رواية سائق القصر الفصل التاسع 9 بقلم جمانه السعيدي
معتز...وعيت على نفسي بلمستشفى بعد ماطلعت من العمليه
كسر بايدي وضلع من الجه اليمنى مكسور وشك براسي
وامي واهلي ونرجس كلهم وياي
احس نفسي ثكيل ومااكدر اتحرك
ابوي...الحمد لله على سلامتك
امي...سوده عليه عمت عيني يايمه غير أدير بالك
معتز...نرجس نرجس زينه
نرجس..بس سمعت اسمي اتقدمت علي لزمت ايده
اي زينه مابيه شي المهم انت
معتز..الحمد لله على سلامتج
نرجس...اني قدمت بلاغ بلكت يلكون صاحب الدراجه
كان متقصدني مووو
الضابط كال بس يرجعلك وعيك يستجوبك
معتز...اريد احجي بس مااكدر
صار اسبوع يفتر ورانا وين مانروح
نرجس...اي اني متاكده هذا همام ورا
هسه عرفت ليش غير اسلوبه وياي وينشر صور
يريد يقتلني ويطلع من هذا الموضوع سلامات بس ولله بعد مااسكتله
معتز...ديري بالج منه
نرجس...اني قدمت بلاغ على ابو الدراجه وكلت صار فتره
متابعني
بلكت الكاميرات جابت صورته ويوكع بيد الشرطه
اذا اعترف على همام قسما بلله اسود عيشته
معتز....ديري بالج منه ترا هذا واحد مريض وكلشي يطلع منه
جمانه السعيدي
للمغرب اجا همام وعمي للمستشفى
عمي...سلامتج حبيبتي
همام...ليش مااتصلتي عليه سلامتج يروحي
نرجس ...فعلا انسان ماتخاف من الله ليش ليش اني شسويتلك تريد تخلص مني
همام...انتي شكاعد تكولين
نرجس...مثل ماسمعت انكشفت ياحضرت الرومانسي
من شفت تصرفاتك عرفت وراك شي
همام...منيين جبتي هذا الكلام صوجي اني جاي اشوفج
اكيد هذا السايق التحفه هو الي قنعج بهذا الكلام
ترا اعرف خال عينه عليج
يريد يقشمرج ويأخذ حلالج
بس اني اله مستحيل اعوفه يضحك عليج
نرجس...انت اطلع من حياتي واني محد يقرب عليه
بس خلصني من شوفتك
عمي...ليش بابا تكولين هيج
نرجس...اذا ماطلع همام ورا هاي المصيبه اني ماافتهم
عمي...انتي تعبانه من الحادث امشي نرجع للبيت
نرجس....مااطلع منا شلون اعوف معتز ضحه بنفسه علمودي
الله ينتقم من كل ضالم
جمانه السعيدي
الضابط من سمع معتز صار احسن اجا واخذ اقوله
وكال راح نتأكد من كل الكامرات لازم اكو كامره جابت
صورته
ثاني يوم
معتز....تعبتج عايفه الدوام وكاعده كبالي
نرجس...لا تكول هيج اني ابد مااكدر اجازيك ضحيت بنفسك علمودي
معتز....لاتكولين هيج هذا واجبي اتجاهج
نرجس....اني حملتك عمل فوك طاقتك اسفه
معتز....اهم شي انتي ماتاذيتي ابد
نرجس الحمد لله والشكر
نرجس..اتلث ايام واني بلمستشفى وبنفس ملابسي
مااكدر اعوف معتز ابد
قررت اروح للبيت اسبح وابدل وارجع
.من طلعت من المستشفى اجاني اتصال من رقم غريب
نرجس...الوووو تفضلو
...انتي نرجس بت المرحوم رحيم عطا الله
نرجس...اي تفضل
...اني فاعل خير اريد احذرج شركة ابوج جاي تخسر
بسبب عمج وابنه جاي يضيعون بحلالج
انصحج تجين تلزمين الشغل
ليش يضيع كلشي
نرجس...انت منو
. مااكدر اكول اني منوووو اخاف على نفسي بس ابوج
صاحب فضل عليه وحبيت احذرج
نرجس.... شلون اعرف كلامك صحيح
...اكو فايل اني راح انطيج رقمه تكدرين تتأكدين ان اسهم الشركه بلنازل اذا ما تتلاحكين حلالج كلشي يروح منج
نرجس....ممكن تساعدني اكثر
...هذا رقمي إذا احتاجيتي شي اتصلي عليه
نرجس تمام
نرجس....رجعت للبيت بس محد يعرف اني راح ارجع بهيج وقت
دخلت وصعدت الغرفتي وصلت وسمعت صوت ضحك
ركزت وحده تضحك وتدلع بغرفتي
قربت على الباب
همام....انتي ماتدرين شكد احبج
...اني هم اموت عليك
همام.... لو ما هذا الاثول غلطان جان اني هسه كلشي ملكي
وخلصنا من وجه البومه
بس هذا الاثول صار اسبوع يمشي وراها وماكدر يخلصني
وهذا السايق الشهم مااعرف منيين طلع
بس لا تخافين اني اذا خليت شي بعقلي لازم اخلص منه
......وتزوجني ونعيش اني وياك سوا
همام...طبعا انتي احلى شي بحياتي
نرجس....بعد ماكدرت اتحمل اكثر همام يريد يخلص مني
فتحت الباب
وكانو الاثنين بوضع مخزي
نرجس....موكتلك انت حقير وماتستاهل لك انت شنو من بشر الله لا يوفقك
كان بلا ملابس طفر يدور ملابسه
همام...ااوكفي فهمتي غلط
نرجس....ضجت من المنضر حيل تفلت عليهم وطلعت
وصلت للباب الخارجي اريد تكسي وهو نزل يركض
صعدت وهو بقه واكف بلشارع بلشورت
شكد نذل وحقير
جمانه السعيدي
طلعت المركز الشرطه
دخلت للضابط كتله عندي شكوى
الضابط ...تفضلي
نرجس....قبل ٣ ايام تعرضت الحادث اني والسايق
كان محاولة قتلي
واليوم اني عرفت المحرض على القتل واريد اشتكي علي
حجيت كلشي للضابط
الضابط...احنا راح نستدعي بس من حقه ينكر لان ماكو دليل
ضده بس كلامج يكدر ينكر كلشي
بس اذا كدرنا نحصل ابو الدراجه وعترف علي
ساعته تاخذين حقج كامل منه
طلعت من المركز بعد ماانطيتهم رقم تليفوني
ورجعت للمستشفى بس شافتني ام معتز
.ام معتز...هااا خاله شو رجعتي ومامغيره ملابسج
معتز... شبيج نرجس
ابو معتز....اكعدي ارتاحي شصار
نرجس...طلع الي مدبر هاي المصيبه همام اني سمعته يحجي بهذا الموضوع
وهو كاعد يخوني بفراشي وبغرفتي
معتز...ولله عرفته انسان مريض وكله سم
اشتكيتي علي
نرجس...اي اشتكيت علي وباجر أقدم دعوة طلاك بلمحمكه
معتز...اي عفيه
نرجس...وبعد اكو مصيبه ثانيه ومااكدر احله وحدي
معتز...شكووو خوفتيني
نرجس...الشركه جاي تخسر بسبب إهمال عمي وهمام
وكلشي جاي يضيعون مني
وحدي مااكدر اوكف بوجهم وأصلح كلشي
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
