رواية انتقامك وانتقامي رد الدين الفصل السابع 7 بقلم تولين جراح
-قد تجد وجهاً كوجهي لاكن القلب لم يخلق منه اربعين.
كلام مهم بنهايه البارت اتمنى تقرو
........................................................
رهف .....
كاعده بنص ناس ما اعرفهم صوت صريخ زوجه جراح واصل يمي
اباوع على ام جراح صافنه ودك بعوجيتها بالأرض
حسيت نفسي غريبه واني فعلا غريبه موو هذا مكاني
مو هاي عيشتي ولا بيتي
دخل رجال مبين النور بوجها وحجى
الشيخ عكَاب: شنهي الصاير يا جمار ؟
الشيخة جمار: تعال يا شيخ شوف وليدك جبيرك مزوج البت وجايبها لينه .
الشيخ عكَاب: باوع عليه بنضرة خاطفه وحجى بصوت عالي ، وينه جراححح .
"طلع جراح من الغرفه وتقدم بتجاه ابوه بحذر وحجى "
جراح: يابه لا نهبت البت ولا خطفتها برضاها تزوجنه برضاتها .
الشيخ عكَاب: وانتَ يجراح شلون تسوي هيج شيء بدون علمنه ؟!
جراح: عاشكها يابه وابوها ما ينطيها ليه .
الشيخ عكَاب: وتروح تزوجها غصب عنهم .
جراح: يابه افهمني ...
الشيخ عكَاب: اشششش ولا جلمه ، ضرب عوجيته على الأرض قوي وكمل كلامه ، البت صارت بتنا من اليوم
والي يمسها بجلمه يلكاني بوجها .
"كال هل كلام وطلع ،الكل سكت بعد مده من الصياح "
اخذتني بنيه كلش حلوه تعرفت عليها طلع اسمها بلبل الجنه الثانيه بهل بيت لغرفه بسيطه سرير ابو النفر وكنتور صغير وبس الغرفه فارغه
عافاني وراحت
تنهدت بتعب وصرت افكر بأهلي وكلام بابا معقول هاي هيه بعد ما عندي أهل ؟!
كرهت جراح وكرهت الصدفه الي لتقينه بيها وكرهت حذيفه الي جان سبب بلقائنه مرة ثانيه.
"بعد مده ندك الباب عليه واجت نفس البنيه بلبل "
بلبل: ها حبيبه شلونج ؟
رهف: هلو بيج .
بلبل: تعاي ننزل نتعشه تره الشيخ ما يحب احد ما يحضر السفره حتى لو جان موش جويعان .
رهف: نزلنه جانت السفرة حيل جبيره متكونه من جميع الأصناف شفت أشخاص جدد على السفره خجلت اكعد وياهم .
جرتني بلبل وكعدت هيه بصف زوجها واني من الجها الثانيه جان عدهم يطلع عمره ١٥ سنه .
صرت انقش بالأكل بس شفت الشيخ كام وبلبل كامت كمت وراها بسرعه تحت انضار جراح الي ما فاركت عيونه لحضة .
"كمت ويه بلبل للمطبخ "
بلبل: اليوم انتِ عروس بس ثلاث ايام واكرب عليج .
رهف: هاا لا لا عادي انضف وياج هسه .
بلبل: هههههه اتقشمر وياج انه حتى عمتي الشيخه تنعع ضلوعي .
رهف : ابتسمت مجامله واني ما عندي اي فكرة عن تنضيف البيت ولا الطبخ جانت ماما كله هيه تطبخ وتنضف .
رهف: انتِ كم طفل عندج؟
بلبل: واحد خيه .
رهف: ربي يحفضة الكم .
بلبل: مشكورة حبيبه .
رهف: هوه بكدري اني عمري ١٥ سنه ؟
بلبل: ههههه لا عمره ١٦ سنه .
رهف: صدوك ما شاء الله .
"سكتت واني هم سكتت خلصت شغل واني صافنه بحياتي "
"اجه جراح وحجه"
جراح: لهفه امشي وياي رايدج بجلمه .
رهف: كمت على اعصابي وياه ما طايقه وجودي وياه بنفس المكان وكفت بنص الغرفه الكاعده بيها ، شتريد مني ما كفاك السويته بيه ؟
جراح: لهفه لزمي لسانج انه هسه زلمتج واجبج تحترميني .
