رواية ذكريات مفقوده الفصل الثامن 8 بقلم ام زيزو
رجاءاً حبايبي التصويت والتعليقات بين الفقرات ❤️❤️
ملاحضه/ الي يسالون عن القصه حقيقيه ؟
نعم حقيقيه %100 والبطله متابعه التعليقات
بالواتباد وبالانستا
سنه 2018 ........
فقار ...
كاعد بالسياره ودك التليفون قريت الاسم بنت گلبي ابتسمت عفته يدك اكثر من مره
رديت
... الوو
اجاني صوت بي شهكة حزن مخنوك
... بابا
... عقدت حاجبي غيرت نبرة صوتي وحجيت بكل هدوء هااا بت گلب بابا
... جوجي ماكوو صار ساعه ادور عليه اختفه
وشهكات بجي وي صوتها
... بقيت صافن واجه حمزه فتح الباب صعد خليت التليفون مالته كدامه هااك والله مو قصدي ارد بس لحت بلاتصال وانت تاخرت خفت خاف صاير شي
خذ التليفون مني
... الووو هااا بنيتي حبيبتي شبيج
... شنوو شبيه مو كتلك
... شنوو شكلتي غمض عينه وكال
بس فهميني ملاكي مو اني الي رديت عليج هسه بس فهميني بنيتي ليش تبجين منو وياج
... جوجي ماكوو شكد دورت عليه بلبيت وسالت عليه باجي وانمار وانس كالو مشايفينه
... وين راح قابل اله الباب مفتوح وانهزم هسه ميخالف باباتي لاتنقهرين اذا مالكيتي اجيبلج غيره
سد الخط وهو يهز براسه
حمزه... والله هاي الابنيه ابد ماتكبر هاااك مشيت وياها على الطريقه الي كتلي عليها وعاملها مثل الاطفال استلم عمرها 15 سنه وكالبتها مناحه على جوجي الاجلح
فقار ... ابتسمت اكلك هو منو جوجي
حمزه... يمعود بزون اسود مالتها من هو وصغير مربيته وهسه كبر صار جنه طلي يوميه كيلو صدر دجاج توكله كفيلك الله مخلص فلوسي بــَس على هالحيوانات واكلهن
بزازين وبلابل وطيور حب وكتاكيت غرفتي كلشي حاوي بيها اكعد الصبح الكه العتوي نايم بحضني
والكتكوت متربع فوك راسي وكاعد
فقار... ههههههههههه بربك شلون متحملهن
زين شلون رهمن العتوي والكتكوت سويه
حمزه... شمدريني راهمات يلعبن سويه جوجي مياكلهن لان ميلحك يجوع 24 ساعه ماعونه متروس دجاج وحق علي ماكل دجاج اكثر من مااني ماكل دجاج بحياتي
فقار... الله يساعدك خويه
حمزه ... خلي انزل هنا يم الاسواق اخذلها حلويات
طبكت السياره وهو نزل
كال محتاج شي اجيبلك وياي
... لاا حبيبي
شويه واجه حمزه بيده 2 علاليك صعد للسياره خلكه وحده من العلاليك ليوره
... هاي حلويات السيوفي
... يمعود عليمن جبتله والله الثلاجه مالتهم تارسها حلويات
خبلني وحق علي خبلني ماياكل بس حلويات
... الله يساعدك شوكت تاخذه للدكتور
... الاسبوع الجاي عنده مراجعه
... ماكو امل الحالته
... جريت حسره وهزيت راسي لاا شكد دورت على اطباء حته للخارج كلت اخذه بس ماكو نتيجه هذا مرض ولادي ماله علاج وهو كلبه ضعيف ميتحمل بنج خلي هـًُّـيج كدام عيني ولا اجازف بي واسويله عمليات ويموت
... الله يباوع الحاله
... ونعم بالله الحمدالله والشكر على كل حال
مرات ً أگـِول هاي نتائج اخطاء وذنوب امه الله جازاها بطفل معلول
