رواية سائق القصر الفصل الثامن 8 بقلم جمانه السعيدي
معتز....صعدنا ووصلته للكليه
احس نفسيتي حيل مرتاحه بس تغيير همام شنو سببه
ايجوز حس راح يخسر كلشي
وقرر يقرب عليه ويراضيه لو اكو فكره ثانيه اباله
من خلص الدوام وطلعت من الكليه
كالت نزلني يم اقرب واحد يبيع قرطاسية محتاجه كم شغله
هنا لفت انتباهي شي
اكو واحد عندا دراجه كان لا حكنا
اني الصراحه بلبدايه ماانتبهتله ابد تعرفون نهاية دوام وازدحام
مااخذت بالي منه ابد
بس كنت اسوق وفجائه شفت محل قرطاسية ووكفت
بما انه هو يمشي ورانا ووكف بسرعه
يعني مثل البريك او صوت شحطه من وكفت الدراجه
هذا الشي خلاني انتبه علي
مكان وجه مبين كان لابس خوذه
هااا انتبهت الصوت الدراجه يعني هم مكان ابالي هو يمشي ورانا
دخلت اشترت الاشياء الي محتاجتهن وطلعنا صعدنا
وهو بقه واكف برا على دراجته
مشا ورانا اني لمحته بس ابد ماشكيت ممكن يكون مراقبنا
معتز...تردين اخذج تتغدين برا على حسابي
نرجس.. لا شكرا احس نفسي تعبانه واريد اروح ارتاح
معتز...سلامتج اخذج للدكتور
نرجس...لا بس البارحه مبادرة همام قلقتني ومانمت
بس اوصل اقفل تليفوني وانام
كلش تعبانه
معتز...تمام
وقت المغرب طلبت ام همام اوصله الصديقاته
من طلعت من الشارع ابو الدراجه جان واكف
المميز بي خوذته زركه
بلبدايه ماانتبهت بعدين اذكرت الصبح شفته
الملفت هو متوقع نرجس وياي بدا يراقبنا ويمشي ورانا
من وكفنا ونزلت ام همام
راسا لاف ورجع
كنت اشك مجرد شك يعني ليش يراقب نرجس شيريد منه مثلا بلبدايه من شفته رجع توقعت يراقبني اني
لان هلمره مشى وراي واني شايل ام همام مو نرجس
كله شكوك ابالي بس ماعندي دليل
من رجعنا للبيت شفته واكف بنفس مكانه
نرجس...وصلت للبيت ونمت كلش تعبانه
بليل اندكت باب الغرفه
فتحت عيوني الغرفه ضلمه منووو
همام...اني حبيبتي
نرجس...همام
همام...اي عيون همام
نرجس....شكوووو
همام....اليوم ماشفتج وقلقت عليج
نرجس...مابيه شي بس نعسانه
همام...اكعدي غسلي وخل نطلع نتعشى برا
نرجس...استغربت من كلامه ايجوز صدك حس بغلطه
رديت علي....مااكدر
همام...ابد ماكو اي عذر حبيبتي انتي
نرجس...انطيني ساعه خل اصحصح واجيك
همام..منتضرج
نرجس...كعدت ودخلت للحمام حتى اصحصح زين
وطلعت لبست تراك وجففت شعري
وطلعت لكيته منتضرني برا
راسا طفر باسني وحضني
همام...الله شنو هلعطر الطيب شوفي نزلت صورنا البارحه ستوري شوفي المشاهدات شكد
نرجس....اني اليوم تعبانه خل نتعشى هنا لان اريد اقرا باجر عندي امتحان
همام...ابد مااقبل اي عذر نطلع ولو نص ساعه ونرجع
بقه يلح عليه بدلت وطلعت ويااا
كعدنا وطلبنا اكل وكام ياخذ صور وفديوهات
واني مثل الأطرش بلزفه
نرجس....اكو كلام مهم اريد اكوله
همام...تفضلي
نرجس....اريد افتهم شنو الموضوع بلضبط
همام....الموضوع اكتشفت عندي جوهره واني مامقدره ابد
بت عمي وزوجتي وحبيبتي
وعلى فكره لان عندج دوام واعرف جاي تعبين عايفج تنامين وحدج بس تخلصين امتحانات
انسي تنامين وحدج ابد
اريد اطفال اريد خمسه ٣ ولد وبنات ثنيين
نرجس....هم مجاي اقتنع
همام...اكيد الوكت راح يثبتلج حبي
نرجس...كملنا عشى ورجعنا
جمانه السعيدي
معتز...اني كنت طالع اني وأم همام من رجعنا شفت
همام ونرجس راجعين من برا
لا هذا همام ماناوي يجيبه البر ابد اكو شي ولازم اكشفه
مستحيل واحد مثله يتغير بين يوم وليله
نرجس...رجعت غيرت ملابسي وكعدت اقرا وبعد ماشفت همام ابد
معتز.. .اليوم الثاني استحيت اسئل نرجس مهما يكون هو اقرب اله مني ابن عمها وزوجها
انتبهت ابو الدراجه يمشي ورانا
باعي نرجس اكو واحد عندا دراجه صار يومين يمشي ورانا
نرجس....وينه
معتز...لا تلتفتين اكيد عمج مخلي يراقبنا اني وياج
لو همام
نرجس...وليش يراقبنا
معتز...مااعرف ايجوز شك بشي
نرجس...اصلا ماكو بيني وبينك شي حتى يشك
معتز...ضجت من كلامه
بس قررت اراقب هذا ابو الدراجه وانتبهله
اسبوع كامل وهو ورانا ويراقبنا
وهذا الأسبوع همام يوميه يطلع هو ونرجس المكان
وينزل صورهم حتى يبين للناس هم مرتاحين وعايشين
بسعاده ماكو مثله
معتز....اني عايش على اعصابي الصراحه مااريد العلاقه تتحسن بين همام ونرجس
اعتبروها انانيه اي شي تكدرون تعتبروها
اني مااعرف مشاعر نرجس من ناحيتي وتقبل بيه لو لا
بعد مااتاكد همام ان الصور مالتهم وصلت الاكبر عدد من الناس والناس عرفت العلاقه بينهم تحسنت
هسه يكدر ينفذ خطته بدون تردد
بيوم رجعنا من الكليه طلبت تشتري شوية شغلات نسائيه ماقبلت ادخل وياها تستحي كالت انتضر هنا
بس طلعت ونزلت من الرصيف اجاها ابو الدراجه طاير
اني انتبهتله بآخر لحضه
دفعته بقوه على الرصبف بس الضربه القويه اجت عليه
ووكعت وماادري بعد شصار
نرجس ...بس نزلت من الرصيف راسا معتز دفعني بقوه
ووكعت على ضهري الغراض الي اشتربتهن وكعن كبلي وحمن راسي
من الوكعه
استغربت من الشي الي سوا معتز
التفتت علي اريد اشوف ليش سوا هيج
لكيته واكع والدم مغطي من كل جهه
كمت اعيط قربت وحضنته
نرجس...معتز احجي وياي معتز فدوه رد عليه
الناس اجتمعت علينا
أجرنا سياره ورحنا للمستشفى
راسا الدكتور حوله فحوصات كامله
ودخله غرفة العمليات
بدل ماتدور وتبحث علي الروايات خليها علي تليفونك وحمل تطبيقنا
