رواية حظ عاثر الجزء الثاني الفصل الثامن عشر والاخير بقلم ليل ادم
استاذ سمير: والوقتي موعدنا مع كلمه المخترع صاحب العقلية الفذة استاذ محمد صادق
ادهم : قوم يا حماده
حماده: هيا الورقه فين
ادهم : يتخربيت امك هيا ضاعت
حماده: شكلي كده
استاذ سمير: استاذ محمد
حماده: أنا اهو
استاذ سمير: اتفضل
ادهم : روح يا حماده روح ربنا يستر
حماده: مساء الخير أنا محمد صادق بين قوسين حماده علبه الحقيقة لحد ما شهرين بس كنت حماده علبه عادي أنما الوقتي بقيت استاذ محمد صادق الممتع في الموضوع اني وصلت بعد أد اي بقا دي مش قصه المهم اني في الاخر وصلت والنجاح في مصر صعب اوي بالذات لو كنت بتعمل حاجه مفيده و تنفع الناس أكتر حاجه ماشيه في مصر وبتنجح بسرعه هيا التفاهه أنا لما نشرت فيديوهات الروبوت اللي كنت عامله واكيد حضرتكم شوفتوا الفيديو كان قصدي الناس تشوف شوكت تضحك ويبتدي الكل ينبسط و أكون يوتيوبر كبير خصوصاً أن دلوقتي مش شرط. يكون معاك مؤهل عالي أو يكون معاك لغه خالص المهم يكون معاك تليفون بيصور وتعمل اي حاجه تافهه لحد ما تتشهر. وتركب عربيه أخر موديل و تمشي تدوس على الناس بيها مش بس كده لأ وتطلع في التلفزيون وتمسك فلوس عمرك ما كنت تحلم بيها في عز ما الدكتور والاستاذ والمهندس والعالم مش لاقين ياكلوا وصلنا لمرحلة انك ممكن تقعد على جمب تاكل سندوتش ترجع البيت تلاقي نفسك طالع تريند ومكتوب على صورتك كلام سخيف والناس عماله تضحك عليك وصلنا لمرحله الأب بنته تقوله الشارع اللي وراه علشان خاطر يمسك فلوس. وصلنا ل زمن الراجل يصور مراته وهيا بتمسح وتكنس ويقول روتين مراتي اليومي من أجل الفلوس وصلنا ل زمن البنت بتستنا يوم التخرج علشان ترقص قصاد الناس بكل قله كرامه و رخص وقله دين علشان بس تطلع تريند وصلنا ل زمن بقينا في أقل الشعوب التافهه يتكرم والعالم عربيته البسيطه تعطل على الدائري ونسخر منه وصلنا ل زمن ولا بلاش اقول اكتر من كده الحقيقة أن مصر بقيت عبارة عن صفين الصف الأول دول صفوه الصفوه الناس الجامده اللي مفيش منها والصف التاني أحنا المستوى المتدني في اخر الكوكب إحنا نموت علشان الصفوه تعيش إحنا نتعب علشان الصفوه تترقا وتمسك مناصب مرموقة إحنا ناخد ساعات في الشغل اكتر علشان هما يركبوا عربيات موديل السنه إحنا نعاني في الحياه علشان هما يتنعموا فيها ومع كل ده لسه في ناس قادره تنجح وقادره تتعايش مع الوضع بس مش النجاح اللي في دماغك مش النجاح اللي هو خلاص معايا فلوس طرش لا خالص النجاح في مصر هو انك تقدر تعدي اليوم من غير ما تمد ايدك من غير ما تحوجك اهل بيتك ل حد النجاح في مصر انك تنام ومعاك في جيبك فلوس مواصلات الشغل تاني يوم النجاح في مصر انك تقفل بابك بليل وعيالك مبسوطه وفي أمان ساعت بقول في نفسي المفروض المواطن المصري بعد آخر اليوم يكون في واحد واقف جمبه قبل ما ينام يلبس أكليل ورد ونعمله حفله كمان انت متخيل ده عمل اي دا قدر يعيش يوم كامل في مصر ام الدنيا واللي منها عارف أن دمي تقيل بس والله غصب عني استاذ سمير و استاذ ادهم و استاذ سعيد وكذالك العنتيل ضغطوا عليا أطلع أقول الكلمه بتاعتي وأنا فايق من غير ما اكون واخد حاجه أنما بقا لو كنت واخد حاجه من بتاعتي كان زمان القاعه كلها ماتت من الضحك
