رواية ذكريات مفقوده الفصل السابع 7 بقلم ام زيزو
حبايبي لطفاً التصويت والتعليقات بين الفقرات ❤️❤️
فقار ...
سمعت بغصون حامل وفرحت اهلي انرسمت على وجوهم
من الصدمه ماعرفت شسوي كمت اخذت السويج والتليفون وطلعت امشي سريع بدون مااحجي ولا كلمه
صعدت بسيارتي وامشي ماادري وين رايح
اريد استوعب الي صار نربطت بيها شلون راح اخلص منها وصار شي يربط ابينه طول العمر
فركت وجهي اتصلت على ملجئي الوحيد
... الوو حمزه وين انت
... بلبيت شبي صوتك فقار صاير شي
... حمزه اطلعلي عالشارع
... ماشي هسه طالعلك
طبكت السياره والجكاره بيدي اسحب منها نفس قوي ماادري احرك بيها ماادري هي الي تحركني
لمحت حمزه اجه باتجاهي يمشي سريع فتح باب السياره وصعد طالع بوجهي وخزرني
... شبيك الخاطر الرضا شبيك جنك وحده ارمله
... حمزه غصون حامل مني
... ابتسم حامل منك شنوو هالمعلومه المفيده عفيه بصويحبي الاسد سويتها وراح تصير اب ويجينه غضب من غضب الله على راسه وراس ابوه
... حمزه بلا شقاك ٱڱڵك حامل حامل تعرف شني يـعـنـي حامل مني
... لك غبي طبعاً حامل منك غير انت زوجها
... وانه ماريد منها اطفال بالوقت الي مقرر احجي كدامها وكدام اهلي اريد اطلكها كالت انه حامل
ولك شلون وحده مجرمه مثل هاي تصير ام لجهالي
... فقار تقبل الموضوع وانسه ماضي لابنيه هالشي صار قبل لتعرفها وكتلك يجوز تطلع ماتعرف بشي بس بالخطب والمساومه
... هزيت ايدي وضحكت حمزه ابشرك كلشي تعرف كلشي وماكو شي اسمه ماضي هي خطيبتي على ذمتي وتجيبلهم سيتات نوم للكو*** مالتها حته يتونسون وي البنات
اني حاوي ابيتي حيه مجرمه تتضاهر بالبرائه وداخلها قذر
والمصيبه اهلي امي وابوي لو تشوف فرحتهم من عرفو بيها حامل
... يـعـنـي زوجتك طلعت تعرف بكلشي يسونه وي البنات
... هزيت راسي ايي ولمصيبه وحده منهن صارلها سنوات
عدهم ماخذيها عن طريق مدرستها والمدرسه نفسها الي جانت بيها غصون
... دخيلك ياعلي شني هاي مصيبه مو ابنيه
... حمزه هسه شلون شسوي احجي لاهلي عن حقيقتها واكشف الغطه عن عيونهم
لو اخليها تنزل لطفل واطردها
لو انتضر تولد لو شسوي عقلي بعد ميستوعب الشي
... لااا تنزل الطفل شني حرام عليك تكتل روح مالها ذنب يعني واذا هيج جرمت الطفل ابنك شنو ذنبه
انتضر هسه خلي تولد وبعدها الله كريم
فقار..
شفت الساعه ب10:30
فريت السياره وصلته لركن بيتهم
وبقيت افتر بالسياره لل12 رجعت للبيت
صعدت للغرفه اول مافتحت الباب صارت غصون بوجهي لابسه ثوب خفيف لونه احمر وشكله مغري ومخليه مكياج على 24 حبايه
نضرتها نضره قرف من فوك ليجوه
بدون مااحجي ولا كلمه اخذت المخده و غطه ودرت وجهي باتجاه الباب اريد اطلع
صارت كدامي
مدت ايدها رادت تحضني لزمت ايدها ودفعتها مني
... كلش دقيقه باختيارات هاي الملابس
واشرت على الي لابسته
جنج وحده الها خبره سنين بهاي السوالف
رفعتلها تك حاجب وضحكت باستهزاء
لابسه احمر ومخليه كل هل مكياج قبل شويه جنتي حزينه ووجهج سبع لطامه لو بسرعه انسى العزيز
بقت فاتحه عيونها وصافنه بوجهي
درت وجهي وطلعت
نزلت للاستقبال تمددت على القنفه ونمت
صباحاً ....
