رواية مايخبئه لنا القدر الفصل الثامن عشر بقلم زينب رشدى
#ما_يخبئه_لنا_القدر
#البارت_الثامن_عشر
نزل عمر وكلم ادم يروح معاه المستشفى واول لما وصل دخل على مكتب هيثم
عمر بغضب:خير ي دكتور في اي
هيثم بتوتر:ملك كويسه؟
عمر بعصبيه:في اي ي دكتور مكلمنى يوم صباحيتى تقولى ملك عامله اي واوعى تكون قربتلها وبعدين تقولى تعالي بسرعة من غير ما تقولها هو في اي
ادم: اهدي ي عمر بقا
عمر: اهدي اي مش سامع
اسعد دخل: انا هفهم حضرتك كل حاجه
عمر بنفاذ صبر: ياريت
اسعد: مدام ملك من اول لما بدات علاج كان تحاليلها مش طبيعيه كان المعدل بيزيد بطريقه غريبه وبتخف بسرعه
ادم: واي المشكله
اسعد: المشكله ان كانت حالتها متاخره يعني مش طبيعي ان المعدل يترفع زيها زي عمر اللى حالته كويسه المهم انا قولت ل هيثم وفضلنا نبحث الموضوع موصلناش لحل قولنا معجزه و إراده ربنا
عمر: تمام وهي خفت اي الجديد بقا
هيثم: من فتره لما جات تعمل التحاليل عرفنا ان المرض ممشيش وللاسف رجعت زي الاول واكتر ومينفعش كمان علاج اول لما عرفت فضلت تصرخ وتبكى واغمى عليها ولما فاقت رفضت ان حد يعرف منكم وانها تكمل الفرح حتى لو هتموت وانا وعدتها ان مش هقول لحد
اسعد: بس انا حظرته ان مينفعش تتجوز وانها على الاقل تفضل هنا بس خدت بالى ان لو قعدت هنا ومكملتش الفرح وبعدت عن عمر هيحصلها حاجه هي كانت عايزه تفرح وتفرح اللى حواليها
ادم بصدمه: يعني اي اختى لسه مريضه اختى ممكن تمو'ت اختى اليوم اللى كانت جايه في منهاره كان بسبب انها عرفت انها لسه تعبانه اختى طول الفتره بتتقرب مننا عشان تشبع مننا اختى كانت موجوعه ومحدش جنبها اختى كانت بتتالم ومحدش حاسس كانت بتضحي عشانا انت بتقول انها بعد ما اخدت العلاج و خفت رجع تاني و الامل راح
اسعد: الامل ميروحش انا بعت كل التقارير لدكتور شاطر جدا برا مصر ومفيش مريض مخفش من تحت ايده واخدنا معاد بعد اسبوع بعد ما عرف حالتها
ادم بدموع:العمليه مش خطر؟
هيثم:انا قولت ل ملك ان نسبه النجاح قليله وهي مصممه تعملها حتى لو هت'موت
ادم: يبقي بلاش منها ولا اي رايك ي عمر
عمر مكنش سامع كلامهم ولا شايفهم من كتر غيمه الدموع اللى بتنزل بصمت وهو بيتخيل انها هتروح منه وهو مش عارف يعمل اي بيتخيل وجهها اللى حاولت تخبيه عشان ميحسش ويكمل الجواز عرف ليه مكنتش تمانع قربه ولا تتكسف تبادله عرف اصرارها انها امه تقعد معاه عرف سبب توترها وتعبها وبكائها وكل حاجه كانت واحده بس هو مكنتش عايز يصدق صوت بكائه على اكتر لما افتكر ان ممكن يتحرم منها
هيثم بحزن: اهدي ي عمر عشان نعرف نفكر
