رواية حظ عاثر الجزء الثاني الفصل السابع عشر بقلم ليل ادم
أدهم : عايزك تفوق كده علشان المؤتمر اللي معمول ده المفروض انك تقول في كلمتين الورقه اللي معاك دي تحفظها تقولها زاي ما هيا حماده أبوس ايدك مش عايز تجويد منك
حماده: ياعم مش عايزك تقلق أخوك راس ماله الكلام
ادهم : ما دي المصيبه
سعيد: قلقان من اي بس يا ادهم دي حاجه تفرح الحمد لله وصلنا للي مكنش حد فينا يحلم بيه وقفلنا العقد مع الشركه وكل حاجه بقيت تمام
ادهم : بس أنا عايز حماده يتكلم بصورة كويسه مينفعش يخاطب ناس ليها مناصب وشأن عالي بنفس الطريقة اللي بيتكلم بيها معانا
حماده: لا ياعم متقلقش الورقه اللي خدتها منك دي هحفظ كل سطر فيها تمام كده
ادهم : تمام
في جانب آخر
جمال : قومي يا وليه أعملي حاجه تتشرب
ام أيمن: عيوني يا عنتيل قلبي مكنتش اعرف يا اخويا انك لما تضرب على دماغك هتتحول كده
جمال: لمي لسانك يابنت الجزمه
ام أيمن: والله بتكلم بجد لو على كده خليك بالفيونكه اللي فوق دماغك دي
جمال : فيونكه ما انتي السبب يا عذراء الربيع
ام أيمن: حقك عليا يا اخويا توبه
جمال : يا حبيبه أنا بحبك بلاش تخليني أقلب عليكي
ام أيمن: والله وانا كمان بحبك يا عنتيل قلبي بس اعمل اي لسانك ظفر اوي
جمال: لساني ظفر ليه واكل سمك
ام أيمن: عسل يا أبن نبويه عسل
جمال : حرمه سعرانه
في جانب آخر
رحاب : أتأخرت اوي النهارده
ادهم : اه معلش يا حبيبتي في حاجه ولا اي
رحاب: استاذ سامي أتصل عليا النهارده قد كده بيقولك طلب الاجازه بتاعك خلص من أسبوع
ادهم : يا خبر والله نسيت اعمل مد
رحاب : خلاص روح بكره أعمل مد أجازه بدال ما تخسر شغلك
ادهم : عندك حق
رحاب : بعد المؤتمر اللي هيحصل ده ناوي تعمل اي يا أدهم
أدهم : هفتح على الفلوس ونعيش كلنا
رحاب : طب قفلت ليه على الفلوس رغم أن الظروف كانت صعبه جدا
ادهم : خوفي من حماده السبب
رحاب : ليه بتقول كده
ادهم : كنت خايف حماده ميقدرش يكمل أتفاقه مع الشركه والناس تطلب فلوسها ويكون في جزء منها مصروف قلقت على حماده يتحبس بسبب الفلوس علشان كده محدش يعرف مكانها غيري
في اليوم التالي
أدهم داخل من باب المكتب شاف سامي قصاد منه حاول يداري وشه
ادهم : وجعلنا من بين أيديهم سدا ومن خلفهم سدا
سامي: ادهم
ادهم : انت اي ياعم الله يخربيتك
سامي: بتقول اي مش سامعك
ادهم : وجهه المكتب والله عم محامين مصر كلها
سامي: كنت فين الأسبوع اللي فات كله
أدهم : ماشاء الله عليك يا مستر سامي مش بتكبر على طول شيك كده يا راجل اللي يشوفك يقول عليك اصغر مني
سامي: بجد
ادهم : أنا عايز اقولك أن في جروب أسمه جوزني صاحبك دخلت الجروب ده امبارح لقيت خناقه بين تسع بنات
سامي: تسع بنات
ادهم : تسعه
سامي: ليه كفا الله الشر