فزيت على صوت امي تكعد بيه
.... يمه فقار ليش نايم هنا ليش مو بغرفتك
كعدت فركت وجهي
...صباح الخير يعافيتي
.... صباح النور يمه ينظر عيني ليش متكسر هنا
.... رجعت متاخر وتعبان نمت هنا
باوعت للساعه ب8
كمت صعدت على الدرج واحجي وي امي
يمه فدووه اروحلج بس جاي سويلي تأخرت كلش اليوم عدنه هواي شغل
اخذت دوش سريع وطبيت للغرفه
طلعت ملابس ابدل
شفت غصون راجعه عالاسود وماسحه المكياج ونايمه
كلبي كلش ينكسر على الجنس اللطيف اله هاي شما اشوفها متعذبه كدامي ميشفي غليلي لان هاي ممحسوبه من الجنس اللطيف محسوبه من جنس ابليس
نزلت شربت جاي وشغلت السياره ورحت
لكيت حمزه كالعاده بكل نشاط جاي قبلي
بيده سجلات الجرد ويشتغل بيهن من رفع راسه شافني طبيت ابتسم
حمزه... صباح الخير
فقار... صباح نور ضلع
حمزه ... يله للمخازن بوجهك العمال هناك راح توصل البضاعه وهاك هذا السجل كلشي كاتب بي العدد والنوع والقياس والالوان ونوع القماش من كل موديل راح يوصل
بين مااصفي جرد الباضعه القبلها حته احسب المبيعات والربح والاجل والواصل
فقار... تمام اخذت السجل من ايده ورحت للمخزن لكيت العمال كلهم موجودين تلكوني سلمو عليه
بقيت اكلب بلاوراق
لحد ماوصلت البضاعه
بدو ينزلون ويسفطوهن بالمخزن جردتهن وتاكدت الطلبيه كامله وماكو اختلاف او ضرر
انطيتهم يومياتهم هذوله العمال يجون فقط من توصل بضاعه ينزلونها ويسفطوها بأجور يوميه والعمال الثابتين ويانه 2 من يجون اصحاب المحلات يكصون بضاعه يجهزونها الهم
مخلد ... الله يساعدك مريت للمحل وحمزه كال وصلت البضاعه واجيتك
فقار... هلااا بيك حبيبي مخلد انه راجع يم حمزه بس جيب اكل للعمال خلي يتغدون خطيه تعبو وسد المخزن من يروحون
مخلد ... ماشي روح انت
رجعت يم حمزه كاعد بالمكتب فاتح القاصه ويحسب بالفلوس
حمزه ... الله يساعدك
فقار... ويساعدك وصلت البضاعه وماكو اي تلف ولا اختلاف كلشي تمام مثل ماطلبنها
حمزه... الحمدالله
اني خلصت جرد مال هذا الشهر باقي عندك اجل 7 ملايين
الباقيه سددو
والمبيعات هالشهر 20
طلعت رواتب العمال وراتب مخلد والايجار والكهرباء
وفلوس البضاعه
الربح قسمته تاخذه لو اخلي وي فلوسك بالخزنه
فقار... لا خلي ممحتاجه هسه
حمزه... مْـإأڜْـي
فقار... حمزه انه صار فتره عايف الشغل كله عليك تعبتك كلش وعلي مقصر وياك
اخذلك استراحه كم يوم ارتاح بلبيت
حمزه... وانت شتدري بيه احب كعدت البيت وين اخلص وقتي عالاقل التهي بالشغل
ارتاح بلبيت اكابل ابوي ومرته واكعد تلعب روحي
بعدين ولك كو** اريد اشبع شوف منك وعلي مشتاقلك
فقار ... ابتسمت هو راح تشبع شوف مني اكابلك ليل بنهار انه هم لعبت روحي من البيت
خلصنه شغل رجعت للبيت
تغديت ونمت بلاستقبال
العصر اتصلت بالحجي
... السلام عليكم حجي شلونك
... حبيبي ابو غضب وعليكم السلام الحمدالله على سلامتك
... الله يسلمك حجي
عندك مجال امر عليك
... اي تعال هلا بيك
