رواية كشف المستور الفصل الأول
هبه مواليد ٩٠ وحيده ماعندي لا اخ ولا اخت ماما تشتغل عامله بمستشفى
وبابا يشتغل مصلح كهربائيات
اثنيينهم بسطاء وفقره كلش وطيبين بشكل موطبيعي ويحبون يساعدون الناس
بدت حياتي تتغير من اتمرضت امي اني جنت بلخامس ابتدائي اني جنت زغيره وما اعرف شنو مرضه
بفترة علاجه الي استمرت فتره طويله
اهلي جانو يعوفوني يم بيت خوالي
لمن يرحون للعلاج
وجنت اشوف امي تتغير كدامي وتذبل شويه شويه
ومن تجي من العلاج اضل بس نايمه
اسمعهم يكولون محتاجه عمليه ضروري
امي حيل تغيرت
المرض حيل تعبه حتى اني ماله خلك اليه ابد
مومثل قبل جانت تحضني وتبوسني وتمشط شعري
بيت جدي اهل امي كاعدين بي خوالي اثنينهم وبيبيتي وجدي متوفين
ابيت خوالي ماجانو يعاملوني مثل جهالهم
زوجة خالي ماتقبل اكل ويه جهالها تنطيني اكل بماعون وحدي ماتقبل اكعد يمهم
ومن جان ابنها يضربني تسكت واذا اني ضربته تكلب الدنيا بلحجي والصياح ومرات تضربني
جنت اكعد بلباب انتضر اهلي يرجعون وياخذوني
ما احب خوالي واضوج من جهالهم كلش
جمانه السعيدي
ومن ارجع للبيت اضوج كلش واني اشوف امي تتوجع كدامي
اريد انام بحضنها مثل قبل
بس بابا مايقبل يكول تعبانه عوفيها
امي موجبيره حيل عمرها ٣٨ وبابا عمرا ٤٠سنه
بعدين بدت حالت امي تسوء اكثر واكثر
الحد مانامت مستشفى وبابا يبقى وياها واني يعوفوني يم بيت خالي
نجحت للسادس واني باقيه من بيتنا البيت خوالي
اول ما بدا الدوام بلسادس
وضعنا ماجان يسمح اشتري ملابس جديده طلعت ملابس العام وغسلتهن بس حذائي مشلوع
كلت البابا كال ميخالف اني اجيبلج حذاء جديد
وطلعت جنطتي مالت العام لكيته شويه مشكوكه جبت ابره وخيط وخيطته
طبعا اهلي قبل يشترولي احلى ملابس بس هسه مرض امي
وعلاجها مابقا علينه فلوس
اكعد الصبح ابدل واني امشط النفسي
اباوع البنات خالي امهن تمشط الهن وتحضر لفه تخليها بلجنطه حتى احذيتهن تنزل تربطهن الهن وترتبهن
بس اني محد يهتملي
يجي بابا ينطيني مصرف ومن يخلص ابقا منتضرته
خالي ينطي الجهاله واني لاء
مره اجه ينطيني وزوجته صاحت لاتنطيها عدها ابوها يدزلها مصرف
رجع الفلوس الجيبه وبعد مافكر ابد ينطيني
جمانه السعيدي
ادهورت حالت امي وجنت اسمعهم يكولون بيها سرطان وبعد مستحيل اطيب منتشر بجسمها ومايكدرون يسيطرون علي
كل يومين ياخذني بابا اشوفه وارجع بس امي موهي امي قبل
تعبانه وكوه تفتح عيونها من تشوفني تصيح هله وتاخذ ايدي تبوسه
.هبه ..ماما الله عليج ارجعي للبيت وخل نجتمع من جديد ولله ضجت ابيت خالي اني انطيج العلاج واغسل ملابسج وكلشي اسويلج بس ارجعي
.امي ..هبه ماما صيري قويه وسباعيه واريدج تنجحين بلمدرسه
...انشاء الله ماما
طلعوها من المستشفى وكالو ماكو غير رحمة الله
احنا بعد مابيدنا اي شي
بقت ماما بلبيت عايشه على المسكنات وحالته بلنازل
بابا خطيه هو الي يداريها وهو الي يطبخ وينظف البيت واني اساعدا
