رواية حب بعد الطلاق الفصل السابع 7 بقلم جمانه السعيدي
صار الساعه ١١ونص الصبح
رجعت وكفت للسياره براس الفرع وبقيت انتضر
الساعه ١٢ بدو الطلاب يطلعون واني واكف وعيني على الباب
الساعه ١٢ وثلث يله طلعت
قفلت السياره ورحت امشي باتجاها
كانت تمشي ويه بنات اثنيين وتسولف وتضحك
شافتني ودنكت
قربت عليها ست سما ممكن احجي وياج بموضوع
البنات تركنه وراحن
سما...شكو خير ليش كل شويه تطلعلي
مصطفى...عندي موضوع اريد احجي وياج بي
سما...اي مواضيع ماكو بينا
مصطفى...بس اسمعيني
سما...مصطفى كلشي بينا انتهى ومو هسه من زمان
مصطفى...واني ما طالب بس خمس دقايق احجي وياج
سما...اسفه ماكو اي مواضيع بينا
وعفته ومشيت صعدت بلخط واني اباوع علي بقه واكف وعيونه تجدح وينفخ
مصطفى...عافتني ومشت وماكدرت احجي وياها ابد
ماتقبل تنطيني مجال
لزمت التليفون وخابرت حيدر
مصطفى...الو حيدر شلونك
حيدر...الحمد لله بشر ذيب ارنب
مصطفى...لاصخل احسن وللك ماتقبل تحجي وياي ابد
حيدر...لاتستسلم بعدك بلبدايه
مصطفى...يعني شلون
حيدر...لاتعوفه ابقه كبالها طول الوقت لمن تستسلم وتحجي وياك
مصطفى...زين احاول
ثاني يوم عندي دوام قررت اطلب زمنيه حتى انتضرها من ينتهي الدوام
طلعت وبقيت واكف شويه وطلعت لابسه نفنوف رمادي صوف وستره ماروني وحذاء وجنطه ماروني
وشايله شعرها بطريقه تخبل
كمت اقرا ايات قرائنيه اريده بس تلين شويه وتحجي وياي
وصلت واني كلت هلو شلونج سما
سما...وتاليها وياك مراح تفك مني ياخه
مصطفى...اريد احجي وياج
سما...اذا ماتبطل راح اوصل الخبر الاهلي فهمت وهمه يتصرفون وياك
مصطفى...عادي وصلي خبر مايهمني ابد لازم احجي وياج لو يذبحوني ذبح
سما...يعني مصمم
مصطفى...اكيد
سما...زين اذا انت رجال الحكني واني اخليهم يعلمونك
عفته ومشيت صعدت بلخط واني عيني علي
جمانه السعيدي
رجعت للبيت واني افكر مصطفى شذكره بيه ليش جاي يلحكني شنو متندم وليش هسه
موجان مايطيقني واني ويااا مانتلاكه وليش هيج يلح
طبعا اني لا راح اكول الاهلي ولاشي بس ردت اخوفه حتى يبتعد عني وبعد ما اشوفه ابد
مصطفى...ثاني يوم رحت للدوام واني بس افكر بيها
ولله اروح لو يذبحوني لازم اشوفها
سكنت كلبي وعقلي وما اكدر افكر بغيرها ابد
كلما اشوفها اتندم لان عفته
وين الله ويضربوني اهلها وتصير كعدت عشاير وما اتنازل عن حقي اله يرجعون سما اليه
رحت انتضرها باب المدرسه اباوع على نفسي واضحك عمري ٣٢ واتصرف مثل المراهقين
عبالك شاب مراهق منتضر حبيبته باب المدرسه
طلعت واني واكف قررت ما احجي وياها بس اباوع عليها
انتجيت على السياره وخليت ايد على ايد
سما...طلعت وشفته واكف ياربي هذا شبي تخبل يوميه جاي مشيت بسرعه وعبرته والغريبه ابد ماحجه وياي
صعدت بلخط واني مستغربه من وضعه
يوم الجمعه مصطفى خابرت حيدر تعال بلكوفي اريد احجي وياك
رحت للكوفي قبله ونتضرته ربع ساعه واجه
حيدر...هلو اخوي العزيز
مصطفى....هلووووو شلونك
حيدر...الحمد لله
مصطفى...اريد حل هاي الخطه مانفعت وياها جاي تجاهلني
حيدر...اصبر هو صارلك عشر ايام شنو تريد بس تشوفك تركض عليك