سديت الخط بدلت ورحتله
دخلنه للاستقبال جابلنه ابنه جاي
الحجي... اي سولف بلسانك حجي سولفه
فقار... ابتسمت حجي دومك فاهمني
الحجي... مربيك على ايدي اعرفك من نظره عـيونك
فقار.. تحمحمت بس علمود الشسمه
الحجي... اي شبي الشسمه
فقار ... حكيت لحيتي وانه مدنك راسي
الحجي... ابتسم امنت عليها لتخاف
فقار... رفعت راسي عليه وفتحت عيوني
الحجي... هههههههه لك والله انت واحد كلاوجي فرح قصدك فرح مووو ظل بالك عليها
ماادري وليدنه هيج كلبه رجيج
فقار... ابتسمت بخجل لاا حجي وعلي بس هاي لابنيه وحده من ضحايه زوجتي واحس ضميري يأنبني اتجاها ومن عفتنه بهذاك البيت بليوم الي اخذناهن حجينه سويه هوايه وعرفت شنو الي بداخلها وشنو عاشت ولان ماعدها احد لهذا بقت ابالي
الحجي... عقد حواجبه وباوعلي بنظرات تسائل هز راسه كال فقار صار بينكم شي بهذيج الليله
فقار ... لاااا حجي على بختك شصاير ابينه شتدري بيه انه تدني نفسي للحرام ولنوب الزنه لااا اعوذ بالله
الحجي... انه اعرفك شنوو بس من شفت لابنيه مهتمه لامرك وهوايه سألتني عليك وشوكت بقت السالفه ابالي كلت خاف الشيطان تربع براسك وغواك ولبت حليوه وصغيره
فقار... لاا حجي تدري انه والشيطان مو صلح
هــًـًســًه سولفلي وين امنت عليها والبنات البقيه رجعتهم لاهلهن وخوما صار مشاكل وياهن
الحجي... رجعن وماكو اي مشاكل الحمدالله
بس فرح بقت يم مره اني اعرفها
مره جبيره بالعمر عايشه وحدها زوجها شهيد من الثمانينات وعدها بس ولد واستشهد بدايه الاحداث وبقت وحدها دائماً اتردد عليها اعرف اخبارها واطمن عليها عاد من بقت فرح وحدها اجتي ابالي ام عيسى واخذتها يمها وكلش فرحت بيها لان ماعدها احد وكل كم يوم من يصير عندي مجال امر عليهم اطمن
فقار... ااااف الحمدالله والله مسكينه بالي ظل عليها
زين حجي اكدر اشوفها بس اطمن عليها
الحجي... اي ليش لا يدلل ولدينه ابو الكلب رجيج
شوف همه بمنطقه ***** على الشارع يم اسواق**** ثالث بيت بيجه الاسواق على اليمنه
فقار ... ماشي اندليتهم يله انه اترخص
الحجي... فقار قبل لتروح ترى باجر انه والولد رايحين لمحافضه صلاح الدين
فقار .... چا انه ليش ماادري هسه اروح احضر روحي بيش ساعه نتوكل
الحجي... لااا حبيبي هالمره انت اعفاء مومن ضمن الفريق
فقار .... لااا حجي شني انه مو من ضمن الفريق چا انه يايوم صرت مو من ضمنهم بكل روحه انه براس القائمه
الحجي .... ميخالف هالمره ارتاح وولدنه هوايه سباع يكفون ويوفون
فقار .... فركت كصتي ضجت اول مره انه مو وياهم
ماشي حجي بس هالمره ترى كمت اريد اطلع وصلت لباب الاستقبال وصاح ورايه
.... اخذلهم بطريقك مسواك وسلملي على ام عيسى كلها الحجي راح يتاخر عليج كم يوم مايمرلج اذا تحتاج شي تطلبه منك لاتقصر وياهم
درت وجهي عليه هزت راسي انـ شـاء الـلّه بالخدمه