بدأ الجميع في التصفيق الحار
جمال : اشمعنا مقالش الاستاذ عنتيل زاي ما قال استاذ ادهم وأستاذ سعيد
ادهم : هو بجد اللي كان بيتكلم ده حماده
سعيد: سبني علشان وربنا لسه مش مستوعب اللي حصل
ادهم : استنا اهو جاي هناك اهو
جمال: قولتلك سيبه ياخد دريملي أدينا هنتحبس اهو
ادهم : ياعم والله حتا لو هنتحبس بس أنا مبسوط من حماده اوي
حماده: قبل ما حد يتكلم قولتلكم أنا مينفعش اتكلم كده لازم أكون متخدر
سعيد: بالعكس والله يا حماده احنا فرحانين بيك اوي و اي نتيجة هتحصل مش فارقه
ادهم : حتا لو الشركه هتلاغي كل حاجه وتاخد فلوسها مفيش مانع
حماده: ياعم لا فلوس اي أنا نفسي أكل الخروف اللي جوه حمام وبط ومحشي ده
ادهم : في الجنه يا حبيبي أن شاء الله ( وبيضحك)
استاذ سمير: مساء الخير كنت رائع يا استاذ حماده
حماده: ربنا يخليك يا استاذ سمير
استاذ سمير: اتفضل
ادهم : اي ده
استاذ سمير: بما انك مدير أعمال مستر حماده احنا كده وفينا كل شروط العقد القديم و الشيك ده باقي حساب مستر حماده نتقابل في عقد جديد أن شاء الله وفرحت بالتعامل معاكم جدا
ادهم : الحمد لله إحنا اللي مبسوطين بمعرفة حد زاي حضرتك
استاذ سمير: بعد اذنكم
جمال: أنا عايز أمشي ياعم انت وهو الحفله دي تخنق
ادهم : ( حط الشيك في جيبه ) ياله بينا نطلع الفلوووووووس
حماده: هاكل الخروف
سعيد: المنطقة كلها هتاكل معانا كمان
جمال: أنا عايز ازرع شعري
ادهم : شوف الحريم اللي هناك دي يا جمال
جمال : ( جري عليهم وبصوت عالي) نسوان يا علبه
علبه : اجري يا عنتيل
من الفرحه رجعوا البيت جري من غير العربيه بتاعت أدهم ومع وصلهم البيت طلع أدهم شنط الفلوس وكان الكل مبسوط جدا
ادهم : رحاب الشيك ده حافظي عليه بدال ما يضيع في مولد سيدي عباطه اللي أمي عامله ده
رحاب: هات
ورجع ادهم للاحتفال فتحت رحاب الشيك واتصدمت لما عرفت المبلغ المكتوب في
رحاب : ( بصوت عالي) بس
الجميع: اي في اي
رحاب : هو حد منكم شاف الرقم اللي مكتوب في الشيك
ادهم : مش مهم حتا لو ضحكوا علينا معانا فلوس كتير نعيش بيها طول عمرنا احنا معانا تلاته مليون دولار
رحاب : الشيك مكتوب فيه خمسين مليون دولار
حماده: أياكش يكون مكتوب في خمسين جنيه حتا اللي معانا كفايه
ادهم : اهدا ياعم الاهبل انت وريني كده
ومسك ادهم الشيك تأكد من الرقم اللي مكتوب وفعلاً تأكد أن الشيك مكتوب في خمسين مليون دولار
ادهم : ( مد ايده خد شريط الدريملي من حماده وخد حبيتين )
ادهم : (وبصوت عالي) بحبك يا شوووووووووكت
تمت
انتهت احداث الرواية نتمنى ان تكون نالت اعجابكم وبأنتظار اراؤكم فى التعليقات وشكر
لزيارة عالم روايات سكير هوم
لمتابعة روايات سكيرهوم زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
