رواية حظ عاثر الجزء الثاني الفصل الثانى عشر بقلم ليل ادم
ادهم : بتعملي اي ياما اطلعي البيت
الأم: أطلع واسيب عيد ميلاد شوكت انت عبيط
ادهم : ياما هو شوكت ده كان من باقيه العائلة
أم أيمن: فشر ده اهم منكم كلكم ده بيخلي الشقه قشطه ده
ادهم : ياعم جمال الناس بتتفرج علينا طلعهم البيت
جمال: استنا بس الواد حماده عامل عصير أبو الأشواك تشرب منه تنسا الدنيا
حماده: في اي يا ادهم
شوكت : طب نزلني من على كتفك يا حماده ابوس ايدك هقع أجيب نسخه
حماده: استنا بس يا شوكت
ادهم : لم ياعم الليله دي انت اهبل
حماده: عايز تكسر فرحه شوكت يا ادهم انت خلاص مبقاش عندك اي احساس
شوكت : ياعم ابوس ايدك اكسر فرحتي ونزلني بدال ما اقع تنكسر شاشتي
حماده: بس انت يا شوكت
عم راضي: حماده كنت عايز شوكت يغسل السجاد عندي
حماده: السجاده ب عشرين جنيه والمسحوق عليك
عم راضي: ياعم ماشي بس الوقتي
حماده: إزاي انت عايزه يسيب عيد ميلاده علشان السجاد
عم راضي: البركه فيك يا علبه
حماده: عندك حق يا عم راضي روح معاه يا شوكت الرزق يحب الخفيه
شوكت : طب وعيد ميلادي يا علبه
حماده: ياعم منا موجود اهو روح انت
شوكت : طب نزلني من على كتفك بقا
حماده: انزل
عم راضي: ياله يا شوكت
حماده: استنا يا عم راضي مش تشرب عصير أبو الأشواك الأول
عم راضي: اي ده
حماده: اشرب بس
عم راضي: الله طعمه حلو فعلاً
حماده: اسحب ياعم راضي
ام أيمن: هات اشرب يا حماده
حماده: هيا قلاه هات اشرب يا حماده
ام أيمن: شوف الواد يا جمال
ادهم : ياجدعان وعهد الله المنطقة كلها بتضحك علينا نطلع نشرب فوق كلنا
حماده: بما أن شوكت ساب العيد ميلاد يبقا خلاص نطلع نكمل فووق ياض يا سمكه
سمكه : اي يا علبه
حماده: لم الدي جي وتعالي نكمل فووق
ادهم : نكمل فين
حماده: خلاص خلينا في الشارع
ادهم : خلاص لم يا سمكه لم
جمال: احلي حاجه برضوه علشان خاطر الواحد يعرف يشرب براحته
ادهم : طب قدامي
بعد الطلوع الي البيت
ادهم : ( فتح باب شقته) أدخلوا وانت ياعم سمكه كفايه كده
سمكه : عايز فلوس الليله طيب
ادهم : هات يابني فلوس الراجل
حماده: فلوس اي منا ملمتش حاجه
سمكه : لا يا علبه مليش في عايز دنانير
ادهم : أديله دنانيره خلينا نخلص ياعم
حماده: يابني وربنا ما معايا أنا كنت عامل حسابي يجيلي نقطه في عيد ميلاد شوكت بس محدش دفع جنيه
ادهم : ألطم على وشي منك يابني أتهد بقا حرام عليك نقطة اي اللي تيجي في عيد ميلاد شوكت وربنا ما حد هيجيله نقطه غيري
حماده: خلاص بقا يا ادهم أنا هتصرف
ادهم : وريني
حماده: سمكه روح المحل وساعه كده هبعتلك شوكت ومعاه الدنانير كده كده عنده كام سجاده هيرقعهم وجي على طول
سمكه : يعني اي يا حماده انت ناوي تبعت فلوس فضه ياسطا ولا اي
حماده: لا ياض برونزية مش فضيه امشي ياعم سمكه يا اقولك حاجه حلوه تاخد شريط درويش
سمكه : لا يابا ولا شريط درويش ولا شريط محمد منير أنا عايز فلوسي كمان ساعه لو مجتش هتزعل مني يا علبه وانت عارف زعل سمكه
جمال : بيعمل اي يعني سمكه لما يزعل
حماده: بيتحط في الزيت ( وبيضحك)
سمكه : (بصوت عالي) علبه
جمال: انت ليك كام على كده
سمكه : ١٥٠ جنيه
جمال : ليه يابني الكيلو بكام ( وبيضحك )
سمكه : ياحج أنت راجل كبير عيب بلاش اقل منك
جمال: تعرف
سمكه : اه
جمال: طب امسك