صعدت سيارتي ورحت للسوك اتسوكت كلشي ترست الجنطه مسواك مخضر دجاج سمج لحم فواكه حته حلويات اخذت علاكه وصلت للمنطقه سالت على الاسواق دلوني بي على الوصف دكيت الباب شويه وانفتح مره جبيره باوعت عليه كالت تفضل يمه
فقار .... الله يساعدج حجيه
... يساعد بختك وليدي
فقار... انه فقار صديق الحجي
... هلا يمه هلا بيك چا وينه جعفر خوما بي شي مكروه
فقار... لاا لاا مابي شي الحمدالله يسلم عليج ودزلج هاي مسكواك فتحت السياره وكمت انزل بالعلاليك
واحجي وياها
بس الحجي شويه مشغول كال كم يوم وامرلها عود واذا تحتاجين شي انه يوميه امر علـيج وصاني عليج
.... يمه عساكم سالمين ويحفظكم الشبابكم ماتقصرون
باوعـت على العلاليك التارسات الباب
دارت وجهه باتجاه البيت وصاحت
فرحه يمه فرحه تعالي اخذي هاي العلاليك جوه
سمعت صوتها كالت اي بيبي جايه بس دقيقه
رجعت انتجيت على السياره ومكتف ايدي شفتها طلعت لابسه جبه وحجاب كلش مستور لبسها عينها ما رفعتها ولا شافتني اخذت قسم من العلاليك وطبت ورجعت تاخذ القسم الثاني وهم بدون مـاترفع عينها
صاحت الحجيه تفضل يمه اشربلك استكان جاي
دخلت وانه وراها امشي صاحت فرحه سوي استكان جاي لاخيج
طبيت استقبال صغير كعدت وهي يمي على طول ما كاعده رافعه ايدها وتدعي للحجي
كلها دقايق وطبت فرح بنفس اللبس والاحتشام بيدها صينيه بيها استكان جاي وماعون كليجه مدنكه عًـٍُُيونها خلت الصينيه كدامي وكالت اتفضل خويه
ابتسمت همست
عاشت ايدج فرح
سمعت صوتي رفعت راسها خلت عيونها بعيوني فتحتهن على وسعهن
.... فقار فقار هذا انت
الحجيه... شـني ولج تعرفينه
حجت والابتسامه تارسه وجهه
.... ايييي بيبي هذا فقار صديق الحجي وهو صديقي هم يعني قصدي اعرفه كلش اعرفه جان مسافر
رجعت عيونها عليه شوكت رجعت
.... البارحه رجعت
.... الحمدالله على سلامتك
.... الله يسلمج انه اٍُِجٌِيت اصلاً عليج بالي يمج طمنيني شلونج قصص وروايات عراقية كرار صلاح اخبارج مرتاحه هنا
.... الحمدالله كلش مرتاحه صح غصت اهلي بكلبي واحس نفسي وحيده بس هواي أحـسًٓـن من المكان الي جنت بي
شفت الحجيه كاعده ماكدرت اخذ راحتي بالحجي
كلتلها فرح تكدرين نطلع شويه بالسياره ساعه ونرجع
هزت راسها
.... ماادري اذا تقبل بيبي اي اروح
.... حجيه راح اخذ فرح نفتر بالسياره ساعه وارجعها شويه تغير جو خطيه واذا ماعندج شي تعالي ويانه
بكلبي ً أگـِْۈۈل لااا حجيه دخيلج لاا تجين
الحجيه... يمه انه تعبانه مو مال طلعه بس اخذ الفرخه خلي تغير جو من اجتي لليوم هي ماطالعه خطيه هم ينكسر خاطري عليها بس شسوي يمه انه تعبانه مو مال طلعه وطبه
.... الله يساعدج حجيه
اشرت الفرح يله كومي
راحت باستها ووصتها تاخذ علاجها وطلعت وياي صعدت يمي بالسياره
اول ماشغلت السياره
تباوعلي وعيونها تجري
رفعت حواجبي شبييييج فرح ليش تبجين الخاطر الله صاير شي وياج احجيلي
فرح ... جنت خايفه مااشوفك بعد والله ولا دقيقه رحت من بالي
فقار .... ابتسمت يله وهاي انه رجعت اليشوف دموعج عبالك صار سنين تعرفيني
