رواية حظ عاثر الجزء الثاني الفصل الحادى عشر بقلم ليل ادم
في القسم
ظابط المباحث: انطق ياض هو ده اللي أداك الحبايه
جمال : حبايه اي يا بيه
ظابط المباحث: اسكت ياجدع انت
حماده: أنا مش هتكلم إلا في وجود شوكت
ظابط المباحث: ياض متخافش محدش هيكلمك مش محتاج محامي
جمال: ياعم في اي هو انت شايفني ازاي
ظابط المباحث: دا انا هحبس امك
جمال: ياعم ازاي بس امي ماتت من ١٥ سنه
ظابط المباحث: هو في اي متتكلم ياض
حماده: ياباشا وربنا ما هتكلم إلا قصاد شوكت
جمال: خلاص هات شوكت كده كده كان حاضر الحوار
ظابط المباحث: يا امين سعيد
سعيد : نعم يا فندم
ظابط المباحث: روح المنطقة تاني هات شوكت ده خلينا نخلص
الامين : مكانه فين ده
حماده: في المختبر بتاعي أصله أتحرق هناك
ظابط المباحث: أتحرق هناك انتوا كمان قتلين واحد يا ولاد الكلب
جمال: يابيه انت فهمت اي بس شوكت ده مش إنسان
حماده: يا عم الدكتور انت ابوس ايدك انا بموت أديني اي حاجه اقولك هات حبايه دريملي وأنا هبقا كويس
جمال: اه والنبي خليهم اتنين
الامين : يا بيه سيب الاتنين دول شكلهم عبط والله
حماده: هما مين اللي عبط اللي قصادك ده معاه ميدالية ذهبية في السباحة خدتها في ايطاليا اسأل العنتيل
جمال. : شهادة حق خد فعلاً
ظابط المباحث: أنا مليش دعوه بكل ده شوكت ده يبقا اي
جمال: شوكت ده واحد حماده عامله علشان يصرف عليه
ظابط المباحث: مش فاهم يعني بتوع أعضاء انتوا
حماده: يا بيه ارحم اعضائي انت وهات اي حاجه من الدرج اللي قصادك ده
جمال: يا بيه شوكت ده راجل ألي
ظابط المباحث: ألي مين دانا هنفخكم
حماده: ياعم هو في اي اعمل حاجه بقولك بموت
ظابط المباحث: خد الاتنين دول الحجز
الامين : تعالوا
حماده: يوه شكلنا هنبات في المستشفى النهارده يا عنتيل
جمال: مستشفى اي الله يحرقك روحت القسم عليا يا علبه
حماده: مين اللي راح القسم
الامين : أدخل انت وهو
في جانب آخر
ادهم : يا ام أيمن بقالك ساعه ونص بتعيطي محدش فاهم حاجه انتي عايزه اي طيب
ام أيمن: جمال الجيش جه خده
رحاب : الجيش ليه هو جمال كان رئيس أركان حرب ولا حاجه
ام أيمن: معرفش بقا روح اسأل عليه انت وسعيد
سعيد: تعالي ننزل الشارع نفهم من تحت احسن يا ادهم
ادهم : تعالي
في جانب آخر
حماده: ( مع واحد من المسجلين اللي في الحجز ) ياعمهم أنا بقالي ساعه بلمع الجزمه بتاعتك انت خارج بيها
حنكش: أنا حنكش ياض تسمع عني
حماده: لا
حنكش: ( ضرب حماده بالقلم ) سمعت عني
حماده: سمعت ياعم سمعت
حنكش: لمع الجزمه ب ضمير
جمال : تستاهل علشان معندكش نخوه
حنكش: أغسل وانت ساكت ياض
جمال: ماشي يا معلم حنكش
حنكش: أنا حنكش ياض تسمع عني
جمال: ياعم منا لسه سامع من شويه انت بتحب العنف ليه
في جانب آخر
ادهم : عم بدوي هو جمال فين متعرفش