سمكه: ( شد الفلوس من ايد جمال ) هات
جمال: هات شريط الدرويش يا حماده
حماده: امسك يا عنتيل
ادهم : احلي حاجه يا عم جمال انك رايح مع حماده في اي حاجه
جمال: طبعاً ياعم أما أسيب الواد يروح لوحده
ادهم : برشم برشم
باب الشقه بيخبط
أدهم : مين
جمال : أدوس بنزين قوم افتح ياعم
ادهم : هيا لحقت تعمل معاك كده
( وبيفتح الباب)
ادهم : شوكت مين دول
شوكت : دول طقم اختبار القدرات طلبوا مني اوصلهم ل مستر علبه
ادهم : اتفضلوا اتفضلوا
دخل الطاقم اللي كان مكون من اربعه أجانب و اتنين مصريين
سمير : والله احنا كنا شوفنا على السوشيال ميديا الاختراع بتاع الأستاذ حماده وجينا مخصوص عشان نقدم ليه أوفر
ادهم : اي هو الأوفر
سمير : إحنا مستعدين نغير حياه مستر حماده وكل أهله بس بشرط
ادهم : اي هو الشرط
سمير : الشرط أن مستر حماده يجي مقر الشركة يمضي العقود ويكون تحت أيده طاقم فني وميزانية مفتوحه في التصنيع بحيث اننا نقدر نصنع اكتر من مليون شوكت ونصدرهم خارج مصر
ادهم: وحضرتك مستفيد اي
سمير : المشروع ده هيكون خمسين خمسين يعني احنا نضخ المال وأستاذ حماده بعلمه يقدر يفيد ويستفاد
ادهم : يعني حماده ليه من دخل الاختراع بتاعه نص المكسب صح كده
سمير: مش بس كده في كمان جائزه مقدمه من الشركه قيمتها اتنين ونص مليون دولار بمجرد امضاء استاذ حماده على العقود
ام أيمن: يالهوي كام دول ياود يا ادهم
ادهم : استنوا انتو بس الميعاد امتا يا استاذ سمير
سمير : الكارت اللي في العنوان مع حضرتك والميعاد بكره الساعه واحده الضهر إلا بالحق هو فين مستر حماده
ادهم : ( بص ل حماده لقه عمال يشد هو وجمال في شريط البرشام ومش مركزين اصلا إلا في البرشام )
ادهم : نتقابل بكره أن شاء الله ومعانا مستر حماده
سمير: اسم حضرتك اي
ادهم : أنا ادهم اخو حماده الكبير
سمير: طبعا مش محتاج اقولك اني مستعد ادفع اي فلوس بس محدش يمضي مع مستر حماده غيري اتفقنا
ادهم : أنا النهارده هقعد اتكلم معاه لحد ما أقنعه سيب الموضوع ده عندي
سمير: وصدقني بعد التوقيع ليك مكافأة مالية كبيرة اوي
ادهم : يالهوي على الكلام
سمير: بعد اذنكم
حماده: اي ياعم صحابك دول رغاي اوي الراجل ابو قرعه ده
ادهم : انت مش فاهم حاجه صح
حماده: لا ياعم أنا كنت سامع بس وربنا جمال هو اللي عمل كده
ادهم : عمل اي
حماده: اصلي سامع الناس عماله تشتكي مني قولت الواد سمكه باعت ناس أجانب علشان تحل ما بنا قومت هربت بصراحه
ادهم : يامجنون الناس دي جايه تديك فلوس بسبب شوكت
حماده: لا استنا بقا كده ياض يا شوكت
شوكت : نعم يا مستر علبه
حماده: بلا مستر علبه بلا مستر صندوق هو انت ياسطا سبت الفلوس بتاعت السجاد اللي غسلته وجيت
شوكت : لا والله يا مستر علبه الفلوس اهي
حماده: كام دول
شوكت : ٩٥ جنيه
حماده: ليه
شوكت : كانوا ١٠٠ جنيه جبت وصله شاحن ب خمسه جنيه علشان كنت هفصل
حماده: الله ما الراجل تمام اهو يا عم ادهم مالك في اي
ادهم : انت كلب ياض انت مصممه تبقا حمار يخربيتك بقولك الناس عايزه تديك مكافأة بس اتنين ونص مليون دولار علشان تكتب اسمك
حماده: ليه يابا هما فاكرين اني جاهل وعايزين يعملوا عليا نمره أنا بكتب اسمي بالعربي والانجليزي كمان
جمال: الله اكبر عليك يا مستر سيد البرعي يا مشرف بلدك ❤️الفصل الثالث عشر من هنا