رواية حظ عاثر الجزء الثاني الفصل الرابع عشر بقلم ليل ادم
حماده: بص بقا ياعم ادهم أنا عايز محدش يكون جمبي غيركم
ادهم : ازاي
حماده: يعني مش عايز اللي يمد ايده معايا في الشغل الجديد غيركم ولو احتجنا نزود ناس المنطقة كلها شباب ومحتاجة شغل
ادهم : اي رايك يا جمال
جمال: أنا معاكم في اي حاجه
ادهم : وانت يا سعيد
سعيد: ما انت عارف معاكم طبعاً
حماده: حلو اوي ومعانا شوكت كمان
شوكت : لا يا مستر علبه كفايه السجاجيد كسرت ضهري
حماده: ياض مفيش سجاد تاني خلاص
شوكت: أما هنعمل اي
حماده: هعملك مزه تتجوزها وتخلف شوكيك كتير
شوكت : اي ده بجد
ادهم : بيضحك عليك يا شوكت انت صدقت
ادهم : قومي ياما بقا عايزين ناكل لقمه
الأم: طب ياله نقوم نحضر الأكل يا حبيبه انتي و إيمان
ادهم : لحظه بس لحظه
الأم : عايز اي ياواد
ادهم : انتي عامله أكل اي
الأم: بصاره
ادهم : ياما وعهد الله خايف يجيلك أنيميا الفول من كتر الفول اللي في حياتك أرحمي ام نفسك
الأم: خلاص ياروح امك هز طولك هات حاجه نتعشا بيها كلنا
جمال: أنا معايا ٢٠٠ جنيه هات بيهم كفته وانت كمل علشان تكفي
ادهم : ياعم ٢٠٠ كفته اي هو انتوا مش مصدقين أن دي فلوس بجد وبتتصرف
حماده: أنا عايز أكل الخروف اللي هو جوه ورق عنب و حمام وفراخ ده عارفه
جمال: ده خروف ولا تلاجه ياض يا علبه
حماده: معرفش بس بيقولك بياكل قبل ما يتقتل الحاجات دي وبعد ما يموت يتشوي تلاقي الحاجات دي جوه مستويه
ام أيمن: يع اي القرف ده
رحاب: ياعم اي الكلام ده مفيش كده
حماده: لا والله أنا شوفته على تليفون عم جمال كان بيتفرج على الرقصات في التيك توك وجت فيديو كده
ام أيمن: اهدا انت بس يابن العبيطه الوقتي رقصات اي يا جمال
جمال: رقاصات اي بس يا حبيبه دا حماده ابن الهبله كان مبرشم
حماده: لأ يا عنتيل البت بتاعت فرنسا اللي كنت عمال تقولي لو شافت ام أيمن هترجع عليها
ام أيمن: هترجع على مين يابن المفكوكه هو أنا كنت زايك انت ناسي يارجال مين اللي بيقشط على التاني كل ما يشوفه
جمال: بقشط من شكل أمك الوحش
ام أيمن: حوش حوش يا خويا دنتا شبه قعر الحله يا جمال يا راجل دنتا سنانك وقعت
جمال: من أكل السكر يا وليه كتك البلا وانتي شبه الكوتش الميشلان كده
ام أيمن ؛ أنا شبه الكوتش يا عجوز يابن العواجيز
جمال : عجوز يعني أنا عجوز يا حبيبه
ام أيمن: اه
جمال: وأنا موافق اني عجوز خليكم شاهدين اني عجوز ماشي أنا اكبر منك ب سنتين بس يا وليه يا جربوعه يعني لما اقولك يا خنشوره اوعي تفتحي بوقك يابنت زينب بتاعت الجرجير
ام أيمن: امي لأ قولتلك يابن نبويه
ادهم : ها كفايه كده طيب ولا لسه
جمال: اسكت انت الوقتي
ام أيمن: اقولك حاجه أنا خلاص زهقت وعايزه أطلق منك يا عره الرجاله انت
جمال: وحيات زينب جرجيره منا مطلق خليكي كده زاي البيت الوقف
ام أيمن: (بتعيط) أنا بيت وقف يا جمال
جمال: مش انتي قولتي عليا عجوز
ام أيمن: لا والله دنتا حبيبي
جمال: معلش ياما حقك عليا
ام أيمن: مش بزعل منك يا عنتيل قلبي
جمال: تعالي ننزل نجيب ل شويه المقاطيع دول طفح
ام أيمن: تعالى يا قلبي
جمال :(شد فلوس من الشنطه ) ياله يا حبي
ادهم : اقسم بالله لو عيشت عمر علي عمري ما هشوف علاقه أسوأ من العلاقه دي
ام سعيد: لا هيا خالتك ام أيمن وجمال كل يوم كده ويتصالحوا في نفس الخناقه كمان
رحاب : طب والله الاتنين عسل
حماده: أنا كنت عايز اقوم اجري قولت جمال هيقوم يضربني
سعيد: طب قوم هات امك تاكل معانا بالمره
حماده: ماشي
سعيد : يا ادهم الواد حماده عبيط وممكن ينسا هو عمل شوكت ازاي
ادهم : هو أنا خايف من حاجه غير كده
سعيد : يبقا العقل بيقول اي
ادهم : اي
سعيد: الفلوس دي تتشال كده زاي ما هيا بعيد عننا لحد ما نشوف الدنيا هتمشي ازاي مع حماده عرف فعلاً يعمل اللي طالبينه منه خير وبركه مقدرش فلوس الناس اهي علشان لو لا قدر الله انت عارف ممكن يعملوا اي في حماده
