رواية جريمه قتل الفصل الأول
اني حسام مواليد ٩٣من سكنة بغداد
طولي ١٧٥ وزني ٨٠ اسمر وشكلي حلوووو
خريج كلية اداره واقتصاد
بيتنا بزيونه بيت جبير ومرتب احنا اخوان ٣
الجبير اسمه صادق مزوج وعندا ولد
واني الثاني
والثالث ازغر واحد عمار خلص كليه وسافر للخارج
ويشتغل وخير من الله كل شهر ايدزلنا مبلغ مالي محترم
والولده كاعده اجمعله فلوس
وتلح علي يرجع ويستقر بلعراق حتى ازوجه وتفرح بي
احنا حالتنا الماديه كلش زينه
تكدرون تكولون من تجار بغداد
عدنا محلات اثاث ومحلات اجهزه كهربائيه
الله ميسر علينا والحمد لله
ابوي توفه سنة ٢٠٠٨ بحادث سياره
بدت قصتي لمن امي اتمرضت
فجئه وبدون مقدمات كاعد نتغدى وامي كامت تغسل
واذا بيها توكع وماتكدر تتحرك ولاتحجي
امي سمينه وجسمها مليان
المهم اتخبلنا اني واخوي شغلت سيارتي واخذتها للمستشفى
دخلناه الطوارء
اجا الدكتور يفحصها
هنا هي شويه رجع اله وعيها
فتحت عيونها وكالت اني وين
اني لزمت ايدها وبستها
....سلامتج يلغاليه
...اني وين
...انتي بلمستشفى
...ليش شصار
كانت تحجي بس السانها ثكيل اجر الكلمه جر
...ما صار شي شويه تعبتي وجبناج للمستشفى نطمن عليج
...مابيه شي رجعوني للبيت اني ما احب المستشفى
...هسه شويه بس الدكتور يكمل فحص
الدكتور بدا يفحص بجسمها
فتح عيونها فحص دقات كلبها
طلع مفتاح من جيبه وبلنهايه الحاده للمفتاح
جر خط على طول رجلها من بطن رجلها من الاسفل
وحده حست وصاحت اخ
ورجلها الثانيه ماحست بيها
رجع يفحص اديها وحده تحركها والثانيه لا
الدكتور الحجيه عدها سكر ضغط
...لا ماعدها وصحتها زينه
الدكتور مستحيل المريضه عدها ضغط واكو احتمالين
اما هي تعرف وضامه عليكم
او ماتعرف وهذا شي خطير
...ليش دكتور شصار
الدكتور ااشر الاخويه الجبير يطلع ويا
وهنا كانت الصدمه امي ضربتها جلطه لان هي عدها ضغط وتعرف بس هامله الموضوع
الدكتور امر تجي الممرضه تشدلها كانونه
وتخليله بيها قنينة براسيتول
وبعدين محلول حلوووو
جمانه السعيدي
امي رفضت اي علاج وتكول طلعوني للبيت اني مابيه شي
الدكتور شوفو ممرضه منى شاطره بشغله وتعرف تتعامل ويه هيج حالات صعبه
اجا اخوي الجبير يمها واني رحت ادور على الممرضه منى
رحت الغرفة الممرضات ودكيت الباب
طلعتلي العامله بلمستشفى
...تفضل
...اريد الممرضه منى
.... دقيقه
التفتت وصاحت على البنات وين منى
ردن عليها راحت للصيدليه هسه تجي
العامله انت اقاربها
...لا
...اذا تحتاج مساعده تطلع وياك وحده من الممرضات
...لا شكرا اريد منى
اني لمن الدكتور كال منى شاطره وتعرف تتعامل ويه هيج حالات
وكانها كال امك حياتها متوقفه عليه
جنت مستعد حتلو طالعه للبيت اروح وراها واجيبه
انتم ماتعرفون معزت امي عندي
رحت للصيدليه وجانت اكو وحده واكفه تحجي ويه الصيدلاني ومطيتني ضهرها
جانت رابطه شعرها الاسود بشكل حلو والشعر نازل خصل مبرومه
جمانه السعيدي
حسام منى
منى سمعت واحد يصيح باسمي التفت
شفت شاب اسمر طويل وشكله حلوووو
منى نعم قصدك عليه
حسام انتي الممرضه منى
....اي تفضل
...محتاجين مساعدتج
...بشنو اكدر اخدمك
....امي تحتاج كانونه وعلاج ممكن تساعديني
الدكتور دزني عليج
...اكيد تفضل جايه وياك
حسام رغم اني كنت قلق على امي بس جمال هاي الممرضه حيل جذبني
كلشي بيها حلو ومميز
بيضه وعيونها كبار وسود خشمها عدل تفاصيل جسمها تخبل
ايديها ناعمات مشيتها حلوووه
صوتها يخبل عبالك موسيقى
مشيت وهي تمشي وياي وصلنا للغرفه ودخلنا
لكينا اخوي جايب العلاج والكانويه والابره ومنتضرنا
منى هلو حجيه شلونج خطاج الشر
امي الله يسلمج يمه
منى ماشاء الله حجيه مابيج شي زينه انتي
طبعا تشتغل وتحجي ويه امي بحيث امي بطلت تذمر وتحجي