وبعدين اتذكر الزقنبوت الي شربته من جانت حامل بي وكلام الدكتوره من كالت لو يموت لو يولد بي تشوهات خلقيه
وهاي صار عمره 9 سنوات من دكتور الدكتور حته جسمه تشبع من العلاجات امنيتي بيوم ينطق كلمه بابا واسمع صوته يسمعنه وكلش ذكي يفهمنه بالاشاره بس لسانه يوم على يوم يثكل اكثر وميكدر ينطق حرف ورجليه منا سكط وتك من ايده
ااااااوووف الحمدالله على كل حال كله اختبار قوة صبري من رب العالمين من يوم يومي مامرتاح بحياتي الخاصه ولا بيوم فرحت ابد جبتها قهر بحزن بهموم عمري 31 والشيب ترس راسي
حمزه ... هسه مو اكلك تزوج تزوج يااخي تزوج شسويلك بعد
فقار... وعلي غير كون عندي ثقه بالنسوان بـٍْْعد
ليش هي غصون خلت عندي ثقه جردتني من كلشي بنت الكلب
هسه خلي ازوجك اول مره وبعدين انه اتزوج
حمزه... لااا اني بعد مْْـو هسه خلي ابنيتي تكبر ياله
فقار... باوعت عليه وابتسمت تريديني اتزوج موو
حمزه... اي
فقار... چا انطيني ملاك وانت تزوج
حمزه... دنجب ملاك بعد 10 سنين ياله افكر اقتنع انطيها
فقار... هههههههه هو انه هم انتضرها 10 سنين شعندي
حمزه... اي وتالي الصبر والتعب انطيها الشايب بكد ابوها
فقار... امشششي كو** شني بكد ابوها انه
حمزه... اي وعلي بكد ابوها وهم اكبر من ابوها بشهرين
غير اقصد اني ابوها ليش هي عدها اب غيري هذاك بس بالجنسيه ابوها
فقار... عمي لا تنجلط اشاقه وياك هو انت مشيبتك لنوب اخذها انه ناقص تعب انه منا الدنيه ومنا سيف لنوب اجيبلي مره لااا وملاك تبجيلي على كتكوت لو بزونه هههههههه شلون اليه خلك انه ازيد هم فوك همي
حمزه... هااا شفت حته لاتكول صديقي عزها عليه
تتحمل تكعدك بعز نومك تروح تجيب اكل للبلبل
لو تكعد تلكه العتوي نايم بحضنك ومخلي ذيله فوك خشمك ههههههه هاي اني حٍيآتـَي بلبيت
ملاكي عمرها 15. بس سوالفها مال 5 سنوات
فقار... اخت مرت ازهر بكدها قبل فتره تزوجت
حمزه... هسه شتريد انت ملاك ترى ملاك مدلله كلش اتعبك كون هيج مفرغ راسك بس الها ومترفضلها طلب متعلي صوتك عليها ابد
اذا انمار صاح عليها جيبيلي مي تظل تبجي واذا زعلت لو ضاجت متقبل تاكل بعد
اذا شعرها تعبها بالتمشيط تظل تبجي وتهددني تكصه واني لاحوله ولاقوه اخذ المشط ولازم خصله خصله امشطلها بكل هدوء
وهااا بعمرها ماوكفت ع الطباخ الجاي شني هو الجاي ماتعرف تسوي هاي
فقار... ومرت ابوك تتحملها خوما تاذيها
حمزه... هذني بغيابي كلهن مشتريهن بفلوس اسد حلك مرت ابوي كلشي بلفلوس حته متحجي وياها وتخدمها وعلي ناطيها فلوس من بقينه عدهم لحد الان لو لامهن بيهن فلوس بيت هاي عود محد يدري من البيت اني شريك وياك اذا تدري تظل تطلب فلوس اضعاف تكعدني على الحديده وعلي واني لازم شكد تطلب انطيها قصص وروايات عراقية كرار صلاح
