رواية يا بعد كل معاناتي الفصل الثامن 8 بقلم زينب ماجد
علي.. مخليها بحضني واطبطب عله كتفها وامسح بشعرها كتلها كافي تره الله ما ينسه عبده اللي يعتني بنمله تحت سابع بحر ما يكدر يعتني بيج
خلي ثقتج بالله قويه وشوفي شلون راح يساعدج ولتخافين والله ما اعوفج الا اطمن عليج واشوفج مرتاحه يله اروح
بستها براسها وهيه تبجي كتلها اهدي اهدي بقيت امسح عله راسها حسيتها غفت كمت اباوع للبحر واجر نفس ردت اطلع جكاره اورث احس روحي اشتعلت من قهرها
بس خفت تكعد خطيه متحمله كل هلقهر منو يتحمل اللي يصير بيها صعب كولش خاصه هيه بنيه وبالعراق محد يرحمها
بقيت افكر بيها لحد ما غفيت عله راسها وهيه بحظني ما حسيت الا علمي وهوه يلامس رجلينه وصوت الحمام فوكانا باوعت فجر بس الشمس بعدها ما طالعه
رفعت اديها ليفوك مطيت جسمي متكسر لان نايم كعده كعدت هيه كتلها يله نرجع للفندق لازم ب7 احنه نطلع
شهد.. كعدت لكيت نفسي نايمه عله رجليه خجلت اتذكرت شلون انفجرت بجي البارحه بحضنه بس هوه ما حسسني بشي وكال يله كومي نروح كتله يله كمت عدلت ملابسي وكمت
علي.. كمت عدلت ملابسي ونكثتها من الرمل درنا انريد نمشي شفنا ثنين بنيه اولد جوه الجسر بوضع مو حلو باوعتلها مدنكه ومبين الخجل عله وجها
ابتسمت وكتلها معليج بيهم لاتباوعيلهم يله خليت ايدي عله ضهرها ومشينا دكيناها مشي للفندق رجلينا ماتت من التعب كتلها ناخذ تكسي
كالت لا راح نشبع كعده بالشاحنه خلي نحرك رجلينا وصلنا للفندق اخذنا اهدومنا وحاجاتنا ودفعت الحساب وطلعنا رحنا للشاحنه كتلها يله كمزي جوه الكشن
شهد.. يا الله بدينه بالطيحان حظ😑
علي.. ههههه بس اكمل استلام البضائع انشالله ما نتٲخر دخلت الشاحنه للشركه المتفقين وياها اخذت منها بضاعه طولت ساعه ونص
وطلعت اخذت كيك وعصاير وجباسه وصعدت لكيتها كاعده علكشن كتلها كمزي يمي انطيتها ايدي وساعدتها وكعدت يمي
شهد.. اختنكت لحد ما اجه صعد كال تعالي يمي ومدلي ايده حولت وكعدت يمه باوعت الله😍 حلويات
بقه يضحك طلعت جبس اكل واخلي بحلكه وهو يضحك واذا خليت جبسايتين بحلكي يصيح اااا غشاشه اكلتي ثنين كتله دباوع طريقك لا نروح ننكلب من وره جبس
علي.. ما ما ما عود صايره لوتيه ترديني انتبه علمود يصفه الجبس كله بكرشج انطيني
شهد.. ههههه ابو بطن كمت اخلي مره بحلكه ومره بحلكي لحد ما خلص طلعت عصير اشرب انوب انوب هم يريد يشرب الزكه كمت اشربه وياي
خلصناها شويه الك وشويه الي كمت ادور بالراديو كله براهيم تاتلس ادور اريدلي شي عربي واخيرا طلعت اغنيه سيرين عبد النور
الاغنيه رومانسيه واحساسها حلو بقه مبتسم ويباوعلي واني اكو شي بداخلي فرحان رغم اعرف اني راجعه للقهر بس يكفيني هلحضات اسعد لحضات حياتي لشوي غفيت
علي.. اباوعلها واكول بداخلي عود اكدر اعوفها تروح لا جذب اتعودت عليها اخذت نفس وين جانت لو شايفها من قبل
عود العندي هم تتسمه مَـرّھٌ اووووووف كلبي اكو نسوان ترد الروح واكو نسوان اطلع الروح واني وحده منهن طلعت روحي والثانيه رجعتلياها
