 |
رواية حظ عاثر الجزء الثاني 2 الفصل الرابع 4 بقلم ليل ادم
جمال : البانيه كله رمله الله يحرقك يا حبيبه
حبيبه : اطفح هو انت كان فارق معاك
حماده: اخخ يا عنتيل
جمال: اي الأكل حراق
حماده: لأ ومن الحب ما قتل يا عنتيل
جمال: مش عارف بحبك على اي يا كلب البحر انت
حماده: بحر اه يا بحر شايف البحر حلو ازاي يا دومه
ادهم : حلو اي يا عره انت أنا. أول مره اشوف بحر لونه اسود وبعدين شوف القنديل أد اي القنديل طولك يا حماده
حماده: اه ماشاء الله القنديل كبير تيجي نجيب واحد يا عنتيل
جمال: هتعمل بي اي
حماده: هعملك عليه صنيه بطاطس بالقنديل
الأم: مينفعش يابن العبيطه القنديل مينفعش إلا مقلي
حماده: خلاص نقليه وكده كده معانا نجلاء الشرشابي
ام أيمن: نجلاء الشرشابي دي تبقا امك
جمال: أبعتهاله
حماده: خلي بالك امي فاقده النطق بس بتسمع
سعيد: انت عملت فيها اي يا حماده كانت حلوه الله يحرقك
حماده: في ليله شتاء من ليالي يوليو البارده كنت راجع البيت سقعان جدا دخلت البيت في الحاديه عشره إلا عشره ونص وجدت أمي قاعده على طرف السرير
جمال: كانت هطير ولا اي
حماده: طلبت مني أن أصنع لها برشامه تظبط معاها الدوامه عملت برشامه أسمها الصمت لغه العظماء تخليك بارد قاعد مش عايز تتكلم حاسس انك فخم في نفسك كده اه والله يا عنتيل بص على امي كده قاعده كلها فخامة ازاي
ام أيمن: وبعدين يا منيل اتكلم
حماده: دخلت قولتلها خدي ياما ومن ساعتها وهيا مش عايزه تقولي البرشامه حلوه ولا لأ
الأم: ما اكيد حلوه يابن العبيطه مش شايف امك من العظمه عامله ازاي
رحاب: على فكره يا جماعه حماده بيكدب أصلا يوليو ده شهر سبعه عز الحر ليله شتاء اي
ادهم : صحيح يا حماده كنت بردان في شهر سبعه ازاي يابن الهبله
حماده: منا كنت مبرشم
جمال: قوم ياض قوم شغل اغنيه انا بعشق البحر بتاعه محمد فؤاد الاغنيه دي مني ليكي يا حبيبه
حبيبه: حبيبي يا مروقني كلام بس
حماده: ياعم أصلا انا بعشق البحر دي بتاعت محمد هنيدي دنت معلوماتك ضائعه
جمال: تعالي ندور عليها
سعيد: فين يا عنتيل
جمال: اخاف اقولك تزعل أبعتهاله
حماده: خودها يا سعيد ( وشغل السماعه على اغنيه اخواتي وبدأ الجميع في الرقص والغناء)
حماده: افرح يابن الكئيبه مالك
ادهم : هنمشي من هنا ازاي يا عم زفت السواق سبنا
حماده: يعني انت قلقان
ادهم : اه
حماده: الآن نقدم لكم افتح بوقك أبابا ( وبدء في توزيع الدريملي من تاني على الجميع)
جمال: حبيبي يا متربي
حماده: ( طلع من جيبه زجاجه ودلق منها في بوق جمال )
جمال: كمان بروبوق اتنين بوق
حماده: أبلع يا عنتيل
جمال: ( جري على البحر ) أنا الموحوح أنا العنتيل
راح ادهم و حماده وسعيد رفعوا جمال رموه في البحر نزل على دماغه اغما عليه
حماده: ( بصوت عالي) قوم يا موحوح قوم يا عنتيل
ادهم : هنعمل اي
منقذ الشاطئ: مستشفى الشاطئ هناك اهي روح بي ليكون رقبته انكسرت
ادهم : ارفع يا حماده
حماده: لا أنا هاخد السماعه ارفع معاه يا سعيد
وفعلاً خد الجميع مع جمال الي المستشفي وحماده معاه السماعه شغاله على اغنيه اخواتي نسي يقفلها
الدكتور: ماله ده
ادهم : وقع على دماغه
الدكتور: مش سامع