فرح... صح مصار اعرفك هواي بس لان ماصادفني شخص مثلك مثل شهامتك وشخصيتك وخوفك وحرصك عليه لدرجه اجيتك برجلي وسلمتك نفسي وانت رفضت جان ممكن مترفض وتاخذ الي تريده مثل اي شاب خصوصاً هالشي برضاتي ماضعفت كدامي اخلاقك اقوى من غريزتك اول مره يصادفني شخص مثلك انت عمله نادره
و كلامك وياي انطبع ابالي وهااااا صدك نسيت اكولك
تعلمت الصلاه
فقار... صدك ايييي عفيه منو علمج
فرح ... بيبي من اول مااجيت شفتها تصلي وطلبت منها تعلمني وهي خطيه مكالت شي علمتني الوضوء والصلاه جنت اصلي وياها كم يوم وحفضتها وصرت اصلي وحدي وكلش ملتزمه حته الفجر هي من تكعد للصلاه تكعدني وياها
فقار ... عفيه عفيه والحجاب كلش حلوو عليج
فرح... ابتسمت صدك شكراً هالشي كله بفضلك وتشجيعك اليه
فقار ... سحبت العلاكه مال حلويات بقت ليوره وخليتها بحضنها
جبتلج هذني نسيت انزلهن وي العلاليك
فرح... فتحت العلاكه وابتسمت عيونها دمعت
فقار ... ولج كاافي ام دميعه
فرح ... انت ملاك الله دزك اليه على هيئة بشر
فقار ... لااا انه فقار مو ملاك
فرح... هههههههه
سكتنه اثنينه وعيونه على الطريق بعد صمت هدوء
كالت
.... زوجتك شلونها
فقار... زينه حامل
... ياااا الف مبرووك راح تصير بابا شنووو راح يجيك ولد لو ابنيه
... بعد بدايته منعرف شنوو
... انت شنوو تحب يكون ولد لو ابنيه
... انه كلش احب البنات بــَس هالطفل بالذات متمنيه ولد مو ابنيه لاسباب خاصه
... اهااا تمام
اذا صارت عندك ابنيه الـف هنيالها
... عقدت حواجبي وليش عود
... لان انت ابوها اتخايل شكد راح تكون حنين عليها وحريص وتدللها
... ليش انتي ابوج مجان موفرلج هذني
... خلت راسها على الجامه وسحبت نفس وزفرته
لو يحبني وحنين عليه جان نطاهم فلوس ونقذني وماضيعت طفولتي واحلامي
كلبي عصرني عليها
لتنقهرين ولتضوجين دام انه والحجي موجودين تكدرين تعتبرين الحجي ابوج وانه اخوج
احنه مستحيل انعوفج وحدج او نسمح لشخص بـٍْْـعد يستغلج او يأذيج
.... مسحت وجهه بثنين ايدها وتنهدت بحزن
متقصرون والله واني هم ماعندي غيركم انت وعمو الحجي وبيبي صرتو عائلتي
فقار ...
وكفت السياره يم مطعم اخذت لفات شاورما وبيبسي ورحنه الحديقه بيها عوائل قليله بجهات متفرقه
كعدنه على مسطبه خشبيه
واكلنه
فرح... شوكت راح تجي بعد
فقار... ماادري كل مايصيرلي مجال امر عليكم
فرح... بس لتكطع حباب
فقار... عندج تليفون
فرح... لااا
فقار... مااشي يله خلصتي خلي ارجعج لا الحجيه لنوب متخليني اشوفج
فرح... ابتسمت تدري هي كلش محافضه ومتعصبه رغم هي حيل حبابه وحنينه مااعرف شلون قبلت اطلع وياك
فقار... لان ارتاحتلي
فرح... ولك ارتاحتلك شنووو
فقار... قصدي امنت بيه ولج تفكيرج الوسخ نضفي
فرح... هههههههههههههه اعذرني عقلي بـٍْْعد بي خيط من وساخة سلوان وجماعته
فقار... خرررب روحه السلوان
يله كومي خلي اوصلج
بالطريق.....
