رواية ذكريات مفقوده الفصل الثالث 3 بقلم ام زيزو
فقار ..
سحبت ايدي على كيف بهدوء من جوه راس ملاك
وكمت دفعتهم اثنينهم خارج الغرفه بس طلعت سديت الباب صحت بيهم
.. شبيييييييكم الخاطر الله شهالتفكير الوسخ لاتحجون شي ممفتهمينه شنوو من الاساس
اثنينهم غصو من الضحك
خزرتهم وصكيت على اسناني
شنووو انتم ناصبين عليه ولكم من**** كو****
راحو اثنينهم يركضون المطبخ اجتي امي
.. هاا يمه فقار شوكت اجيت وشعجب جايب اخت حمزه وياك
فقار .. جانت عد جوارينهم وحمزه كال اخذها وياك
.. المسكينه بعدها صغيره وتيتمت سوده عليه شلون راح تعيش بدون امها والله تكسر الخاطر هالطفله هاي
فقار .. غمضت عيوني وجريت حسره
الله كريم يمه الله يعوضها بحمزه انشالله
طبيت للغرفه شفتها نايمه مثل الملاك وحاضنه لعابتها
رفعت خصلات شعرها من على وجهه
اتصلت بحمزه
.. الووو هاا حمزاوي حبيبي اعذرني والله اخذتني النومه هسه بس ابدل واجيك
.. لااا فقار لتجي ابقه يم ملاك لان ماريدها تجي هنا وتشوف الهوسه وتنرعب ولا اريدك تعوفها وحدها
لان اكيد تستغرب من اهلك لان متعرفهم واني هــًـًســًه مطمئن ومأمن عليها لان يمك
.. خويه شلون متريدني اوكف وياك بمثل هيج يوم معقوله مااوكف وياك واسندك بمحنتك واتركك وحدك بأصعب اوقاتك
.. فقار اصلاً انت حالياً اكثر شخص واكف وياي وشايل عني اكبر هم جنت افكر بي
اصلاً هنا هواي ناس حواليه ابويه مثلاً خوالي ولد خوالي بسسسس وجودهم والعدم سويه مجرد كثرة حديث وكثرة نفس لااكثر ولا اقل كاعدين بالجادر ملتمين سوالف وضحك ونقاشات على شغلهم وتخطيطاتهم لتطوير شغلهم مجرد وجودهم هنا كدام الناس عود شوفونه احنه اخوانها
اوووووف ولا كأنما هذوله الي عادوها واغتصبو حقها ولك امي سنين على فراش الموت ومحد كلف نفسه واجه سأل عليها وكال ها خويه شلونج شلون صحتج شمحتاجه مامحتاجه ولا كأنما هاي اختهم الوحيده بس الفلوس والطمع عمه عيونهم وهسه جاين بفاتحتها بكل عين صلفه اوووووف لوما ابويه واكف غصه ابلعومي اله اخنكهم بيدي واخلص منهم ومن حقدهم وسمهم
.. حمزاوي لا تزيد هم فوك همك كلشي بوقته حلوو يااخي بس خلي يخلص عزائك وارجع اوكف على رجلك والكل حادثاً حديث
.. شنوو يعني فقار مافهمتك
.. بعدين بعدين هسه لاتفكر بشي وعوفهم طنشهم اعتبرهم مموجودين اصلاً مثل ماكلتها انت وجودهم والعدم سويه
انتبهت الملاك فتحت عيونها وبقت تتكلب بالفراش
.. يله حمزاوي راح اسده بنيتي كعدت
.. هااا بنيتك منووو شنوو ولك متزوج من ورايه وعندك ابنيه هم
.. امشي ولي لك بنيتي ملاكي كعدت فدوووه اروحلها نايمه على ايدي للصبح
.. للللللك فقااااااار لتخليني هسه اجي اجنزك واروح بيك دفان للنجف ولك لاتجيب طاريها هاي بنتي اليه وملاكي وروحي موو ليله وحده بقيتها يمك صارت بنتك
.. ابتسمت يله يله خلي اروح راح تطك من الغيره
سديت الخط
وتقربت يمها شلتها وطلعت للمغسله غسلت وجهه وصحت على امي