رهف: بس اني ما اعتبرك زوجي لأنك اخذتني غصب عن اهلي اكرهك جراح فهمت اكرهك .
لحضه بس واني اشوف جراح تحول موو نفس نضراته الحنينه تحول انسان ثاني بحركه سريعه دفعني على السرير ونام فوكي رفع أيدي فوك راسي وقيدهن بأيد وحده صرت احاول أفلت نفسي منه صرخت بفزع بس جراح جان اسرع مني وخله شفته على شفتي
كاتم صوتي
نزلن دموعي بفزع من الجاي يصير ياي
حاول ينزعني ملابسي واني هناه نهاريت صرت اشهك بقوه وعيوني بدن ينسدن وحدهم وبعدها استسلمت للضلام وصدى صوت جراح بأذني .
بعد فتره كعدت على صوت جراح وهوه يصحي بيه وملابسي ناكعات مي .
جراح: لهفه هاج اكلي شوي حلا .
رهف: وخر ما أريد منك شيء .
جراح: موو بكيفج يله اكلي .
"وكلني غصب عني
نداريت وانطيته ضهري ونمت "
تنهد جراح وطلع من الغرفه .
"بعد مرور اسبوع "
هاي خلص اسبوع واني بدون اهلي
الشيخة والشيخ حيل حبابين وياي وبلبل ملتهيه بمشاكلها ويه راحج زوجها .
اما زوجه جراح إبتهال كل ما شوفني لوحدي
تجي تغلط وتحجي عليه وتروح
جراح قسم الايام بينه يوم ينام يمي ويوم يم إبتهال .
كنت رافضه ان يتقرب مني وعرك على كلشي
كنت كاعده بره البيت على الثيل وصافنه على السماء واني افكر بكل الاحداث الصارت وياي
"قطع شرودي صوت تحمحم "
وجان يطلع راجح
راجح: ها خويه كواج الله .
رهف: هلوو عمو .
راجح: ههههه تره انه موش هل كد جبير بس يله عمو عمو ، شلونج ان شاء الله مرتاحه عدنا كون احد سمعج جلمه ؟
رهف : زينه عمو ، لا الكل حباب محد يحجي وياي .
راجح: هههههه جذبتي بهاي .
رهف: هااا !!
راجح: شوفي رهف اعتبريني اخوج عمج ابوج وسمعي جلامي هناة الفقير ما يعيش سمعي جلامي وطبقي
بحذافيره الي يحجي وياج تجيني وانه لو الشيخ لو للشيخة ، جراح اكسبي لصفج عبنه يعكشج خلي الج سند.رهف: طول ما هوه يحجي اني صافنه عليه حسيت نفسي اخته وهيج ينصح بيه لأول مره اعيش هيج شعور كلش حبيته .
ومن هل كعده صرنه اني وراجح قريبين من بعض
لدرجه يجي يشكي اليه من بلبل واني اشكي اله من جراح واشتياقي لأهلي ..
جراح علاقتي وياه مد وجزر ما أكدر انسه السواه وياي
إلى أن بيوم داخله للمطبخ واشوف شيء خله كلبي يغلي من الغيره .
شفت جراح مخلي إبتهال تحت جناحه ويحجي وياها
احس نفسي عطبت
رجعت لغرفتي واني عقل ماكو برأسي عرفت نفسي من هل لحضة جنت ضايجه من جراح بس ما كرهته
قررت وحسمت الأمر صرت اخطط وافكر
إلى أن صارت الليله ليلتي وجراح راح ينام يمي
وصيت بلبل جيب اليه ملابس نوم لان ما عندي
وخليتها تجيبلي كحل وحمره بس هذن المتوفرات
واكفه بتوتر واني اسمع خطوات مشي جراح باتجاة غرفتي جنت لابسه ثوب ستن احمر فتحت شعري وخليت كحل برز لون عيوني ويه ملامحي الطفوليه والحمره الحمره
فتح الباب وبقه واكف مذهول تقدم اتجاهي
وعيونه ما نزلت من عيوني
"سحبني من خصري نحوه وهوه يكول بصدمه
وحيره "
جراح: لهفتي شغيرج ؟
رهف: رفعت نفسي وحاوطت ركبته بيدي واني اطبع بوسه على خده ، جراح اني أحبك
اعترفت لجراح بحبي لأول مره نخبص احتار شيسوي
سحبني من ركبتي وباسني بشغف .........
