رواية الأرملة السوداء الفصل الثامن 8 والأخير بقلم جمانه السعيدي
هشام كانت الايام تمر عليه صعبه وحزينه وتندمت بكد شعر راسي لان وافقت رواء
ومشيت ورا كلامه
اني شكد نذل واناني خفت على نفسي وما خفت على اهلي
لمن بدو اقاربنا يسئلون على امي وهمام
جذبنا الجذبه وصدكناها
كلنا سافرت التركيا هي وهمام وستقرو هناك
وكلما وحده من خالاتي تطلب تتواصل ويه امي اتهرب منه
وعمي كلما يسئل على همام
اخترعله سالفه شكل
بعدين كتلهم همام مايقبل انطي رقمه الاحد
وما يريد احد يتواصل ويااااا
جمانه السعيدي
بعد فتره وتحديدا بدايه سنة ٢٠١٩
بدا الاخبار تحجي عن الانهيار الاقتصادي العالمي
الاقتصاد بكل العالم راح ينهار
وبدت الحكومه تقلص بلرواتب
وكثرت المشاكل السياسيه بلعراق
وخصوصا من طلعو الناس مضاهرات على الدوله
ثورة تشرين
الناس بدت تخاف كلش
هاي النقطه استغلته رواء ابشع استغلال
كامت تلح عليه نحول الذهب إلى سبائك ونضمه بلبيت
خوفا من تطور الأوضاع
وخاف يصير انفلات امني
وتعرفون بغداد بوكته شلون صارت
واني الغبي صدكت كل كلامه وبديت أحول الذهب الي عدنا إلى سبائك ذهبيه
وانقله للبيت
تعرفون احنا عدنا معمل نعيد بي صناعة الذهب
كل فتره اسحب من الذهب واحوله سبائك
واجيبه نخلي بلبيت بغرفه خاصه
وقافلين الغرفه والمفتاح عد رواء
حتى الفلوس الي بلمصرف اشتريت بيهن ذهب
وحولته وضميته بلبيت
بقه شي قليل بلمحل
خوفا لا المصارف تنهب بسبب الاوضاع
بدت تقنعني أحول الاملاك إلى ذهب اني اقتنعت بكلامه بس السوك كان مخربط بوكته
يعني بسبب الأوضاع ماكو بيع وشراء للعقارات
لمن كملت كل الكميه طبعا كانت كميه جبيره حيل
لان احنا محلنا قديم كلش
وعدنا ذهب خير من الله
جمانه السعيدي
بيوم طلعت للمحل شويه واتصلت برواء اني متعود كل شويه اتصل عليه
ماردت اتصلت أكثر من مره وما ترد اعيد الاتصال وما ترد ابد
قلقت عليه كلت خاف اتخربطت لو وكعت لو صار اله شي
طلعت من المحل وصعدت سيارتي ورجعت للبيت
وصلت وجان اشوف سياره حديثه واكفه بلباب
استغربت هاي السياره المن
ماعدنا احد من اقاربنا عندا هيج سياره
واكفه بصف سيارة رواء
طبكت سيارتي ونزلت دخلت واني اصيح رواء
رواء وينج
وجان اشوف الصدمه كبالي
رواء وزوجها القديم جاي يشيلون بلذهب ويخلون بجنط
وكراتين
هشام شنوووو هاي
هذا شيسوي هنا شكاعد تسوون
راسا زوجها جرني وضربني اضربه ويضربني
بعدين انضربت براسي ووكعت بلكاع
مثل الي فقدت الوعي ورا شويه فتحت عيوني لكيتهم
رابطني للكرسي ربطه قويه
وجاي يحملون بلذهب
فتحت عيوني وصارت كدامي رواء
هشام ليش هيج ليش ياحقيره وللج ضحيت باهلي بسببج وللج ما رفضتلج طلب
كلشي تحت ايدج وانتي الي تامرين واني انفذ
ليش هيج تسووين وياي
رواء شوف صارلي اكثر من عشر سنوات اشتغل بلنصب والاحتيال
شكد نصبت على زلم وشكد حصلت فلوس
بس مثلك واحد اثول وغبي ما شفت
كنت انت أسهل فريسه بلنسبه اليه
ابد ما تعبتني كنت تنفذ اوامري بمنتهى الدقه
واني كنت من البدايه خالتك هدفي
وانت مشكور ساعدتني هواي
جمانه السعيدي
وهسه حابه اكلك انت ماتستاهل تعيش ابد
واحد مثلك غبي ما يستاهل هذا الخير كله
وأخير شي اريد اكلك همام ابد ما جان يتحرش بيه
اني نصبتك هذا الفخ وانت وكعت بي بسهوله