يمه يمه تعالي الاميره كعدت
اجتي امي مبتسمه رادت تاخذها مني تدخلها للحمام راساً سحبت ايدها من امي وحضنتني من ركبتي بقوه
امي.. يااا شبيها تعالي حبيبتي يمه لاتخافين مني ادخلج للحمام اسبحج وامشط شعرج الحلو
بقت متمسكه بيه وهزت راسها بمعنى لااا
فقار.. مااشي يمه عوفيها يمي هي اصلاً هيج طبعها تخاف من اي احد وتستغرب من الناس
فتحت مي المغسله كاسرته صار دافي وحضرت المنشفه والشامبو نزلت بس شعرها وغسلته الها ونشفته
جابلتها امي حليب دافي ولفه جبن وكلتها وشربتها الحليب غسلت الها
وبديت امشطلها على كيفي اخاف تتوجع
ابتسمت على نفسي هاي اني اول تالي صاير اغسل وامشط و اوكل والله دور الامهات طلع صعب
كملت تمشيط ردت اشد شعرها بقيت ادور بالمجرات مال كاونتر ومال غرفه امي اريد قراصه الم شعرها بي مالكيت
تنهدت هو هذا البيت الي مابي ابنيه لكيت لاستيك مال فلوس
يله خلي نمشي حالنه بي ماكو شي غيره يفيدنه
سويتلها تسريحه ذيل حصان
لنوب بقيت اوهوس خاف ضبيته حيل رجعت رخيته وهي لازمه الصمت والهدوء التام
باوعت عليها
ابتسمت هسه صرنه حلوووين
ابتسمت بوجهي
كرصت خدها
.. فدوووه للبنات الحلوات ملوكه بويه حبيبتي ميخالف اروح شويه المكان وتبقين هنا يم امي وشوفي هسه يكعد عبوسي يلعب وياج
.. برطمت شفتها الجوه
وكأنما رافضه اتركها وحدها
فركت شعري بيدي
ماااشي لتضوجين مراح اعوفج يله هاي باقي يمج
بكلبي كلت خرب عشيرتك حمزه شغلتني مربيه تالي وكت
ملاك.. عمو وديني يم بابا وماما همه ليش عافوني وراحو
فقار.. صفنت بوجهه احس غصه بكلبي صارت
جريت نفس وفركت وجهي وشعري
.. ملاك حبيبتي بابا باجر او بعد باجر راح يجي بابا ياخذج لان عنده شغل ومنكدر نروحلهم
هزت راسها بمعنى اي
كعد عباس اجه يمنه راد يلزم ايدها يلعب وياها راساً سحبت ايدها منه وختلت بحضني
على الغده الكل موجود كعدنه نتغده واهلي فرحانين بيها لان ماعدنه اطفال بلبيت وخصوصاً ابنيه يحاولون يلعبون وياها ياخذونها بحضنهم بــَس هي خايفه ومستغربه متمسكه بيه
عباس.. اروح اصيح نرجس تجيب ملاعيبها وتجي نلعب وياها
مخلد.. بس عوف نرجس بمكانها لاتخرب انوثة لابنيه نشوف هاي نزاكه وانوثه وهدوء تريد تجيب يمها نرجس هو اني بحياتي ماشفت نرجس تلعب وي ابنيه اصلاً نرجس ارجل مني
فقار .. نرجس القائد العام للقوات المسلحه مال جهال الفرع
ازهر .. زين انت تكول تجيب ملاعيبها شتجيب مثلاً لعابتها لَيــِْش هي نرجس شعدها ملاعيب غير السيارات والدعابل والمصرع ولك حته طكطاكه ام الخشبه والمسمار هم عدها
عباس .. انتم شبيكم ماتحبونها بس تحجون عليها
امي .. اسكتو كافي لحد يعيب على نرجس و يضوج عبوسي
هي صديقته ومقتنع بيها انتم شعليكم بيها
مخلد .. خاف اولها صداقه واخرها زواج وتخايلو نرجس تتكاثر ابيتنه وتترس البيت نرجوسات صغار ونفس سوالفها
حته تعالو ياعمي شيلوووو وعلي محد يبقه بلبيت كلنه نهج ويبقه البيت لام طيره وطارة بي فرد طيرة
فقار ..