....منى ماشاء الله حجيه شني هلجمال بعدج شباب
منو الي مضوجج وليش هذا الوجه الحلووو يضوج
كملت كلشي بثواني مو دقايق
بعدين عدلت الشال الي لابسته امي وطلعت كلنس من جيبها ومسحت وجه امي
امي الله يرضا عليج حبيبتي
منى بخدمتج حجيه تدللين
بعدين التفتت عليه وكالت اني بغرفة الممرضات اي شي تحتاجه تعال
اني خجلت من اسلوبها الحلوووو
وطلعت فلوس اريد انطيها
لزمت ايدي ورجعتهن وكالت اني ما أخذ فلوس هذا شغلي
وتدلل الحجيه
وطلعت واني عيني وراها
حلووووه واسلوبها حلووووو
ساعته ما اعرف ليش حسيت احساس كلش حلووو
ما اعرف افسر هذا الاحساس
وفعلا امي بس خلصت قنينة البراسيتول صارت شويه احسن
لازم هسه نغير نخلي المغذي بمكان قنينة الاوكسجين
الصراحه اني اعرف
بس حبيت اروح اجيب منى تغيرهن
حسيت نفسي مراهق وادور حجج
رحت الغرفة الممرضات هي كانت طالعه من الغرفه
اتلاكينا وهي راسا ابتسمتلي وكالت
منى... هااا شلون صارت الحجيه
حسام... احسن اريدج تغيرين البراسيتول بلمغذي
منى.... صار تدلل بلخدمه
ورحنا اني وياها للغرفه
منى هااا حجيه انشاء الله احسن
...الحمد لله
....يستاهل الحمد
غيرت البراسيتول بلمغذي
ايد امي اليسرا متحركه وجانت لابسه بيها بتوت ومحبس
منى نزعتهن من ايد امي وانطتياهن وكالت بس اتصيراحسن انشاء الله ترجع تلبسهن
حجيه انشاء الله تلبسيهن بلعافيه
...رحمله والديج حبيبتي الله يكثر من امثالج ياطيبه
...بلخدمه حجيه تدللين
اخوي راح للبيت يجيب اكل وملابس للحجيه وشوربه
لان الدكتور كال خلوها الباجر حتى نطمن عليها اكثر
من خلص الدوام اجت منى للغرفه وكالت اني خلص دوامي تمنيت اكدر ابقى اكثر وانتبه للحجيه
حسام ... شكرا ماقصرتي واني ممنون منج
منى.... لاتكول هيج هذا واجبي وتدلل
قربت على امي وكالت سلامتج حجيه تحتاجين شي
امي .... لايمه شكرا
طلعت واني عيني وراها رحت يم الشباك واباوع عليها منا لمن طلعت من المستشفى
لو اخوي راجع جان وصلتها البيتهم ومتعرف عليها اكثر
اني الصراحه ماخذ غير نضره على الممرضات
بس منى غيرت نضرتي
ثاني يوم حالت امي صارت شويه احسن بس رجلها مانكدر تحركها وايدها بس ترفعها
بس ماتكدر تحرك ايدها مثل قبل بس الدكتور طمنا على العلاج الطبيعي راح تصير احسن انشاء الله
بقيت انتضر منى يمته تجي للمستشفى هي دوامها من الثنين الضهر لثمانيه بليل ينتهي دوامها
خفت اطلع من المستشفى واني ماشايفه
ولا ماخذ رقمها ولا اعرف عنوانها
كل اشويه اروح اسئل عليها
منا لمن اجت للدوام
راحت تخلي جنطتها واغراضها بلغرفه واني رحت وراها
شويه وطلعت لاكتني وابتسمتلي
واني الضحكه من الاذن للاذن جني ما مصدك
منى ... اهلا وسهلا بعدكم بلمستشفى
حسام.... اي منتضرينج
منى.... نعم
حسام.... اقصد منتضرين الدكتور يسجل خروج
منى.... هااا انشاء الله حالت الحجيه احسن ياااا
جمانه السعيدي
حسام .... اني حسام
منى.... اهلا وسهلا عاشت الاسامي
حسام ..... انتي العايشه يمكن اليوم الدكتور راح يسجل خروج الامي
منى.... انشاء الله بس ديرو بالكم عليه زين
حسام..... بس ردت اطلبج طلب بس لاتفهميني غلط
منى تفضل
حسام .... اني حسيت امي ارتاحت اللج واريد اطلب رقم تليفونج خاف نحتاج نسئل على شي
او نحتاج مساعدتج
واكيد كلشي بحسابه واي شي تطلبي تاخذين مبلغ مضاعف
منى.... اي ميخالف اني راح انطيك رقمي من باب الانسانيه
مو علمود الفلوس
حسام ..... مشكور كلج انسانيه
منى هذا رقمي سجل واي شي تحتاج اني حاضره
حسام .... اسجل بلرقم واني مامصدك ابد رقمها صار عندي
بعدين راحت وياي الامي تطمن عليها
وتنطيها العلاج
بدل ماتدور وتبحث علي الروايات خليها علي تليفونك وحمل تطبيقنا