فرح ... شنوو ماعندك مسجل اغاني شي
فقار... لااا بويه انه رجال مااسمع اغاني
فرح... بويه انت رجال معقد
فقار... هههههههه ام السان شووو انتي تعيب على حجي
فرح... يجنن حجيك بس احس لهجتك شويه مايله للجنوب مو مال ابن بغداد
فقار... باوعتلها بثقه چا غير انه طفولتي كلها ربيت بالعماره
فرح.قصص وروايات عراقية كرار صلاح.. حلوووو جنتو هناك ساكنين شنووو
فقار... اي جنه هناك عمري 7 سنوات واجيته البغداد بس انه متعلم هناك احب الاجواء هناك بلبدايه بغداد ما والمتني وجنت العطله مال مدرسه اخلصها هناك بيت جدي
فرح... وانت انطبعت اللهجه بلسانك
فقار... ايي احبها اهلي تعلمو على حجي بغداد بس انه بقيت على اصلي
فتت من يم محل موبايلات طبكت السياره مسافه عنه
فرح هسه ارجع لاتنزلين من السياره
رحت شفت الموبايلات اشتريت موبايل وشريحه وعبيتها رصيد رجعت للسياره خليته كدامها
هذا آلُج
فرح... شنووو هذا تليفون
فقار... لااا ابن عمه چا غير تليفون
فرح... دست الدكمه مالته ملون وبي كامره شي راقي ابتسمت وكلش فرحت بي
بس هذا غالي
فقار... مـا يغلى على اخيتي
شوفي خليت بخط ورصيد وخزنت رقمي بي اي شي تحتاجين عود اتصلي عليه
فرح .... يااااي شكد حلوووو زين يصير بي اغاني مووو
فقار.... وجعااااي اي يصير عليمن تصلين بويه اذا متولعه بالاغاني
فرح... ساعه الك وساعه الربك مره وحده بالتلفزيون خليته على اغاني وشبعت طن رزايل من بيبي
فقار.... امممممممم زين اكو بالكارتونه مالته سماعه ومن اجي مره ثانيه اخذه وياي لمخلد ينقلج اغاني من تليفونه لان هسه فارغ مابي ولا اغنيه
فرح ... تمام مخلد منو
فقار... مخلد اخوي هم طربكه مثلج يدور اغاني وحته يهز جتف
فرح.... دمعت عًـيونها من الضحك
الله شكد حلووووو
فقار.... كيفت الفاهيه ديله انزلي انزلي لا ادفرج
سلميلي على الحجيه
فرح... باااااااي الله يسلمك
فقار... ابتسمت وهزيت راسي واني اسوق افكر بيها ارتاحيت من شفتها شكد متغيره وماشيه على الطريق الصحيح
وحجابها وصلاتها وفرحتها اليوم وضحكتها ع لاقل ارجعلها جزء بسيط من الي فقدته بسبب البلوه الي الله بلاني بيها هي واهلها
ش
مر تقريباً عشره دقايق من وصلتها بالطريق بعدني ودك تليفوني
فرح تتصل
عقد حاجبي خاف صارت مشكله بينها وبين الحجيه
فتحت خط
... الووو هااا فرح
... الووو هلاووو
... خوماصاير شي
... لااا بس دااشوف صوتك حلوو بالتليفون
... نعل ابليسج وكعتي كلبي عبالي الحجيه رزلتج
... لاا خطيه لكيتها نايمه على القنفه كعدتها دخلت الغرفتها
بقت تسولف وياي لحد ماوصلت لباب بيتنه بقيت شويه بالسياره لحد مـا طوط خلص رصيدها
طبيت وانه اكتب رساله الها عيوني بالتليفون ومبتسم
(بويه نامي اذا اول مكالمه هيج ماراح يبقه على حالي فلس من ورا الرصيد)
دست ارسال اجاني اشعار تم التسليم هزيت راسي وانه مبتسم رفعت راسي صارت غصون بوجهي مشيت وعبرتها ولا كأني شايفها طبيت للاستقبال سلمت على اهلي وكعدت يمهم بقينه نسولف على شغلي والبضاعه الجديده