ادهم : عليك يا عم كل واحده تقول أنا اعرفه الأول لا أنا اعرفه الأول وانت عامل الفتنه ب جمالك ده ولا فكرت حتا تطل عليهم طله
سامي: أدهم كنت فين الأسبوع اللي فات
أدهم : بصراحه يا مستر سامي
سامي: قول
ادهم : وقعت على دماغي وروحت للدكتور قالي انتا يخصك أجازه اقل واجب شهر
سامي: الدكتور قالك انت يخصك أجازه
ادهم : لو مش مصدق أتصل بي تكلمه ب نفسك
سامي: ماشي رن عليه
ادهم : ( مبقاش عارف يعمل اي رن على حماده)
حماده: ألو
ادهم : يا دكتور أنا أدهم اللي وقعت على دماغي وحضرتك قولتلي يخصك أجازه مش أقل من شهر فاهم قصدي
حماده: يا حبيب اخوك أنا حماده علبه انت بتقول اي بس
ادهم : خد المدير بتاعي عايز يتأكد منك عشان يمد الاجازه فهمت قصدي
حماده: فهمت حوار يعني
ادهم : بالظبط اتفضل معاك اهو
سامي: مساء الخير يا دكتور
حماده: مساء الفل ياعمنا
سامي: عمنا
حماده: اه عمنا وقطع لساني لو قولت غير كده
سامي: هو اي موضوع أدهم بالظبط يا دكتور
حماده: مفيش بس الواد على الله و لله خالص و بصراحه الواد اللي عندك ده يخصه شهر أجازه
سامي: يعني اي السبب أو بيتعالج من اي
حماده: والله ما اعرف بعدين حضرتك بدال ما تسأل الطبيب أسأل العليل و العليل قصادك بتسألني أنا عن حاله أدهم ياراجل يا طيب دا انا مش عارف حالتي هعرف حاله أدهم أبوس ايدك أمضي و أنجز للنهايه شوف الراجل عايز شهر أديله عايز يوم أديله بقولك على الله و لله
سامي: حضرتك دكتور غريب جداً بصراحه
حماده: زاي بعضه سلام بقا علشان معايا عمليه الوقتي
سامي: عمليه اي دي
حماده: سطو مسلح اقفل ياعم
سامي: قليل الزوق قفل السكه ف وشي
ادهم : تخيل حضرتك مش قادر تستحمله في مكالمه تخيل بقا أنا قاعد معاه اكتر ما بقعد في بيتنا
سامي: ماشي يا ادهم بس مقدرش أديك اكتر من اسبوع
ادهم : حلو وأنا مش عايز غير كده
سامي: تمام اتفضل أدخل أمضي الاجازه
في جانب آخر
جمال : متيجي معايا يا سعيد
سعيد: رايح فين
جمال : عايز أشتري بدله حلوه كده علشان الحفلة بتاعت الواد حماده
سعيد: طب ما تستنا ننزل مع بعض أدهم هيزعل
جمال: طب كلمه كده اعرف هو فين
سعيد: ماشي (و بيتصل على أدهم )
ادهم : اي يابني
سعيد: فينك كده
ادهم : بمضي أجازه
سعيد: ياعم فكك من الشغل خالص انت مش مصدق أننا بقينا أغني يابني
ادهم : لا ياعم لحد ما المؤتمر يخلص ونطلع الفلوس لازم افضل متمسك ب شغلي لحد ما الموضوع ينتهي والفلوس تبقا من حقنا إنما غير كده مفيش حاجه مضمونه
سعيد: اقسم بالله بقلق لما بكلمك عيل كئيب
ادهم : أنا مش عايز أمرهمك واكدب عليك
سعيد: ماشي ياعم المهم عمك جمال نازل يشتري بدله قولتله استنا نشوف ادهم لو رايح
ادهم : ياعم سهله خد عم جمال وحماده واعرف هتروح فين و هجيلك على هناك
سعيد: هتروح فين يا عنتيل
جمال : الوكاله
