رواية غيره قاتله الفصل الاول
اريد احجيلكم قصتي واريد تعرفون الغيره القاتله
الي تعرضت اله بحياتي ومن أقرب الناس اليه
اول خطيئه بلكون كانت بسبب الغيره
لمن ابليس غار من ابونا ادم لان رب العالمين فضله علي
وأمر ابليس يسجدله
ابليس رفض واعترض وكال اني خلقتني من نار وآدم من طين شلون اني اسجده
ولهذا السبب رب العالمين امر بإخراج ابليس من الجنه
ولان رب العالمين غضب على ابليس وطلعه من الجنه
ضل يكيد الادم لمن اغوا يقوم بلخطيئه ويعصي رب العالمين
وبسبب العصيان طلع ادم من الجنه
اذن اول خطيئه بلدنيا كانت بسبب الغيره
وبعدين قصة مقتل هابيل على ايد اخوا هابيل كانت بسبب الغيره ابليس ضل يبين القبايل ان ابو ادم يحب هابيل اكثر منه ويفضله علي
وهنا حدثت اكبر ثاني خطيئه بلكون بعد عصيان ابونا ادم الأوامر رب العالمين
وهي قضية قتل النفس المحرمه هم بسبب الغيره
والقضية الثالثه قضية سيدنا بوسف الي اخوانا شمرو بلبير بسبب غيرتهم منه واعتقادهم ابوهم يحبه اكثر منهم
جمانه السعيدي
اما قصتي ويااا الغيره قصه عجيبه تابعوها وراح تعرفون اني شصار وياي
اني فاطمه بنيه من عائله متوسطة الدخل
عندي اخوان ثنيين ازغر مني اسلام وعلي
بابا متوفي وامي موجوده
اني حنطاويه شكلي حلووو عندي خدود وعندي شامه
يم شفتي وجهي دائري شعري كيرلي لونه جوزي
بيتنا بسيط كلش
امي خياطه وعدنا راتب بابا كان يشتغل بدائرة الري
امورنا ماشيه ولله الحمد
رب العالمين ساتره ويانا
كلنا نصوم ونصلي امي علمتنا على هواي أشياء حلوه
ماتقبل نطلب من اي احد اي شي
تكول الشي الي نكدر نصبر ونتحمل الحد مانحصله
ماكو داعي نطلبه
علمتنا على عزة النفس والكرامه صحيح اني ماعندي ذهب وملابس ماركه مثل البنات
بس بعمري ماحسدت وحده على ملابسه لو على ذهب لابسته لو على سفره
دائما عندي امل رب العالمين مراح ينسانا
كلما نتحمل ونصبر اكثر رب العالمين راح يجازينا بلاجمل
المهم يكولون الحمه تجي من الرجلين
عندي خاله وحيده يعني هي الأخت الوحيده الامي
امي كلش تحبه وتحترمه
بعد اخته الوحيده ماتشوف غيره
كانت امي الأخت الجبيره وخالتي الهام هي الازغر
خالتي الهام حيل اتاخرت قسمته صار عمرها ٣٢ وهي مامزوجه رغم هي حلوه وماناقصه شي
بس بعد هي قسمه ماتجي اله يامر رب العالمين
طبعا اهل امي كانو مفكرين ان هي بعد مراح تزوج بهذا العمر
وكانما صار عمرها ١٠٠ سنه
الحد مااجت قسمته على غفله
خالتي ازوجت واحد غريب لا من اقاربنا ولا من العشيره
بعد سنتين من زواجه زوجها استشهد
وعافه حامل بلشهر السابع
الدوله انطته تعويض وعياله باعو بيت العائله ونطوها حصته وذهب عرسها هم موجود صار عدها مبلغ تكدر تشتري بي بيت وتستقر
امي اقترحت تشتري بيت قريب علينا حتى تكدر أدير باله عليه وتشوف طلباته
وهم يكونن وحده قريبه من الثانيه يعني باعتبار وحده ماله غير الثانيه
جابت خالتي بنيه تخبل سمته سما
طبعا اني اكبر منه ب٣ اشهر
