رواية غيره قاتله الفصل الثامن 8 بقلم جمانه السعيدي
فاطمه ...هاي كانت آخر سفره القيصر قبل زواجنا هلمره بس يرجع نزوج
كل التحضيرات كملت
واني حجزت صالون وبدله وكملنا كل تجهيزات العرس
طول فترة التحاقه بلشركه كل شويه نتراسل اني ويااا
وكل شغله أكمله اخذ رائيه بيه
كلشي كان تمام ومثل مانريد واحلى
بس رجع حددنا موعد زواجنا واجا اليوم الي ننتضرنا ثنيينه
بفارغ الصبر
سما صممت تروح وياي للصالون بيوم عرسي
فاطمه...لا ماترحين وياي تاخريني ذيج المره ام الصالون تخبلت منج
سما....اوووي اروح وحدي الغير صالون اعرفج كلج سم خاف اطلع احلى منج
فاطمه....عمي انتي احلى مني بس خلصيني
رحت للصالون اني وامي وخالتي تفاجئت بيه كدامي وكاعده ام الصالون تسرح بشعرها طلعت حاجزه بنفس الصالون عناد بيه
وصلت وماحجيت وياها منا لمن كملت وبدت ام الصالون تشتغل بشعري
اجت سما يمي
سما... شبيج شايله خشمج عليه اكو وحده ازعل بت خالته الوحيده يوم عرسها
فاطمه....اني مامزعلتج انتي صايره ممله ولزكه
كملت كلشي
شكد حاولت سما تدخل بمكياجي حتى تخربه بس ام الصالون ماقبلت وخلتلي مثبت علمود المكياج مايوكع
حتى التسريحه كل شويه وكالت غيريه مو حلوه
بس سمعت كالو العريس اجا راسا ركضت وطلعت برا الصالون
شويه ودخلت كامشه قيصر من ايدا وهو يحاول يسحب ايدا منه
ابد ماعدها احساس ولا تخجل
اتقدم عليه وبتسم
ام الصالون كالت خل اصوركم
طبعا اكو ستوديو داخل الصالون وبي بنيه مصوره
اخذتلنا كم لقطه وطبعا سما حشرت نفسه بلصور
بحجة اصور وياكم وصوره اني وامي وخالتي
هسه تكولون ليش ساكته
اني بعقلي الرجال المزوج خط أحمر محد يقرب علي
بعمري مافكرت برجال مزوج لو تمنيته اليه
واني اشوف قيصر مايجاوب وياها
او على الاقل ماينطيه وجه كدامي
كنت مطمنه وكل محاولات سما بعقلي مجرد محاولات
مراح تحصل منهن شي ابد
بعدين اني حاسبته حسبت اختي
اذا عدكم اخت هيج عنيده ومدلله تتخلون عنه
اكيد راح تكبر وتعقل
كملنا تصوير واجت الزفه الزفه كلش حلوووه
والسياره الي بيه سما تلحكنا وكل شويه ماده راسه من الجامه وتاشرلنا
وصلنا البيتهم ودخلت غرفتي
سما صممت تدخل وياي للغرفه هي وامي وخالتي
وقصير نزل جوا
سما...خل ارتب الكنتور
فاطمه....مايحتاج اني رتبته قبل كم يوم
ماسمعت كلامي وبقت تفتح وتسد بلكنتور
منا لمن جابو عشى وتعشينا وبقن كاعدات يمي شويه
ونزلت وصعد قيصر زافينه جماعته وولد عمه
امي وصته عليه ونزلت هي وخالتي
كانت ليله حلوه وهادئه كلش كنت مطمنه وماحسيت بخوف او ارتباك
لان هو هادى وسلس ومثقف
جمانه السعيدي
من كملنا كلشي دخل سبح ومن طلع بقه يدور
اني سبحت قبله وكاعده اجفف شعري
فاطمه...شكووو شتريد
قيصر... فانيله هنا مخليه وماكووو
فاطمه...خل اجي اني ادور عليه قربت وكتله فانيله تعلاكه
قيصر...اي اني مخليه هنا
اني ادور وهو يتشاقا وياي ويضحك شغلات عرسان مالكم دخل
مالكينه الفانيله
قيصر...خلاص ايجوز امي رتبت الكنتور وخلته بمكان
راح اطلع وحده جديده والبسه
ثاني ؤوم الصبح كعدنا الساعه عشره
خالتي جايبه الريوك وجايه وياها سما جايبات هديه
قيصر سلم عليهن ونزل
وهنا بقن يمي بلغرفه
سما... هااا لازم ليله حمره شعليج عيوني
فاطمه....عيب منا خالتي بعدين انتي بنيه عيب هذا الحجي
سما....عيب وتهز بشفايفه لازم ماخليتي الرجال ينام
فاطمه....اسكتي مايصير تحجين بهيج موضوع
واذا انتي هيج مستعجله ازوجي وشوفي العرس
سما.. .اي عود اخذيني الرجلج
فاطمه.. شنو قحط زلم واخذج الرجلي
قيصر مايبدلني ابد يحبني ويريد خاطري
سما... هسه نشوف الزمن طويل وراح نشوف هذا الحب شكد راح يطووول
فاطمه....انتي شبيج جنج بومه تنغطين وراي
خالتي....انتن يمته تعقلن مو كبرتن كافي
