رواية حظ عاثر الجزء الثاني الفصل الثالث عشر بقلم ليل ادم
يوم المقابله
ادهم : حماده اول ما نوصل هناك ونقعد مع الناس بلاش كلام عجيب من بتاعك ده احنا ناخد العقود نقرأ ونفهم نص الشروط عجبنا نمضي مش تمام بلاش منه
حماده: ياعم اللي تشوفه
ادهم : اوعي تكون واخد اي حاجه بالله عليك يا أخي
حماده: لالالا لما نخرج من المكتب عيب عليك
ادهم : ولا حتا لما نخرج كفايه كده بقا يا حماده ربنا بعتلك فرصه تكون إنسان بجد ليه عايز تضيع نفسك
حماده: خلاص ياسطا هوقف برشام حاضر
ادهم : يا حماده أنا سمعت الكلام ده مليون مره منك
حماده: لا المرادي بجد وبكره تشوف يا عم
ادهم : اقفل على الكلام الوقتي علشان وصلنا انزل
حماده: ماشي يا عم القبطان عزوز
أدهم: يابني منا لسه بقولك بلاش الكلام ده أنا عايز الناس تقتنع انك مخترع بجد علشان تثق فيك الناس هتحط فلوس كتير اوي عليك لازم يشوفوا واحد أهل الثقه دي
حماده: ياعم يالله بينا نرجع أنا مش بحب الكلام المكلكع ده
ادهم : اقولك حاجه تعرف تعمل فيها اخرس
حماده: اعرف
ادهم : بس كده اعمل فيها اخرس اي حد يكلمك اعمل نفسك بتشاور ليا كده وانا كده كده عارف هعمل اي اتفقنا
حماده: ياعم ماشي موفق وبعد كده يحلها ربنا معاهم بقا
علي باب مكتب استاذ سمير
سمير : اتفضل
ادهم : مساء الخير يا استاذ سمير
سمير : الله أما فين استاذ حماده
حماده: ( رفع أيده )
سمير : انت استاذ حماده
ادهم : اه بس معلش عنده مشكله في النطق
سمير: مفيش حاجه عادي ربنا يشفيه
ادهم : تمام العقود جاهزه
سمير : بس معلش يا استاذ ادهم أنا شوفت استاذ حماده في البيت عندكم وكان بيتكلم عادي وفي نفس الوقت شوفته في الفيديو المنتشر على السوشيال ميديا كان بيتكلم برضوه هل في مشكله حصلت من امبارح للنهاره وقع على دماغه مثلاً ولا حاجه
حماده: شوف يا استاذ سمير إحنا عاملنا كده علشان أنا كلامي زاي ما انت سامع كده بقول اللي على مزاجي في اي وقت مش فارقه معايا بقا انتوا مبسوطين زعلانين اللي على دماغي بعمله
ادهم : صح كده يا حماده تيجي زاي ما تيجي
سمير : انتوا واقفين ليه اقعد يا استاذ حماده اقعد يا استاذ ادهم تشربوا اي
ادهم : ملوش لازمه
سمير. : يا استاذ ادهم عايز اقولك اني قبل ما احط جنيه في مشروع بالحجم ده أنا أعرف عن حماده حجات هو نفسه ميعرفش عنها حاجه
حماده: ( قرب من ادهم ) اوعا يكون قصده على المجلات اللي تحت السرير
ادهم : اكتم الوقتي شكلها بتخرب يابن الفقريه
سمير : مفيش حاجه خربت يا استاذ ادهم
حماده: ماشاء الله عليك يا عمنا ودنك سالكه على الزيرو
سمير : أنا عارف أن حماده بياخد برشام وبيصنعه كمان في المعمل بتاعه و بأقل الاشياء كل ده بره عني بيتكلم بأسلوب شعبي مش مهم عندي لو بيعمل اي مش فارقلي حاجه أن كل اللي عايزه منه يصنع شوكت تاني بس بدال المره مليون فيها حاجه دي يا استاذ حماده
