رواية الأرملة السوداء الفصل السابع 7 بقلم جمانه السعيدي
رواء راح اكلك شي بس لاتنفعل عليه تهدء وسمعني زين
امك اذا بلغت الشرطه وهي اكيد راح تبلغ لان مستحيل تسكت على اختفاء همام
الشرطه راح تسحبنا ثنيينه اني وياك
اني عندي تسجيل بتليفون واني اخابر
واكولك الحك اخوك كسر الباب عليه يريد يعتدي عليه
اكيد الشرطه راح اطلع كل تسجيلا التليفونات
وانت راح تكون المتهم الرئيسي بهاي القضيه
هشام اي وبعدين هذا الحجي كله اعرفه انطيني الزبده
رواء الحل الوحيد الهاي المشكله نقتل امك
هشام وكفت على حيلي وكتله انت شجاي تكولين
نقتل امي انتي اكيد تخبلتي
لا انتي مابقه براسج عقل
جمانه السعيدي
رواء حبيبي امك مره جبيره واكيد راح تموت اذا مو اليوم باجر قابل راح تبقى عايشه العمر كله
وبعدين انت تتوقع اذا لزمته الشرطه وطلعت مدان بقضية قتل اخوك امك راح تبقى عايشه
اكيد راح تموت من الحسره والقهر
ولدها واحد ميت ووواحد بلسجن هاي اذا ما عدموك
بسبب قتل همام
هشام لا لا مستحيل اقبل انتي منيين جيبين هاي الافكار
رواء اني افكاري منطقيه ومعقوله
هشام اسكتي ما اريد اسمع منج اي شي
رواء زين كول انت شنو الحل برائيك
باجر من الصبح امك تتصل باصدقاء همام وبعدين تتصل بالشرطه
وانت هسه مو على بعضك اذا الشرطه حققت وياك شلون
اكيد راح تعترف
هشام ما اكدر ما اكدر هاي امي تفهمين شنو امي
رواء انت مالك شغل اني اتكفل بكلشي وانت بس ساعدني ندفنه بصف همام
وساعته راح نكول سافرت هي وهمام التركيااا
وقررو يستقرون هناك
وبعدين من الناس تنسى السالفه نكدر ندبر الهم شهادة وفاة مزوره
وخلاص
فكر زين فكر بيه وفكر بمستقبلك
فكر بهذا الحلال والخير كله المن راح تعوفه
ايجوز يحكموك موبد
واااكيد اكيد امك راح تموت من القهر عليك انت واخوك
وهيج راح يضيع كلشي
هشام دنكت وكمت ابجي
رواء لا تبجي هذا مو وكت البجي ماعدنا وقت هواي
كم ساعه ويطلع الصبح
واذا طلع الصبح مراح نكدر نسوي اي شي
لا راح نكدر نمنع امك تخابر الشرطه
ولا راح نكدر نحفر وندفن بلنهار يمكن احد يشوفنا
هذا انسب وقت نكدر بي
نحل هاي المشكله
هاااا شكلت
جمانه السعيدي
هشام احس عقلي وكف لا اكدر اكول اي ولا لاء بقيت ساكت
رواء لا تسكت احجي الوقت راح يخلص وانت ساكت
هشام دنكت ولزمت راسي
رواء السكوت علامة الرضا اني راح اخلص كلشي وانت روح احفر كبر بصف همام
بسرعه لا اضيع الوقت علينا
رواء نزلت ورحت الغرفة عمتي اسحب على كيف
دخلت
عندي مخدر بخاخ بس كلش قوي
بخيت على خشمها وحلكها
تحركت شويه مثل الي وعت بعدين نامت
اخذت المخده وخنكته حيل
حركت رجليه شويه واديها واني بقيت ضاغطه عليه
تقريبا نص ساعه كل قوتي
بعدين شلت المخده وخليت راسي على صدرها
ما تتنفس ابد
لفيته بلجرجف الي جواها وربطته زين
وطلعت لكيت هشام كاعد بلحديقه وساكت
رواء هاي شنو احنا نلعب
يله بسرعه فضني احفر قبل لايطلع النهار
هشام ساعته جنت احس واحد غيري الي جاي يحفر
معقوله هذا اني الي احفر كبر امي
ومو بس هاي لا ووقعت على موته بايدي
رواء شيطان ودخل حياتي
ضاع كلشي بسبه
حفرت كبر امي بايدي كنت احس روحي توجعني
اي روحي توجعني
اليوم قتلت امي
اني موهشام اي مو هشام اكيد اني واحد ثاني
واحد بلا رحمه ولا انسانيه
عاف ووحده مثل رواء ادمر عائلته
وعيت على صوت رواء تكول كافي هاي الحفره تكفي
وسحبتني من ايدي واخذتني الغرفة امي
بس دخلت سمعت صوت امي تكووول
هااا ماما لكيت اخوووك
كعدت بلكاع وكمت ابجي
رواء اهوووو شلون راح نخلص من هاي الدرامه