عمر ببكاء زي الاطفال: هتروح مني ملك كل حياتى بقت كل حياتى حرفيا هتسبني بعد ما اتعود عليها بقت امى واختى وحبيبتى ومراتى وكل ما ليا مستحيل تسبني هروح وراها والله ما هستحمل
ادم حضنه وفضلوا يبكوا فتره طويله وهيثم واقف بعيد مش عارف يعمل اي
اسعد: انا عارف ان الموضوع صعب بس لازم تكون اقوياء عشانها وتقفوا جنبها وتفكروا هتعملوا اي
هيثم: عمر مش لازم تضعف عشان ملك؛ ملك عمرها ما ضعفت في وسط تعبها عشانكم كانت بتتالم بس تضحك قدامكم عشان متتوجعوش بسببها ودلوقتى لازم ترد اللى عملته
عمر: مضعفش ازاي انا اتكسرت ي دكتور اللى كان يقوينى وقع ملك طول ما هي جنبي وكويسه كانت مصدر قوتى بس دلوقتي
اسعد: دلوقتي هي لسه جنبك ولازم تساعدها عشان تبقي كويسه
ادم: اي العمل
اسعد: نعمل العمليه اصل بحالتها دي سورى هتتعب لحد ما
عمر بدموع: متقولهاش مش هت'موت
هيثم: عمر ساعدنا ملك لازم تبقي حالتها النفسية كويسه الفتره دي وتاخد الادويه بانتظام لحد يوم العمليه
ادم: تبقى هنا طيب
اسعد: لا انا شايف انها هتبقى احسن جنب عمر هي عايزه تقعد جنب اللى بتحبهم هنا هتتعب اكتر
عمر: يلا ي ادم انا عايزه امشي
ابعتلى كل الادويه والمعلومات ي دكتور وانا هبقي معاها
ادم: هتعمل العمليه ونسبه النجاح صغيره
عمر: طالما عايزه كده هعمله يلا عشان مش قادر اقعد اكتر من كده
ركبوا العربية وكل واحد شارد لحد ما اتكلم عمر
عمر: مش عايز حد يعرف ولا حتى ملك
ادم باستغراب: يعني ايه
عمر: ملك قويه لحد دلوقتي ومكمله علاج عشان أحنا منحسش
ادم بتنهيده: حاضر
وصل عمر البيت واول لما دخل وشافها نايمه دموعه نزلت غصب عنه فضل واقف جنبه بيحفظ ملامحها وبيفكر انها اول لما بقت مراته وملكه هيتحرم منها فضل وقت كبير جنبها لحد ما صحيت
ملك بنوم: جيت امتى
عمر: من ساعتين ومحبتش اصحيكى
ملك: ليه ي حبيبى كنت صحتنى
عمر: محبتش ازعجك فضلت احفظ ملامحك
ملك اتعدلت: قولى بقا كنت فين من اول يوم تخونى كده
عمر بحب: عمر عيونى ما تشوف غيرك انتى هتفضلى فى قلبى مهما حصل
ملك: اومال كنت فين ي استاذ الكلام الحلو مش هينسينى
عمر: مع اخوكي الرخم
ملك: ادم حبيبي عملك اي
عمر: بيرخم زي ما انتى عارفه وبوظ الشغل بس اتحلت الحمدلله
قطع كلامه تلفونه
عمر: اخوكي هيكمل رخامه
ملك: انا هرد عليه
ازيك ي دومى
ادم: وحشتيني ي قلبى
ملك: اي ده اول مره متتعصبش من دومى
ادم: قولى اللى انتى عايزاه
ملك: لا ده الجواز طلع بمصلحه
ادم: انتى عامله اي ي حبيبتي
ملك: الحمدلله ي حبيبي مزعل جوزى ليه
ادم: هو جوزك حد يقدر يزعله
ملك: هههه ممكن
ادم: طيب ي حبيبتى انا قولت اطمن عليكى احنا هنجيلك بليل
ملك: تنوروا ي حبيبى يلا باااى
عمر: في اي
ملك: شكله زعلان هو فى حاجه حصلت