حماده: اه فيها
سمير: حلو اوي قولي مشكلتك اي
حماده: مش هعمل حاجه إلا في ورشه ابويا مكاني يعني هتقولي هشتريلك حتت أرض هقولك لأ أنت عرفتني من هناك وهكمل هناك
سمير: مفيش مانع بس انت شايف أن المكان يسمح ب عماله
حماده: اه حلو اوي الموضوع ده بالنسبة للعماله هتكون مين
سمير : اطقم من عندنا ومنهم ناس أجانب كمان
حماده: لا معلش الرجاله بتاعتي عندي
ادهم : اي يا بني في اي
حماده: ياعم ادهم الرجاله حواليه كتير انتوا أوله من الأجانب وحد كده واسمع
سمير: يعني الرجاله اللي حواليك فاهمين اللي هتعمله
حماده : فاهمين نفس اللي فاهمينه الرجاله اللي تبعك
سمير: خلاص مفيش مانع
حماده: خلاص أتفقنا
سمير : تمام نمضي العقود
حماده: ( بص ل ادهم)
ادهم : ( هز رأسه)
حماده: نمضي
بعد الامضاء
سمير: عايزين نبدأ من النهارده يا استاذ حماده تقدر تطلب المكن اللي عايزه بالمواصفات اللي عايزها تكون عندك اخر الأسبوع ونبدأ شغل أن شاء الله
حماده: تمام ( وبدأ حماده يطلب المكن اللي محتاجه )
سمير: كده محتاج اي حاجه تانيه
حماده: كده فوق التمام
سمير : الوقتي بقا في مقدم دفعه منحه كا هديه مننا ليك على الامضاء معانا
حماده: الحق ياض يا ادهم اي الكلام ده
ادهم : ياض منا بفهمك كده من الصبح
سمير : اتفضل يا حماده
حماده: اي ده
سمير : شيك ب اتنين ونص مليون دولار
حماده: كام دول ياض يا ادهم يخربيت امك
ادهم : فلوس ترس يا حماده
سمير: استاذ ادهم اتفضل
ادهم : اي ده كمان
سمير: دا شيك اللي أتفقت معاك عليه وانت نفذت وعدك و حماده مضا معايا
ادهم : نص مليون دولار الرقم ده بجد
حماده: اي ده ياض هو ده اكبر ولا اللي معايا
ادهم : لا بعد اذنك يا سمير بيه الوقتي
سمير بيه: على فكره لو روحت بنك -------- اللي في اخر الشارع هنا أنا مديهم علم علشان المبلغ كبير جدا وعارف انك اكيد عايز تصرف علشان تطمئن على أننا مش نصابين
ادهم : لا طبعا انتوا ناس زاي الفل بعد اذنكم
بعد الخروج من المكتب
حماده: اي ده ياض يا ادهم احنا كده معانا كام
ادهم : تلاته مليون دولار يعني حوالي ١٢٠ مليون جنيه مصري
حماده: يادين النبي وتقولي بطل برشام ( وطلع من جيبه شريط برشام وبدأ يبلع فيه)
ادهم : ياض بتعمل اي
حماده: ياجدع اسكت بعمل اي اي بس هو في كده
ادهم : تعالي نروح البنك اللي قال عليه نتأكد من كلامه
حماده: تعالى
ادهم : معاك بطاقه طبعاً
حماده: اه ومعايا كارنيه مركز شباب بشتيل
ادهم : بشتيل اي بس امشي امشي
بعد الوصول إلى البنك
موظف البنك : اتفضل
ادهم : عايز اصرف الشيكات دي
موظف البنك: ( شاف الأرقام قام من مكانه دخل مكتب مدير البنك )
حماده: تعالي نخلع من هنا شكلها شيكات مضروبه وهنتحبس أنا مش قادر ألمع جزم تاني
أدهم: اهدا يا عبيط انت عايز تستلم مبلغ زاي ده من شباك الموظف
حماده: يعني اي
ادهم : اهو جي اهو اهدا
