رواية سائق القصر الفصل الأول
قصه حقيقيه رومانسيه حصريه
معتز عمري ٢٧ سنه خريج معهد حاسبات
طولي ١٨٢ بشرتي حنطيه
احلى شي ببه عيوني عسلي ورموشي طوال
هاي الصفات اخذته من امي
عندي اخ واخت وامي وابوي هاي عائلتنا بلكامل
اني اكبر واحد بلعائله
ابوي يشتغل حدقجي هاي الشغله متوارثه عن ابوو
بس شغله يخبل والكل يشهد اله بهذا الشي
عدنا مشتل زغير نبيع بي انواع ورد وصبار ونباتات
نادره وشتلات حمضيات وبعد كم نوع نباتات
والي يريد نوع معين عادي نوفره اله
اني اول ما تخرجت اشتغلت كم شغله بس الشغل
لو متعب ومابي فلوس هواي
لو كم يوم ويجيبون واحد غيري الصراحه كل شغل اشتغله اشوف كمية نفاق وغيره مو طبيعه بين العمال
واني ماأحب هيج شي
جمانه السعيدي
قررت اشتغل وياا ابوي منا لمن الكه شغل زين
أو وضيفه استقر بيه
ابوي لازم كم بيت بمناطق راقيه بغداد
يروح يعتني بلحديقه ويرتبه واذا عاجبهم شتلات جديده
يتصلون بي يشتري هاي الشتلات ويروح يزرعهن الهم
يعني مو كل يوم يروح الهاي البيوت
بلاسبوع يوم الكل بيت يروح يعتني بلحديقه ويتخلص
من النباتات الزايده ويسكي الزرع ويرجع
اني اكون بمكانه بلمشتل
ابيع نباتات واعتني بلنبات الي عدنا
إلى أن اجا يوم ابوي رجع فرحان
ابوي... لكيتلك شغل يخبل وبي فلوس
معتز... يالله شنو هذا الشغل
ابوي.. اكو ناس كلش أحوالهم الماديه زينه وعدهم شركات
اني من زمان ارتب حديقتهم وعندي معرفه بابوهم
يردون سايق ثقه
يخلص شغلاتهم بلبيت
يعني يوصل جنتهم للكليه وامهم اذا عدها شغل أو طلعه
ياخذها ويجيبها
ويجيب مسواك البيت وهاي الشغلات تعرفه بعد
معتز....ولله ماادري يعني هاي خوش شغله
ابوي...اكيد ينطونك راتب محترم طبعا هم يكدرون يجيبون بمكان السايق ميه
بس يردون واحد ثقه ومعروف بحيث يدخل بيتهم
وهم مامنيين بي
وياتمنونه على عائلتهم
معتز...وشكد الراتب
ابوي...لا تخاف راح ينطونك راتب محترم وطول النهار تاكل وتشرب بلاش
معتز...وانت شلون تبقى وحدك
ابوي...يابابا هاي شغلتنا مابيه فلوس وانت جبير مو زغير
لازم تكون نفسك وتجمعلك كم فلس
حتى تزوج إلى متى راح نبقى على هذا الوضع
طبعا اني عندي بت عم عمرها ٢٢ سنه اهلي يردون يخطبوها اليه بس الوضع المادي مايسمح
وبيت عمي عدهم علم بلموضوع وموافقين
يعني شبه منتضرتني
جمانه السعيدي
نرجع الموضوع الشغل
معتز...خاف مشاوير طول النهار
ابوي...لا تخاف هما بلبيت بس الاب والام وابنه وزوجته بت عمه وبس
الاب هو وابنه يطلعون للشركه الصبح
عدهم سياره ويطلعون بيه
انت تأخذ جنتهم للكليه هاي سنه اخيره
واذا محتاجين مسواك تجيبلهم
امهم اذا محتاجه تطلع تنطيك خبر
وترجع جنتهم من الكليه وتبقى كاعد اذا عدهم طلعه
بليل اذا يحتاجونك يتصلون
واذا مايحتاجونك ترجع للبيت وهاي هي
معتز...هم اكو مقابلة عمل يعني يختبروني
ابوي...مااعتقد هو أنت سايق هم تحتاج شهاده
معتز...بعد الدراسه والتعب تالي سايق
ابوي...يعني انت شايف الشغل مكوم خرجين وشهادات عاليه وماكو شغل
مشي امورك حسبت وقت بلكت تلكه شغله احسن
معتز.. ...انشاء الله
