رواية جحيم اهلي الفصل الثامن 8 بقلم جمانه السعيدي
بدا طليقي كل فتره يدز علينا عمي حتى يقنعني ارجعله
واني قافله فد نوب
الحد ما يوم جاي طليقي وعمي حتى يقنعون بابا يرجعني
وبابا مقتنع منهم
رجع للبيت صاح دنيا تعاي اريد احجي وياج
...بابا ليش ماترجعين الزوجج ترا هو متندم حيل ويكول مستعد الكل طلباته
واي شرط اني موافق علي
...بابا فدوه سد هذا الموضوع اني لو اريده جان بقيت ويا
اني اكرهه وما اتحمل العيشه ويا ابد
.بابا .اذا تردين بيت وحدج نشرط علي
ونخلي يدفعلج مهر من جديد شكلتي
...بابا اني ماتهمني الفلوس بس هذا الشخص ما اريده
بابا...ولله انتي متعافيه بابا رجال شبعان شتريدين بعد
زعل بابا عليه اسبوع مايحاجيني راد يضغط عليه حتى ارجع
بس اني تعلمت درس وبعد ما ارجعله ابد
استمر تحرش اخواني بس اني جنت اعرف اصدهم
كمت احس نفسي قويه مو ذيج دنيا الضعيفه
بيوم بليل صاح اخوي الجبير عليه
...دنيا تعاي شوفي هذا المقطع يفوتج يخبل
اجيت اتقربت واذا بي مقطع سخيف وقذر شمرت التليفون
على وكتله انته ماتستحي موعيب عليك
الله ماتخاف منه
خليت ورحت نمت واني كلي خوف الي يشوف هيج مقاطع ما يتئمن بي
ثاني يوم شافتني اختي ضايجه كالت انتي ليش ضايجه
ماترجعين للمدرسه
.دنيا ..ولله اكيف ابدال كعدت البيت هاي عاد احصل شهادة الثالث
..من تجي ماما كلليلها بلكت تقنع وترجعج للدوام
وفعلا اجت ماما وبس فاتحته بلموضوع رفضت بحجت مطلكه وطلعين وطبين الناس شتكول علينا
بقيت اتوسل بيه
...فدوه ماما ذيج السنه ضاعت عليه حرامات عاد اخذ شهادة الثالث
امي ...خاف تردينها حجه تردين ترجعين تشوفين صويحبج
..يا صاحبي يمه فدوه اروحلج هو اني بيا حال
..امي .خل اشوف ابوج يقبل
جمانه السعيدي
واخيرا بعد الملحه كدرت اقنعه وارجع المدرستي
اول ما داومت حسيت بغربه
وخصوصا البنات ازغر مني بهواي
اني اكبر من طالبات الثالث تقريبا ٣ سنوات
لكن شويه شويه بديت اتعلم على الاجواء
وحسيت نفسيتي تغيرت شويه
صرت احسن بهواي
من ارجع للبيت اخلص الشغل كله لان اخاف يبطلوني
اما علي جنت اتمنى ما اشوفه ما اريده يرجع يهيج جروح الماضي
ما اريد ارجع احبه مره ثانيه
احسه مايستحقني يستحق وحده احسن مني
اني ماباقي مني غير حطام امراءه
وما اريد ترجع المشاكل مره ثانيه ويبطلوني من المدرسه
لكن وكع المحضور
شفته يراقبني من بعيد واجه اتقدم عليه
بكلبي جنت فرحانه
بس عقلي يصيح لا لاتجيني خليك بعيد عن حياتي
توني كاعده ارمم بجروحي لاتفتحه من جديد
جمانه السعيدي
وصل يمي شلونج دنيا
...اهلا وسهلا
...مشتاقلج
سكتت
...رجعتي للمدرسه شعجب
...اي ولله رجعت ممكن تبتعد عني لان راح تسببلي مشكله
....سمعت انفصلتي هاي حوبتي خلتج انفصلتي لان اني نفسي بيج
...علي فدوه ابتعد عني لايشوفك احد وتصير مصيبه
....لا ما ابتعد وراح اجيب اهلي واجي اتقدملج
...لا فدوه لا ولله يذبحوني هسه يكولون متفقه ويا على الطلاك وهلمره موتي حلال يصير
اذا تقدمتلي ارفضك ومستحيل اقبل بيك
ابتعد عني وشوف حياتك احسن الك وليه
وبعد لاتعترض طريقي ترا اشتكي عليك
عفته ومشيت واني احس كلبي ينعصر عصر
عقلي يكلي خوش سويتي
وكلبي يصيح احبه ومستحيل احب احد غيره
وصلت للبيت كلش ضايجه وحتى ماليه خلك اكل
غطيت راسي بلبطانيه ونفجرت بلبجي
ليش الانسان الي احبه واريده مايصير اليه
ليش ما اكدر اختار
ليش ابتليت بعائله ماتقدر ولاتحس يعاملوني مثل سلعه يبيعون ويشترون بيه بكيفهم
جمانه السعيدي
كلساع يجوني خطابه وارفض
يوم اجت ماما كالت اكو ناس حاجوني عليج رجال متمكن
وعندا خير من الله مزوج وماعندا جهال صار ١٦سنه
ويريد يجون يشوفونج
...ماماانتي شتكولين اني ما اريد ازوج ابد
..المن ضاله كاعده على كلبي بعدين انتي مطلكه شنو يجيج شاب يخطبج
العريس الجديد اكبر مني بعشرين سنه ومزوج صار ١٦ سنه وماعندا خلفه
لليل كاعدين ناكل فواكه بلصاله وندكت الباب امي راحت تفتح ما احس اله رجال داخل علينا اني بسرعه لبست شالي وكمت اريد اطلع هو لاكاني وجه بوجه واكلني بعيونه اكل
بعدين عرفت هو هذا العريس
وجاي يشوفني وامي دخلته فجىه خاف ما اقبل اطلع علي
لمتابعة باقي الرواية زوروا قناتنا على التليجرام من هنا
