رواية فصيله لاخو حبيبي الفصل الثامن 8 بقلم ارسلان الجاف
مساكم الله بل خير داده شونكم اخباركم ان شاء الله زينين
داده لا تنسون لايك والكومنت حبايب كلبي حته نستمر وياكم تحياتي لكم يا بعد جبدي
ملاك:اي ماشكرتها وينها
فاتن:هي راحت بيتها..تكدرين تاخذين رقمها وتحاجينها وهي دوم تجي تطمن على امي يعني كل يومين تجي بالليل شوي وتروح..عندج مبايل
ملاك:اي بس امينة اختج كالت مايردوني غير بعباتي وتركت مبايلي عند اهلي
فاتن:مو مشكلة اني اجيبلج واحد عندي واحد ماريده واخلي فهد يجيبلج خط
ملاك: بس أخاف مايقبل
فاتن:لا مايكول شي لخاطري..هاي شمسوي بوجهج شفتج كلها جروح وجهج مورم وخدج ازرك..ملاك حبيبتي اعتبريني اختج..صدكيني فهد طيب بس لأن مقهور وحزين على صلاح الله يرحمه والله كلنه محروك كلبنه بس انتي مالج ذنب وهو راح يدرك هالشي بمرور الوقت لا تعاندين بشي وياه وهو مايأذيج هيج
ملاك بحزن:ساعة سودة يوم دخلت لهنا فصلية واجيت للموت برجليه..ياريت يموتني واخلص من هالعذاب
فاتن:اسم الله عليج يالله كومي تعالي اكليلج لكمة من امس بلا أكل
ملاك:ماشتهي آكل
فاتن:فدوة امشي اكلي شي والله مايصير تبقين هيج
ملاك:وجهي خريطة فشله اطلع هيج واخوانج وخواتج هنا..واخاف الشيخ مايقبل..ماتشتهي تكول اسمه...
فاتن:خواتي بس ثنين حنان مزوجة خارج المحافظة وبعيدة هواي وامينة بيتها مسافة ربع ساعة وعندي 4 اخوان صلاح توفه الله يرحمه وزين العابدين مراهق ابن ال13 ماله علاقة بشي بس واحد لوتي وكيان نايم بغرفته وفهد طالع وهو كلي طلعيها..بقت بس امي اما سهر وبناتها معليج بيها حتى لو تحجي
ملاك سمعت اسم كيان تألمت حيل:بس اخوج الشيخ مزوج
فاتن:اي..وغمزت الها..ليش ماتكولين اسمه تخافين
ملاك:بصراحة هو صدك مرعب..يعني هذا راح ابقه وياه طول العمر والله شده
فاتن:خل يتعود عليج وشوفي شلون يصير وياج..هو سهر الملعونة شالعة كلبه ومدللها..بس من تقهره تاخذلها كتله مرتبة ومن كالو الفصلية اله تخبلت..وامس كله ادردم بجمالج خخخخخ ميته غيرة
ملاك:شكلها شريه
فاتن:حيييييل..يالله كومي حبيبتي
ملاك:اوك بس خل اصلي صلاة الصبح فاتتني..وكامت بصعوبة وفاتن انكسر خاطرها عليها بعدها صغيرة وناعمة همين وحتى هي اطول منها..صلت صلاتها قضاء..وبالكوة صلت من ألم جسمها..وعدلت حجابها وطلعت هي وفاتن وهي لازمة كلبها انها ماتشوف كيان كافي الالم الي بكلبها وبجسمها...راحو بس زين العابدين على الطاولة..ويمه نور بت فهد...
فاتن:تعالي كعدي..ملاك واكفة بخجل..
زين العابدين:انتي الفصلية!!!..واوو شصاير لوجهج
فاتن بحدة:زيوووون
زين العابدين ابتسم:بس شكلج جميلة حيل..وهمس..احلى من ذيج النسرة
ملاك ماتعرف ليش ضحكها وابتسمت اله...
نور:عمو ليش تحجي على ماما
فاتن:اما هاذي ام لسان وتعرف من واحد يحجي على امها ههههه
ملاك فهمت هاي بنت فهد:شلونج ياحلوة شسمج
نور بحقد:انتي مالج علاقة انتي فصلية بابا وصرتي
ضرة ماما..اكرهج..وكامت وطلعت..
ملاك انقهرت حتى الطفلة تكرهها..
فاتن:ملاك لا تنقهرين هي طفلة وماتفتهم كل تفكيرها اخذتي ابوها وصرتي على راس امها شريجة
زيون:اي وعاد من حور امها هسة ماعرف ششايف بيها متحملها كذتلها لتكول كذلة تيس(يطنز تره سهر حلوة)
ملاك ماكدرت تلزم ضحكتها وضحكت رغم حزنها...
