رواية همسة وجع الجزء الثاني الفصل العاشر بقلم اسماء العذب
10
#همسه_وجع
#الجزء_الثاني
يَا مَنْ تُحبُّونَ الرسولَ محمدًا
صلُّوا على خيرِ الأنامِ وسلِّموا"ﷺ🕊️
♡_______________♡
لكنها التفتت بخضه هي وولاء لما سمعو شهقه جايه من وراهم
:انتي فاكره كل حاجه
همسه التفت وراها وشافت امها واقفه وباين علي وشها علامات الصدمه الشديده
وفاء و عيونها مفتوحه بعدم تصديق: انتي ازاي فاكره ده كله .انيت الذاكره رجعتليك إمتي...رد عليا يا همسه ما تسكتيش
همسه بىعت ريقها وهي مش عارفه ترد تقول ايه
بصت علي ولاء بأستنجاد
وهي بتسألها بعيونها عن أي حل للمصيبه دي
وفاء بصراخ وصوت عالي جذب انتباه الكل:حد يرد عليا منكم سكتوا ليه
ولاء بسرعه وتوتر:اصل ..اصل انا يا طنط حكيت ...حكيت لهمسه عن حاجات حصلت معاها قبل ما تنسي كل حاجه
وفاء بتحفز وهي بتقرب منها :حاجات ايه دي بالضبط
ولاء بلعت ريقها زبصت لهمسه بخوف وكملت كلام بأرتباك: اصل..اصل انا وهمسه كنا قاعدين بنتكلم عادي وانا ..انا كنت بقولها علي ايام زمان..وجات سيره هشام خطيبها الاولاني ونن هنا هي عرفت انه اتخلي عنها لما كانت مختفيه
وأنه باعها في أقرب فرصه جات له
وفاء قربت منها واتكلمت بغضب مكبوت وهي خايفه علي حاله بنتعا النفسيه: وايه يخليكي بس تجيبي سيره الموضوع ده بس يا بنتي
ولاء بسرعه وارتباك: اصل الكلام جاب بعضه يا طنط وانتي عارفهاني مكنتش بخبي حاجه عن همسه ابدا
وفاء بصت لهمسه بحنان امومي
وقربت منها وهي بطبطب عليها
وفاء بحنان: إوعي يكون اللي قالته ولاء زعلك يا حبيبتي...والله هو اللي خسران
وخسران اوي كمان ...
ده انا حتي عرفت انه طلق مراته لأنها مش طيقاه
والحمد لله ان ربنا خلصنا منه قبل ما تقع الفاس في الراس ويتجوزك
همسة ابتسمت بمرار وخي بتقول في نفسها:ياااه يا أمي ياريت كلامك صح ....وكأن سابني من زمان زي ما بتقولي قبل ما تقع الفةس في الراس
لكن للاسف وقعت... وقعت وقسمتها قسم
بعدها وفاء بصت لولاء تاني واتكلمت بشك:وايه جاب سيره عصام صاحبه وسط كلامكم
والاتنين لونهم اتخطف
وبصوا لبعض بمعني...رحنا في داهيه
وفاء كانت متابعه ردات فعل ولاء كويس
والكويت كمان ان همسه كانت وراها وإلا كامت هتشوف لونها المخطوف
من السؤال
وفاء برفعه حاجب: هااا ايه جاب سيره عصام صاحبه واللي كان دايما لازق فيه لما كانوا مخطوبين
ولاء بدموع وتمثيل:اصل يا طنط...اصل عصام ده كان مفهمني..انه ...انه بيحبني واعترفلي بكده يوم كتب كتاب همسه علي صاحبه الندل
وانا للأسف صدقته ....ومشيت علي هواه وبقينا نتقابل
ونتكلم في التلفون
لكن اكتشفت انه كان بيتسلي بيا
ويقضي وقة
وانا لما عرفت كده...قلبي انكسر ودخلت في حاله نفسيه وحشه اوي
ولما حكيت لهمسه الكلام برضو جاب بعضه وقولتلها وأنه علي أشكال بعض عشان
كده كانوا شبه بعض وان ربنا ريحنا منهم
وكنا عاوزين نتصل بيه نهزأه عشان ميلعبش ببنات الناس ...وكنت عاوزه اوريه مقامه
بعدها كملت بتمثل أقوي ودموع أشد
:بس والله يا طنط..انا ندمت اوي علي اللي عملته وتوبت...وقولت مش هعمل كده تاني ابدا ....وربنا ينتقم منه علي اللي سببه ليا من مشاكل نفسيه
وأكد لحضرتك برضو اني لما كنت بقابله دايما ازن
يكون في مكان عام ...وعمر ي....عمري ما خليته يمسك ايدي ...ولا يتجاوز حدوده معاية في الكلام
وفاء بتأثر :لا حول ولا قوة إلا بالله....ايه الناس دي
بجد....معمولي من ايه
ولاء بمثل: مش عرفه بد يا طنط ونفسي اعرف
وفاء بحنان: معلش يا حبيبتي وانا مصدقه كل كلمه قولتيها وعارفه انك زي همسه مستحيل تغلطي غلط كبير زي ده
وان اللي حصل كان غصب عنك
اما بقي بالنسبه لموضوع انك تتصلي بسه ده ...اوعي تعملي كده ...خليكي بعيده عن الناس دي...دول البعاد عنهم مكسب ...