انت شنو ما تفهم
يله شيله وياي وخلصني بسرعه
جمانه السعيدي
كمت اسحل بروحي سحل وشلته اني ورواء وطلعنا للحديقه
صوته يرن ابالي اسمعه تصيح باسمي
اسمعه واذكر شلون من انجرحت باستني من الجرح
وشلون اذا اتمرض تبقى كاعده للصبح
وشلون تقريني وشلون تسبحني وشلون تلعبني
وشلون ن وشلون وشلووون
كلشي اني نهيته بلحضه
وضيعت امي واخوي من ايدي
اني مجرم واستاهل انعدم على الي سيويه بااهلي
خليته وكمت ارجع التراب عليه
ودموعي تجري
ما اكدر اكمل شمرت الكرك وطلعت اركض بلشارع مثل المخبل
اريد كلشي يطلع حلم اريد ارجع زغير
اريد امي وابوي واخوي
اريد الزمن يرجع ورااا
اريد ارجع هشام القديم اني شسويت بنفسي
ركضت وركضت لمن تعبت ونقطع نفسي
كعدت على الرصيف
ياربي اني شيويت ليش هيج تحولت انسان بلا مشاعر ولا ضمير
اني سامع الحب يقوي ويطور الانسان
واني حبي الرواء
ضيعني وضيع اهلي
معقوله اني جنت أعمى وما اشوف
اكيد أعمى لان الكل جان رافض هذا الحب والارتباط
واني الوحيد الي جنت أعمى وتمسكت بي
تعبت ورجعت للبيت لكيت رواء مكمله كلشي
وكنما ما صار شي ابد
صحت عليه اجيب حبايه منوم بعدين كتله جيبي الشريط كله
بلعت اربع حبايات ونمت بغرفة الخطار
اريد انسى اي اريد انسى كلشي
اريد انسى اني مجرم وقتلت اهلي كلهم
وياريت تكون هاي النومه الاخيره
وبعد ما اكعد ابد
جمانه السعيدي
رواء اجيت لكيته رايح بسابع نومه كتله نام انشاء الله بعد ما تكعد
ولو بعدني محتاجتك حتى اكمل خطتي
اصبر شويه وراح اخليك تلحكهم
انت واحد غبي ماتستاهل تعيش بهاي النعمه ابد
هذا الخير يريد واحد شاطر وذكي
مو مثلك واحد اثول وكلشي ما يعرف
هشام نمت وما كعدت اله بعد يوم كامل واني مصدع وراسي يوجعني
كعدتني رواء
حبيبي ياعمري يروح كلبي ليش نايم يله الشغل واكف وينتضرك
حلالك منو يديره غيرك
سويتلك اكل يخبل
بس اكعد اسبح حتى اصحح وتاكل وتشرب كهوه
وتروح للشغل
لا تعوف حلالك بيد العمال
الناس طماعه وما تتامن ابد
كعدت وتعجبت من هاي الانسانه
تحجي وكنما كلشي ماصار ابد
وكنما ما قتلت نفسين ودفنتهن
منيين اجيب هذا البرود كله
كمت وما حجيت اي شي دخلت سبحت وطلعت
كل مكان بلبيت اشوف امي
اسمع صوته تصيح عليه
اني يمكن راح اتخبل مستحيل اتحمل هذا الوضع
بدلت وطلعت بسرعه احس نفسي مخنوك
طلعت افتر بلشوارع عفت سيارتي وطلعت مشي
شفت طفل امه كايده وأخذته للمدرسه
اذكرت امي شلون جانت تكعد وتبدلي وتاخذني للمدرسه
وتبقى واكفه منا لمن ادخل يله تروح
مشيت ومشيت وتعبت كلش يله رحت للمحل
ابو حسن شصاير وليدي شببك
هشام مابيه شي
...يمته يرجع همام هلمره حيل طول
هشام ما يرجع همام بعد ما يرجع
...ليش الله يستر
هشام هااا لا استقر بتركيا وبعد ما يرجع ابد
...لا احنا متعودين علي شلون ما يرجع
...راسي يوجعني ابو حسن اريد كهوه
...اي تدلل هسه دقايق
جمانه السعيدي
مرت الايام مثل السم على كلبي فقدت الاحساس بلحياة
فقدت كلشي حلوووه
لا اكدر اكل ولا اشرب ولا انام اله ابلع حب منوم
حياتي تحطمت
خفت على نفسي وما خفت على اهلي منتهى الانانيه
الايام كانت تمر صعبه وطويله
ردت ابيع البيت حتى لا اشوف امي بكل مكان
بس خفت لا ننكشف
ويلكون الجثث بلبيت
اني حكمت على نفسي اعيش بسجن طول الحياة
سجن تأنيب الضمير
اكيد رب العالمين راح ياخذ حقهم من عندي
وراح اشوف الي شافو ثنيينهم
بينما رواء كلشي عدها عادي جدااا
وكنما ما مسويه اي شي
عايشه حياته وتطلع وتدخل بكل حريه
حقه هي ما فقدت اهله
اني الي فقدت اهلي كلهم بسببها......