بقت خالتي ادور بيت قريب علينا حتى تشتري وتستقر بس ماكووو
سنه كامله وهي ادور
الحد مآ البيت الي بصفنا انعرض للبيع
البيت جان زغير ١٥٠ متر بس مرتب ارتب من بيتنا وبناءئه
احدث من بيتنا
امي وخالتي راحن علي وكلش عجب خالتي وقررت تستري
وهيج تكون قريبه على امي
جمانه السعيدي
بعد ست أشهر انتقلت خالتي الهذا البيت
صرنا عائله وحدا ناكل ونشرب سوا
تقريبا كل النهار خالتي وسما عدنا
امي ماتطبخ شي ولا تاكل اذا مو خالتي تجي تاكل عدنا هي وسما
وتخيط ملابسه وملابس بته بدون اجور
بس خالتي كان بيه عيب وحيد
مددله بته بشكل مو طبيعي بحيث ماترفضله طلب
سما كلش كلش وكيحه وماتخاف ابد
طبعا سما بيضه وعيونه كبار وشعرها سرح
شكله حلووووو وكل الي يشوفه يتغزل بيه وبشكله
تربينا اني وياها سوا
من كنت زغيره كنت احسه اختي هلكد ماعدنا طول الوقت
مانتفارك بس وقت النوم
سما حلوه بس وكيحه وانانيه
كانت اذا تشتري لعبه جديده ماتقبل الزمه
واذا اني اشتريت لعبه تصير ناعمه وياي الحد ماتاخذه وتخربه وتشمره
اذا لبست شي جديد تبقى تعيب علي حتلو حلو
واذا هي لبست شي جديد اضل تحرك بكلبي
اذا قررنا نطلع المكان اني وامي تروح ويانا
واذا هي وخالتي يردن يطلعن
ماتكول ولا تحجي خاف اجي وياهم
امي كانت اذا تشتربلنا حلويات تحسب حسابه تكول خطيه
تبقى تباوع عليكم
وهي اذا خالتي اشترت شي ماتقبل تشتريلنا وياها
كانت هاي التصرفات بلبدايه مو مهمه ولا اضوج منه
لان سما طفله ومدلله
واذا ازاعلنا اني اصالحه بسرعه
لان جديات احبه ومااكدر استغني عنه ابد
جمانه السعيدي
اجا وقت المدرسه سجلونا نفس الصف ونفس المرحله
هنا بدت مرحله ثانيه بحياتنا باعتبار كبرنا وصرنا بلمدرسه
اني ابدل بسرعه وابقى منتضرته حتى نطلع للمدرسه سوا
شكد ماابقه منتضرته مااضوج ابد
واذا اني اتاخرت بيوم عليه تعوفني وتروح تكول انتي تاخريني
اذا اخذت درجه اعلى منه بلاملاء تكوم تبجي وتزعل مني
واذا هي اخذت درجه اعلى مني تصيحلي كسولي
انتي مو شاطره اني اشطر منج
اذا صادقت وحدا تزعل تكول لا تصادقين اي وحدا غيري
وهي عادي اذا تلكه بنيه تعجبه تصادقه وتعوفني اسبوع اكثر ماتسئل عليه
المشكله امي وخالتي ثنيبنهن يوصني عليه
دائما يكولن انتي الاكبر ولازم تنتبهين اله
رغم اني اكبر منه بس ٣ اشهر
بس ياسبحان الله رب العالمين منطيني عقل شكبره
متحملته ومتحمله انانيته
دائما اسامح واغفر واساعده اكول ميخالف بت خالتي وماعدها خوات
اني اخته وماله احد غيري
بس المسامحة على طول عد بعض الناس يحسبوها ضعف
ويتمادون اكثر بلاذيه
وهذا الي صار وياي
كل مره اسامحه من تغلط بحقي تعتبر هذا حق مكتسب
وتتمادا اكثر واكثر
الحد ماكامت تتوقع اني مااكدر استغني عنه ابد
ومااكدر اعيش بدونه
كامت تغلط بحقي اكثر واكثر
واني مااكدر غير اسامحه واسايسه واكول بت خالتي
وماله احد غيري
الحد ماانتقلنا للمتوسطه
وهنا الطغيان زاد اكثر وواكثر
بدل ماتدور وتبحث علي الروايات خليها علي تليفونك وحمل تطبيقنا