ولو علي حقك ربنا هو المنتقم الجبار
وأكيد هياخدلك حقك منه ...ومن كل اللي زيه بيلعب ببنات الناس
همسه بسرعه: ايوه هو ده اللي كنت بقوله بالضبط يا ماما قبل ما تيجي ...وكنت بحاول أقنعها تبعد.عن الأشكال دي
وفاء بتأييد:يا زين ما قولتي يا همسه...اوعي تغيري موقفك ...انا هسيبكم واروح اتطمن علي عمر
همسه ببسمه بسيطه: وانا كمان شويه وادخل اتطمن عليه ونشوف نقدر نخرجه إمتي من هنا
وفاء هزت راسها بمعني ماشي
وراحت ناحيه اوضه عمر
اول ما مشيت الاتنين اتنفسوا براحه كبيره كأنهم كان عندهم صعوبه في التنفس
ولاء: الحمد لله نفدنا...علس شعره وكانت امك هتمسكنا وتسيحنا
همسه بندم:انا زعلانه اوي من اللي بعمله ده ....انا بأزي كل اللي حواليا ...وعماله اكدب كل شويه كدبه شكل
ودخلت معاية في مشاكلي حوارتي
لدرجه انك سؤتي سمعتك قدام أمي عشان تداري عليا
بعدها كلمت بتردد وندم:ولاء لو عاوزه تمشي احنا ولسه في السليم صدقيني مش هزعل
انا ميرضنيش انك تتأذي بسببي
وان دي معركتي انا مش انتي
وانا اللي لازم استحمل النتايج سواء كانت بالاذي او بالمنفعه
ولاء بضيق انتي بتقولي ايه بس يا بنتي ...هو من الميت كان في بينا الكلام ده...وبعدين سمعه ايه اللي اتسؤت ما مامتك بنفسها قالت اني زيك واني مستحيل اغلط غلط كبير زي ده
همسه بوجع: اوعي تقولي انك زي .. انتي انضف واحسن وانتي مني بكتير
انا من كتر اللي حصلي والسواد اللي شفته في حياتي بقيت شبه المرايا .. بعكس كل اللي اتعمل فيا
ولاء: بس بتعكسي علي الشخص الصح...انتي بتاخدني حقك منهم واوعي تقولي عن نفسك الكلام ده تاني ابدا
وإلا والله خزعل منم جامد
يا بنتي انتي مش شايفه نفسك ولا ايه انتي خاتمه لكتاب ربنا ...وماشيه علي تعاليم الشريعه
ولو كان علي اللي بتعمليه الايام دي فده للضروره...
وانتي عارفه ان للضروره أحكام
بعدين اسكتي بقي وروحي جيبي حاجه اشربها وتعالي معايا ادخل اخوكي الغلبان ده اتطمن عليه
همسه بيأس لأنها عرافه انها عاوزه تغير الموضوع: طيب تعالي اشتري ليكي وللكتاكيت بتوعي وحتي لبابا وماما والكل
ده الكل دمه نشف من الخضه والخوف
ولاء بحب: يلا ...حتي بالمره اخش الحمام اظبط خلقتي دي اللي اتبهدلت وانا بمثل علي امك الغلبانه دي
همسه ببسمه: يلا
باااااااااااااااااااااس
اعملوا طلب صداقة لصفحتي يا شباب لو سمحتوا
عارفه اني بتأخر
والحاجه الوحيده اللي ابرر بيها ده أن النفسيه تعبانه وزفت اقسم بالله
والله جسمي بقي في حالة خمول لدرجه اني بمشي اجر فيه جر....اعذروني وادعولي..لعلكم أقرب إلى الله مني
وعارفه ان الفصل قليل وهو يا دوب مشهد ...بس لو لاقيت تفاعل هاجي علي نفسي اكتب فصل تاني علي طول
اسفه 🥺🥺🥺
بدل ماتدور وتبحث علي الروايات خليها علي تليفونك وحمل تطبيقنا