امي... يمه غصون سوي عشه الزلمتح
فقار ... ماريد يمه متعشي
امي... خوش دام فقار رجع وكلنه ملمومين
من جنت بالعماره شفت شلون مره الازهر هذيج البنت العيون والطول والبياض الله يستر عليها هذاك الجمال والاخلاق واهلها شلون ناس بت شيوخ وعدكم الحساب
فقار... بت منو هاي
امي... تصير بت اخت مرت خالك ابوها شيخ مال عشيره
وراحت مرت خالك على اختها لان مسويه عمليه ورحت وياها كلت عيب اسلم على المره لان اني شايفتها اعرفها
وطبت النه البت جابت الجاي والكعك تكول فلقة كمر وطبت علينه
ابوي... واهلها ينطوها جستي نبض
امي... والله اني حجيت وي مرت اخوي وكالت علواه عليكم چا ليش ماينطوها وين يلكون أحـسًٓـن منكم
فقار... وانت ازهر شتكول نتوكل على الله ونخطبها الك
ازهر... خويه الزواج ينرايدله هواي تكاليف واني الي عندي ميجيبن كنتور بــَس
فقار... حبيبي انت بس انوي اذا مقتنع كول اي معليك دينار ماتدفع من جيبك وانه اخوك
ازهر... بعد روحي ماتقصر بس ماريد اكلفك خلي الملي شكم فلس وعود اخطب
امي... واحنه ننتضر تلم شكم فلس والبت تجيها قسمه وتروح
ابوي... بويه معليك بتكاليف العرس
دام اني واخوك موجودين توكل بالله
فقار... شفته سكت
صفكت ايد بأيد هاي هي يمه توكلي بالله وشوفيله البت
والجمعه الجايه رايحين للعماره وانشالله تطلع بت اوادم بت اصل وفصل تعمدت اسمع غصون الي بس تسمع وتباوع بعيونه بدون متشاركنه بالموضوع
غرفتك ونيشيان العروس كله عليه
وتكاليف العرس العشه وهاي السوالف على ابوي
واي شي تحتاج انه موجود الي بنفسك اجيبه الك
ازهر ... ربي يحفظكم الي وعلي صدك الاهل عزوه
فقار... تستاهل حبيبي
ازهر كلش فقير افقر واحد بينه مخلد وعباس مااخاف عليهم بكد مااخاف على ازهر لا الدنيه تاكله ماهلكد فقير وعلى لاهيته وكلبه ابيض ونضيف
امي... اييي وانت الهتلي شراح تقدم لاخوك
مخلد... اني اركصله اشعله الحنه مالته شعل اخلي الناس سنه تسولف بيها
امي... غمته بثنين ايدها
هو انت شنو وراك فايده غير السوالف المكسره
مخلد... سوسو لاتزرعين الفتنه بين الاخوان اني اجيبله هديه ترضي احتمال اطلعله كح** قبل الحنه بيوم على حسابي يسوي وياها بروڤا حته يروح الزوجته مفتح عيونه خبررررا
امي ... ركعته بالنعال وهي تصيح
امششششي ووووولي سا** متصيرلك جاره
طفر من مكانه وهو يصيح مو صوجكم صوج الي يساهم وياكم بفعل الخير هو انتم وجه خير
انه وابوي واخواني غصينه من الضحك
صارت ب11 وكلمن سحب نفسه راح نام
صعدت شفت غصون ماكو صوت مي بلحمام عرفتها تسبح
نزعت ملابسي بقيت بالداخليات
رحت الغرفه مخلد وعباس مخليه امي بيها فراشات
سحبت فراش واخذته للغرفه
مديته بالكاع واخذت مخدتي وغطه وتمددت
انفتح الباب طبت غصون
... اكلك انت على شنو تبرعت الغرفه والنيشان
