رواية مسلسل عيوش الحلقه الخامسه والاخيره بقلم اميره سليمان

 

رواية مسلسل عيوش الحلقه الخامسه والاخيره 

الحلقة (5) و الأخيرة 

 #احداث_خاصة

#من #مسلسل 

#عيوش

#الكاتبة

#أميرة_سليمان

اني مقعمز بعيد و ندير في قهوة جتني اختي تجري الصغيرة قاتلي راهو تبي ادف مرتك جيت نجري قلت ليها خيرك .

قاتلي لا والله العظيم مش قصدي مش راح ندفها اني كنت خلفها و حطيت ايدي على ظهرها بس

اختي صغيرة تقولي و الله خلت مرتك تشبح قدام و كانت بدفها كان اني ما تكلمتش 

اني اسكتت ركبتهم للسيارة مرتي أبدت ترعش و خافت و من عيوني اختي عرفت أنه كلام اختي صغيرة حق

خاصة تقولي في طريق ما تقوليش لي بابا 

اسكتت 💔 بعد يومين قلت لي بوي شن صار بوي اضربها رغم اني نحصت بوي يرفع يعالجها عند دكتور نفسي يدير حل مانبيش يضربها 

زادت كرهتني هلبا لين ناديت خالي اقعد يرفع يعاين فيها لأنه اني مش متقبله وجودي بكل 

اقعدت ندور في حد يأخدها و نفرح بيها قالي صاحبي لي معاي في الورشة اني نأخديها و ندير ليها احلى عرس صاحبي هذا يعزني هلبا و زي خوي زي مودة و محبه قالي صغيرة و نستر عليها و أن شاء الله ترتاح معاي فرحت هلبا كنت مانبيش نقول للعيلة راهو جاي على خاطري أو شي

جاي طلبها و 😧💔

_________________________

___#الكاتبة_أميرة_سليمان____

جاي طلبها درت ليها احلى فضانية ادفعت لي فوقي و تحتي جبت شركة منسقه كل شي كيف ما تبي احلى اسبوع كله و اني نجري من مكان لي مكان غير فساتين اخدت أربعة كيف ما تبي جت حفلة حلوة

و حدد العرس بعد شهر اقعدت ندور و نشري ليها و مرتي معاي لين ضعفت و ايامي كلها تعب و إرهاق حجزت ليها في أفضل صالة افضل مزين كل شي الافضل كنت نبي غير تتحسن و تستر روحها ما نبي شي نجري اني و مرتي عليها من الصبح إلى الليل كل شي جهز و كيف ما تبي

و جاي يوم العرس جبت ليها فنانه تغني و عزمت هلبا ناس و العشاء كان راقي جت حفلة يا سلام شفت ضحكتها زي قبل و احسن جاي راجلها روح بيها و تمت الحفلة وصلت أمي و اخواتي للحوش و امشيت للجامع قعمزت نصلي في قيام الليل في جامع لي جنب حوشنا و صليت ركعات شكر و كيف قعمزت نسبح و😧

_________________________

___#الكاتبة_أميرة_سليمان_____

كلمتني مرتي قاتلي تعالي بسرعة أمشيت

اطلعت من الجامع مش عارف كيف أوصلت في الحوش أول ما خشيت نشبح في اختي مقعمزة تبكي 💔 نحساب الغلظ منه امشيت نجري طول خنقته لين طيحته على التراب قتله مش قلت بنصونها مش قلت ب نرد بالي عليها علاش طردتها ضحكت عليه صح 

قالي كنت بنصونها بنحطها في عيوني لاكن اختك مش ........و انت عارف من صاحب العملة و ساعة تتفكر وين القيتها يعني اني لي اكليت توا على رأسي هزيت رأسي و سكتت امشيت للحوش 💔 شديتها قلت ليها شن امدايرة غير علاش بس بوي لين طاح على طول لين جاي الفجر اني مقعمز برا و دموعي في عيوني دار عملته و اهرب برا البلاد مرته جايبه ملوحه عند أهلها حالتي حالة و اقعدت اني في مصيبة اختي لي روحت ليلة عرسها 💔 شن بنقول للناس لي اعمامي و خوالي 💔 أمشينا بيها للمزرعة هي و أمي مش ما حد يشك فيها بكل او يشوفها امشيت نترجى فيه يستر عليها قالي و الله ما نقدر حتى الشغل سيب من عندي أرجعت للمزرعة و اني كيف بنطيح على طولي من الصدمة ألقيت أمي تعيط قاتلي اختك راهو طيحت روحها في جابيه و هكي انتهت قصة اختي عيوش لاكن لليوم نادم كيف فضحتها قدام الناس كيف دخلت أصحاب زي أهما لي حوشي و كنت نعامل فيهم زي خوتي كيف اختي صغيرة ما كنتش حريص أكثر من هكي

عليها و 😧

__________________________

___#الكاتبة_أميرة_سليمان_____

لليوم نادم على كل شي كنت ندخل فيهم هلبا لي حوشنا و حكم ديما عندي اهو حد فيهم غدر بيه و العب على بنت صغيرة و ضيعها و راحت عيوش ب ضحكتها ب اهبالها ب حركاتها خلت غصة في قلبي رغم فاتت سنة نتلمح فيها قاعد في حوشنا و مرات نحس تنادي فيه نسمع في صوتها هي تعيط و بوي يضرب فيها و اني نضرب فيها صوتها في وذني البنت تبي احتواء لاكن لي الاسف اني تعاملت مع الأمور بطريقة قاسية هي عليها لوم و لوم الكبير عليه اني و أمشت عيوش#انتهت.

بدل ماتدور وتبحث علي الروايات خليها علي تليفونك وحمل تطبيقنا

تعديل المقال