رواية سائق القصر الفصل السابع 7 بقلم جمانه السعيدي
معتز....وصلنا للبيت واتفقنا اي شي يجد بموضوع نرجس تتصل عليه
بليل دزيتله رساله
معتز....امي تكول عليج حلوه
نرجس...اصلا هي الحلوه وكلبه طيب وحنينه وماكو منه
معتز....هااا هاي امي
نرجس....هنيالك عليه
معتز....ماكو كلمتين حلوات على ابنه
نرجس...لا الكلام الحلو اليوم خلص على باجر
معتز....راسا سمعت باب غرفة نرجس اندك
نرجس...دقيقه خل اشوف منو
نرجس قربت على الباب منوو
همام...اني حبيبتي
معتز...الخط بعده مفتوح من سمعت همام يكول حبيبتي
شكد ضجت حسيت نار واشتعلت بكلبي
راسا قفلت التليفون
نرجس...شتريد خير
همام...افتحي الباب حبيبتي اني جاي اعتذر
نرجس...تعتذر
همام... انتي زوجتي وحبيبتي واني كنت سكران مو بوعيي اعتذر ومستعد الاي طلب تطلبي
نرجس...مااريد منك اي شي ممكن تروح
همام....هاا يعني بعدج زعلانه مني افتحي الباب وشوفي المفاجئه الي جبته اللج
نرجس....شكرا مااريد منك اي شي
همام....هااا وتكولين همام موزين وياي هاي اني جاي اعتذر وانتي تصديني
نرجس....همام اني تعبانه واريد أنام اعتذارك مقبول
وهديتك مقبوله بس خلصني
همام...افتحي الباب وأخذي الهديه لان مراح اروح الاي مكان اذا ماتفتحين الباب ونتصالح
نرجس...اهووو ليش تلح
همام...لان احبج
نرجس ...من يمته
همام....من اول يوم ازوجنا بس اني اعرف انتي حزينه وماحببت الح عليج
نرجس...هسه شتريد
همام...افتحي الباب اخذي الهديه وخل نطلع نسهر برا ونغير جوا
نرجس...ابتعدت عن الباب وكلت الووو بصوت ناصي لكيت معتز ساد الخط
همزين ماسمع كلام همام الماصخ
فتحت الباب همام حالق ولا بس قاط وشايل باقة ورد
وعلبه حمره
همام....حبيبتي هاي هديه اللج واعتذر عن كلشي صار بينا
نرجس...قرب وباسني بخدي
بقيت واكفه ومتفاجئه من ردة فعله شعجب من ازوجنه لليوم وهو ماطايقني شعجب
اخذت الورد والعلبه فتحته بيه خاتم ذهب
طلعه ولبسني بايدي وباسه
همام...يله بدلي نطلع نسهر برا
نرجس...مااكدر تعبانه
همام...ماكو اي عذر اني اختارلج الفستان الي تلبسي
دخل وطلع فستان اسود قصير والردن تول
همام...يله حبيبتي البسي بسرعه
نرجس...مااعرف همام شبي اليوم شو حتى مو سكران مثل عوايده
همام...اني نازل احضر السياره بسرعه لا تتأخرين عليه
لبست وشلت شعري بشكل بسبط وخليت عطر وشوية مكياج ونزلت
بس شافني نزلت ابتسم
ونزل فتحلي السياره التفتت علي كلت بكلبي خل اتأكد
هذا همام لو غيره
صعدت ورحنا المطعم راقي وطلب اكل
همام...حبيبتي من اليوم نفتح صفحه جديده وننسى الماضي
نرجس...شلون
همام....اني راح اكون بخدمتج وراح اشتغل بلشركه
وبعد ماكو سهر ولعب
نرجس....انت شارب شي
همام....ابد اصلا اني اليوم صاحي ١٠٠/١٠٠ ماتتخيلين
شكد ندمان على الايام الي فاتت واحنا نتعارك
نرجس....رغم اني ماجنت مصدكه كلامه بس اضطريت اسايسه لان هذا مو همام الي اعرفه اكيد اكو ورا شي
همام...يمكن انتي مستغربه ومامصدكه
نرجس...جاي احاول اصدكك
همام...الايام الجايه راح تثبت صحت كلامي
نرجس...همام طلع تليفونه واخذنا كم صوره وجبرني ابتسم
وحضني وباسني ولله يستر من الجاي
جمانه السعيدي
