رواية فراق توم الفصل الاول
اني علي مواليد ٩٥ احنا ٣ اخوه بلبيت حالتنا الماديه
متوسطه
ابوي يشتغل غسل السيارات ويعرف بعض التصليحات بلسياره
جدي ابو ابوي مو جود عايش ويانه
بس متحملينه كوووه وزوجت جدي موجوده
صاحبت أطيب كلب بلدنيا حنونه بشكل مو طبيعي
بس جبيره وماتكدر تعبانه حيل
اما بيبتي الحقيقيه ام ابوي ميته وهو زغير
ابوي حتى شكله مايتذكره
بس دائما يمدح بزوجه ابو يكول هي الصدر الحنيين
الي رباني
احنا حالتنه الماديه متوسطه بس حامدين رب العالمين وشاكرينه
الله ساترنا ماعدنا اي مشاكل
بس جدي كل مضوجنه يريد يعرف الزغيره والجبيره
والكون كله مايتحرك اله ياخذ اذنه
ابوي يكول ميخالف تحملووو رجال جبير وين يروح
طبعا هو كلش مريض
مرات من يضوجنا نبقى ندعي علي
ولله مايصير هيج خال خشمه بلزغيره والجبيره
اني اكبر واحد باخواني واحلاهم
طولي ١٨٠ شعري اسود كيرلي من رب العالمين
احلقه بطريقه كلش حلو على شكلي
عندي شوارب ولحيه حواجبي طوال
جسمي عضلات مو من التمارين الرياضيه لا من الشغل
وياااا الوالد بلمحل صارن عندي عضلات
واكيد خواني هم يساعدونه بلشغل
بس اني اكثر واحد معتمد عليه
دخلت صناعه ودرست قسم سيارات وتخرجت والحمد
لله ناوي بلمستقبل اطور دراستي اكثر
اني هسه فتحت محل تصليح سيارات بصف محل ابوي
ونشتغل خير من الله
بس جدي مدمرنا اذا يريد يغير جو
يجي يمنا بلمحل ويخلي نفسه بكل جبيره وزغيره
اني مرات اذا يحجي وياي اسوي نفسي ما اسمعه
مو عبالكم هو خير
جان شابع ابوي ضيم من جان زغير
جدي جان يشرب ويدخن وكاعد وساكت
وابوي بعمر اربع سنوات يبيع علاليك
ويمسح احذيه
ويخدم الناس علمود يجيب فلوس ومصرف للبيت
جدي كلش ضالم
ياسبحان الله جدي الضالم يبقى ويعيش وبيبتي حنينه وطيبه تموت
ابوي حتى مدرسه ماداخل كل عمره
جدي ماسمحله يدخل مدرسه
دائما يكله شنسوي بلمدرسه روح اشتغل وعيشنه
المدرسه ماتصرف علينا
جمانه السعيدي
حاليا ابوي مايعرف يقرا ويكتب بس كلش شاطر
ويعرف سوالف السوك كله
مستحيل واحد يضحك علي سبع وكلمته وحده وماتتغير
وشاطر بشغله كلش
المدرسه بقت حسره بكلب ابوي لذالك كلنا صمم ندخل مدرسه ونتعلم
رغم جدي جان يكول يشتغلون افضل من المدرسه
بس ابوي صمم اله نكمل مدرسه
اخواني محمد بلاعداديه وسجاد متوسطه
الحمد لله الناس كله تشهدلنا بلسمعه الطيبه
اما امي صاحبت أطيب كلب بلدنيا
زواجه من ابوي كان زواج تعارف
امي مخلصه سادس ابتدائي جانت تدرسنا من جنا ازغار
امي حيل فقيره
اذا اتكله الشط احترك اصدك بيك
على نيته كلش
طبعا ابوي يحبه يموت عليه رغم هم مامزوجين على حب
بس ايكول احب حنيته وطيبة كلبه
هذا مخلص عن حياتنا كله
جمانه السعيدي
المهم اكو شغله اكتشغناها قبل كم شهر
اكتشفنا ابوي حسن سعدون عندا اخ توائم
وهذا الأخ منصب وفلوس ومركز وهيبه
مو منصب بلدوله اقصد منصب وضيفي عالي
وثنيينهم واحد مايعرف الثاني
راح احجيلكم القصه من البدايه
جدي ابو ابوي ماعندا لا اخ ولا اخت
واهله ميتين اثنيينهم
عايش بيت اهله بيت اهله ملك
وبيت عمه قربين علي ويشوفونه طلباته بين فتره والثانيه
طلب يزوج بت عمه بس رفضت
لان انسان مامسول ويشرب وهواي عنده سوالف مكسره
ازوجت ابن عمها الثاني
جمانه السعيدي
عمي خطبله بيبتي
بيبتي انسانه فقيره ودور ستر حتى اهله ناس فقره كلش
حتى بعد ماكشفت أطباعه بعد الزواج سكتت
كان يكعد بلبيت ومايقبل يطلع للشغل
وهي تشتغل اي شي حتى خدامه بلبيوت
اي وحده عدها شغل تخلصه اله حتى تصرف على البيت
النسوان قبل من تزوج هاي هي
تقبل بزوجه على اي حال
ولو كانت مصايب الدنيا كله بي لو يموته ويجوعه
ماتعوفه عيب المره بعد الزواج تنفصل
يعتبرو عار
بعد زوجه بكم شهر اكتشفت هي حامل
اجت توصل الخبر الجدي بس ماهتم ابد
ولا كالله اكعدي اني اشتغل موزين عليج الشغل
بلعكس شد وياها اكثر
من كد الشغل والفرفره بلبيوت جانت كلش تعبانه
وبطنها كانت مو طبيعيه ابد
كانت جبيره حيل وصعب عليه الحركه
ماكانت تعرف هي حامل بتوم ولد
اليوم يمر عليه بسنه
وكانت شايله هم الطفل الي راح يجي وشلون راح يعيش
ويه هيج اب كلبه قاسي
وعديم المسوليه
بدل ماتدور وتبحث علي الروايات خليها علي تليفونك وحمل تطبيقنا