عمر: لا مفيش ممكن يكون عشان انك بعيدة عنه ولا حاجه معرفش لو مكنتش سكنت جنبهم كان عمل اي
ملك: ما تكلم مامتك ي عمر خليها تيجي تقعد معانا
عمر: قالت يومين ي حبيبتى مش دلوقتي
ملك: طيب هقوم اجهزلك الاكل
عمر نام فى حضنها: لا ي حبيبتى انا هطلب من برا انا عايزه ابقى فى حضنك متحركش منه
ملك: وانا كمان
عمر بدموع: انا بحبك اوى ي ملك انتى غيرتينى بجد خلتنى احب الحياه كنت شخص انطوائي بسببك بقيت اتكلم واخرج واصاحب بس عارفه انا كل ده مش بيهمنى مش عايز شغل ولا ناس عايز ابقي في حضنك بس عايز افضل جنبك طول العمر
ملك وهي بتملس على شعره: وانا كمان بعشقك ي عمر محبتش في حياتى قدك بقيت اخويا وصاحبى وحبيبى وجوزى وكل ما ليا ملك اللى كانت بتحب الناس والصحاب والخروج مبقتش تحب غير انها تقعد جنبك ياريت كنت عرفتك من زمان عايزاك توعدنى انك دايما بخير
عمر بعد: اوعدينى انتى انك متسبنيش
ملك سكتت:....
عمر:مش هسمحلك تبعدى بعدك معناه نهايتى
ملك:بعد الشر عليك ثم اكملت بمرح طيب وذمتك دي صباحيه عروسه اوعى كده اسخن الاكل اللى جيبينه ولا اقولك كلم آدم يجي دلوقتي هو بابا وماما وكلم مامتك برضو تيجي ناكل سوا
عمر بضيق: اي ده احنا عرايس هتعمليلى عزومات انا عايزك ليا لوحدي
ملك: عشان خاطري
عمر: طيب هكلمهم وهحضر معاكى كمان
تسريع الاحداث وصلوا اهلهم البيت واتغدوا سوا وملك قعدت مع امها ومامته
ملك: انا والله كويسه
عائشة: انا مش عارفه ازاي عروسه تصمم تعزم اهلها يوم الصباحيه
اسماء: قوليلها
عائشه: اقول اي بس انا هروح اشوف عمر
اسماء بقلق: ملك ي حبيبتى انتى كويسه تعبانه ولا حاجه
ملك: انا كويسه ي ماما بس ضميرى مأنبنى عشان مانعه عمر من حقوقه
اسماء: احسن ما تتعبى وكويس انه تفهم انك مكسوفه
ملك: بس
اسماء بمقاطعه: مبسش مكنتيش ي ختى عملتى فرح اصلا ملك اوعي تعملي حاجه انا عرفاكى
ملك: حاضر
اسماء: كلمتى هيثم
ملك: لا بس بعتلى رساله بيقولى العمليه بعد اسبوع وبعتلى التعلميات
اسماء: ربنا يستر يلا نقعد معاهم برا
وعند ادم وعمر
ادم بعصبيه: يعني اي
عمر: يعني هسفرها ي ادم لو فاضل يومين على العمليه هسفرها ملك بتعشق البحر وانا عايز احسن حالتها التفسيه وافرحها شويه وابقى جنبها
ادم: افرض تعبت
عمر: اكيد مش هأذيها اصلا انا مش عارفه ازاي قدرت تخبى عنى كل ده يعني مفكرتش هتقولى اي يوم العمليه كانت قالتلى حتى اقف معاها
ادم: محبتش تضايق حد المهم متتاخرش هناك يومين ي عمر عشان خاطري
عمر: حاضر احجز انت بس وجهز كل حاجه
عائشه: ولا ي عمر انت وافقت ان مراتك تعزمنا كده عادي
عمر: انا مقدرش ارفضلها طلب
ايمن: انا قولتلك حطها في عنيك اااه بس مش كده