فاتن ضحكت:ولك لو تسمعك تشد وياك
زيون:عالأساس تهمني هل الصخلة..اي شسمج يالفصلية
ملاك رغم الهم البيها ضحكت بخفة:ملاك وانته
زيون:اسمي زين العابدين صيحيلي زيوني عادي..
كيان دخل وتفاجأ بملاك عالطاولة وجها خريطة وجمالها كله مختفي..تألم كلبه فهد شمسوي بيها...
كيان تحم حم:فاتن..ملاك بس سمعت الصوت لزمت دموعها ودنكت بحزن...
فاتن كامت اله:هلا كيان
كيان:فهد وين مو بالديوان
فاتن:ماعرف اتصل عليه..او روحله بالديوان
كيان: ماوده يروح ابد:اي اول صبيلي كهوة
فاتن:تدلل وراحت تصب كهوة...ملاك ودها تنشق الارض وتبلعها ولا شافها هيج بهل الوجه اصلا ماتمنت تشوفه ابدا هي هسة مزوجة ما لازم تفكر بيه ابدا ابدا حتى لو ماتحب زوجها وحتى لو مايحبها وحتى لو هي مو زوجته من صدك..بس تبقه على ذمته مالازم تفكر بأحد غيره ومو أي احد هذا اخوه...دنكت وخيمت القمته على كلبها....
كيان راح يمهم:صباح الخير
ملاك بصوت بالكوة ينسمع:صباح الخير
زيون:صباح الخير بطلنه
كيان بهدوء:شلونج مرت اخوي
ملاك التفتت يمين ويسار وتوه طخت ببالها هاي عنها:الحمدلله..وجانت راح تختنك بالكلمة..وهاي اول كلام الها ويه كيان..
زيون:ها كيان اليوم صدك راح تطلع للحشد
كيان بهدوء:فهد ماقبل هسة راح احاجيه والعصر امشي..فاتن وين صارت الكهوة
فاتن جابتها:هاي هي تفضل
كيان يشرب بالكهوة ويباوع لملاك اول مرة هيج يباوعلها وهو ماشافها بحياته غير 3 مرات ورغم هالشي يحبها ومازال يحبها... شرب كهوته واستغفر ربه وكام بسرعة...
فاتن:ملاك ما اكلتي شي
ملاك:والله ماشتهي
زيون:هو انتي شوفي اخوج شمسوي بجمالها شلون تشتهي تاكل
ملاك:لا لا موهيج بس اني...
كاطعتها فاتن:لا تحاولين تبررين لفهد تره كل البيت سمع صريخج امس من ضربج
ملاك انحرجت وسكتت...
زيون وكف:اكول ملاك عادي ادلعج ملوكه
ملاك :اي عادي شتحب صيحيلي
زيون ابتسم:لعد راح اصيحلج ملوكه..اكول اي واحد يضوجج بس كوليلي حتى لو الشيخ فهد واذا شيخ شنو يعني انا ادبه الج
ملاك ماتحب سيرته فد تكرهه وتتقرف منه...
فهد دخل:ولك زيون شتكول اتأدب منو
زيون تخردل:هااا..هلا اخوي الشيخ الهيبة والكريم والشجاع..اني استأذن(صار لوكي😂)
ملاك من تسمع صوته جسمها يرعش لا ارادي وبطنها صارت توجعها...
فهد:توك تريد تأدبني..هسة صرت لوكي..يالله روح غرفتك واهتم لدروسك
فاتن:تره منزل البوبجي مرة ثانية
فهد عقد حواجبه:3 دقايق واشوف مبايلك يمي
زيون:فهد افديك بروحي كول غيرها
فهد:ماعيد كلامي..وانتي بالفصلية كومي للغرفة
ملاك لزمت دموعها وكامت بألم من رجلها وكل جسمها...زيون طلع وضاج يكول الا اردها لفاتن الخبيثة...
فهد لزمها ورجعها:لحظة
ملاك التفتت:خيير
فهد بحدة:من احاجيج تجاوبين عدل لا راسج اكسره
فاتن:فهد على كيفك وياها
فهد:انتي مالج علاقة..منا وهيج اي شي بالبيت تسويه الفصلية كلشي و حتى تنظيف الديوان..فهمتي تره ماعيد
ملاك بهدوء:صار فهمت
فهد:ومن هسة ابدي روحي للديوان ونظفيه
فاتن:بس خاف يجوك زلم
كيان:محد يجي الي يجي يسأل عليه..كيان لو زيون يطلعهم..اني اليوم رايح للعمارة عندي شغلة مهمة
فاتن:اوك..خل ادلي ملاك الديوان...وخذتها وطلعو بره وراحت للديوان وتريد تساعدها
ملاك التفتت:خيير
فهد بحدة:من احاجيج تجاوبين عدل....
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