تم زواجنه وهسه اني صرت زوجه جراح
ثاني يوم الصبح كعد جراح يضحك ويسولف
كعد يم الشيخة وره شوي نسمع بس الهلاهل طلع جراح رمه طلق ودخل كل الصار واني مدهوشه اجه بلبل تباركلي .
بلبل: بالمبارك خيه منه المال ومنج العيال
رهف: الله يبارك بيج ، عفيه ليش جراح رمه ؟
بلبل: شوفي حبيبه هنا عدنه الي ياخذها رجلها لازم يرمي وجراح امس خذج .
رهف: هااا وين ياخذني ما طلعنه اني وجراح البارحه
بلبل: هههههه نزول عليج خيه قصدي تم زواجكم
رهف: يااا يعني كلهم درو عفيه هسه شلون اباوع بوجهم .
بلبل: جا غير زلمتج شمالج خيه .
ضجت من تصرف جراح احس هل شيء عيب شلون يكول للكل عليه
اباوع على ابتهال فاتت خزرتني وطلعت كعدنه على الريوك حجت الشيخة
الشيخة جمار: هاج بنيتي اكلي كاهي وكيمر عبن انتي اليوم عروس .
"ضحك جراح وكال الها "
جراح: ههههه نذر عليه أن اجتني بت اسميها جمار على اسمج وهاي انتو شاهدين
الشيخة جمار: فدوه غديلك وليدي وتصير مدللتي .
الشيخ عكَاب: وشلون بيه انه جمار وحده وما كادر الها كلبي ونوب جمارتين
ناجح: الله يساعد كلبك بويه على ما بلاك .
الشيخ عكَاب: ههههه هاي عشك صباي ما أرضه واحد يحجي عليها .
راجح: عيل اذا اجتك بت يا جراح تصير لوليدي زعبان .
جراح: اكيد هل شيء إذا الله رزقني ببت اسميها جمار وتنحجز لزعبان وهاي الكعده شاهد.
بعد مرور ثلاث سنوات
نزلت دمعتي واني اشوف هل شهر هم ما حبلت
مر سنه على زواجي من جراح وصار الحجي شوكت تحبلين وشوكت يصير عندج جاهل
إبتهال بكل فرصه تجيها تصيحلي العاجر
دخل جراح للغرفة وشافني ابجي تنهد بقهر
اخذني تحت ذراعه وهوه يكول
جراح: شبيج بنيتي ؟
رهف بنشغه: جر جراحح اني موو ح حا حامل اريد طفل .
جراح: يا حبيبه شسوين بل جاهل يا حبيبتي انتِ بنيتي وطفلتي وروحي وكلبي
رهف: احبك جراحي
جراح: وانه اعشكج ،
يله انه رايح للديوان وانتِ لا ضلين متكدره
طلع جراح واني طلعت وراه عيوني حمر وكلبي يوجعني من دون الايام احس كلبي مقبوض
بابا وماما دايمن على بالي مشتاقه الهم مستحيل بابا يسامحني بهل ثلاث سنوات هواي رحت اله اطلب منه السماح بس جان الرفض جوابه
تكسر كلبي ماما من تبجي بس ما باليد حيله
تنهدت وطلعت اكعد يم الشيخة الي صارت اليه ام
كلش احبها وتحبني
الشيخة جمار:انه قررت اخطب لناجح وخنجر نفس اليوم
بلبل: صدك عمه اكو بالج بنوات
الشيخة جمار: بنوات الشيخ صالح خوش بنوات كلت نروح نمشي عليهن بس نشوف شور الشيخ شنهي
إبتهال: خوب ليش ما تخطبين بنواتنه حلوات ونادرات وأمهات بيوت
باوعت عليه بنضره استهزاء وكملت كلامها
موش مثل بنوات هل وكت كلشي ماكو لا من خلفة ولا ام بيت
الشيخة جمار: اي يا إبتهال بنات العز دومهن مدللات عد اهاليتهن ما معودات على الكراب .
إبتهال كلش ضاجت بس سكتت لان تخاف من الشيخة
شلت بحضني وريد بنت راجح الي عمرها شهر كانت كمر
دعيت ربي يصير عندي طفل مثلها حلووة
بيوم اجاني جراح وجها مغيم وحجى وياي بتوتر
جراح: رهف تعاي كربي ليه
رهف: ها حبيبي صاير شيء؟
جراح: اليوم نروح نشوف هلج ما مشتاكه ليهم
رهف بفرحه: اي اي جراح حباب خلي اروح الهم .