لان انت غبي وصدكت بيه بدون ماتفكر
وهسه اريد اكلك انت راح تلحك اهلك شكرا عيني هشام
راح اعيش مرتاحه طول عمري بسببك
دخل زوجها وكال هااا كملتي
...اي كملت
...جبتي ذهبج وذهب العجوز
...اي جبتهن بلجنطه
هي طلعت وزوجها بدا ينفط بلكاع ونفط ملابسي
هشام ارجوك لا تحركني انت مو اخذت كلشي تريده
اخذه كلشي واطلع
بس لا تحركني
...انت ما تستاهل تبقى عايش انت لازم تموت
شعل المكان وطلع
شفت النار تحرك كلشي من حولي بدت النار تكبر
واني كمت اصيح يمه الحكيلي
همام الحكلي
لاننتقمون مني بهاي الطريقه
اني غلطت بحقكم بس لا تعاقبوني بهاي الطريقه ابد
كمت اعيط ياناس الحكولي ياناس راح اموت
واريد اخلص نفسي ماكووووو
الحد ما اغمه عليه وبعد ما دريت عن أي شي صار
لكيت نفسي بلمستشفى
الجوارين شايفين الدخان يطلع من البيت ومتصلين بلاطفاء
وداخلين للبيت
بلبدايه معتقدين اني متت
بس من نقلوني للمستشفى الدكتور اكتشف اكو نبض بيه
بقيت شهر بلمستشفى
شفت انواع العذاب جسمي كله محترك
الدكاتره يكولون شلون بقيت عايش مستحيل ويه هاي النار احد يبقى عايش
تعرفون رب العالمين ليش خلاني عايش وجسمي كله مشوه حتى ياخذ ثار همام وامي مني
اني ما استاهل ابقه بلحياة ابد
بس رب العالمين راد ياخذ حق امي وهمام الي ضلو يرفضون وجود رواء بحياتي واني صممت
ودخلت هاي الحيه البيتنا
جمانه السعيدي
الله لايراوي احد العذاب الي شفته بسبب الحرك
جسمي كله محروك وما اكدر اتحرك ابد
قررت احجي كلشي للشرطه وطلبت الضابط وحجيت كلشي صار وياي
راحت الشرطه وحفرت بلحديقه وطلعت جثة امي واخوي
وتاكدو من كلامي
وعمي تكفل بدفنهم بلمقابر الخاصه بلعائله
واني حكمت عليه الشرطه بلسجن موبد بصفتي شريك
بلجريمه
وتسترت عليه
الحكم بهيج قضايه اعدام بس لان اني الي اعترفت على نفسي
وهمه اهلي يعني ماكو عليه دعوه من احد
بس عليه حق الدوله بهيج قضايا
ولان اني حالتي تصعب على الكافر والي مريت بي مو شويه
انحكم عليه ٢٥ سنه سجن
ياعالم راح ابقه عايش لو اموت بلسجن لا ن الصراحه حالتي كلش صعبه
اما رواء فص ملح وذاب محد لكاها شكد دورت الشرطه
وما لكته
ساعه يكولون هربت الذهب خارج البلاد وطلعت هي وزوجها
وساعه يكولون بعدها بلعراق
بس محد لكاها الحد الان
اكيد مراح تفلت من عقاب رب العالمين
جمانه السعيدي
هسه راح احجيلكم ليش سميت القصه الارمله السوداء
مره شفت تقرير عن احد انواع العناكب
أنثى العنكبوت تسمى الارمله السوداء
تكون هاي الأنثى سوداء وحجمها كبير
سميت بلارمله السوداء
لانه تنصب شباكه وتبدي تغري الذكر ولمن تتزاوج ويااا
تقتله وتمص السوائل الي بجسمه
يعني بعد التزواج مباشره تقتل الذكر
تحمل سم قاتل اقوي من سم الافعى بثلاث مرات
بسبب قوة سمه اذا لذغت الانسان تودي إلى وفاته فورا
لمن وصلتني قصه هشام
اتخيلت رواء مثل هاي العنكبوت
لان هي نصبت الفخ ووكعت هشام ولمن اخذت الي تريده منه
قتلت اهله وقتلته
فعلا عمار البيت وخراب بسبب المراءه
اذا كانت المراءه صالحه عمر البيت ولو كان خرابه
واذا كانت المراءه فاشله او طماعه او غبيه
راح يخرب البيت وانا كان مبني على عمد من ذهب
شكرا للمتابعه الحلوه ودمتم سالمين
القصه وصلتني من زوجة المحامي الي كان لازم قضية هشام
تمت