صفنت ويه روحي معقوله تعلقي بيها حب درت وجهي عليها واباوعلها واباوع للطريق اي والله حب ههههه تالي كل هلسنين ولك عليوي تحب
اووووف حته كلبي مات من وره ميعاد الله لا ينطيها
مرمرتني
وصلنا لحدود تركيا تقريبا الساعه 2 الضهر صحيتها كتلها اكمزي وره نزلت خلصت شغلت الحدود ما طولت هوايه تقريبا نص ساعه
لان دخول العراق اسهل من خروجه صعدت كتلها اطلعي هايه دخلنا العراق بعد ماكو داعي تتختلين
شهد.. من كال دخلنا العراق احس اختنكت ما اعرف شصار بيه
علي.. شفتها ضاجت ردت الاطفها كتلها دطلعيلنا كيك متت من الجوع انوب حدود كولشي ماكو غير جبال وتلال تخوف حته ماكو ناس
شهد.. طلعت كيك وعصير كتله اكل
علي.. باوعتلها بطرف عينه وكتلها وكليني 😌
شهد.. خب دكل شو انته ادللت زايد دهاك😠
علي.. اويلي الله صارلنا 3 ايام بتركيا ما كالتلي خب دهاك بس دخلنا العراق انعجن حجيها😂😂😂
شهد.. ههههه عابت اي شسوي غير موتتني دتلل هواي
علي.. ولج جا هوه اكو احله من حجايات اهلنا معسله تخبل
شهد.. ههههه چا وشحلاة الچا چا لعدك انته 😜
علي.. خايبه جا هوه الحجي بلا چا جا شنهي لذته ..هٍْـَِ😜ـٌَِْع
شهد.. هلله هلله هههههههه بقينه ندردش ونصنف ونضحك وصلت حدود اربيل المغرب تقريبا اخذت اكل وصعدت
وصلت لديالى الساعه 9 ونص خليت الشاحنه بكراج لان بعد الساعه 10 يتوقف سير الشاحنات اخذتها واخذت تكسي ورحت دا اخذها لبيتها بقت ادليني بس احسها مخنوكه
شهد.. دخلت السياره للمنطقه مالتنا اختنكت بقيت ادليه كوه الدمعه حاسرتها بطرف عيني وصلت الفرع مالتنا انفجرت بالبجي
ما تحملت كتله خل يوكف السياره احنه نمشي نزلنا من التكسي واني اوصفله الطريق الجنت اركض بيه بليلة الحادث وشلون ختلت جوه السياج وصلت اللبيت اخذت نفس
علي.. مو هيه الختنكت اني اللي ختنكت من يمي ردت ابجي وياها وصلت البيتها اخذت نفس كتلها لتخافين وعلي اللي يمس شعره من راسج اعتبري امه ما جابته لو مو اخوج احرك الدنيا وُألـلـهہ
شهد.. من كال هيج باوعتله ابتسمت وكٲنه انطاني جرعة قوه اواجه بيها حسيت اكو ضهر اكدر اعتمد عليه دخلت البيت ادك بالباب ادك محد موجود باوعتله
علي.. ها شنو محد طلع
شهد.. لا اوووووو لحضه لحضه جنت اتذكر ماما جانت تخلي مفتاح احتياط للبيت فوك يم القنديل مال الضوه ردت اصعد بس القنديل عالي
كال لحضه اني اجيبه مد ايده وفعلا لكه مفتاح انطانيا افتح بس قوي كولش كال وخري اني افتح بقه يفتح بيه بصعوبه لحد ما انفتح
دخلت اباوع محد مموجود البيت هادء ومضلم جن مفاركته سنين مو 4 ايام فتحت الضوه وكتله تعال علي ادخل
علي.. دخلت وصحت يا الله كتلها.. باوعت البيت فارغ كتلها وهسه شلون محد موجود
شهد.. والله ما اعرف وين راحو كمت افتش بالبيت غرفه غرفه ماكو رجعت لكيته بالصاله كاعد
علي.. وهسه شلون نبقه نروح
شهد.. تعبتك ويايه علاوي اذا تريد اخذ راحتك مشكور وصلتني للبيت اديت واجبك وزياده كفيت ووفيت الله يحميك ويكثر من امثالك ما قصرت
علي.. هذا مو حجي ما اعوفج الا اامن عليج شلون ترديني اعوفج ابيت وحدج لا مستحيل ابات هنا وللصبح نشوف شلون الحل