اخر يوم بمتحانات السادس رجعت لكيت الناس ملتمه ابابنا
وصوت صريخ عرفت ماما ماتت
دخلت اركض لكيت بابا كاعد يبجي على صفحه ونسوان الجوارين ملتمات يصرخن
حاولت ارفع الغطى عن وجهه ماقبلن النسوان
رجعت شبكت بابا وبقيت ابجي
حالة حزن خيمة على بيتنا
وصار كلشي بلا طعم
بعد اسبوعين رجع بابا للشغل
رجع بابا فتح المحل مالته ومايكدر يعوفني بلبيت وحدي فقرر يعوفني يم خوالي
.بابا ..باعي بابا هبه اني اريد ارجع افتح المحل لان احنا محتاجين مصرف وما اكدر اعوفج بلبيت وحدج ولا اكدر اخذج وياي بعد انتي صرتي جبيره
راح ابقيج يم خوالج واني اجي اشوفج واجيبلج مصرف
...بابا اني اكدر ابقا بلبيت وحدي وقفل الباب عليه
...لا حبيبتي اخاف عليج خاف اطك الكهرباء خاف تحتركين بلطباخ
احسن شي تبقين يم خوالج واني امر عليج
وفعلا جمعت ملابسي وغراضي ورحت يم خوالي
ماجنت حابه الوضع ولا مقتنعه بس مابيدي اي شي
من وصلت البيتهم
نسوان خوالي ماجان عاجبهن الوضع
وبدن يشغلني بلبيت كل الي عدها شغل تشمرا عليه
هبه اغسلي الملابس
هبه اغسلي المواعين
هبه اكنسي هبه امسحي
واخر شي مايقبلن اكل وياهم عبالك بي جرب ينطني اكلي واكعد بلمطبخ وحدي اكل
قررت بس يجي بابا اروح ويا بعد ما اتحمل هاي العيشه
جمانه السعيدي
اجا بابا يشوفني وتعارك ويا خالي وكاله انت مالك ابنيه عدنا
وطردا من البيت
صرخت عيطت لزمته من ايدا ماكو خالي سحبني ودخلني بلغرفه وقفل الباب عليه
بقيت ابجي للصبح اريد ارجع البيتنا
ومحد يسمعني ولا احد اهتم وكال اسكتي خلوني ابجي وحدي واسكت وحدي
رجعت الشغل والكراب كله عليه ومحد يرحمني
قررت احاجي خالي من يجي
وفعلا من رجع من الشغل قررت احجي ويا ولي يصير خلي يصير
...خالو اريد احجي وياك بموضوع
نزل حواجبه وكال شتريدين
...اريد اروح البيتنا اريد اعيش ويا بابا
...انجبي وولي منا انتي ماعندج اب وهاي السالفه عوفيها
ابوج ماترجعين اله ابد
...اي ليش
...لاتكثرين بلحجي ابوج انسي فهمتي لو لا
ماكدرت اتحمل كمت ابجي واعاتب رب العالمين
ليش هيج ياربي ليش اخذت امي لو امي موجوده ما صار هذا الشي ابد
يارب اهدي خوالي خليهم يرجعوني البابا
اسبوع ورجع بابا اجا وكعد يتوسل ساعه كامله
لكن خالي طرده من البيت
واني نهاريت من البجي هلمره حتى ما خلوني اشوفه واكعد يمه ابد
من اجا بابا حبسوني بلغرفه وسدو عليه الباب
ضجت كلش شني ابوي ومايخلوني اشوفه واكعد يما وهمه حاضنيين جهالهم
ويشترون ويدلعون ويخافون عليهم من الهوا
واني ابد مايفكرون بيه
هسه اريد اعرف السبب ليش هيج يسون وياي
بابا انسان طيب ولاصاحب مشاكل ولابعمره ماذي اي احد
وجانت علاقته طيبه بيهم كلش
ولا اذكر متعارك وياهم يوم ابد
ورا فتره رجع بابا اجاهم وكللهم بس اشوفها ما اريد شي
هلمره العركه كلش جبيره ولتمت الجوارين على صوت الصياح
وخوالي هددو بابا اذا رجع مره ثانيه يقتلونه
وكالوله انسا عندك بنيه وبعد لاتجي هنا ابد مره ثانيه
شكرا جزيلا للكل من سئل عني وذكرني