كله الخاطر ملاك حته تبقه مدلله ومرتاحه ومتنغث ولا تأذيها وتنتبه الاكلها لان ملاك معدتها بيها تحسس مو گـِْل الاكل يوالمها هواي شغلات ممنوعه عليها البهارات بانواعها الطرشي العمبه وهاي يعني لازم تركيز على اكلها لان اذا اكلت شي ميوالمها تتخربط ومعدتها تهيج عليها اله غسل معده ومغذيات ياله تصحى
فقار... اتذكرها من ورا النفط الخابط الي شربته
الله يساعدك خويه بعد ما الومك واكلك تزوج هاي انت عشت لابوه بكل تفاصيلها شكد ماحالة سيف متعبتني بس مو هـًُّيج سيف لاحوله ولاقوه مو هو متعبني بس القهر متعبني على حالته اله هو المسكين ابد ماله تعب بس يباوع بعيونه وانه من اشوفه القهر ياكل بيه من اشوف اشتر يلعب بالطوبه ويكمز كدامه عيوني تبقه على سيف يباوع عليه يبتسم وعيونه تلمع انحرم من ابسط شي انحرم من طفولته كلبي يمردني مرد عليه سيف كبرني فوك عٍمري عمر وتكلي تزوج شتزوج اخاف اتزوج ويصير عندي اطفال واهمل سيف لو هو من يشوف ابني بحضني والاعبه واخذه اشتريله ويمشي وياي ينقهر مااتحمل اشوف القهر والحزن بعيونه خلينه هيج انت عندك ملاك وانه عندي سيف اخذنه نصيبنه من الحياة مو مال زواج بعد احنه
حمزه... ابتسم وهز راسه اي وعلي وتكلي انت تزوج شتزوج
وين تقبل ملاك وحده تشاركها بيه المره هم تريد دلال ووقت فراغ وراسك فارغ الها وتنفذ طلباتها اني ملاك اذا تشوفني اشاقي طفله لو العب طفله تغار وتنقهر
هذاك اليوم جنه طالعين اني وياها رحنه نتعشه بالمطعم واكو مراجيح بالحديقه صعدت وامرجحها ابنيه شابه واكفه بالمرجوحه الي يمي صعدت اخوها تباوعلي ظلت وتبتسم بوجهي وبقت تسولف ويايه شويه التهيت عن ملاك احجي وي لابنيه وسوالف عاديه على اخوها تسولف
ملاك تباوع للابنيه بحقد صاحت. عليها التهي بأخوج وعوفي بابا
يله بابا المرجوحه راح توكف ادفعني سريع
لابنيه فتحت عًـٍُُيُِِِِونها صاحت هاي بنتك
كلتلها اي من الصدمه حته عافت اخوها وطفرت ههههههههه
فقار... هههههههه حلوووو وانه الي صدك صاير اب بعمري ماسمعت كلمة بابا
وصلت حمزه لشارعهم
ورجعت للبيت طبكت السياره وطبيت
لكيت سيف بعربانته وامي كاعده يمه توكل بي من شافني انرسمت لابتسامه على وجهه هاي لابتسامه املي الوحيد من ابني تزيح عني كل تعب يومي من اشوفها بسته من راسه
...حبيبي بويه سيوفي نور عيوني
امي... الله يساعدك يمه
... ويساعدج يعافيتي
امي... اكوم اصبلك غده يمه
... اي والله يمه كلش جوعان
اكلج عباس شوكت يخلص امتحاناته
... والله يمه ماادري بس نرجس كالت اليوم اخر امتحان عدها ماادري هو اليوم لولا
كاعد اكل طب مخلد شمر السويج والتليفون وكعد على القنفه مدد رجله ورجع راسه ليوره من التعب
... هااا مخلد بشر شسويت وي الوكيل
... رفع راسه بس انطيني ماي تعبت من الصبح الهسه اروح منا واجي منا
... انطيته بطل الماي وكتله تعال انزل تغده وياي
نزل كعد كدامي بده ياكل ويسولفلي