ابوي...باجر اخذك الاستاذ طلال حتى يشوفك ويسلمك الشغل
معتز..تمام
ثاني يوم كعدت من الصبح سبحت وبدلت وكشخت بنطون جينز اسود وقميص ابيض
تريكنا وطلعنا الساعه ٨ الصبح رحنا البيت استاذ طلال
وصلنا للبيت
المنطقه راقيه بشكل
والبيت فد شي
يابيت اقصد القصر اكثر من ٨٠٠ متر بس الحديقه مالته
بكد بيتنا مرتين
وكفنا بلباب بعدين دكينا الباب ودخلنا
الخدامه فتحت الباب طبعا الخدامه مو عراقيه
مااعرف شنو جنسيته بس هي من ذني السمر
دخلنا وبقينا كاعدين ننتضره
نزل من فوك وسلم على ابوي
طلال. ...اهلا ابو معتز شلونك
ابوي...اهلا وسهلا
طلال...هذا معتز ماشاء الله
ابوي.. الله يخليك اي معتز اسف على الازعاج من الصبح بس اجينا علمود الشغله الي كلت عليه
طلال..اي التفت عليه انت تعرف تسوق عندك سياره
معتز...لا ماعندي سياره بس اعرف اسوق خالي علمني على السياقه
طلال.. تمام.. ابوك شرحك شنو طببعة عملك
معتز.... انشاء الله
طلال...انت راح تكون بخدمتهم بلبيت واي شي يحتاجووو
تلبي الهم بلاضافه للمشاوير
معتز....تمام
طلال...خوما عندك ارتباط
معتز...لا ماعندي اي ارتباط
طلال...انت شمخلص
معتز...معهد محاسبه
طلال.. ..انشاء الله بالمستقبل راح نلكالك شغله بلشركه
اتمنى تكون عد حسن ضنا بيك
ابوك معرفه قديمه وعزيز علينا
معتز... انشاء الله
جمانه السعيدي
راسا نزلت وحده من فوك بس مو بنيه صاروخ أرض جوا
بيضه بشكل موطبيعي طوله تقريبا ١٦٦
لابسه اسود تنوره قصيره وقميص
رافعه شعرها بطريقه تخبل
مكياج هادء والمشيه عبالك تمشي على مسطره
بيدها جنطه سوده
نزلت وكالت صباح الخير
كلنا ...صباح الخير
طلال...ليش متغيرين الاسود عموو
نرجس...اني هيج مرتاحه
طلال...خلاص انحلت مشكلة السايق هذا معتز راح يوصلج
كل يوم
واي شي تحتاجي هو راح ينفذه اللج
راسا صاح على الخدامه اجيب سويج السياره وانطانيا
طلال...بعد مااوصيك هاي نرجس بت اخوي الله يرحمه
وعزيزه عليه
معتز...انشاء الله مااقصر
طلال...اطلع شغل السياره علما تتريك وتجيك
طلعنا اني وابوي برا
ابوي...بعد مااوصيك كون تبيض وجهي كدام استاذ طلال
معتز...انشاء الله
ابوي بقه يشتغل بلحديقه
واني طلعت لكيت سياره حمره أوباما والثانيه بيضه لكزز
المفتاح كان للسياره الوباما
شغلته وطلعته برا الكراج وبقيت انتضر
تقريبا ربع ساعه طلعت تمشي مشي الغزال
نزلت وفتحتله الباب صعدت بدون ماتحجي اي كلمه
مشينا شويه باوعت بلمرابه صافنه على الشارع
معتز...بس اي جامعه تداومين
نرجس....كنت صافنه انتبهت السايق يحجي وياي رديت نعم
معتز...اي جامعه اداومين
ردت عليه باسم الجامعه ورجعت دارت وجه على الجامه
وسكتت
وصلنا نزلت فتحتله الباب العطر مالته كفخني كفخ
معتز...بس راح انطيج رقمي إذا اطلعين تتصلين عليه
واجيج
نرجس...تمام
انطتني تليفونه وكالت سجل الرقم
وكفت بملل شكد مبين عليه حزينه سجلت رقمي
وكتبت علي معتز السايق
ورجعته تليفونه اخذته وراحت بدون كلام
شغلت السياره ورجعت للقصر
هذا اول يوم شغل لازم يكونون راضين عني
بدل ماتدور وتبحث علي الروايات خليها علي تليفونك وحمل تطبيقنا