حماده: وقع على دماغه يا دكتور بنقولك انت عامل زاي أمي ليه كده
الدكتور: يابني اقفل الزفت ده اخوتك اي وزفت اي
حماده: الله يسامحك كله يهون لجل العنتيل
ادهم : وقع على دماغه يا دكتور
الدكتور: طب ده عايز اشاعه على المخ
ام أيمن: يا اخويا طب ما تديله إلا هو عايزه الله يكرمك
الدكتور: يا مدام اديله اي بقولك عايز اشاعه روح بي مستشفى فايد
حماده: فين دي
الدكتور: أطلع من الشاطئ امشي على نفس الطريقة ٣٠٠ متر من هنا
حماده: نطلع من الشاطئ اي مينفعش خلي عندك نخده آخر النهار طيب
ادهم : خلي اي يازفت انت ارفع يا سعيد معايا
حماده: (شغل السماعه من تاني وبصوت عالي) ربنا يصبرني على فراقك يا موحوح
ام أيمن: طب هنعمل اي هنمشي بي ٣٠٠ متر
ام سعيد: هنعمل اي يا حبيبه
ام أيمن: بقولك اي يا حماده اديله اي حاجه بيحب البرشام بتاعك يمكن يفوق
حماده: أديله اي
ام أيمن: اي حاجه ياعم مجدي يعقوب
حماده: مفيش غير البروبوق آخر حاجه عندي ونرمي في البحر يمكن يفوق
سعيد: طب ما نرمي من غير بروبوق يا حماده
حماده: ياعم اي حاجه بس بسرعه علشان لو قلبه وقف محدش هيقدر يزق فينا
ادهم : على الله أن شاء الله ارمي ياسعيد
وقع جمال في المياه
سعيد: هو مش بيتحرك ليه
حماده: (بصوت عالي) فوق يا موحوح الله يهديك
جمال : ( فاق مخضوض) في اي أنا فين
حماده:( قاعد على ركبه في الأرض) ربنا استجاب دعواتي يا عنتيل كنت هتموت يا معلمي
جمال: وربنا منا قاعد معاكم يا شويه مجانين ( وقام يلبس هدومه وبدأ الجميع في تهدئة جمال)
ادهم : خلاص بقا ياعم جمال معلش علشان خاطري اقلع وصلي على النبي
جمال: لا مش هقلع أنا ماشي الواد ابن الكلب وقعني على رقابتي
أم أيمن: خلاص يا چيمي بقا العيال بتقولك اقلع وصلي على النبي اسمع كلامهم خلينا نقعد ب ركب امك دي
جمال: مالها ركبي يابنت نبويه بتاعت الأنابيب يا وليه يا خنشوره ياللي محدش قعد معاكي خمس دقائق يربكي
ام أيمن: ياراجل يا ناقص أنا محدش رباني ولا انت اللي لسانك متبري منك وربنا منا قاعده فيها
حماده: يا جماعه دا شطان دخل بينكم اهدا يا موحوح مينفعش كده يا موحوحه
ام أيمن: أنا موحوحه بابن العبيطه ياللي محدش رباك
حماده: سيبي شعري يا وليه
ادهم : خلاص ياجماعه بقا عيب كده مينفعش الناس كلها بتضحك علينا
ام أيمن: لسانه ميجيش على لساني
جمال: لساني يجي على لسانك شوف القرف بقولك وليه ناقصه
ام سعيد: خلاص بقا انتوا الاتنين اي شغل العيال ده
جمال: أنا هقلع بس علشان العيال إنما لما نرجع البيت يحلها معاكي ربنا
ام أيمن: ( رنت الضحكه) شيله يابيت بيت اي يابو بيت
جمال: ياعم الوليه بتردحلي سيب البنطلون يا حماده
حماده: خلاص بقا يامو ايمن الله يحرقك
ادهم : معلش يا عنتيل حقك عليا خلاص يام ايمن معلش
ام أيمن: خلاص والله هسكت
جمال: (قرب من ودن حماده) أنا جعان
حماده: بس كده
ام أيمن: هو عايز اي
حماده: بيقولي جعان
ام أيمن: هاتي المكرونه يا ايمان اغرفله يطفح
جمال: شوف الوليه
ام أيمن: خد الاكل اهو
جمال: تسلم ايدك
ام أيمن: تسلم يا اخويا
حماده: ياجدعان وكتاب الله العشق الاسواد
جمال: اسود على دماغك يا بعيد
بدل ماتدور وتبحث علي الروايات خليها علي تليفونك وحمل تطبيقنا