عم بدوي: مش عارف أنا شوفت البوكس واقف وكان الواد حماده علبه راكب في وعمال يقول للراجل اللي سائق شغلي عرباوي دمي حامي وصوته عالي وفجأة لقيت جمال نزل ركب معاهم طلعوا تقريباً على القسم
أدهم: اتفرج حماده
سعيد: حماده ده وكتاب الله المفروض نربطه في البيت
أدهم: تعالي نروح القسم
سعيد: تعالي
ادهم : اي ده المختبر مفتوح ليه
سعيد: تعالي نقفله بالمره قبل ما نمشي
ادهم : ( بيقفل الباب شاف شوكت وقع على الأرض) اي ده الحق شوكت يا سعيد
سعيد: هو عامل كده ليه
ادهم : افتح كده الكتاب اللي حماده عامله ده شوف اي المعلومات عن شوكت
سعيد: ( مسك الكتاب) ياخبر ١٢٠٠ صفحه
ادهم : لا ادخل في المهم على طول
سعيد : ياعم مهم اي الكتاب كله مكتوب في نفس الكلمه
ادهم : كلمه اي
سعيد: دوس أون
ادهم : ١٢٠٠ صفحه مكتوب فيهم دوس أون الله يحرقك يا حماده
سعيد: هتعمل اي
ادهم: يعني بعد ما قرأت ١٢٠٠ صفحه بتسأل دوس أون ياعم
سعيد: اهو
شوكت : ( عيونه نورت وبدأ يشتغل )
ادهم : في اي هو ماله
شوكت : أبوس ايدك محدش يسبني مع مستر علبه تاني ده مجنون
ادهم : عمل فيك اي
شوكت : ياعم ده مصمم يخليني اعمل دماغ علشان مبسوط مني الاسبوع ده
سعيد : الله يخربيت امك يا حماده حتا شوكت
ادهم : خلاص خليك هنا يا شوكت إحنا رايحين القسم نجيب حماده
شوكت : لا يمكن لازم اجي معاكم
سعيد: يا عم هاته يمكن الظابط يعرف أن حماده مخترع يسيبه
ادهم : خلاص تعالي معانا يا شوكت
في جانب آخر
حماده: لا وربنا ما هتلمع اكتر من كده يا معلم حنكش
حنكش: خلاص لمع الفرده التانيه
جمال: يارتني كنت عملتلك مساچ يابنت الخنشوره بدال ما أنا بغسل هدوم حنكش الداخليه
حنكش: بتقول اي ياض
حماده: ياعم انت بتكلمنا كده ليه وربنا أنا مش عايز اعمل معاك مصيبه أنا صايع اوي خلي بالك
حنكش: ( ضرب حماده بالقلم)
حماده: الله ليه كده طيب
حنكش: علشان تعمل مشكله حلو اوي
في جانب آخر
ظابط المباحث: عايزين اي
ادهم : أنا ادهم سليمان محامي مع حماده علبه و جمال الناس اللي حضرتك خدتهم من شويه
ظابط المباحث: واي ده
شوكت : أنا شوكت
ظابط المباحث: هو انت بقا شوكت
شوكت : اه
ظابط المباحث: اي اللي حصل
شوكت : لا أعلم أنا اخر حاجه فاكرها لما حماده أداني بروبوق اتنين بوق ودماغي طلعت نار
ظابط المباحث: هو حماده اللي صانع البتاع ده
ادهم : اه حضرتك حماده ده مخترع
ظابط المباحث: اخترع اي يعني
شوكت : اخترع الدريملي و سيبوني و أرجعوا و البروبوق و
ادهم: واحد الله يا شوكت هتبعت حماده سفاريه من غير رجوع
الامين : أجبهم من الحجز حضرتك
ظابط المباحث: حد منكم يضمن الناس دي
سعيد: اه طبعا يا بيه
ظابط المباحث: روح هاتهم
الامين : تحت امرك
بعد الخروج من القسم
