رواية حبي الوحيد الفصل السابع بقلم جنا عطية
علي بصدمة: انت
ندي: بابا هو.....
علي: انت بتعمل ايه هنا
ندي: بصراحة يا بابا لما العربية اتأخرت عليا في ولد كان بيدايقني ومراد هو اللي دافع عني ووصلني لهنا الله واعلم لو مراد مكانش موجود كان ايه اللي هيحصل
وعلي بص علي ايد مراد لقاها بتنزف
علي: شكرا ليك علي اللي عملته مع بنتي تعالي طيب نغيرلك علي الجرح
مراد: لا لا مش مـ.......
ندي بمقاطعة: تعالي نغير علي الجرح بعدين امشي...وندي بدأت تغيرله علي الجرح ومراد كان مركز معاها اوي رغم أن أيده كانت بتوجعه لكن عيونها كانت شفاء ليه
ندي: انا خلصت كلها يومين والجرح يروح اصلا الجرح مش كبير
علي: مراد يابني انت سامعنا
مراد بشرود: ايه
ندي: بقالي ساعة بشرح وانت بتقول ايه
مراد: اسف كنتي بتقولي ايه
ندي: كنت بقول كلها يومين والجرح يروح لأن الجرح مش كبير
مراد: شكرا
ندي: عفوا....وراح ركب عربيته واتجه إلى الفيلا
نادية: ندي حبيبتي وحشتيني انتي كويسة
ندي بضحك: كل دة عشان اتأخرت شوية اه انا كويسة
نادية: طيب الحمدلله هخلي هنادي تحط العشا
ندي: لا لا انا هطلع اخد شاور وانااام
نادية: هتنامي من غير اكل؟!
ندي وهي طالعة علي السلم: اه انا عايزة انام
نادية وعلي في صوت واحد: تصبحي علي خير
ندي: وانتوا من اهل الخير.....وكل واحد طلع علي اوضته
"في غرفة ندي"
ندي كانت بتفكر في اللي حصل
ندي: ايه اللي يخليه يتعصب بسرعة كدا ويضربه الضرب دة كله
قلبها: يمكن بيحبك
عقلها: بس يا هبلة بيحبك ايه
قلبها: وانتي كمان بتحبيه؟!
ندي: مش عارفة بس حاسة بشعور غريب
عقلها: انتي وقعتي بسرعة اي حد مكانه كان عمل كدا
قلبها: بس عصبيته الزايدة اوي كدا اكيد وراها حاجة يمكن بيحبك
عقلها: لا مستحيل انه يحبك
قلبها: ايه اللي خلاه مستحيل يعني اكيد بيحبها اصل محدش بيتعصب كدا غير لما يكون بيحبها
ندي: بس كفاية وعينيها راحت في النوم
_______________
"في فيلا الجرحي"
سليم بعصبية: ازاي يعني تسيبوه لوحده
الحارس: سليم بيه دة كل اللي حصل هو قالنا أننا نقولك مراد بيه قالنا نسيبه
سليم بعصبية اكتر: انتوا بتسمعوا كلامي ولا كلامه اللي انا اقول عليه يتنفذ مهما إن كان مين
سليم: لو حصل لمراد اي حاجة هتدفـ.......
مراد: انا اللي قلتلهم يمشوا
سليم: كنت فين يا مراد قلقتنا عليگ
مراد ببرود: كنت بوصل دكتورة ندي
سليم باستغراب: وتوصلها ليه؟!
مراد: العربية بتاعت باباها اتاخرت قلت اوصلها
سليم: افرد كان جرالك حاجة أو كانت جاتلك نوبة كنا هنعمل ايه ساعتها وبعدين ما توصلها مع الحراسة بردوا
مراد: بابا انا بقيت كبير ومسؤل وهعرف ازاي اتصرف ساعتها وبعدين حراسة ايه هو انا عيل صغير اي حد هيضحك عليا
سليم: يا مراد يابني دي نوبة يعني انت مش بتبقي قادر تتحكم فيها كنت هتأذي نفسك وهتأذيها
مراد: .........
