رواية فصيله لاخو حبيبي الفصل الأول
مساكم الله بلخير داده شونكم اخباركم بعد انقطاع طويل ورجعنالكم بقصه ولو تفاعلكم كلش زفت يعني ليش هيجي
يلى اريد منكم تفاعل حلو مثلكم لا تنسون لايك وكومنت حبايب كلبي
اسماء الابطال...
قصص my hopes
اكو 3 اصدقاء روح بروح وهمه اخوان اكثر من همه اصدقاء...كيان عمره 25 وسيم ابيض وعيونه صفر عكس خوانه الباقين لان امه مختلفة بس متوفية ومرت ابوه ربته ويعتبرها امه.. وامجد صديقه عمره27 وسلام صديقه الثاني عمره 24 حلو هواي ابيضاني وعيونه سود وشعره بني..ودوم يرحون للحشد سوية وكل فترة ينزلون يشوفون اهلهم ويرجعون...امجد استشهد بالحشد هناك وسلام وكيان حزنو عليه وكأنهم فقدو ابوهم مو صديقهم...سلام نزل لأهله بس كيان بكد ما حزن على امجد كال ماريد ارجع للبيت اريد استشهد والحك امجد...بعد فترة اتصل عليه اخوه يرجع لأن امه مريضة وتريد تشوفه..الي هي مرت ابوه....
بيت ابو فهد...
فهد اخو كيان من ابوه...وعنده بعد اخوان صلاح عمره 20 وزين العابدين 13..و3 خوات حنان وامينة وفاتن..مو مهمات بالرواية امينة وحنان مزوجات وفاتن صغيرة بعدها عمرها 17 سنة...ابوهم متوفي..قبل سنتين...وهو شيخ عشيرتهم وكبيرهم...استلم الشيخة ابنه فهد...خل اوصفه الكم...عيونه سود حنطاوي وشعره اسود..طويل لتكول ساتر عالي 😂خوش وصف😂..هيبة ولحيته حلوة عليه يلبس الزي الخليجي دوم والبعض يسميها دشداشة واكو يسمونه ثوب رجالي... المهم عمره 32سنة متزوج وعنده 3 بنات نور وفاطمة وزينب... واكبر وحده عمرها 8سنوات امهم من بغداد تعرف عليها من راح درس هناك...ماراح اوصف شخصيات الابطال بس شكلهم..انتم تعرفو على شخصياتهم بالقصة...
كيان اتصل على سلام...
سلام:الوو هلا كيان
كيان:هلا سلام شخبارك
سلام:مو بخير وانته شخبارك
كيان:اني بالديرة
سلام:احلف والله
كيان:ها ولك ماتصدكني شنو جذاب اني
سلام ضحك:لا حشاك..كيان البطل ماكو منك ثنين
كيان:تسلم حبيبي سلومي..يالله تجي لو اجيك
سلام:انته تعال
كيان:اوك جاي
سلام:جيب صلوح وياك والله يضحكني
كيان:صار جاين...وسداه وراح كال لصلوح يروح وياه بيت سلام صديقه...
ام سلام صاحت على بتها:ملاك اجو لاخوج اصدقاءه كومي سوي جاي
ملاك عافت الكتاب وكامت بسرعة وتكول سلام ماعنده غير كيان صديقه...
ملاك:اويلي كيان هنا راح اموت..صارله هواي ما زار سلام...
