رواية رقم سبعه الفصل الأول
اني رقم سبعه
رقم سبعه حير العلماء بكل العالم الارضون سبعه والسموات سبعه الوان قوس قزح سبعه البحار سبعه
الا اني رقم سبعه الي زعج بابا
لان قبلي ست بنات وامي ماتقبل توقف الحمل تريد يكون عدها ولد
حتى بابا يرضا عليها
ضلت تحاول وتحاول والبنات عدها عددهم يزيد وكل بنيه بابا يزعل ويعوف البيت
بس بعدين يقبل بلامر الواقع ويرجع ويشجعها على الحمل
عسى يجي ولد
مع ان العلم يكول النوع على الرجال والمراءه مجرد وعاء حاضن
جمانه السعيدي
راح نحجي القصه من البدايه ابوي عندا ثنيين اخوان واخت وحدا هي اخر العنقود
احنا من الصويره بابا يشتغل بكال يبيع مخضر اخوان بابا مزوجين وطالعين
والبيت باقي بي بس بابا وعمه الهام
عمه الهام كانت شاطره جدا طلعت معدل ونقبلت كلية هندسه بغداد تعرفون الكليه ينرادلها مصاريف
كانو عمامي يساعدون بابا بمصرف عمتي
وهي كانت تقتصد وماتشتري اله شي محتاجته كلش
هنا نولدة البنيه رقم خمسه بعائلتنا وبابا حيل ضاج
وعاف البيت يومين راح بيت عمي الجبير
بعدين عمي قنعه ورجعه للبيت
اهل بابا حيل حلوين شكران وعيونهم صفر
اما ماما حنطاويه وجمالها عادي
بابا احلى منها عمتى الهام كانت جميله بشكل وناعمه ونازكه
رغم هي اداوم بملابس عاديه
بس جمالها مميز
من اول ما داومت بلكليه وهي يوميه واحد مصارحها
بس اكو واحد حيل عجبته وهو ذبح نفسه عليها
بقه يحاول وياها ولمن تاكدت من حبه
بادلته نفس المشاعر
بس قررو لمن يكملون كليه يله يرتبطون
الولد اسمه عمار ومن عائله متمكنه حيل عندا بس اخ واحد اكبر منه
بقه حبهم سر بينهم منا لمن خلصت الكليه وهنا اجت البنيه رقم سته العائلتنا
وهل مره بابا حيل اتنرفز وكام يغلط ويحجي وامي بس تبجي
ماتكدر تروح الاهلها هي وست بنات
وهلمره اسبوع وهو ما راجع للبيت وحتى مصرف ماعاف
جانت اسوء ايام تمر بيهن امي نفسه وحزينه
والبيت بدون مصرف يعني شي قليل
رغم اهل ماما جابلونا مسواك بس احنا عائله جبيره وبسرعه خلص
جمانه السعيدي
عمار اتصل بعمه الهام وقرر يجي يخطبها لكن بابا جان بعدا ما راجع للبيت اضطرت عمتي تكذب على حتى تاجل الموعد
عمار جان كامل ومكمل ولله الحمد بس اكو مشكله زغيره عمار من غير طائفه
وهذا الشي جان قالق عمه الهام خاف اخوانها مايقبلون
اتصل عليها عمار
عمار...هلو حبيبتي
الهام..هلو حبيبي
عمار...مشتاق موت للعيون الحلوه
الهام اني اكثر
عمار...يمته الي يجي اليوم الي اتامل عيونج وابوسهن
الهام...عدنا ضروف واخوي مسافر بس يرجع اني افاتحه بلموضوع
عمار...يعني اله هسه يسافر على حضي
الهام...صار اربع سنوات متحمل وصابر هسه ماتصبر كم يوم
عمار...الصبر خلص
الهام....اني مابيدي شي نصبر ولله كريم
اسبوعين وبابا غايب على البيت بعدين عمه الهام اتصلت بي وعمامي قنعو ورجع للبيت
رجع بس مايحجي ويه ماما عبالك مسويه جريمه
وهي خطيه كلشي تسوي حتى ترضي
دز عمار امه وخالته وفاتحن ماما بموضوع خطبة عمه الهام
وامي طلبت منهم مهله حتى تفاتح بابا بلموضوع
ويوصلون خبر العمامي واذا اكو قسمه تصير
بدو يسئلون على عمار كلشي كان تمام بس ان من غير طائفه هاي الشغله حيرتهم
هذا السبب الوحيد الي مخليهم يترددون بهاي الخطبه
هاي الاحداث قبل لا انولد اني رقم سبعه
جمانه السعيدي
عمار واهله حسوو بتردد اخوان عمه الهام
جابو مشيه جبيره واجوهم وكالو مستعدين نقدم الكم الضمانات الي تردوها
وكانو مستعدين الكل شروطهم لان همه حالتهم الماديه كلش زينه
بابا حس عمه تحب الولد ورايدته لذلك قرر يقنع عمامي بهذا الموضوع
وفعلا كدر بابا يقنع عمامي بهذا الموضوع
اخو عمار خالد كان مزوج وحدا اقاربهم
وكانت راسمه ان عمار يزوج اختها حتى هاي الاملاك ماتروح منهم
حاولت بكل الطرق تخرب هذا الزواج بس ماكدرت ابد
حرضت اخو خالد حتى يعارض لان من غير طائفه
حرضت ام عمار
بس كل محاولاتها فاشله ام عمار كانت ادور سعادة ابنها وبس
اهم شي عدها ابنها يزوج الانسانه الي مقنع بيها ويحبها
وفعلا تمت الخطوبه
وعقدو وبدت اجهز العرسها الصراحه ابد ماقصرو عليها بشي
كلشي جابولها وكله اشياء غاليه وحلوه
هنا زوجت خالد انجنت بلزايد
وجانت تعيب على ذوق عمه بكل شي حتى تهز ثقتها بنفسها
وحتى تبين ان عمه ماتعرف تشتري
ولاتعرف تلبس
بس عمار ابد ماكان يهمه كلامها وعندا الهام اجمل نساء الكون
هي فعلا جميله بشكل بيضه وعيونها صفر وشعرها اشكر وسرح وناعمه وكل تفاصيلها تخبل
اما زوجت خالد كانت ضخمه بيضه صاحبت اكتاف وعيونها ازغار وخشمها جبير
كلما يمدحون جمال عمه كدامها تتخبل بلزايد
وتبدي طلع عيوب اشكال والوان
حجز عمار بارقى فندق بغداد وكان عرسهم اجمل عرس
شي خيالي
وبعدين اخذها للشمال شهر عسل
جمانه السعيدي
هنا زوجت خالد بدت تلح على
عهود...خالد اريد اروح للشمال ضايجه
خالد...شنو تغارين من الهام
عهود...اوي شني هاي الريفيه اني اغار منها
خالد...لعد شذكرج بلشمال
عهود...يعني حرام مايصير نغير جووووو
خالد...خل يرجع عمار وزوجته واني اخذج
عهود...وليش مو هسه شني هي احسن مني
خالد...موكتلج من يرجعون ليش تلحين
بقت الهام وعمار اسبوعين ورجعو واستقبلوهم الاهل بلهلاهل والجكليت
وذبحو الذبايح وعزمو الاهل والاقارب....
بدل ماتدور وتبحث علي الروايات خليها علي تليفونك وحمل تطبيقنا