... عيني رحت للوكيل ومبدئياً اتفقت وياه على 5 منتجات البقيه كال هالفتره يوصلن ونتفق عليهن شوف شنو يامنتج يمشي عندك وحصلت رقم صاحب البيت اتصلت عليه وفهمته نريد نأجره مو للسكن نريده شركه عيني الايجار قفلته وياه على ال750
... هااا اكلك مو هوايه
... فقار بيش تريده لعد بيت على شارع تجاري ومساحته 400 متر حته لو بنائه قديم بس موقع ومساحه شتريد لعد هو غير جان قافل على المليون كوه قنعته على ال750 وراح اسوي وياه عقد سنوي حته لا يكلب علينه بعدين
... خووش تسوي حمزه لاكي سيارتين بس مو كيه گنو شو يكول أحـسًٓـن واصرف شتكول انت
... ايي الگنو اني اشوفها أحـسًٓـن وسعرها مناسب اكثر من الكيه اذا لاكي اثنين واتفق عليهن ينراد بعد بس وحده
... اي 3 كافيات بعدين من نحتاج نجيب عود
اكلك المندوبين والسواق عن طريق الشركه مال تشغيل مو احسن
... اي أحـسًٓـن بــَس جيب مندوبات لاتجيب مندوبين
... اي خوووش حته تصاحبهن موو
... لااا يمعود اني بحالهن كلهن مطلقات
... ايي بعد اضبط الك هو انت تحب المطلقات
... اهووووووو بدت رحمة الله ترى وعلي اسحب ايدي من كلشي واخليكم انت وشريكك حايرين بزمانكم
... دنجب انت اقترحت المشروع ودكيت صدرك انت تتكفل بي بكيفك تسحب نفسك
... اي لعد خوش خليني اشتغل براحتي وراح ابلغ الشركه مندوبات وشرط بمواصفات
اولاً العمر يتراوح بين ال30 الى 40 سنه
... ايي ابو الايجات والشرط الثاني
ثانياً... تكون لو مطلقه لو ارمله
... ايي مو فاتحها رعايه اجتماعيه انه المهم كمل الشرط الثالث
ثالثاً... عدها خبره بمجال المساج هيج من اتعب توكف ورايه وتدلكلي ركبتي ومتوني بلمساتها الدافيه وتكون هيج ناعمه وقزمه وكيوت مْْـو جنها خالي جبار
.... زين والخبره بمجال العمل شنوو مالها شرط شفت
.... الخبره بالعمل مْْـو مهمه اهم شي الشروط السابقه
.... مخلد وحق العباس راح ادفرك اذا تبقه وراك تفلسنه تفلس تخليني انطي رواتب وهنا كاعدات بالشركه مكابلهن وكاعد
وحمزه الغشيم يكول المشروع الجديد خلي يلزمه مخلد وانه وياك نبقه بالشورجه هلااا هلااا څـوش اعتمد عليك ابقي المشروع بيدك قبل لا ابدي بي اعلن فلاسي
.... ههههههههههه لااا انت المدير حته من تحاسب مندوبه اذا تتاخر او تقصر بشغلها تنقهر وتنغث تجي يمي المكتبي اواسيها واطبطبلها واكلها لاتنقهرين يروحولج فدوه فقار والشركه وكل العاملين بيها
دفرته حيل وصحت بي
.... كوووووووم كوووو** صايرلي مصلح اجتماعي
سمعنه صوت عباس ونرجس راجعين من الجامعه
نرجس ...
هلاووو كيف الحال
فقار... نحنُ بخير خطيبة اخي
كيف حالكِ انتِ
مخلد...
رفع عينه عليها هز راسه وهمس بصوت ناصي لااهلاا ولاا مرحبا
نرجس... انني بخير اخي الوسيم صاحب الشخصيه الجذابه
بس من شفت بعض الشكولات كل الخير راح
وهي تحجي وتباوع المخلد بطارف عينها
... غصيت بضحكتي وكتمتها
ٱڱڵـك عباس شوكت تخلص امتحانات
... اليوم خلصت
... حلووو حته من باجر تنزل للشورجه وي حمزه انه ومخلد راح نتفرغ للمشروع الجديد
نرجس...