ملاك مرة شافت كيان بالصدفة جانت بالحديقة وماتدري جاي صديق اخوها وطلعت وصارت بوجهه وشافها وشافته..وطبعا سلام عصب عليها لأن جانت بلا حجاب وركضت داخل ومن يومها عاجبها بس ماتعرف شي عنه بس رغم هالشي صارت تحبه لأن كلما يطلع تشوفه من الشباك وهو صار يحبها لأن شافها مرة ثانية جانو طالعين وكل جياته لبيت سلام بس حتى يصادفها بس دوم يرجع ميت قهر ويخيب ظنه حتى صار يروح للحشد ويكول اريد استشهد هناك بعد حتى ماتعرفني ولا تحزن عليه..وصارله سنة يروح الحشد هو وسلام وامجد استشهد بعد 3 اشهر هناك...كيان فكر يخطبها بس لهسة ما متوظف صح عدهم خيرات وحلال ماينعد بس هو يحب يعتمد على نفسه...بس حاليلا مايفكر يتزوج لان ناوي يرجع للحشد..وبالرغم تلفون سلام كله يمه ولا مرة فكر ياخذ رقمها ويحاجيها لأن سلام اخوه مو بس صديقه ومايريد يخونه..ومن جانو بالحشد يسمع سلام يحاجيهم ومن يحاجيها يتلهف على شوفتها..وصورتها ابد ماختفت من باله...وطبعا محد يعرف بمشاعر الثاني لأن هي بس مرتين تصادفو...واحد حب الثاني من اول نظرة بس...يعني حب من اول نظرة واذا واحد عرف الثاني يصير عشق...
ملاك راحت سوت جاي بكل حب...
ملاك:ياربي يحن علي ويعرفني ويحبني مثل ما احبه
ريفان اختها:منو هذا ولج
ملاك فزعت:يمه..وجع شبيج خرعتيني
ريفان:هههههه لا تضيعين السالفة منو هذا الي تحبينه
ملاك بنص عين:😒 وانتي شكو
ريفان تغمز الها:كيان مو..اشوفج تنخبصين من تسمعين جاي يم سلام
ملاك بحب:ولج ريفي احبه وهو مايدري عني..صارله هواي مجاي لسلام..جان بالحشد اسمع سلومي يخابرله
ريفان:اي من استشهد صديقهم والله حزنت عليه مثل حزن سلام..الله يرحمه ويرحم كل شهداء العراق
ملاك:آمين..ولج ريفي روحي تصنتي عالباب شيكولون لمن اخلص الجاي
ريفان:ولو لزمني سلام اصير الا طحين ويتخيلني داعش ويلعن والدي ههههههه
ملاك:امداج جبانة..اليوم كون اشوفه والله ماراح ارتاح ابد لو انكتل اليوم اشوفه
ريفان:ولج انتي ماتخافين ابد
ملاك:لا ماخاف اصلا سلام حبيب كلبي شكد يعصب بس مايضرب هههه
ريفان:اي صح..بس لا تتهورين ملوكه حبيبتي صيري عاقله خلي مغامراتج على جانب وغرامج على جانب
ملاك:دمشي ولي..وراحت تودي الجاي
...دكت الباب وطلع سلام...
سلام : ملاك حبيبتي صبي 3 استكانات
ملاك بهمس:يااا صبيت 2 امي ما كالت بعد يمك شخص
سلام:اي روحي صبي بعد واحد وتعالي...
خل اوصفلكم
ملاك..بنت جميلة وكيوت..عيونها سود كبار وشعرها اسود فاحم وطويل وناعم..بيضة طوخ..عمرها 18 سنة وشخصيتها تعرفو عليها بالقصة😉..اخر سنة سادس علمي..مستواها الدراسي لا بأس به...
بالديوانية...
صلاح:سلام شرايك نروح للصيد
كيان:بس هسة مو وقته غير مرة نروح(مايريد يروح من بيت سلام متأمل يصادفها مشتاقلها..آخر مرة شافها جانو طالعين هو وصلاح وشاف سلام ويه عائلته بحديقة عامة)جان عمرها 17...
سلام:اي صدك مو وقته..كيان اريد اجيبلك سلاحي واريد تنظفها فدوة لعيونك صديقي
كيان:تدلل..جيبها وتعال..وراح جاب البندقية مالته واجه...
كيان:سيوفي هسة اجيك وانظفها الك..سويلي طريق اروح للحمام
سلام:روح محد يطلع من يكون عندي احد
كيان طلع للحمام بره..وطلع غسل وجهه بماي بارد لأن نعس البارحة مانايم..مسح وجهه بالمنشفة والتفت...
بدل ماتدور وتبحث علي الروايات خليها علي تليفونك وحمل تطبيقنا