ليل وصل الفيلا: عاملين ايه
مراد: الحمدلله
سليم: اتخانقت مع مازن طبعا
ليل: المرادي متخانقناش الحمدلله انا تعبان اوي هموت وانام هطلع علي اوضتي
مراد: خدني معاك
ليل: تعالي
مراد وهو طالع: ازيك يا ماما
ثريا بقلق: كنت فين يا مراد قلقتنا عليگ
ليل بإستغراب: في ايه يا ماما
ثريا حكتله كل حاجة
ليل بهدوء: انت غلطان يا مراد كنت المفروض خدت معاك الحراسة حتي
مراد: اسف يا ليل المرة الجاية هاخد الحراسة
ليل بضحك: هو في مرة جاية ابقي رن علي باباها
مراد بضحك: ماشي
مراد: نسيت اسلم عليكي يا فريدة عاملة ايه
ليل بسرعة: اكيد مراكمة المواد
مراد بضحك: دي فريدة مراكمة طبعا
ليل بسخرية: يوميات فريدة مراكمة
مراد: حلوة دي
فريدة بغيظ: انا طالعة يا ماما
ثريا: ماشي يا حبيبتي اعملي حسابك انك هتروحي الجامعة بكرا كفاية غياب
فريدة: ماشي يا ماما
وليل ومراد وثريا فضلوا يضحكوا جامد
____________
بعد اسبوع
مراد بقا متعود علي الجلسات مع الحراسة طبعا
مراد:............
روان (السكرتارية)بسرعة: دكتورة ندي استـ.....
ندي: دخليه يا روان ...وبالفعل دخل مراد
مراد: ازيك
ندي: الحمدلله يلا نبدأ جلستنا
مراد: يلا
ندي: بسم الله اولا النوبات......الباب خبط
ندي: دكتور رامي انا عندي جلسة مش في مواعيد المفروض تيجي فيها
دكتورة رامي: اسف مكنتش اعرف
ندي: فين السكرتارية؟!
رامي: مش موجودة برا
ندي في سرها: اومال انا جيباها ليه لما كل مرة مش بتبقي موجودة
ندي: طيب حضرتك كنت عايز ايه ياريت بسرعة
رامي: جدول الحالات عايزه
مراد بغيرة في سره: هو ازاي يبصلها كدا ياربييييي
ندي لاحظت نظرات غيرة مراد وضحكت ضحكة بسيطة وطلعت الجدول وعطته لدكتور رامي
دكتور رامي في سره: يارب تكون ليا بقا
ندي: أتفضل
رامي: شكرا هتحتاجي حاجة
مراد بغيرة: خلاص بقا في حالة شغالة
ندي ضحكت بس سكتت لما مراد بصلها
رامي: اسف وقفل الباب وطلع
ندي: منك لله يا روان ضيعتي ربع ساعة من الجلسة علي الفاضي يلا نكمل
مراد بقا مستمتع جدا ليها واكتشف أنه فعلا بيحبها مش مجرد شعور وفضلت ندي تكمل باقي الجلسة مع ابتسامتها الرقيقة وغمازتها البارزة
_______________
"في الشركة"
سليم بحماس: صفقة جديدة
مازن وليل في صوت واحد: حراااااام
سليم: لو اخدناها هتبقي من اقوي شركات العالم كله
سليم: ركزوا معايا وبدأ يشرحلهم الصفقة وكل حاجة
مازن: مش شايف انها معقدة شوية
سليم: يعني خدنا الصفقة بتاعت اليونان مش هنعرف ناخد دي
ليل: علي رأيك
سليم: هنشتغل عليها جامد لأن الوقت قليل
مازن بحماس: يلا نبدأ
سليم: محدش هيروح مكتبه هنشتغل كلنا هنا
ليل: انا هقعد ساعات مع مازن
مازن: يعني أنا اللي هموت في دباديبك ما انا مجبور اني اشتغل معاك
ليل: مازن قسما......
