباحث: حلو بس لو في منه رجالي
بعد مرور نصف ساعة كان وصل حازم والد رحاب
حازم : في اي يا ادهم
ادهم : مفيش حصل ( وقال كل حاجه ل والد رحاب)
حازم : طب ثواني
ودخل القسم
باب مكتب ظابط المباحث بيخبط
ظابط المباحث: ادخل
الامين : ابراهيم بيه اتفضل ( و ساب الكارت على مكتب الظابط)
ظابط المباحث: قوله اتفضل
حازم : مساء الخير والله أنا مش عارف اقول لحضرتك اي ومحرج من الموقف جدا
الظابط: ولا يهمك يا حازم بيه تحت امرك لحسن الحظ اني معملتش محاضر ل حد منهم
حازم : العشم برضوه يا ابراهيم بيه
ظابط المباحث: ( بص ل حماده) عارف لولا تدخل حازم بيه وربنا ما كنت طلعتك من هنا
حماده: طب هات اشرب وبعدين نتكلم بموت
جمال: الله يخربيتك يا حماده دي كانت حبايه مهببه
ظابط المباحث: سامع يا حازم بيه
حازم : أنا آسف ل حضرتك جدا ياله بينا يا عم جمال ياله يا حماده نتكلم بره
حماده: اللي تشوفه يا حازم بيه ياله يا عنتيل
جمال: ياله ياعم الباحث
ظابط المباحث
بدل ماتدور وتبحث علي الروايات خليها علي تليفونك وحمل تطبيقنا
