رواية جحيم اهلي الفصل التاسع 9 والأخير بقلم جمانه السعيدي
ثاني يوم امي كالت خابر العريس تجي امه واخته تشوفج
كتله بس يجن اطردهن ما اريد ازوج
طلعت ماما ساعه ورجعت بيدها بطل مي جبرتني اشرب منه
لليل اجت اخته وامه
وكعدن واماما صممت اطلع الهن
حجن وياي ويقنعن بيه اني كتلهن اني ما اريد ازوج
خلن وطلعن امي كامت تحجي عليه
ثاني يوم اجه حميد العريس وطلب يحجي وياي
طلعلتله كال انتي ليش ماموافقه
كتله ما اريد ازوج وحتلو فكرت ازوج ما انزل على ضره
وطلعت وعفته كاعد وحده
ثاني يوم رجع علينا
دخل للصاله وكال اليوم ما اطلع منا اله تطونياها
امي كالت الله يهديج
وافقي هو شاريج وذابح نفسه عليج
ومستعد الكل طلباتج
هنا ماما جابتلي جاي كالت اشربي حبيبتي
شربت الجاي وتغير حالي كتلهم موافقه علي
هو طار من الفرحه مامصدك
اختي كالت لاتوافقين امي مدري شخلت بلجاي
كتله لا اني موافقه وين الكه واحد احسن منه بعدين اني مطلكه شنو يجيني شاب
قدم المهر ونعادت العركه القديمه بتوزيع الحصص
يوم المهر تعاركو اخواني وخربت الحفله
يوم عرسي رحت للصالون وحدي جني يتيمه
ازوجت جان طاير بيه
يكلي من اول مره شفتج حبيتج وتعلقت بيج يعاملني معاملت الاميرات طاير بيه
بس من نطلع سويه يكولون هذا ابوج
زوجته كانت زعلانه بسبب موضوع زواجه
رجعت زوجته وبدت المشاكل النهار كله تتعارك وياي
اني جنت ابد ما اجاوبها
اكول خطيه اخذت زوجه منه من حقه تحجي محروك كلبه علي
تكلي ام السحوره طيرتي الرجال فرد طيره يباوع الحلكج
عليمن اخذتي يحضي مايخلف واني كوه عايشه ويا متحملته
جمانه السعيدي
ابد ما ارد عليه لان احس نفسي غلطانه
ورا ثمن اشهر تخربطت حيل وهو يلح عليه اله انروح انسوي تحليل وفعلا اخذني سويت تحليل
نادووو اسمي كال اكعدي اني اجيب التحليل
وفعلا طلعت حامل كال الابو المختبر عيد التحليل
وعاد التحليل وطلعت حامل
طلعنا وكال خل انعيد التحليل بغير مختبر وعدنا واكد الحمل
كام يبجي مامصدك الطريق كله يبجي كسر خاطري نزل جاب جكليت وصلنا للبيت جانت زوجته ماموجوده خابر اهله وبشرهم
دخلت للغرفه كعد يم رجليه ولزم اديه يبوس بيهن يكول ما مصدك حققتلي حلمي ما اعرف شلون اجازيج
رجعت زوجته وشدت وياي
النهار كله تتعارك وياي
كتلته الغيره هم طلعت حامل وهم هو يعاملني احسن معامله
جمانه السعيدي
بعدين زعلت بقت ٣ اشهر
كمت اللح علي رجعه كال طلكته من اول شهر زعلت بي
اخذت رقمها منه وخابرته وعتذرت منه
بس هي فاجئتني بردها
كالت بلعكس اني جنت اغلط عليج واصيح وانتي ابد مايوم
عليتي صوتج عليه
من زمان اني ويا مو على حال ومامتفاهمين
جمانه السعيدي
كملت الحمل وجبت ولد وسعادت زوجي ماتنوصف
ما اكلكم ما احبه بس دائما احس اكو نقص
الحمد لله على كل حال وبعدين الله رزقني بنوته حلو جهالي مالين عليه الدنيا
اما زوجي السابق حب ينتقم من امي لان يعتقد هي سبب الطلاق زوج بابا الزوجة اخو الارمله
بقه وياها سنتين وضربته جلطه ونشل وطلكه ورجع الامي
اخوي الجبير ازوج ورا زواجه بكم شهر سواله مكسوره ونسجن ٢٠ سنه هسه عندا بنيه عمرها خمس سنوات ابد ماشايفه
واخوي المتحرش الثاني ازوج بس على طول مشاكل هو وزوجته مامصافين ابد
صار سبع سنوات زواج يوميه زوجي يثبتلي انه يحبني
ومايكدر يستغني عني ابد
فرحانه بعائلتي واطفالي الي استقرت حياتي بسببهم
العبره من هاي القصه
اذا عندج اهل يحبونج ويحترمونج كولي الحمد لله
اذا تكدرين تتخذين القرارات الي تخصج بدون ضغط كولي الحمد لله
اذا الدنيا حلوه وياج وماشفتي ضيم كولي الحمد لله
اذا عندج سند بلحياة سوا اهلج او زوجج كولي الحمد لله
دمتم سالمين
تمت
لمتابعة باقي الرواية زوروا قناتنا على التليجرام من هنا