راحت جابت خاشوكه من المطبخ وتربعت كعدت ويانه تاكل
... اي على الخير عالمشروع الجديد ممحتاجني اشتغل وياك
مخلد... اي محتاجينج تجين بس الصبح ساعه وتروحين
نرجس... وشنوو شغلي ساعه وحده بس الصبح
مخلد... تجين بس تطردين النعمه وتروحين
نرجس... خزرته ودارت وجهه على عباس سمعت لوزايتي سمعت اخوك المسموم شكال
عباس... غاص بضحكته سمعت سكرتي سمعت
فقار... چا شو بس تضحك ماتدافعلها
عباس... مايحتاج ادافعلها هي تاخذ حكها مربع سكرتي عدها السان تاخذ حكها واضعاف
فقار... ايي بعلي بي كي سي مو السان
نرجس... باوعت على خاله الي بس تباوعلنه وتضحك ورجعت باوعت المخلد
...ترى الخاطر خاله اني ساكته بس بعدين اله اطلعهن كلهن من خشمك يا مخلد ياابن سوسن اصبرلي
نرجس....
كملت اكلت وكمت غسلت ايدي وصبيت جاي شربت
نكتت ايدي كلت يله مشكورين على الغده هسه اروح لبيتنه
مخلد... لااا عليج العباس لااتروحين بعدنه مشايفينج
ماتجيبين ملابسج وتجين عليمن بعد اسمكم مخطوبين بس على نومة الليل وانتي من الصبح لليل مكابلتنه
... اجي اجي وانام على كلبك لاتستعجل على رزقك كلشي بوقته حلوووو سمسم
مخلد ... بكلبج
... اكللكم تليفوني وينه مدري وين خليته
مخلد... هسه ادك عليه
سمعت صوته يدك
راح مخلد كال هذا هنا ذابته شاله حته ينطي اليه
باوع للشاشه قرا الاسم
عقد حواجبه عيونه صارت بكصته من العصبيه
واني واكفه يم باب المطبخ اعظ بأطراف اصابيعي واهز برجلي من القلق
صاح وصوته رج البيت
مخلد... ووووووووولج بت الكلب منو آِٰبو النسوان
... من الخوف كلت هااا غير انت
مخلد ... هااااا منووووووو
... لا لا مو انت هسه اغيره والكاظم
تقرب يمي لزمني من طارف ياخت القميص
مخلد ... هااااااج يله سوي تعديل وغيري
... هاااا شكتب
مخلد ... هز راسه كتبي تاج راسي
... هااا اي اي تستاهل والله ليش لا انت اخوي وتاج راسي
سويت تعديل كدامه وغيرت الاسم هدني و ومشه خطوات انتبهت على ابتسامته بطارف شفته
صحت ورا واني شنووو كاتب على اسمي
مخلد...ام شروري
... هاااااا اني ام شروري مووو ظليت اضرب برجلي بالكاع
هــًـًســًه تغيره والعباس تغيره وتكتب نظر عيوني
مخلد... ههههههههه عمت عيوني اذا انتي نظرهن
... درت وجهي على خاله هاااا خاله شووفي شلون لزمها عليه منين طلعتيلي بهذا الاسم
فقار... ضحكت وهزيت راسي
طلعته عليج من جنتي صغيره تلزمين عباس وتدكي بالنعال ويجي لامي يبجي
بس تشوفه يدخل للبيت يبجي جانت تكله هااا هم ام شروري وياك وهسه صرتي جنتها شفتي شلون
امي... يمه نرجوسه معليج بيهم وعلي انتي بنتي الماجابتها بطني هذوله يغارون منج يريدون يخربون علاقتنه
نرجس... تقربت يمها احضن بيها وابوس خدها
اوووووي تؤبريني مرت عمي
يله بيباااااي
اخذت ملازمها وطلعت تركض كالعاده
رحت اخذت سيف شلته حته اصعده ينام الضهر وقت نومته
حضنته وشلته فتحت الغرفه شفتها متمدده على السرير وتليفونها بيدها من شافتني كامت عدلت سرير سيف
خليته بفراشه بسته من راسه اريد اطلع وقاطعتني بكلامها
غصون... الغرفه الجوه اريد تسوي السيف
فقار... درت وجهي عليها ورفعت حاجبي وليش باله شنوو هاي الغرفه متكفيكم هو بس اثنينكم بيها