موظف البنك: اتفضلوا في مكتب استاذ ماهر
ادهم : تعالي
مدير البنك : اتفضلوا اتفضلوا
ادهم : خير يا استاذ ماهر
مدير البنك: ساعه زمن تكون الفلوس جاهزه والله من ساعه ما استاذ سمير كلمني بنفسه وأنا مجهز كل حاجه
حماده: يعني أمان
مدير البنك: مش فاهم
ادهم : قصده يعني استاذ سمير ده أمان
مدير البنك: يابني ده من أكبر رجال الأعمال في الشرق الأوسط والشركه بتاعته ليها فروع في كل أنحاء العالم شغله كله في التكنولوجيا مش بيدفع جنيه إلا لو كان متأكد أنه هيعرف يخده اربعه مش اتنين كمان
ادهم : بقا انت يا هلفوت يطلع من وراك كل ده
حماده: شوفت الكلام على اخوك
ادهم : اوعا متعرفش تعمل شوكت تاني وتكون جت معاك صدفه
حماده: ياعم أسكت أنا عامل شوكت ده في شهر ونص وكنت بشتغل في بأيدي كل يوم ساعه كده ولا حاجه
أدهم: ياعيني عليك يا علبه يا حلو
حماده: انت عارف ياض يا ادهم لو كملت هفهم حاجه عمري ما كنت هفهمها إلا لما تحصل
ادهم : اي هيا يا شيخ العرب
حماده: أنا خريج حقوق زايك بالظبط بس عمري ما شوفت نفسي محامي علشان كده حتا لما نزلت معاك المكتب سبته لاني مش لاقي نفسي كنت حاسس اني لابس بدله كبيره عليا اوي ولا بحب الشغل برضوه أنا طول عمري بشوف نفسي في حتت التصنيع بحب أعمل أبحاث عن حجات غريبه واقعد مع نفسي أعملها
ادهم : والله يا حماده كأني اول مره في حياتي اسمعك بتتكلم
حماده: اي خدمه
بعد مرور نصف ساعة
مدير البنك: كده كل حاجه تمام الفلوس تحت تقدر تستلم ومعاك عربيه تبع البنك تروح بيها مكان ما تحب
حماده: على البيت يا ادهم
ادهم : طب استلم الأول
حماده: ياعم انت مجنون هو احنا هنقعد نعد مبلغ أد ده
ادهم : عندك حق والله حتا لو ناقص إحنا مسامحين
حماده: أنا لو خدت متين جنيه أنا مرضي امش ياعمنا
بعد الوصول إلى المنطقة بدأت ادهم و حماده في طلوع الشنط فتح الباب جمال وخرج سعيد وام ايمن و ام ادهم و ام سعيد
جمال: في اي يا ادهم مين بيعزل في البيت
حماده: انزل هات الشنط من العربيه يا عنتيل
جمال: في اي مش فاهم حاجه
سعيد: طب تعالي ننزل نجيب معاهم ونبقا نفهم بعد كده
جمال: ( أول ما شاف عربيه البنك ) عربيه نقل ألاموات دي ولا اي
ادهم : ياعم ارفع بس وبعدين نتكلم
بعد طلوع الشنط كلها فوق بدأ ادهم في فتح الشنط واحده ورا واحده
ام أيمن: سرقتو مين ياولا الكلب
ادهم : سرقنا اي بس الشركه قبلت حماده ومضينا العقود
بداء الجميع في الفرحه الهستيريه ويحدفوا بعض بالفلوس
حماده: ( بيبوس شوكت وبيحط الفلوس في بوقه ) أبلع يا وش الخير ارقص يا عنتيل
أم أيمن: هنروح فايد تاني
رحاب: فايد اي قولي شرم الشيخ ولا الجونه ولا الساحل مش تقوليلي فايد
حماده:( طلع شريط برشام) افتح بوقك يا عنتيل
جمال : أديني يا بن الحراميه
حماده: خود يا عنتيل مصر كلها
بدل ماتدور وتبحث علي الروايات خليها علي تليفونك وحمل تطبيقنا