سعيد : ياعم وكاله اي انت بتتكلم بجد
جمال: اه والله جاي ولا لأ
ادهم : ياعم ماشي ريحه وكاله وكاله خلينا ننجز
سعيد: خلاص ماشي سلام
جمال: قالك اي
سعيد: قالي جاي نكلم علبه بالمره علشان يجي معانا
جمال: ياعم أخلص
سعيد: ألو
حماده: اي ياسعيد
سعيد: نازل تجيب هدوم
حماده: هو العيد أمتا
سعيد: عيد اي يابني
حماده: هو احنا بنشتري هدوم إلا في العيد يا عم سعيد
سعيد: ياض علشان المؤتمر
حماده: اه اه خلاص استنا دقيقه وهكون قصادك
سعيد: خلاص ماشي سلام
جمال: قالك اي
سعيد: نزل حالا اهو
جمال : تعالي نشرب شاي
سعيد : تعالي
حماده: بس مكانك أنا جيت
سعيد: اي ده يابني ما كنت طلعت من التليفون أسهل
حماده: هنروح فين
جمال: الوكاله
حماده: نازل تشتري عده للشغل ولا اي يا عنتيل
جمال: لا يا خفه نازل اشتري بدله
حماده: دي اكيد بدله قارئه الفنجان
جمال: أنا ماشي ياعم أنا عارف أن محدش هيسمع كلامي
حماده: بس بس ياله بينا
بعد الوصول
حماده: حلوه دي يا عدويه
جمال: شكلها مصروف عليها صح
حماده: ام أيمن هتتجنن لو شافتك بيها
جمال: بس لونها غريب اوي في بدله لونها أحمر في الدنيا
حماده: الموضه ياعم العنتيل
جمال: متتكلم ياسعيد
سعيد: بصراحه ألش السنين
جمال: يبقا على بركه الله هاخد البدله دي ياعم حسني
عم حسني: ماشي يا جمل
حماده. : يخربيت الشهره هتموت وسايب حب الناس
ادهم : اي يابني عمال أرن على تليفونك
سعيد: مش سامع معلش
ادهم : اي ده يا عنتيل حد ضربك بكيس أوطه ولا اي
جمال: وانت تعرف اي عن الشياكه
حماده : قوله يا عنتيل قوله
أدهم : وانت جبت اي
حماده: لا مش هجيب
ادهم : يابني ازاي لازم تلبس بدله في الشياكه
حماده: بعدين بقا
جمال : الواد ده سيراميكا وممعوش فلوس
ادهم : معاك كام يا عنتيل
جمال: ٤٠٠ جنيه
ادهم: سعيد أشتريت ولا لسه
سعيد: لا أنا عامل حسابي أخد البدله الرمادي اللي عندك
ادهم : ماشي وأنا هلبس السوداء معاك كام يا سعيد
سعيد: معايا ٣٥٠ جنيه
ادهم : فل اوي وانا معايا ألف جنيه بينا على وسط البلد نشوف واحده في الحنين
حماده: ياجدعان كده كتير اوي والله مش وقفتكم جمبي الفتره دي كلها
جمال: فتره اي ياحماد دي العيال كلها أتولدت بتقول وووء إلا أنت أتولدت قولت معيش فلوس ( وبيضحك الجميع)
ادهم : ياله بينا
بعد الانتهاء من شراء البدله والرجوع الي البيت بدأ كل فرد من العائلة في تجهيز نفسه ل مؤتمر الغد
في اليوم التالي
ادهم : كله جاهز
جمال : انت مش شايف العائلة كلها أستحمت ازاي
أدهم: حماده أبوس ايدك حفظت الورقه
حماده: يا حبيب اخوك الايام الجايه مفيش فيها لا أوراق ولا حفظ
ادهم : أما فيها اي
حماده: لازم نرتجل يابن ولدي أطلع ب صنيه الشاي اللي احنا ركبنها دي
بدل ماتدور وتبحث علي الروايات خليها علي تليفونك وحمل تطبيقنا