سليم: بس بقا تعالوا نشتغل
مازن: اوووف يلا والله يا ليل لو محترمتش نفسك متزعلش
ليل: الدور والباقي عليك
سليم: احنا في شغل بس بقا ركزوا
____________
"في فيلا الجرحي"
ثريا: عملتي ايه في الامتحان
فريدة بفرحة: اول مرة اشوف امتحان ساهل كدا
ثريا: طب الحمدلله كان حلو يعني
فريدة: كان سهل اوييييي
ثريا: شوفتي بقا أن ربنا بيدي علي قد تعبك
فريدة: الحمدلله انا هطلع اراجع بقا عشان الامتحان التاني بتاع بكرا
ثريا: ماشي يا حبيبتي
_____________
"في المستشفي"
ندي: بدأت تتحسن وركزت علي أيده لاقتها بطلت تتهز
ندي: مش ملاحظ حاجة
مراد: مش ملاحظ ايه
ندي بفرحة: ايدك بطلت تتهز
مراد بفرحة: بجد فعلا بطلت تتهز حاسس ان اعصابي هديت
ندي: معني كدا انك بتتحسن والعلاج بيدي نتيجة حلوة
مراد: شكرا
ندي: عفوا احنا كدا خلصنا الجلسة
مراد بحزن أن الجلسة خلصت: شكرا ايه مش هتروحي
ندي: لا هستني بابا
مراد بغيرة وهو بيقلد ندي: دكتور رامي
ندي بضحك: انا مش بعمل كدا
مراد: بتعملي وقال في سرة يخربيت جمال ضحكتها
ندي: ماشي يمكن فعلا بكون بعمل كدا
مراد: سلام وراح ركب عربيته
ندي: انا انهاردة اتأكدت فعلا أنه بيحبني
قلبها: وانتي كمان بتحبيه
عقلها: ايه يا ندي انتي اتهبلتي
قلبها: والله بتحبيه امبر دليل انك خفتي عليه لما ايده كانت بتنزف
ندي: بااااااس انا فعلا بحبه وكملت بصدمة: بحبه انا فعلا بحبه وقالت بضحك: يعني أنا بحبه ومشاعري مكانتش كدب بس انا لازم أقوله
عقلها: كدا هتباني انك مدلوقة عليه
ندي لـ عقلها: بس بقا انت سبب مصايبي
ندي: لازم اعترفله بحبي المرة الجاية بس هروح أقوله بحبك
عقلها: هو بيحبك استنيه لما هو اللي يقولك
ندي: هو انا لسة هستناه
عقلها: اصبري فإن الله مع الصابرين
ندي: فعلا لازم استناه لما هو اللي يقول
ندي لـ روان: روان مصر كلها بتيجي وانتي مش بتبقي موجودة برا
روان: اسفة يا دكتور بس ببقي بجيب حاجات
ندي بهدوء: متتكررش تاني
روان بإحترام: تمام يا دكتور
ندي: بابا مشي
روان: لا مستني حضرتك فوق في المكتب
ندي: تمام...وطلعت مكتب علي
علي: اتاخرتي يا ندي
ندي: معلش يلا نروح
علي: يلا نروح وراحوا ركبوا العربية واتجهوا الي البيت
"في أوضة ندي"
ندي: ياااه اخيرا اعترفت لنفسي أن انا فعلا بحبه وفضلت تفكر في مراد لحد ما عينيها راحت في النوم
"في أوضة مراد"
مراد: بحد ندي دي ملاك كل حاجة فيها حلوة شعرها بشرتها عيونها وكل حاجة حتي ابتسامتها ونام وهو بيفكر في ندي (ناقص يحلم بيها😂)
بدل ماتدور وتبحث علي الروايات خليها علي تليفونك وحمل تطبيقنا