مكعد ملاك على رجلي واوكل بيها ونسولف اني واخواني ناصبين على عباس وهو عنده نرجس خط احمر رغم شابع نعل ودفرات منها بس ميقبل واحد يجيب طاريها
ازهر .. والله يا ابو غضب لايكلك تصير اب
امي .. ايي وعلي فدووه اروح الحنيتك هسه اني اباوع عليك واتخايلك من يصير عندك اطفال وهيج تداريهم ربي رحمتك ولطفك شوكت اشوف هذا اليوم
فقار .. الله كريم يمه
يله ملوكه نكوم نغسل
اخذتها للمغسله غسلت ايدها وحلكها
جابتلنه امي الجاي وملاك لازالت بحضني حته اذا اكعدها بصفي متقبل وبس ساكته وتباوع بالوجوه ماتنطق كلمه واذا رادت شي تهمس بصوت ناصي
ملاك.. عمو اريد اروح للحمام
.. مااشي حبيبتي
رفعت راسي على امي واشرتلها تجي تاخذها للحمام
تقربت امي تريد تشيلها
ضمت وجهه بصدري ولازم بملابسي حيل
همست يم اذنها
ملاك بابا ميصير اني ادخل وياج للحمام خلي امي تدخلج للحمام وهي نفس امج هاا
رفعت راسها عليه وكأنما افتهمتني هزت راسها وابتعدت مني وكفت مقابيل امي
امي .. تعالي حبيبتي
اخذتها للحمام ولنوب فتحت شعرها رطبته ومشطتلها وسوتلها ضفيره
العصر امي كالت رايحه للسوك محتاجه شغلات للبيت صاحت على عباس حته يروح وياها
فقار .. يمه هاج هذني فلوس جيبي وياج الملاك تراكسود اثنين وقراصات لان ماجبتلها وياي ملابس
راحت امي هي وعباس للسوك وابوي بالمحل مالته عنده محل مال كهربائيات ومواد انشائيه
وازهر وي ابوي بالمحل ومخلد بالمحل مالتي
صفنت على روحي ضحكت على نفسي
اني الي ما الفي البيت بس وقت النومه هسه باله مااكدر اطلع من البيت باوعت على ملاك مخليه لعابتها بحضنها وتلعب بشعرها وشويه تتربع وتضل تطبطب الها عود تنيمها
اتصلت على حمزه
حمزه.. هاا خويه شلونك طمني ملاكي شلونها
فقار .. من سالني عليها باوعت عليها وابتسمت
تمام كلش زينه ملاكك هاي كدامي جاي تلعب وي ميمي
ولك صرت حبيس البيت من ورا ملاكك
حسيته ابتسم وكال اتحملني بس هاليومين واجي اخذها اصلاً كلبي طك عليها هاي اول مره افاركها وماانيمها على ايدي بس اني كلش مطمئن ومرتاح لان هي يمك
.. ردت اكله لاتخاف جاي تنام على ايدي بس ابتسمت وسكتت لان ادري بحمزه من كل عقله يغار عليها مني
سديت الخط تمددت على القنفه واني اطالعها ماادري بنفسي غفيت
فزيت على صوت امي وهي تهمس بصوت ناصي قريبه مني
.. فقار هاي شلون منيم الابنيه بطارف القنفه لا توكع
من صحيت فتحت عيوني واشوف ملاك بصفي وراسها على ايدي وغافيه
ابتسمت وسحبت ايدي على كيف عدلت نومتها وغطيتها
فركت وجهي بثنين ايدي
.. يمه ماادري بيها وحدها نامت هنا غفيت وعفتها تلعب بلعابتها
ابتسمت
.. شكد مأمنه بيك هاي الطفله وشايفه منك حنيه لدرجه هيج وحدها تجي وتنام على ايدك
.. هي متخالط ناس اول مافتحت عيونها للدنيه وهي متشوف كدامها غير امها وحمزه بــَس شكد جنت اروحلهم واشوفها احاول اشيلها ابوسها العب وياها بــَس تخاف مني من تشوفني تختل بحضن حمزه لحد اخر مره شفتها البارحه عيد ميلادها هو نفس اليوم الي توفت بي امها