غصون... مو شغله متكفينه بس الصبح لاا انت ولاواحد من عمامه موجود واني مااكدر اشيله بعد تعبت هو هم كبر ولان مريض عضمه ثكيل وجاي يتسكر يوميه شايلينه مصعدي ومنزلي حته يبقه جوه احسن واريح اله
فقار... وبليل تنزلين تنامين يمه
غصون... ميحتاجني بليل اغيرله وبس يشرب علاجه بعد ميكعد للصبح ياله
فقار... هزيت راسي ميخالف اذا هالشي يريحه اسوي كلشي الخاطر راحته بليل اجهزها اله
درت وجهي وطلعت رحت لغرفتي
طبيت للحمام سبحت وشمرت نفسي على السرير ومن التعب راساً غفيت
للمغرب ياله كعدت
نزلت جوه امي تصلي وسيف بعربانته
سحبت عربانته كدامي خليته وكعدت على القنفه مقابيله
اجتي غصون بيدها كلاص عصير تريد تشربه اخذته منها
شربته اله ومسحت حلكه بالكلنس مديت ايدي على شعره الاسود الناعم العب بي وهو عيونه عليه ويبتسم يعبر عن فرحته بهاي لابتسامه
خلصت امي صلاه تطالعنه بنضراتها الحزينه بكل مره تشوفنه سويه بنفس النضره تطالعنه وانه اعرف شنوو ورا هالنضره افهم امي من نضراتها بدون متحجي اكتفت فقط بالنضره
ملت مني وهي تحجي واني ارفض بكل مره تكلي
يمه اذا قفلت ملف غصون من سنين وعايفها بس ام لابنك تزوج
يمه كبرت والعمر يمشي بيك
يمه يرادلك سند الك والابنك
يمه اتمنه اشوفك مرتاح وعايش حياتك حالك حال الشباب
يمه من اشوفك شلون تلعب وي اشتر كلبي ينمرد عليك وعلى ابنك
يمه الي بعمرك عدهم 3 و4 اطفال
يمه لشوكت تبقه هيج لاانت اعزب ولا انت متزوج عايش بهالغرفه وحدك بين 4 حيطان تاكل بروحك
وانه بكل مره اكلها سدي الموضوع هيج احسن اليه والابني اخذت نصيبي من الدنيه هاي هي الحمدالله والشكر لاا اعتراض على حكم ربي
قاطعت نضرتها بكلامي
... يمه اريد اسوي هاي الغرفه السيوفي
... ليش يمه غرفتهم
... لاا قصدي غرفه اله بس امه تبقه فوك لان تكول تكسر من الصعده والنزله وبعد مابيها حيل تشيله ثكيل صار عليها ماريدها تمن عليه خلي هنا يرتاح اكثر وشوكت ماريد اطب اشوفه وحده انه هم اليه أحـسًٓـن حته مااطب الهذيج الغرفه بعد
... براحتك يمه الي تشوفه يريحك ويريح وليدك سوي
ورا العشه غصون فرغت الغرفه
وخليت عباس ينزل السرير مالته والثلاجه وخليلته بلازمه صغيره يتفرج كارتون حته ميحس بلملل وخليت ميز صغير يم السرير عليه ادويته وكلنس والحفاضات
شفت الغرفه صارت مرتبه ونضيفه خليته بعربانته كدام التلفزيون وشغلتله كارتونه المفضل سبونج بوب رحت للاسواق جبتله الحلويات والعصاير الي يحبهن ترست الثلاجه وخليت كدامه طبله فرشت الحلويات افتحله وهو ياكل شويه واني اوكله شويه
لان فقط ايده اليسرى يكدر يحركها بس شي قليل شويه وتخدر ميكدر يحركها بعد لحد ما يفكه الخدر
شفت الساعه ب10 بده ينعس طلعت للمطبخ شفتها تغسل المواعين
حجيت وياها واني افتح الثلاجه بدون مااباوعلها
... سيف نعس روحي غيريله ولبسي دشداشه النوم وشربي علاجه خلي ينام
رجعت كعدت بالاستقبال اكلب بالتليفون بملل شفتها طلعت وسدت الباب
ب11 صارت
طبيت لغرفته مضلمه الغرفه
شغلت ضوه خافت وعفته مشتغل تقربت عليه شفته نايم بسته من راسه وسحبت نفس شميت ريحة شعره الاحبها وطلعت سديت الباب صعدت الغرفتي انام
صباحاً .....
