رواية سرقت قلبي امراه الفصل الأول
دا احاول اكتب قصه.
ايام دا تركض. والعمر. إلى مدا اتذكر منه شي ؟
في البدايه اعرفكم بنفسي
اني
اياد علي محمود الموسوي مواليد ١٩٨٣ من بغداد الدولعي
درست قانون
بس بسب ضروف الطائفية ماكملت كنت في المرحله الثالثه تركت الدراسه قررت اسافر رغم من رفض اهلي طبعا الوالد الله يرحمه ميت ماعندي فقط غير الوالده
امي. الله يحفظه
امي الانسانه الوحيده الي هيه عزيزه على قلبي
والله العظيم. محد يحبك. بكد امك. لا زوجه لا اخت. ولا بنت
مثل اي بنت بدنيا مستحيل. احد يحبها بكد ابوها كذب. اكو حب صادق مثل حب الأب إلى بنته
نرجع امي وهيه كلشي بحياتي خطيه ما قبلت اتركها واسافر لاكن رادت تحافظ عليه من كثره الاموات والقتل على الهويه الي صار في بغداد اكدرت اقنعها
شكد. جاهدت أن أترك فكره السفر. ماكدرت كدرت أقنعها
وهاجرت في سنه 2006 الى لبنان وهناك حاولت استقر. وكان الشعب اللبناني شعب كلش. طيب. ومسالم
حاولت غير شي او اغير حياتي كدرت اشتغل في معمل شامبو بقيت خمس سنوات اشتغل في معمل شامبو طبعا النهار كله اشتغل وبسبب اصدقاء السوء بالليل كلشي يروح مني خمس سنوات ماكدرت الم ولا اجمع اي فلس.. رغم أضحي بوجبه. الغده حتى اجمع فلوس عطر. او حتى أسهر. في الليل ؟
طبعا هاي الفتره احسد شكو واحد يحب قسم بذات الله ماعرف شنو حب اعرف عجاب شنو الحب والهفه والعشق ماعرف .... يمكن الحب كذبه من صنع البشر. يمكن. الحب امل نعيش بيه أو شي من الخيال ؟
على كل حال اتصل بيه اخويه ويبجي اياد لحك امي راح تموت....
كنت مندهش ماعرف شكو كتله عبد الواحد بداعت امي امي ماتت. اني عليك الله احجي
قال اياد تعال لخاطر ربك كتله واللة ليره ما بجيبي ومحد ينطي دين قال لك خمس سنوات شكنت تسوي هناك .ادب سزز... واني ابجي. اوف يمه. يوم. ...
يمكن كان فاتح ميكرفون سمعت امي تكله عبد بيع الثلاجه بيع هدومي ودز فلوسه كروه لخوك بس خل يرجع اشوفه كمت ابجي ولك يمه ضاقت الدنيا بعيني بس فرحت. امي بعدها عايشه
صعب اوصف. شنو امك. وتذكرها. بالغربه والله العظيم. مو (((شيلتها. ))). التراب الي. تمشي عليه تتمنى. اتشمه
صدك
قال عبد الواحد دز عنوانك
..قلت اله بيروت حاره حريك مجمع النبطيه يم برجع البرادنه حي الرمان
... قال باجر تاخذ الحوله وتحجز وترجع اخوي اخوي لو تلحك على امك لو لا المهم ماكدر انام بس اهم شي امي عايشه .
بنفس اليوم حاولت. ام. هدومي. واخذ. مبلغ من ابو الشغل اقصد بقيه حسابي ودعت اصدقئي
رجعت متلهف وخايف خاف اشوف جادر مقابل البيت
خايف. ومرعوب.
طبعا رجعت فقط بجنطه صغيره كنت حامل مجرد ملابس وصلت لباب البيت هدوء مرعب دقيت الباب
واذا اختي ولك ايودي وتبجي والله مو خمس سنوات عبالك عمر المهم
ماكدرت اسيطر على مشاعري صاحت يمه اياد رجع ركضت على امي بسته شنو الوصفه قليل طبعا اطهر شي با هذه الكون الام بس احنه ضمير ماعندي تركتها ماكو ....
والله العظيم. عبالك طفل عمري ثلاث سنوات. ادور على امي ؟ وكانت. ساعات. غريبه وطويله
بعد سبوع من رجعتي
كالت يمه اني حجزت لحج وسئلت الشرع كالو تزوجين ابنك الاعزب بفلوس الحجه الثوب من حجتك يمه ابريني الذمه
رجعتك وخوفتك حتى ازوجك وغصبا عنك
رفضت يمه يا زواج ههههه لا شغل لا عمل ابشرك. جاي بس بهدومي ونتي تعرفين اجره الرجعه منج
صاحت اني امك وربك ازوجك غصبا عنك وفلوس عرسك موجودات المهم ختي قالت يمه صدك لويش ما نخطب اله عندي صديقي ورده وبنت اوادم فلانه جانت تجي يمي امي بدون تفاهم كلت الها هسه تخابريهم...
اتصلت بيها ... قالت فلانه انطيني امك .اريد احجي ويها
اني صافن شنو دا يصير
البنت بقت ما تفتهم. شنو الي دا يصير
وامي تكول الها. اريد احجي ويه امك ونجيكم
نلتقي وجها لوجه...!!
لكننا إلتقينا قلباً لقلب..
فرأى كلامنا الآخر بأعمق ما يكون..
ومن حينها إلتقت الأحاسيس...
وانسجمت القلوب وتوحد النبض....
وأصبحت "أنا أنت" ....و"أنت أنا"
هذه قصتي معك