شهد.. اوك براحتك اذا تريد ادخل للحمام اسبح وهسه اني اجيبلك هدوم من الجنطه
علي.. اي والله تعبان ميت جسمي متكسر من وره الشاحنه دخلت للحمام سبحت جابتلي ملابس سبحت وطلعت رحت للصاله ميت تعب نمت كبل ما حسيت عله اي شي
شهد.. سمعته طلع من الحمام رحت لكيته نايم علتخم خطيه شبساع نام جبتله غطا وغطيته
3
سبحت وطلعت رحت لغرفت ماما وبابا اشتم بريحتهم لسه بالغرفه فتحت كنتورهم بقيت اكلب ملابسهم بايدي وابجي بحركة واحد فاقد كل ما يملك
بحركة واحد يتيم احساس اليتم صعب صعب جدا مو سهل تخسر كلشي بعد ما جنت تملك الدنيا بقيت امد ايدي عله ملابسهم وابجي ماما عفتيني مو جنت تكولين الله ما انطاني اهل وانتي صرتيلي كولشي
مو كلتي ما اعوفج وراح نحارب الدنيا سوه ليش عفتيني احارب دنياي وحدي تعرفين اخوتي ما ينجرعون ليش عفتيني جان اخذتيني وياج
لزمت ملابس بابا واشتم بعطره الرجالي المميز اوووووف يابه والله كسرتني جنت عايشه ومتقويه بزودك ليش هيج هانت عليك شهودتك ومو هيج جنت تسميني شهودتي
ليش عفتني ابجي واتلمس بملابس بابا حسيت اكو شي جوه ايدي مثل الاوراق طلعت لكيته 4 ورقات دولار اخذتهن وخليتهن بصدري رجعت هدومهم لخانتهم وقفلت الغرفه
وطلعت للصاله باوعت علي نايم ابتسمت ههه لو عايش ابويه وشاف حالي تاليته الغريب يحميني واخوتي ما يدرون عن هوا داري
والله لو قبل سنه جايني واحد وكايلي بعد سنه هيج راح يصير بيج اضل اضحك عليه معقوله هذا حالي اخذت نفس مسحت وجهي وكلت الحمدلله عله كل حال
رحت لغرفتي حاولت انام مكدرت بقيت اتخيل ذاك المتوحش لما حاول يعتدي عليه وكل ساع افز خاف اشوفه ورايه طار النوم من عيني ابد
صارت الساعه 8 طلعت لكيت علي بعده نايم بدلت ملابسي ولبست حجاب وطلعت رحت جبت ريوك وفواكه وعصائر ورجعت ردت ادخل للبيت لكيت جارتنه ام حسين صاحت عليه ابتسمت ورحتلها اركض
هذي جارتنا صديقة امي المقربه تعرف كل تفاصيل حياتنه ومطلعه عله كولشي رحت بوستها وحضنتها
ام حسين.. وج خاله صدك اتزوجتي
شهد.. عقدت حاجبي اتزوجت
ام حسين.. خاله قبل 3 ايام سٲلت عليج سلام ردت اطمن عليج كال اتزوجت واحد من اقاربنا وراحت برا
شهد.. اخذت نفس كتلها خاله السالفه طويله بعدين اسولفلج بس كوليلي سلام وينه
ام حسين ..شنو خاله متدرين
شهد.. لا والله خاله جنت مسافره بتركيا وما ادري عن اخوتي
ام حسين.. يا خاله انتي رايحه شهر عسل واخوتج طكهم الضيم
شهد.. شبيهم خاله احجي فدوه
ام حسين.. سلام تعراك ويه ولد وصارت هوسه و كمشوه الشرطه واخذته انوب عرفو يتعاطه المخدرات وبعده ديجرجروه بالسجن
شهد.. ضربت عله خدود عزااااا هاي شوكت خاله وحسام وينه
ام حسين.. حسام بيومها خاف يفتشوه او يفحصوه هوه هم ويكتشفوه يتعاطى بسرعه حجز علطياره وسافر يم خالج بالمانيا
شهد.. ياااااا زين واني محد فكر بيهم وين اروووووح ما فكرو باختهم بجيت ليش يا الله ليش خليت اديه عله وجهي ابجي وما احس الا ايد تخلت عله كتفي… يتبع
لمتابعة باقي الرواية زوروا قناتنا على التليجرام من هنا