اخذتلها هاي اللعابه هديه ومن وقتها حضنتني وابتسمتلي تصيحلي عمو ومنها بقت متخاف مني وتامن بيه مثل متامن بامها وبحمزه
يمكن هاي اشاره من رب العالمين لمثل هيج يوم يـعـنـي لوباقيه تخاف مني جان هــًـًســًه ماادري شلون حالها بين الناس والبجي والخبصه مال الفاتحه وجان شلون حمزه حار بيها
.. الحمدالله على كل حال يمه ربي ينطيهم الصبر وتبقه حنيت اخوها عليها دوم ويعوضها حنان الام
.. اكيد ماكو شك بهالشي حمزه اصلاً صارلها اب بوجود ابوها ومتاكد راح يصيرلها ام بغياب امها
.. شوف شجبتلها شكد حلوات التراكسودات وخامتهن حلووه وشوف هاي القراصات وهذني السيت كلاده وسوار هم من شفتهن حلوات جبتهن الها وجواريب جبتلها ونعال
.. اكلب بيهن اشوفهن وابتسم حلوووات عاش ذوقج ينظر عيوني انتي
دام بعدها نايمه خلي اروح لحمزه اشوفه واجي مااتاخر
.. ماشي يمه روح لتخاف عليها اني يمها
فقار ..
بدلت ملابسي على السريع واخذت دراجتي ورحت لمنطقه بيت ابو حمزه
بعده الجادر منصوب هستوني وصلت اريد اطبك الدراجه ولمحني من بعيد اجه يمشي بأتجاهي سريع
حمزه .. لاااا فقار صدددك تحجي شجابك يمعود
فقار .. وحمسسس شبيك شايط غير اجيت اشوفك
حمزه .. فرك راسه بيده فقار ملاك ملاك لَيــِْش عفتها واجيت
فقار .. كو** قابل عايفها بالشارع نايمه عفتها بيتنه وامي يمها ماعليها شي
حمزه .. فقار والله تخاف وتستغرب وهسه بس تكعد تكلب البيت عليهم بلبجي فدووه ارجعلها وشوف اني زين مابيه شي والله زين
فقار .. شغلت الدراجه وعقدت حواجبي من العصبيه خزرته
.. دولي قندره هو مو صوجك صوجي انه الي كبرت راسك واجيت اشوفك بالي يمك عساك مامرتاح ويطبك طوب
حجيت وياه بثقه واني ارفعله حواجبي
.. خلي اشوف منو يرجعلك ملاكك بعد
اله اخليها تصير ملاكي اليه وبس
ابتسمت بطارف شفتي وغمزتله
مشيت بدون ماانتضره يحجي
رجعت للبيت من الباب تلكاني عباس
.. تعال يمعود هاي الابنيه بس تبجي خبصتنه
طبيت امشي سريع
لكيت ملاك حاضنه لعابتها وكاعده بزاويه الغرفه وتبجي وامي جايبتلها حلويات ومسويتلها حليب مخليتهم يمها تحاول تسكتها
.. ركضت عليها راساً سحبتها وشلتها بحضني ابوس براسها
شبيج شبيج ملوكه حبيبتي ولج شبيج هلكد باجيه عيونج حمر
امي .. من كعدت من النوم ومالكتك بقت بــَس تبجي حاولت اشيلها اغسللها اوكلها متقبل تبجي وتكول اريد بابا
تنهدت سحبت نفس واني مخليها بحضني وكعت اللعابه من حضنها وحاوطت ركبتي وخلت راسها على كتفي
همست بصوت ناصي
.. عمو اريد بابا ليش عافني وراح اريد بابا
بستها من راسها
.. بــَس هاليومين ويجي والله بس لاتبجين مو مردتي كلبي وعلي
انه هم صوجي شّــْْكو اطلع واعوفج واذا نايمه المفروضه ابقه كاعد يمج حته وانتي نايمه
انتي امانه حمزاوي وميهون عليه تنزل دموعج
فتحت الحلويات وبديت اوكلها واشربها الحليب
على العشاء
هم كلنه كاعدين نتعشه وهي بحضني اوكل بيها
ومخلد وازهر يتهامسون بينهم ويضحكون