فزيت على صوت المنبه ب7:30
كعدت اخذت دوش وبدلت نزلت الغرفه مخلد نايم
كعدته
... مخلد يله انه رايح كوم لاتظل نايم عدنه هواي شغل اليوم شفته كعد
رحت الغرفه عباس كعدته بين مابدل امي حضرت الريوك تريكت ورحت السيف شفته قبل لااطلع
اخذت عباس ورحت للشورجه الحمزه
ومخلد راح
يكمل شغله المشروع
هسه ننطي القلم الملاكنه❤️
ملاك......
فزيت على صوت كوكي فتحت عيوني وابتسمت
... فدووه لهل صوت
باوعت الساعه ب9 كمت لفيت شعري كعكه عالي وكمت شفت سرير بابا حمزه مرتبه كالعاده ميخلي فوضه وراه
طبيت للحمام غسلت وجهي وفرشت اسناني
فتحت القفص مال الغنادير خليتلهم الاكل والمي
ورجعت على قفص كوكي البلبل مالتي طفيت البنكه طلعته من القفص وكالعاده اخذله فره بالغرفه ورجع حط على كتفي
رحت للثلاجه لكيت القصاصه معلكه عليها مثل كل يوم
حمزه(صباح العسل باباتي ملاكي تريكي وادرسي زين نور عيوني)
ابتسمت وهزيت راسي
احجي وي نفسي
كون هالسنه اطلع من الثالث واخلص منه مااعيده نفس العام
فتحت الثلاجه طلعت باكيت الحليب ونساتلي اتريك
سحبت الكرسي وطلعت كتاب التاريخ بقيت اقره بكل تركيز لازم قصص وروايات عراقية كرار صلاح هالسنه انجح وافرح بابا خطيه
محسيت على الوقت اله الساعه 1 تعبت سديت الكتاب
واخذت دخلت على الواتساب
على اول محادثه
(محور كوني)
دست اتصال
حمزه... الووو هلا بملاكي شلونج
ملاك... عيون ملاكك آلـحمدالله كعدت ب9 وتريكت ودرست هوايه هسه اخذت استراحه شويه وارجع اكمل دراسه
حمزه... عفيه بنيتي
ملاك... تتأخر اليوم
حمزه... لاا انشالله قبل ال4 بلبيت
ملاك... تمام يله بااي
حمزه... بااي عمرري ديري بالج على نفسج وادرسي زين
سديت الخط
سمعت صوت باجي تصيحني
طلعت يم محجر الدرج صحت هااا
... تعالي تغدي
... مااشتهي هسه من يجي بابا حمزه آتُغده وياه
رجعت دخلت للغرفه اكمل درسه
محسيت بالوقت اله انفتح باب الغرفه
من شفته ابتسمت
كمت اركض عليه حضنته وتعلكت بركبته
باسني وشم شعري مثل كل يوم وهو يكول افييييششش هالعطر اليرد الروح
... شو شوفيني وين وصلتي
... باقي فصل واحد واخلص التاريخ حته ابلش بالحغرافيه
... اي عفيه بالشطوره تغديتي
... لااوالله صاحت عليه بس مااشتهي كولت آتُغده وياك
... مااشي بس اسبح وانزل
... يله اني نازله قبلك
طبيت للمطبخ فتحت الجدر تمن والثاني باميه
... باااجي اجه بابا حمزه يله احميلنه الغده
اجتي شغلت الطباخ وطلعت خبز وزلاطه من الثلاجه خلتهم على الميز صبت الاكل وراحت للسنك تغسل المواعين
نزل حمزه كعدنه ناكل طب انس سحب كرسي وكعد يمنه
وراها اجه انمار هم كعد
انس.. حمزه مو كلت اجيبلك بلي
حمزه.. خلي اخلص شغلي واجيبلك هسه ملتهي
انس.. من شوكت كتلك هاي لو ملاك طالبه منك شي بنفس الدقيقه تجيبها الها
باجي.. باوعت بطارف عينها
متجيب البلي لاخوك شنووو اله يظل يتوسل بيك شلعت كلبه
حمزه.. عاف الخاشوكه من ايده وجر نفس وكأنما حجت وياه بنبره تهديد هز راسه ميخالف باجر يجيك البلي