جراح: يله لجن كومي نروح ليهم .
رهف: هسه نروح؟
جراح : اي هسه ، يله بويه .
كمت على السريع واني فرحانه وكلي امل يقبل بابا يسامحني
طول الطريق جنت اسولف لجراح شلون هل مره راح اخلي بابا يسامحني وشنو راح اسوي وشنو راح احجي
جان يستمعلي هادء بس يباوع عليه بنضرات قهر وحسره هيج قريت بعيونهبعد ساعات وصلت للبيت واني اشوفه مو بيت لا عباره عن غيمه سوده باوعت على جراح واني اشوفه نزل راسه باسى
رهف: ااا جر جراحح شش شنوو ججااي يي يصير باباءء ماما وين
جراح: رهف بويه انتِ قويه والصار قضاء الله وقدره
رهف: جراحح بابا وماما ويننننن ؟
"نزل راسه وكال "
جراح: ما كدرو ينقذوهم احترك البيت بيهم.
نزلت بدون كلام بسرعه باتجاه البيت واني اصرخ شفت عموو سامي كدامي كاعد كبال البيت ويصرخ ويلطم على رأسه
صرخت بفزع واني اكله
رهف: عمووووو بابااااا وينننن؟
العم سامي: ولججج رهففف راححح ابوججج ولججج راح وهوه مشتاق الججج راحو خيمتج
رهف: لالا بااااابااااا لااااااا ماا يعوفنيييي بابااااا
كمت اركض اريد ادخل للبيت بس ما خلاني جراح صرت ابجي واصرخ اريد اهلي يا ناس اريد اهلي
الكل جان يبجي على حالي
خلصن ايام العزاء واني منهاره
بعدها اكتشفت ان البيت محترك بأهلي وانفجرت القنينه وهمه نايمين
البيت صار عباره عن هيكل ايام بطيئه تمشي
كارها بيها الكل اعتكفت عن نفسي .
مرت فتره وجراح صار دومه عصبي ويتعارك وياي حسيت اكو شيء غريب
بس سكتت وبيوم كاعدين كلنه العصر وحجى راجح
راجح: لهفه ما جيبيلي استكان جاي راسي يوجعني
رهف: ليش شبيك
جنت اعتبر راجح اخوي وكلش اخاف عليه واهتم بيه
واني عندي علاقه كلش حلوه ويه الكل يعتبروني اختهم ويهتمون بيه بس راجح اني بير أسراره كان دائمن يشكي من بلبل الي تروح زعلانه عد أهلها لو تتعارك وياه بس هوه يموت عليها
راجح: ما عرف والله شو كعدت كلش يوجعني .
رهف: تدلل هسه اصب جاي .
كمت اصب جاي واني غافله عن نضرات الحقد والكره
ونضرات ثانيه غضب وشك
اليوم الكل رايح لفصل بغير محافظة بس احنى النسوان بالبيت كمت ارتب غرفتي وافكر بجراح وتغيره المفاجأ عليه نفتح الباب بقوه ودخل جراح والشرار الي بعيونه مرعب
ذبيت الملابس من ايدي واني اتقدم اتجاها واني اشوفه يقفل الباب
رهف: جراح بيك شيء؟
تقدم باتجاهي وبسرعه بدون ما استوعب اي شيء
ضربني جراح كف على اثره وكعت بالگاع واذاني ما اسمع بيها بس صافوره وشفايف جراح يتحركن بدون صوت احس نفسي دايخه ما فاهمه اي شيء
تقدم جراح وصار يركع راسي بالگاع صرت احاول ابعد عنه يس لا حياة لمن تنادي
عيون تشوف بس ما اسمع
تقدم وبدون رحمه ضل يضرب بيه بالحزام بطريقه وحشيه ما كدرت ارفع ايد وادافع عن نفسي
وبعدها ضربني بوكس على خشمي وهاي جانت الضربة القاضيه بالنسبه اليه فقدت الوعي وما دريت شصار بعد
حلمت اني كاعدت بحفره والحيايه من كل جانب محاوطاتني
اسمع صوت بابا وماما رفعت راسي لكيتهم يباوعون عليه ويبجون دم مو دموع الدم نازل من عيونهم على شكل دموع صرت أصرخ
رهف: بابا طلعنيييي منااا حباب بابا اريدكم
ابو رهف: باباتي صيري قويه على مودها