مخلد.. والله ولايكلك الدور ابو غضب
باوعت عليهم خزرتهم سكتو و التهو بالاكل
بعد العشاء
غسلت ايدها ووجهه ورطب شعرها بالمي الدافي لبستها تراكسود جديد من الي جابتهم امي
ومشطت شعرها شديته بالقراصه صار مترعبل المهم شديته الها ردت اسويلها ضفيره مثل الي سوتها الها امي فردت شعرها الثلاث خصلات بقيت اجيبهن منا واخليهن منا مترهم وياي مليت وعفتها تمددت على السرير
وهي كاعده تلعب بلعابتها شويه وانتبهت عليها تغفي صحتها
.. ملوكه تعالي بابا تنامين نعستي
هزت راسها بمعنى اي
حضنت لعابتها واجتي وكفت يم السرير وهي تباوع عليه
ابتسمت فتحت ايدي صعدت خلت راسها على ايدي وحضنت لعابتها وراساً نامت سحبت البطانيه غطيتها ونمت
صباحاً........
امي .. يمه فقار الابنيه كعدت ومتقبل تتريك ولا تطلع من الغرفه مكابلتك وكاعده منتضرتك تكعد
.. فتحت عيوني شفتها كاعده وتطالع بوجهي من شافتني كعدت ابتسمت
.. سحبتها فوكايه نيمتها على صدري والعب وياها ادغدغ بركبتها بلحيتي وهي تضحك بصوت عالي
طب مخلد للغرفه على صوت ضحكها
مخلد.. والله وطلعت هم تضحك ام دميعه الجبانه
فقار .. انجب تروحلها فدوه
امي .. ضحكت
هاي شلون اذا ترجع لاخوها اشوفك تعلقت بيها
فقار .. والله لو بيدي مارجعها الحمزه خلي يولي تبقه يمي
امي .. انـ شـاء الـلّه يمه تزوج والله يرزقك بهيج ملاك حلووه وتملي علينه البيت
فقار .. انشالله يمه وكون هيج حلووه مثل ملوكه
صفنت الدقايق وكلت
يعني اذا يصير عندي طفله هم هيج اتعلق بيها مثل ما حمزه متعلق بملاك
وهم هيج اخــّّـّّاف عليها واغار عليها من اي شخص رغم هي طفله
امي.. طبعاً يمه الضنه كلش عزيز وخصوصاً لابنيه شكد عزيزه تصير عد ابوها
الف رحمه على روحك ابويه شكد جان يميز الابنيه عن الولد
دائماً يكول لاخويه كلشي ولا تكسر كلب اختك والي يكسر كلب وحده من بنياتي اكسرله راسه حته لو ابني
ودائماً جان ينطينه امثال بخوه الامام الحسين والامام العباس وغيرتهم واحترامهم وحبهم الاختهم السيده زينب
وعلى هذا النهج ربانه ابوي ودائماً يكول الخالك اذا بيوم تحس اكو ذره حقد او غيره باتجاه اخواتك بس خلي تصير بعيونك صوره العباس وزينب عليهم آڵسلام
ومن وحده من عدنه تتزوج ابوي جان يبقه اسبوع حابس روحه بالغرفه ودموعه تهل عليها يكول اصعب شي عندي من وحده من عدجن تفارك بيتي
شكد جنت اتمنه تصير عندي ابنيه واترس بيتي بيهن
بــَس الله مارزقني وعوضني بيكم وانشالله من تجي مرتك هي بعد تصير بنيتي وادللها واخليها بعيوني
فقار .. خاف لنوب تجي مرتي وتبدي طلايب العمه والجنه
امي .. لاولك شتدري بيه عندي اني هذا الطبع بقيت وي بيت جدك عمر مافد يوم طلعت منهم زعلانه وبيبيتك لحد ما الله اخذ امانته وهي تكلي راضيه عليج من كل كلبي
فقار .. آلُـِْلُـه كريم يمه واني من ورا هالفصعون الصغيرون عجبني اتزوج وتصير عندي ابنيه كون ابنيه يمه وهيج اخليها تتعلق بيه ومتنام اله على ايدي
امي .. انشالله انشالله يمه
فقار ..