حماده: احسن حاجه حصلت أن شوكت اشتغل مين اللي شغل شوكت
سعيد: صحيح يا حماده انت عامل كتاب طريقه استخدام أبو الأشواك سيبك من أن ده لا يمكن يكون اسم كتاب بس السؤال الأهم ١٢٠٠ صفحه علشان تكتب كلمه دوس أون
حماده: ياض علشان محدش ينسا
ادهم : ١٢٠٠ صفحه علشان محدش ينسا طريقه استخدام أبو الأشواك
حماده: بصراحه الواد بتاع المطبعه كان ليا عنده حق شريط دريملي قالي هعملك ب حق الشريط الكتاب قولتله اعملي كذا نسخه علشان تبقا مرجع لكل الناس ونحط منها في المكاتب وكده
ادهم : لحظه بس لحظه
حماده: خير
ادهم : هو انت نزلت كتاب كيفيه استخدام أبو الأشواك ده في المكاتب
حماده: طبعاً يا ادهم ده اختراع
ادهم : وانهي دار نشر قبلت المهزلة دي
حماده: ياعم اسكت الكتاب في مكاتب كتير اوي على فكره
سعيد: مين عبيط بس يشتري كتاب مفيش في كلمه واحده حتا
حماده: بطل كدب ما مكتوب دوس أون
ادهم : بس يا اهبل انت مالك يا عنتيل
جمال : أنا اغسل وش المعلم حنكش واغسل هدومه
ادهم : مين حنكش ده
حماده: ده واحد شكله غريب كده بس اي روق على العنتيل هلكه ضرب
جمال: اه فعلاً وماشاء الله عليك
حماده: انا محدش يقدر يضربني يا عنتيل
جمال.: طب بص على وشه كده يا ادهم أسأله الهباب ده من اي
ادهم : صحيح يا حماده الأسود اللي في وشك ده اي
حماده: ورنيش جزم
ادهم : اي ده اشمعنا
جمال: علشان طول الليل بيلمع جزمه المعلم حنكش
ادهم : ليه هو كان رايح مشوار ولا اي
سعيد: وعامل بس اسد في المنطقة وانت واد اهبل
حماده: الله يسامحك بكره تشوف هعمل اي انزل بقا يا عنتيل وصلنا المنطقة اي هتنام في العربيه هو القلم بتاع المعلم حنكش اثر على دماغك ولا اي
جمال: بس ياض
في اليوم التالي
رحاب : ادهم يا ادهم
ادهم : هو مفيش نوم في البيت ده
رحاب : انت نايم ازاي في الدوشه دي أصلا
ادهم: اي ده صحيح مين اللي مشغل الاغاني عاليه اوي كده
رحاب : يابني حماده جايب دي چي ومعلق نور وعامل فرح كبير
ادهم : اي ده اوعي كده ( وبيفتح الشباك شاف حماده شايل شوكت على كتفه وعمال يجري بيه في الشارع رايح جاي وماسك الميكروفون في أيده )
حماده: افرح يا شوك عيد ميلادك يا حبيب اخوك شغلي يابني قمورتي الحلوه بقيت طعمه ولا حتا بقيت بريزيدون
شوكت : نزلني يا مستر علبه ابوس ايدك لو وقعت هموت
حماده: بلا مستر علبه بلا مستر كاراتيه ارقص معايا يا حبيب اخوك
ادهم : يادين النبي على الجنان
رحاب : لا بص الناحية التانية كده
ادهم : فين ( وبيرفع وشه لقي أمه وأم ايمن وام سعيد وعم جمال وكل الفرقه تحت بترقص وفرحانه ب عيد ميلاد شوكت )
ادهم : ياولاد المجنونه اوعي بسرعه (ونزل يجري على الشارع)
رحاب: ادهم طب البس حاجه بدال الجلابيه ❤️
بدل ماتدور وتبحث علي الروايات خليها علي تليفونك وحمل تطبيقنا