ملك: بتسخنوا جوزى عليا
ادم: هو حد قادر عليكم
ملك: اعوذ بالله الله اكبر
عمر اخدها في حضنه: قولتلك رخم
اسماء: خلاص نمشي ونسيبكم لوحدكم كفايه كده
ملك: خليكم شويه
عائشة: ما تسكتى ي بت ناقص تقولى نبات معاكى
ملك: ياريت
ادم: في اي ي ملوك هو بيعذبك ولا اي
ملك: تصدق رخم زي ما قال
وبعد كلام كتير مشيوا وملك فضلت فى الحمام زعلانه على شعرها اللى رجع يوقع تانى واضطرت تقصه عشان عمر مايخدش باله مع ان بيحبه طويل غيرت هدومها وطلعت اخدت علاجها وشويه ودخل عمر
عمر: عملك مفاجأة
ملك: مفاجأة اي
عمر: هنسافر الساحل نقضي شهر العسل عشان عارفك بتحبى البحر
ملك بفرحه: بجد ثم تذكرت عمليتها ملهاش لزوم ي عمر. خلينا هنا احسن
عمر: ابدا هنسافر يعني هنسافر وكمان انا هحضر الشنط
ملك: ومحضرهاش انا ليه
عمر: عشان اختار اللبس بتاعك مش عايز اتخانق هناك
ملك: هنقعد كتير
عمر: ي بنتى وانا بعذبك دي فسحه
ملك: مش قصدي ماشي ي عمر اللى تشوفه
وتانى يوم ملك وعمر وصلوا الاوتيل ووصلوا السويت وكان مجهز للعروسين
ملك:الله تحفه بجد
عمر: الحمدلله انه عجبك نستريح وبعدين ننزل
ملك: لا انا عايزة انزل دلوقتي مليش دعوه
عمر: حاضر ي حبيبتي اللى تحبيه
نزل عمر وملك واصرت تنزل البحر ونزلوا سوا
ملك قربت منه ولفه ايدها حاولين رقبته: فاكر اول مره نزلنا البحر سوا
عمر: طبعاً فاكر
ملك: مكنتش متخيله اننا هنتجوز وهحب كده
عمر: انا بقا كنت عارف
ملك: اشمعنا
عمر: عشان انا قمر ومتقومش
ملك زقته: بايخ
فصلوا اليوم كله برا ورجعوا تعبانين دخلت ملك الحمام تغير وهي بتفكر تكسر كلام امها والدكتور لبست قميص نوم ابيض قص'ير وخرجت واول لما عمر شافها كتم انفاسه وهو بيردد كلمه واحده اوعي تاذيها ي عمر
ملك بخجل:بتعمل اي
عمر: هنام حاسس بصداع وخصوصا اننا مرتحناش
ملك بضيق: هتنام وتسبنى
عمر نيمها جنبه: لا هتنامى جنبى عشان اليوم كان متعب
ملك: بس انا عايزه اتكلم معاك
عمر مثل النوم: هنتكلم بكره
ملك بغضب: نام خلى النوم ينفعك
ومعداش دقايق وملك نامت فتح عينه عمر وقام اتاكد من العلاج انها اخدته ولاحظ شعرها واقع فى الحمام
عمر اخدها فى حضنه: اسفه ي قلبى مش قادر اقرب منك عشان متتاذيش باس راسها عارفه كنت بقولك متقصيش شعرك وزعلت لما قصتيه مكنتش اعرف انك عملتى كده عشان مخدش بالى ان بيقع بس النهارده انا شايفك حلوه حتى من غير شعر اقول كمان انا حاسس ان ربنا هيفرح قلبى وهيشفيكى وساعتها مش هبعد عنك لحظة واحدة وعد
زي ما وعدتكم نزلت بارت تانى واحتمال يبقي البارت الجاي الاخير وشكرا خالص لكل شخص بعتلى وهننانى بعيد ميلاد واسفه ان مردتش عليكم بس كلكم فى قلبى بجد