كل السوالف بيني وبين امي وملاك حاضنتني من ركبتي وراسها على كتفي لحد ما امي انتبهت عليها كالت ولك هاي رجعت نامت
سحبت ايدها من ركبتي على كيف ونيمتها على الفراش وغطيتها
رحت للحمام سبحت وسويتلها حليب دافي ولفة بيض ورجعت للغرفه عفتهم على الميز واني اتأمل ملامحها البريئه هي ونايمه
تلمست خدها بطارف ابهامي
وهمست بصوت ناصي
.. شلون بيه من ياخذج حمزه واني يومين بقيتي يمي وتعلقت بيج احسج صرتي جزء مني ومن يومي احسج صدك انتي بنتي ملاكي الهادء فصعوني الصغيرون
فتحت عيونها وهي تتماطل على الفراش خليت راسي بركبتها الحركه الي تخليها تتهستر من الضحك من اداعب ركبتها بلحيتي وهي تغار وتخرب ضحك
حضنتها ورحت للمغسله غسلت وجهه وخليتها تدخل للحمام ورجعت وكلتها وشربتها الحليب
فتحت شعرها رطبته وبديت امشطلها متت على شعرها على نعومته وشقاره امشطلها برخاوة ايدي اخــّّـّّاف تتاذه
كل مااحاول اسويلها ضفيره بس ما تضبط ويايه واستحي اكل لامي علميني لان كلش عاجبني اضفرلها شعرها
غديتها وبدلتلها ملابسها الضهر نمنه اني وياها الغرفه ضلمه ودافيه مخليها على ايدي وغفت حضنتها الكلبي ونمت
فزيت على صوت التليفون راساً سويته صامت حته لتفز شفت حمزه يتصل
جاوبته
... الووو هاا حمزاوي
... حبيبي فقار راح اجي على ملاك اخذها خويه ممنون منك تعبتك وياي صار ثلاث ايام
من كال راح اجي اخذها حسيت غصه بكلبي لان تعلقت بيها وتعلمت على وجودها بحياتي بس هي اول وتالي راح ياخذها كلت يله همزين قريبين يوميه اروح اشوفها
فزيت على صوت حمزه وهو يصيح الووووو فقار تسمعني
... هااا حمزه اي اي اسمعك
... يله خويه نص ساعه واني يمك لان اني هسه بلبيت اجيت لميت غراضي وغراض ملاك حته اخذها واروح
... شنوووو وين تاخذها وتروح
... فقار راح نبقه اني وملاك بيت ابويه اني لاطايق ابويه ولا مرته بــَس مضطر علمود ملاك بعدها صغيره ولازم احد يهتم بيها واني خوما اعوف شغلي واكعد
... بس حمزه راح تصير بعيد عليه بهيج حاله شلون
... شنوو السالفه شبيك المن اخترعو السيارات لعد
... زين شلون ملاك راح تتأقلم وي مرت ابوك وخاف مرت ابوك تاذيها وهي عدها جهال موو
... هي صح حقيره ومنبعها سكط بس اني عرفت شنو نقطه ضعفهم هي وابويه واخليهم يمشون ويايه مثل الساعه وتدير بالها على ملاك وتعبدها عباده انطيها
... شلون مافهمتك
... الفلوس حبيبي الفلوس كلشي تسوي ومرت ابوي تبيع حته ابوي علمود الفلوس
... هااا هيج جا خوش واذا ملاك تستغرب وتخاف منهم
... ابقه وياها كم يوم لحد ماتتعود شسوي لعد فقار ماعندي غير حل
... حمزه بقيها يمنه والله انخليها بعيونه وندير بالنه عليها
... والله ادري ماتقصرون بعد روحي روحك خويي ماانسه وكفتك وياي
يله اني راح اطلع من البيت جايكم ولك كلبي متفرفح عليها وعلي
فقار ..