هذا تصرفها طبيعي بعد الاحداث الي صارت بينكم
اكيد هسه هي مستغربه وجودك بحياته
اولا اكو مشاكل بينكم قبل الطلاق
ثانيا..انت ضربته وضربت اخوها واخوها نسجن بسببك
واهله دفعو كفاله فلا تتوقع راح ترجعلك بسهوله
مصطفى...اخذ ناس واروح اخطبها
حيدر...لا اكيد راح يرفضونك بس انت حاول وياها اذا كدرت تخليها تحبك هي تقنع اهلها ترجعلك
جمانه السعيدي
مصطفى...الاسبوع الي ورا يوميه ابقى منتضرها من يخلص الدوام
اوكف يم سيارتي وابقه اباوع عليها بدون ما احجي وياها اي حجايه
هي تشوفني وتمشي بطريقها
سما...يوميه اطلع واشوف مصطفى منتضرني بس بطل يحجي وياي اي شي يكتفي يوكف ويباوع عليه
صرت انتضر يخلص الدوام يوميه حتى اشوفه مثل التعويد صار عندي
فات ثلاث اسابيع ومصطفى ما مل ابد
واني الصراحه مستمتعه بهاي الاجواء
بديت افكر بي رجع دخل عقلي مره ثانيه
السبت صادفت الدنيا حيل مغيمه بيومها رحت انتضر ها
خلص الدوام طلعو الطلاب صعدو بلخط وهي زخته مطره قويه
مو مطر حالوب والحالوبه مثل الحجاره تنزل
طلعت من المدرسه لابسه بنطرون ثلجي وثوب حياكه زيتوني وبوت اسود
تمشي بصف الحايط وخاله كتاب على راسها
اني شغلت السياره ورحت عليها فتحت الباب وصحت اصعدي
سما..مالك شغل بيه
مصطفى لاتعاندين الناس واكفه والخط يتاخر راح تتبللين
اصعدي اني اوصلج
سما...المطر اشتد حيل والشارع انترس ماي وحتمال الخط مايجي
مصطفى...صحت عليها بصوت عالي اصعدي لاتعاندين
سما...دخلت للسياره بس شني تبللت
مصطفى...طلعت خاولي اني اشيله بلسياره وانطيتها
هاج نشفي شعرج لاتتمرضين
سما...ملابسي كلهن تبللن
مصطفى...راح اشغل التدفئه هسه شويه وتدفين
مشيت بلسياره وهي تنشف بوجها وبشعرها
مصطفى...بعدج بردانه نزعت سترتي ونطيتها الها هاج البسي لاتبردين
اخذتها وخلته على كتفه
مصطفى...نوكف شويه اجيبلج شي دافي تشربين
سما...لا وصلني البيتنا اريد اغير ملابسي
مصطفى...ماحبيت اللح عليها بلكلام حتى لاضوج مني وتكرهني وصلنا البيتهم نزعت الستره انطتنياها وفتحت الباب
التفتت عليه وكالت شكرا تعبتك وياي
مصطفى...اخذي الستره خليها على راسج من المطر
سما .... لاعندي مفتاح هسه ادخل بسرعه
مصطفى...بقيت واكف لمن فتحت الباب ودخلت يله مشيت
جمانه السعيدي
مشيت واني فرحان وكانما مسوي انجاز مامصدك صعدت وياي
باوعت بمكانها لكيت تليفونها واكع على الكشن
اخذته حاولت افتحه حتى اخذ رقمها بس ماكدرت افتحه ابد بي رمز
وصلت للبيت ونزلت ودخلت واني مامصدك
امي...الله يساعدك اليوم عطله وانت هم طلعت
حتى بلمطر ماتكعد ابد
مصطفى...ماتدرين شكد احبج ياست الحبايب حضنتها وبستها وشلتها
امي...يمه فدوه نزلني
دخلت للغرفه نزعت ملابسي وبدلت ونزلت اتغدا
سما...دخلت واني ملابسي كلهن ناكعات نزعت وبدلت ونزلت اتغدا
صعدت الغرفتي ارتاح ادور على موبايلي ماكو كلبت الجنطه ماكو
ماعرفت وين صار يمكن نسيته بلمدرسه
خل اجيب موبايل ماما واتصل علي
اذا ما يرد يعني نسيته بلمدرسه
بسلا وكع مني بلشارع
الله يستر
بدل ماتدور وتبحث علي الروايات خليها علي تليفونك وحمل تطبيقنا
