رواية غيره قاتله الفصل السابع 7 بقلم جمانه السعيدي
فاطمه.... بعد الحفله سما النهار كله بيتنا حتى تشوف قيصر من يجي واذا تروح البيتهم تسئلني يمته يجي قيصر
هم يجيكم اليوم
اذا شافتني ارتب راسا تسئلني
سما....هااا ترتبين راح يجي قيصر
فاطمه...اي
سما...بيش الساعه
فاطمه....العصر
سما...اي بيش الساعه
فاطمه....مااعرف يمتى مايجي هله بي
بيومهارجعت البيتهم والعصر اجت مبدله ومكيجه والعطر يسطر
وكعدت كلما يندك الباب تكمز
تعرفون احنا بابنا كل شويه تندك لان امي تخيط
اني هم بدلت وتمكيجت منتضره قيصر كال نزلت صور غرف نوم حتى نختار اني وياج وحده نجيب جاهزه
اذا نجاره تتأخر علينا
جمانه السعيدي
بدلت وطلعت لكيت سما قلقه وتروح وترجع
فاطمه... سما انتي عندج طلعه
سما....لا ليش
فاطمه....لان مبدله وكاشخه والعطر يسطر
سما....لا هيج ضايجه وكلت خل ابدل
فاطمه....زين منتضره احد
سما....لا مامنتضره احد ليشش
فاطمه....لان اشوفج كل شويه تكمزين للباب
سما.. لا هيج امشي رجليه ابدال ماكاعده
فاطمه....مااعرف احسج منتضره شي
سما....لا مامنتضره شي
شويه واجا قيصر دخلته بالاستقبال هي راسا عدلت شكله واجت كعدت يمه
امي ملتهيه تخيط اجت سلمت علي وطلعت
واخواني ثنيينهم مو هنا
رحت اجيب شي اقدمه القيصر
رجعت لكيته تحجي ويااا بس بصوت ناصي راسا بس شافتني سكتت
كعدت وبدينا نحجي اني ويااا
وهي كل شويه داخله بلحجي وتحشش وتضحك
تحاول تلفت انتباها بكل طريقه
طبعا هو مضطر يجامله علمودي
طلع الموبايل واشرلي أقرب اكعد بصفه حتى نشوف صور الغرف
هي راسا كامت وكعدت بصفه من الجه الثانيه
جمانه السعيدي
سما...اني هم اريد اشوف الغرفه حتى اشاركم الرائ
ثنيينه ماعلقنا على هذا الموقف
قيصر.....شوفي هاي الغرفه حيل عجبتني
سما....اي ولله عندك ذوووق تخبل
وقدمت راسه كدامه حتى يشتم عطره
وايدها على ايدا
فاطمه....خل اشوف باقي الصور
بدا قيصر يحرك بلصور واي وحده اكول عليه حلوه
راسا هي تطفر من يمه
سما... عوووع شنو هاي مو حلوه صدك ماعندج ذوووق
شوفي ذوق قيصر شكد حلووو
فاطمه....لا بس ذني عجبني حلوات
قيصر....خلاص اي وحده تعجبج اني موافق
سما....شنو موافق مو حلووو ذوقه فاطمه من زمان ذوقه مو حلوووو اخذ الي تعجبك
انت اصلا ذوقك ماكو منه ابد
الصراحه ضجت منه هم لازكتلنا وهم تفرض ذوقه علينا
قيصر.....الغرفه غرفة فاطمه وهي تختار بكيفه
بقت كاعده على كلبنا وتشارك بكل حديث منا لمن طلع قيصر
وهي كاعده
بس طلع هي راحت البيتهم
اني مااخذت ابالي ابد كلت فرحانه بعرسي وخصوصا اني اول وحده تزوج بلعائلتين
بعدين قيصر صار زوجي مستحيل تكدر تقرب علي
بس هي جانت تتحرش بقيصر بدون علمي
وهو ساكت يستحي يحجي عليه
اخذت موبايلي بحجت تشوف صور المهر وأخذت حساب قيصر بعدين يله عرفت
يوميه تفتح وياي تحقيق بحجة السوالف
...يمته يجي قيصر
...وين ترحون
بيوم قرر نروح نختار غرفه على ذوقنا
سما....هااا شو جاي تبدلين
فاطمه....راح نطلع اني وقصير نختار غرفه وعازمني على العشى
سما.. ...هااا بيه الخير اني اترخص اذا انتي اطلعين
ليش اني باقيه هنا
فاطمه...بقيت انتضر نص ساعه واجا قيصر وطلعنا
بس وصلنا راس الشارع شفنا سما واكفه واخر اناقه وتاشر
للسيارات
جمانه السعيدي
قيصر.....هاي مو سما
فاطمه....اي سما ووين رايحه
وكف السياره سلمنا عليه
فاطمه....وين رايحه
سما...للسوك عندي شغله كلش مهمه
قيصر... اصعدي نوصلج بطريقنا
راسا فتحت باب السياره وصعدت وكانما ماصدكت
وصلنا للسوك
قيصر.....وين توصلين
سما....بكيفك وياكم وين ماتوصلون
فاطمه....شلون والشغله الي رايحه عليه
سما... عود بعدين
بقت ويانا تفتر على معارض الاثاث وتدخل بكل زغيره وجبيره وراحت ويانه للمطعم
بعد احراج هي ويانه تفتر
تعشت ويانه ورجعنا للبيت سوا
طبعا هذا موقف الطلعه اتكرر اكثر من مره
بس تسمع راح نطلع تلزك النا
طبعا قيصر مايحجي عليه ابد لان اني كتله بت خالتي واحنا ربينا سوا وهي يتيمه يعني مقدر الموقف
بلايام الي يروح بيهن قيصر للدوام مااشوفه ابد
ومن ينزل مجاز تكعد عدنا
ومستحيل يجينا اذا مو هي موجوده وتشاركنا بلحديث
جمانه السعيدي
اخر مكالمه بينا
قيصر... اكلج فوفتي هاي بت خالتج ماتروح البيتهم
فاطمه...ليش
قيصر. ...كلما اجي الكاها عدكم
فاطمه.. وين تروح تجي تتونس عدنا
قيصر... هاااا تتونس
حسيت قيصر ضايج منه كمت اثكل وجهي عليه
واذا تسئلني على قيصر اكله مااعرف
بس عود تحس ابد
هي تعرف موعد الي يجي بي وتجي قبله مبدله وكاشخه
وحايره شمسويه بنفسه
فاطمه....سما شنو قصتج كلما يجي قيصر تكمزين علينا
سما...هاي شبيج مراح اكل قيصر ترا بعدين اريد اشوف شنو ترتيبات العرس خاف انخطب
ترا قيصر كدامج ماناقص منا شي
فاطمه....اي بس هو ضايج لان انتي كل مايجي يلكاج عدنا يكول ماعدهم بيت
سما... أما نذل هذا قيصر شدعوه اذا اكعد يمكم واسولف
واضحك اصلا ثنيينكم دمكم ثكيل
مزين افرفش الكعده
فاطمه...ساعه احجي وياها بدون فائده الي براسه تسوي
شكد سمعته كلام بدون فائده
بس تسمع بي اجا تجي تركض وتكعد بصفه
وحرت شلون الحل وياها
الحد ماحددنا موعد الزواج اخيرا راح ازوج واخلص منه
قابل راح تلحكني البيت الزوجيه
للحكايه بقيه.....بنات شنو المشكله ليش التفاعل قليل
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