معتز....كمت احوس ومتت من الغيره ليش همام يكله احبج
هي مو ماتحجي ويااا وتنام بغرفه وحدها
شيريد منه ليش اجا وراها
هسه تصالحووو لا نرجس تكرها متصالحه
هسه كاعدين يسولفون
ايجوز نامووو نامت بحضنه
لا اكيد لا هي ماتحبه
اني ليش ضايج هو زوجه اني مجرد سايق عدها
اكيد مراح تباوعولي
لان حجت وياي باسلوب حلو اعتقدت هي تحبني
شبيك معتز ياا اتحبك
وحده مثل هاي مستحيل تفكر بواحد مثلي ابد
افففف استغفر الله
اني شعليه بيه ليش شاغل نفسي
تصالحت هي وزوجه واني طار النوم من عيني
اذا تصالحت هي وهمام من باجر اسلمه مفاتيح السياره
واعوف الشغل عدهم
شنو قحط شغل ارجع اشتغل مثل قبل وياا ابوي
ايجوز ماتصالحوووو لا اكيد اكو شي
اتصل عليه اعرف شصار
استغفر الله ايجوز نايمين
شنو نايمين يعني هي وهمام نايمين سوا
مستحيل معقوله من كلمتين تصالحووو
اني ليش ضايج ترا عادي زوجه وجاي يصالحه
اريد أنام ماكووو تكول نايم على نار من كد التفكير
احس شي يبزني براسي
ايجوز ضغطي صعد
جمانه السعيدي
نرجس...رجعنا للبيت بس كلبي مامطمن من تصرفات همام
مااعرف ليش
حاول يقربلي بس اني ماقبلت وكتله اريد أنام وحدي بلغرفه
همام....انتي بعدج زعلانه مني
نرجس....لا بس اليوم تعبانه ومااكدر
همام...براحتج تصبحين على خير
نرجس....مااعرف ليش مامطمنه همام بين ليله ويوم ينكلب حاله
حتلو بقه هيج يعاملني اني مااحبه ولا اكدر اتقبله ابد
معتز....نمت ساعه الصبح وامي كعدتني
امي...اليوم نايم شكووو مو من عوايدك
معتز...راسي يوجعني
امي.... اكعد اسبح وتريك واخذ حبايه بندول وانت تصير احسن
معتز..كوه كمت من الفراش راسي حيل بوجعني واحس نفسي تعبان
سبحت كعدت اتربك ماكدرت احس نفسي تلعب
من السهر والقلق شربت جاي وطلعت من البيت
وصلت للقصر اخذت المفتاح وطلعت السياره
شويه ونزلت نرجس
نرجس...صباح الخير شو تاخرت
معتز....صباح الخير
نرجس...ليش جهازك مغلق
معتز....هااا جهازي مااعرف طلعته ولكيته مغلق فتحته
نرجس...بيك شي مبين تعبان
معتز....لا مابيه شي شغلت السياره وطلعت
نرجس... اليوم مو على بعضك
معتز....سكتت
نرجس...احجي صاير شي طمني
معتز....باوعت بلمرايه شفته عينه عليه
نرجس... راح تبقى ساكت
معتز....شصار البارحه
نرجس....نزلت حواجبي اي البارحه
معتزوصلنا نص الطريق طبكت السياره على صفحه وطفيته
نرجس...ليش وكفت
معتز....البارحه خفت عليج من همام
نرجس....اي اريد احجيلك اني خايفه من همام البارحه ماكان طبيعي ابد
معتز...ليش حاول ياذيج
نرجس...ياسبحان الله كل يوم سكران عندي كلش طبيعي
البارحه ماشارب اي شي
ورومانسي وجايب هديه
معتز...كمزت عليه تصالحتووو
نرجس....هو حاول واني سايسته بس اربد اعرف وين يريد بوصل
معتز...وبعدين
نرجس....بعدين عزمني تعشينا برا وجابلي خاتم ذهب
وورد
معتز...لا تصدكين بي
نرجس...اكيد مو عليه ذني السوالف
معتز...وبعدين
نرجس...ماصار اي شي رجعنا للبيت وكلمن نام بغرفته
معتز...من كالت كلمن نام بغرفته عبالك ماي بارد ونزل على كلبي
...اي خوش اسوين لا تصدقين بي ابد
نرجس....شمالني مخبله الي مثل همام ماله امان ابد
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