فاطمه....خل اتصل على ماما ليش مااجت مشتاقتله
سما... راح انزل اجيب مي
فاطمه...هذا مي
سما.. اوي من البارحه هنا اريد جديد
نزلت سما واني حجيت ويااا امي وطمنت عليه بعدين ام قيصر صاحت انزلو حتى تتريكون
جمانه السعيدي
نزلت لكيت الاكل اشكال على السفره وقصير كاعد
وسما كاعده تسولف علي
كعدنا نتريك كلنا حتى خالتي وسما وأم سيف
كملنا وخالتي كالت نرجع البيتنا
سما...ماما روحي انتي اني ابقه يم فاطمه ليش تبقى وحدها
فاطمه...لا شكرا روحي قابل اني شعليه
سما....ومرض هاي شبيج فشلتيني كدام عيالج غير مشتاقتلج واريد ابقى يمج
فاطمه...شسوين باقيه يمي عندي ولاده مثلا
سما.. امشي ماما هاي مامصدكه ازوجت كامت تطرد بينا
طلعت زعلانه
ام قيصر.. ...ليش خاله طردتيه عيب
فاطمه....شكو باقيه يمي خل تروح احسن
رتبت المطبخ وياهم وقصير اجا كعد يمنا بلمطبخ ويسولف ويضحك
اصدقائه دازيله رسايل يحششون علي
هاي الايام حرفيا احلى ايام عمري
وخصوصا سما بعد مااجت ولا بينت ولا تتصل زعلانه لان حجيت عليه كدام عيالي وطردته
وحتى خالتي زعلانه على زعله تكل الامي
اخذناله الريوك ورحنا قدرناها كدام عياله وهي طردتنا
فاطمه.... اني هلمره مفكره ما اصالحهن ابد
لان تعبت من أسلوب سما المستفز
خلصت اجازت قيصر وراح كلش ضجت تعودت علي
وجوده بلبيت غير
اما ام قيصر كلش راقيه وانسانه واعيه
ابد لا تحاسب ولا تسئل
اي شي اسئله تكول بكيفج
رحت الاهلي وامي كالت صالحي خالتج
فاطمه....من تجي هنا اصالحه بعدين هي ليش زعلانه
اني حجيت على سما مو عليه
امي...ميخالف هي قدرتج وراحت العيالج عيب تحجين هيج وياها
فاطمه....امي ضلت تلح رحت صالحت خالتي ورجعت همزين مالكيت سما موجوده
مااريده تطلع بحياتي مره ثانيه
حياتي كانت حلوه ومريحه بشكل وقصير مدللني واي شي اطلبه يجيبه اليه
خلصت اتلث اشهر وماكووو حمل
وبديت اراجع لان قيصر وخالتي يردون جهال
الدكتور أكدت ماكو شي يخوف
شغلات بسيطه وراح تنحل بلعلاج بس يراد وقت اكثر
جمانه السعيدي
العلاج جان قوي عليه ويحسيني بلتعب
ومالي خلك مثل قبل
بلشهر الرابع الزواجي صار شي واني ماكنت منتبه اله
قيصر كان يروح للدوام ١٥ يوم وينزل عشره
مرات ١٥..يوم ويكول أصدقائي يسدون بمكاني
كام ينزل عشره واحسه مهموم وضايج
واكثر من اتلث مرات يبات خارج البيت لو يكول شغل
لو واحد من اصدقائه عندا مشكله
لو يتصلون علي بلشغل يرجع
احسه مو قيصر الاول شويه متغير رغم احنا بلبيت ماعدنا مشاكل ابد اني وخالتي ام قيصر حيل متفاهمين
قررت احجي وياااا وافتهم منه
فاطمه....حبيبي انت ضايج مني
قيصر...نزلت حواجبي ليش تكولين هيج
فاطمه...احسك متغير مو مثل قبل
قيصر....لا ماكو شي
فاطمه....ضايج علمود موضوع الاطفال
قيصر....بعدنا عرسان كولي يالله
فاطمه....ولله الدكتوره طمنتني تكول راح يصير بس محتاجين شويه صبر
قيصر....حبيبتي عادي لا تشيلين هم ابد
فاطمه....يعني مو زعلان عليه
قيصر... ابد مو زعلان اكو واحد يزعل على حبيبه
اطمنت من كلام قيصر بس قيصر كام يغيب عن البيت اكثر
من قبل
وكلشي ماافتهم من اجازته وعلى طول مشغووول
بس ارجع واكول لا ماالح علي هو يسافر ويتعب ويغيب عن البيت واني الاكي بلمشاكل
لازم من يدخل البيت يرتاح
خلص العلاج ورجعت للدكتوره وكالت اكو تحسن بعد
تحتاجين شوية وقت
خمس اشهر وماكو حمل بس كمت مااشوف قيصر
اله كم يوم وباقي الايام مااعرف وين يروح
كلما اسئله يكول شوية مشاغل لا ديرين بال
منا لمن خلص الشهر السادس الزواجنا وهلمره كلي امل اطلع حامل وافرح قيصر
بس بعد كم يوم حتى يبين الحمل
لازم انتضر واصبر
الساني وكلبي مابطل دعاء
اريد طفل يملي علينا البيت
ويسد الفراغ الي جاي احس بي
وأهم شي افرح قيصر
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