طب ابونه الابتسامه على وجهه وهو يكول
ابشركم السفاره خابرتني وباجر عدنه مقابله مابقه شي
انـ شـاء الـلّه بلكت كم شهر بــَس وتطلع اسامينه ونخلص من هالبلد الجايف
انمار... صددك اي يالله
باجي... البارحه جنت احجي وي اختي وكالت طلعت هواي اسامي ناس يعرفونهم هناك كرايبهم يمهم ومقدمين
وبهالايام يوصل بكر ابن منير يريد يكمل معامله الطلاك
انمار... زين وجهاله يبقون يمه
باجي... اي طبعاً لان هي متريده هي طلبت الطلاك
حمزه... حقها هو هذا ينعاش وياه من يوم يومه عايش بالحرام والشرب والكح***
باجي.. ليش تحجي على ابن خالك
حمزه... قصدج ابن اختج خلخلت عضامه هو وابوه عرفه ولفه
ملاك... اني بس استمع مثل لاطرش بالزفه اي احد من اقاربنه مااعرف ولاشايفتهم حته اذا يجون ابدد ماانزل من اني وصغيره حمزه مانعني مااشوف احد ولا احد يشوفني لذالك مااعرف حته شكلهم
ابوي.. ماعجبه كلام حمزه نتر بي
هذا البيت عارضه للبيع وبس يطلع موعد سفرنه يجي الشراي يحول بي شوفلك صرفه انت واختك عود
حمزه... هو اني كلها فتره واطلع من هالمهجوم
ولتحملني منيه كعدتنه هنا ترى الغرفه والحمام الي كاعدين بيهن بنيتهم بفلوسي وفوك كل هذا كل شهر جاي انطيك ايجار عدا مصرف البيت ومصرف ولدك ومرتك فمحد يتجرأ يفتح حلكه وياي لو وي بنتي افتهمتو
ضرب الميز حيل وكام وكف اعصاب حيل صار
باجي... بقت ترجف ومثل كل مره تتلوكله علمود الفلوس
ركضت جابتله مي وهي تكله اشرب اشرب يمه حمزه عليمن هالعصبيه ابوك وحجه وياك متسوى العصبيه
حمزه... باوعلها بقرف لزمني من ايدي وصاح بيها ماريد
صعدنه فوك وايدي بيده انتبهت العروق ايده كلها بارزه وجسمه يرجف
فتح باب الغرفه ترك ايدي وطب كبل للحمام غسل وجهه
طلع ابتسم بوجهي
ملاك... بابا اريد احجي وياك
حمزه... ببتسامه احجي يروح ابوج انتي تأمرين وتنهين كولي بعد عمرري محتاجه شي بنفسج شي اجيبه الج
اكو حيوان ابالج اشتري الج
ملاك ... ابتسمت لااا حيااتي مو هنا السالفه
كعدت على سريري وهو كاعد مقابيلي على سريره
بابا اني صرت جبيره ترى مو صغيره ليش احس هوايه شغلات ضامهن عليه
حمزه... دنك راسه فرك شعره ورجع رفعه باوع بعيوني بااعي هاي مال صرتي جبيره انتي شما تكبرين تبقين بنضري بنوتي الصغيره ملاكي البريئه واني مضام عليج اي شي احجي شنو ابالج
ملاك... ليش متحب اهل امي ودائماً من يجيبون طاريهم تضوج وحته مانعني من شوفتهم ولا اتذكر مره اجوي وقبلت انزل اشوفهم
حمزه... كعد بصفي ومد ايده رجع شعري ورا اذني
حبيبتي انتي الوحيده الي بقيتيلي من عائلتي
واني اسوي المستحيل حته احميج ومااخلي احد يأذيج واهل امي ناس مو زينين ابد امي الله يرحمها توفت وهي متحجي وياهم لان زعلوها هوايه وبوقتها جنت صغير مااكدر اسوي شي واني هسه مانعج منهم لان مااسمح لأي شخص يفكر بيوم
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