تعرف شنوو النيشان يعني الذهب والملابس والمكياج وصالون وبدلات هذني كلهن للعروس يـعـنـي وانت شنوو كفيل بيها
.... رفعت حاجبي شمرت الغطه من فوكايه وكمت لزمتها من زندها كصيت على اسناني
....وللللللج وانتي شعليج شننننني تحاسبيني حضرت جنابج
فلوس ابوج هنا لو فلوسي
.... اييي مرتك ومن حقي مااخليك تذب هلكد فلوس على وحده لانعرفها ولا تعرفنه
.... اسمعي للللج وحق علي لوما ابطنج طفل چا سحلتج سحل
.... اسحل هو انت شبقيت اذا هلكد عندك فلوس وتوزع بيهن منا ومنا ع لاقل جان جبتلي قطعه ذهب هديه مال الحمل
.... والله عندي فلوس اجيب بيهن ذهب بكد وزنج بس ارخص هديه ماتشوفين
.... بالخطوبه جنت خابصني بالاطفال وتكلي اتمنه بليلة العرس تشيلين طفل وهاي اني بليلة العرس صار عندي طفل ومن عرفت بيه حامل وانت كالب وجهك عليه
حته مافرحت اصلاً
.... بله ولي من وجهي نامي ولللللي لتخليني ازوع الي ابطني كله وابد مو وقته هــًـًســًه يله وووولي حسج ماريد اسمعه
سحبت باكيت الجكاير ورحت للحمام
اريد اسيطر على اعصبي اهلي فرحانين ماريد اخرب فرحتهم مو وقتها مو هسه احاسبها بـٍْْـعد اله اضوكها المر مثل ما انه ضكته حته بطعم فرحة العرس ما حسيت
من ليلة عرسي راحت فرحتي
الجمعه.....
حضرنه نفسنه نروح للعماره انه وابوي وامي وازهر
روحه مبدئيه نتعارف على الناس وناخذ منهم حجايه اذا اكو نصيب حته ناخذ عمامنه ونروح خطبه رسميه
بعد ما وصلنه للعماره اول يوم خلصناه بيت خالي وخالتي الي هناك هم اجتي يمنه هي وولدها وبناتها التمينه سويه ابستان خالي رحنه الجو حلوو بدايه شهر ال11
وبين الزرع والهوه الطيب ثاني يوم سكفنه السمج ومدينه السفره تغدينه ورا الغده رحنه لبيت اخت زوجة خالي انه وامي وابوي وازهر وخالي وزوجته
كعدنه بمضيف ابوها الشيخ استقبلنه احسن استقبال سوالف على بغداد والوضع
امي وخالتي يم نسوانهم طبن
خالي فتح الموضوع وي الشيخ
.... خويه ابو علي الجماعه جاين يطلبون منك مره على سمعتك الطيبه وصيتك الواصل لبغداد والهم الشرف يناسبونك
ومن هالسوالف خالي سطرهن اله
الشيخ... سبحته بيده يسبح وهو يستمع الكلام خالي بكل احترام لحد ماخلص خالي كلامه
....جيتكم على عيني وعلى راسي واليه الشرف بيك وبأبو فقار كل الهلا بيكم بكل خطوه خطيتوها من بغداد للعماره ويزيدني فخر اناسب هالوجه الطيبه واحنه اهل انـ شـاء الـلّه
اشور البت وانشالله البي خير الله يقدمه
شربنه الجاي وراها الكهوه وردنه نطلع حلف مانطلع اله نتعشه يمه تعشينه وتشكرنه منه طلعنه رجعنه لبيت خالي وبقينه نسولف بالموضوع
امي... اني هم كلت لامها وعلي الام فرحت كالت تكبعيها وتاخذيها بعبايتها
فقار... يمه هاي السالفه شكليات قابل صدك ابوها كال اشور الابنيه واردكم خبر واذا الاب موافق والام موافقه بقت يم الابنيه بس
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