ام سعيد: صح يا سعيد
الأم: أنا برضوه شايفه كده يا ادهم وكده كده حماده أصلا بياكل معايا هنا كل يوم وبصراحه انت وجمال وسعيد بتديله مصروف ايده من زمان مفيش حاجه لما نكمل على كده لحد ما الواد يعمل المطلوب معملش المطلوب فلوسهم اهي واحنا زاي ما احنا ياعم ضفر العيل منكم بالدنيا عندنا
ادهم : خلاص يبقا هو ده الحل الفلوس تتشال
سعيد: كده تمام
في جانب آخر
حماده: ادخلي ياما
ام سعيد: هيا لسه فاقده النطق
حماده: ربنا يشفيها
ام حماده:( أول ما شافت الفلوس شهقت بصوت عالي جدا) اي الفلوس دي
حماده: الله اكبر امي بتتكلم يا جدعان
ام حماده: انت أدتني اي يابن الجزمه
حماده: دي كانت واحده الصمت لغه العظماء
ام حماده: فين العظمه في كده يابن الكلب بقالي تسع شهور في العظمه دي والفلوس دي بتاعت مين
ادهم : دي بتاعت حماده
ام حماده: ( قلعت الشبشب بتضرب بي حماده) كمان حرامي يابن الكلب
ادهم: بس ياما حرامي اي ده علشان يخترع زاي شوكت كده
ام حماده: بقا كل شويه تبعتلي شوكت يطلع لسانه ويقولي أنا بتكلم احسن منك
حماده: وربنا أبدا ده بيهزر يا وليه كفايه ضرب نفوخي وقع متتكلمي يا ام ادهم
الأم: خلاص بقا يا ام حماده اقعدي بقا حمدالله على سلامتك ياختي خلينا نفرح بيكي
باب الشقه بيخبط
حماده: مين
جمال : افتح يا جربوع
حماده: جربوع
جمال: ادخلي يا ستو أنا
ام أيمن: تسلم يا قلبي
جمال : بقولك اي تعالي اقولك كلمه سر
ام أيمن: من على الباب كده اه يا أولعوبان
جمال: خد الاكل ده ياض ياله بينا يا فرچنيا
ام أيمن: ياله يا ريتشارد
جمال: رشاد مين
ام أيمن: أدوس بنزين
جمال : اوعي الخفه والرشاقه ( وفتح باب الشقه ودخل)
ام أيمن: هاخد دوش سريع
جمال : اي يعني أنا كمان هدخل الحمام التاني اخد نفس الدش السريع
ام أيمن: حذاري اقابلك في أرض المعركة
جمال : امك صاحبتي سلام مؤقت يا فرچنيا
دخلت ام أيمن بعد الدوش على غرفتها منتظره جمال اكتر من نص ساعة وفجأة باب الغرفه بيخبط
ام أيمن: ادخل يا ريتشارد
جمال: هو لازم النهارده يا فرجينيا
ام أيمن: هو أنا اللي طلبت ولا انت اللي انسحبت من لسان أهلك
جمال : اه يا ربع فيل يابنت الجزمه لسانك عايز ينقطع
ام أيمن: يا راجل قولي مالك في اي كل مره تخليني اجهز على الفاضي متقول من الأول لأ يابن الموكوسه
جمال : أنا موكوس يا وليه يا سعرانه
ام أيمن: أنا سعرانه ( وبترن الضحكه) هتسعر علي اي يا حسره أش ياخد الريح من البلاط
جمال : أنا بلاط يا ربع الفيل انتي ياوليه دنتي وخده السرير كله وانتي قاعده هقعد جمبك فين أنا هو أنا داخل اقعد معاكي ولو داخل خناقه اي اللي فوق عينك ده وخده بنيه ف عينك يا بنت زينبوا
أم أيمن: أنا ربع فيل يا راجل يا أقرع يابو قرش يا تافه كتك وكسه ضيعت عليا العشاء عارف لو طلعت ورايا فوق هفضح امك انت حر
جمال : تفضحي مين يا كلب البحر انتي وحيات امك ل طالع قبل منك على فوق
ام أيمن: ما انت صحيح بجح هيفرق معاك اي نزلتني ليه يابن نبويه
جمال : علشان العيال تعرف تاكل بدال ما تكلي أكلهم
ام أيمن: أنا يا جمال هاكل أكل العيال
جمال: مش انتي اللي ضايقتيني يا ام أيمن
ام أيمن: اي ام أيمن دي قولي يا حبيبه
جمال : قلب قلبي ياعم ياله بينا نطله نتعشا
باب الشقه بيخبط
ام أيمن: اي ده مين ده
جمال : البسي عبال ما اشوف مين (وبيفتح الباب لقي العائله كلها داخله عليه)
جمال : اي ده في اي
حماده: ياله ناكل احسن يا عنتيل
جمال: ياجدع اي الكلام ده بس الواحد كان بيبدع طقتعوا حبل أفكاري كده
ادهم : ياعم رايح إحنا نزلنا نلحق قبل ما تبلعك إحنا سامعين كل حاجه من اول ما قولت بلاها النهارده
جمال: ياوليه يابنت الجزمه ياللي فضحاني في كل حته
بدل ماتدور وتبحث علي الروايات خليها علي تليفونك وحمل تطبيقنا