سديت الخط وجبت علاكه لميت بيها ملابسها وغراضها
روحي خانكتني واني واكف افرك براسي واباوع عليها هي ونايمه
اجتي امي
كالت حمزه بلباب
.. اي يمه اجه ياخذ ملاك
عفتها نايمه وطلعت دخلته للاستقبال اجتي امي جابت جاي واخذت من خاطره
حمزه ... لعد وين ملوكه
امي ... نايمه بعدها هسه اجيبها الك
جابتها امي خلتها بحضنه وطلعت
حمزه حضنها حيل ودموعه تجري يناشغ وهو يحجي وياها
... باباتي ملاكي يروحي انتي فدووه الريحتج الاحبها ولج مشتاقلج مابقالي احد بس انتي
على صوته ودموعه الي نزلت على ركبتها فزت من شافته بقت صافنه بوجه للحضات وراساً حضنته وهو ضامها الصدره حيل وكأنما صارله سنه مفاركها مو ثلاث ايام
امي جابت علاكتها وياها من جابتها
كام حمزه هو وشايلها وشال العلاكه يريد يروح وكفته
مديت ايدي الها
حته اخذها بحضني اودعها باوعت عليه بس ماكو اي ردت فعل منها باقيه حاضنه حمزه
حسيت روحي فشلت ومتريدين بـٍعد اريـد انزل ايدي ومحسيت اله شمرت نفسها عليه
حضنتها وابوس براسها واشم شعرها
انطيتها اله وصلته للباب وراح
رجعت طبيت احس مكانها وحشه يخنك بقيت اتفرج تلفزيون الهي نفسي حته ما الي واهس اطلع
طبيت للغرفه اريد اخذ ملابس حته اسبح وشفت لعابتها باقيه نسيت اخليها وي الملابس لان جانت حاضنتها من نايمه
اخذت اللعابه اتذكرها شلون تلعب بشعرها وتخليها بحضنها
خليتها على السرير واخذت ملابس سبحت وطلعت
رحت للحجي اشوف شنوو الامور صار كم يوم ما مارله
بعدها رحت لمخلد للمحل بقيت يمه لحد ما عزلنه ورجعنه لليل اريد انام واشم ريحة ملاك بكل مكان بالغرفه اخذت اللعابه مالتها خليتها على صدري وغمضت عيوني شكد اشتاقيتلها بعمري ممتعلق بشخص لهل درجه هالفصعون الصغيرون اخذت كل حبي قصص وروايات عراقية كرار صلاح وتفكيري
شنهي اول تالي اني اتعلق بشخص واني كلبي اموته اصلاً مادري لَيــِْش تعلقت بهالطفله وصرت احسها بنتي ومارست وياها دور الابوه
ورا اسبوع من روحة ملاك رجع حمزه للشغل صفى بيتهم وسلمه لابو الايجار واستقر بيت ابوه
بقيت بليل من ارجع افتح شعر اللعابه واحاول اتعلم اسوي ضفيره يوميه لحد ما حسيت نفسي ضبطتها فرحت كون هــًـًســًه ملوكه هنا واسوي شعرها ضفيره
دزيتلها اللعابه مالتها وي حمزه ويوميه اسأله عليها يكول زينه تأقلمت على البيت
ودام اورق فلوس لمرت ابويه مداريه ملاك
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