رهف: بابا حباب طلعني اخاف الحيايه يعضني
ابو رهف: حبيبتي رهفتي هاي الورده زرعيها يمج هيه راح تنور ضلامج
رهف: بس بابا اني خايفه ، ماما اخذيني وياج حبابه
ليش عفتوني ورحتو
صارت أصوات بابا وماما تبتعد عني باوعت على الورده الي انطاها اليه بابا زرعتها واني اشوف الحيايه تبتعد وايد تنمد وطلعني من هل حفره وشال الورده هم وياه
فزيت على مي ضاي ينصب على وجهي اباوع على جراح وجها ضلام ما بي أي رحمه
حجيت بوجع
رهف: جر رااج ل ليي ليش شو ويت هيج
جراح: من شوكت عندج علاقه براجح
رهف بصدمه: ششنوو ءاا جراحح ر راجح مثل اخوي
جراح بدون اي رحمه دفرني برجله بصدري حسيت النفس نقطع عني صرت اشهك اريد نفس ماكو
جراح بصياح: ولججججج ليششششش خنتيييني ولججج انييي الهدمتتتت بيتي عللللى مودجج ولججج عفت الدنيه كلهه وختاريتجج تخونيني ويه عضيدي ولججج اخوووي يااا كح اخويييي ما لكيتيييي غيره ولجججج اليووم اموتكم اليووووم اشرب من دمكم انتي وهذاك الكو* ولكم سفله
صار يضرب بيه بدون اي رحمه وتركني وطلع بعد ما قفل عليه الغرفه واني رجعت استسلمت للضلام .......
راجح....
راجعين من الفصل بعد ونشوف واحد من زلامنه واكف بنص الطريق خفنه صاير شيء وكفنه السياره
الشيخ عكَاب: شنهي شموكفك هني يا سرداب
سرداب: يا شيخ رايد الشيخ راجح بجلمه
الشيخ عكَاب: صاير شيء ؟
سرداب:لا شيخ
نزلت من السياره اشوف شنهي سالفه سرداب
راجح: شنهي الشيء اليخليك ناطرني بنص الطريج
سرداب : الشيخة جمار طرشتني اكلك لا ترد للديره جراح مسودن ناطرك
راجح: شنهي شبي جراح
نزل راسه وهوه يحجي
سرداب : جراح يضن انتَ وحرمته على علاقه وحابس حرمته ويدور عليك
راجح: شنهيييي انتَ شجاي تكول ؟
سرداب: الشيخة تكول لا ترد لحد ما تنحل السالفه جراح هادر دمك وين ما يكضك يكتلك
راجح: مووش انه الانهزم رايح اشوفه حتى لو كتلتي تصير على ايده قابل
مشيت مسافه وكفني كلام سرداب الربط اديه
سرداب: الشيخة تكول ان كسر جلامي اغضب عليه ليوم الدينوكفت محتار واني اشوف ابوي واكف يعاين عليه من بعيد ، تقدمت عليه وانه اكله
راجح: يابه توكل انه راد لوحدي
الشيخ عكَاب: شنهي شصاير وشيريد سرداب منك
راجح: يابه عنده شغيله يريدني احلها اله
راح ابوي وانه صرت مثل بلاع الموس لا انه مواجه جراح ولا انه الكادر اهيد
مرن يومين وسرداب يجيبلي الاخبار موش طيبه
سرداب: جراح يدور عليك يريد يتجلك وحرمته حابسه بغرفتها وو....
راجح: وو شنهي يا سرداب
سرداب: سمعت من وحده الي تشتغل هناك تكول شراح يريد يكتل حرمته حلال .
"كمت من مكاني واني مصدوم من الجاي اسمعه "
راجح: شنهيي ، ما لازم يصير هل شيء ، انه لازم اخذ رهف وننهزم قبل لا تنجتل بذنب مو ذنبها
صرت اخطط اخذ حرمتي وجهالي ورهف وننهزم من الديره كلهه .
بليل كلش دشيت للبيت بسكوت حاولت افتح باب حجره رهف طلعت مقفوله طلعت وره البيت وعاينت من شباك حجرتها وانه أشوفها مدده على الكاع وتنزف من كل صوب دكيت عليها الشباك واني انده عليها بصوت خافت .
راجح: رهف رهف سمعيني .
"رفعت رأسها بتعب ونشخت من شافتني"
رهف: راجح راح اموت .
راجح: رهف عينيني بداعه اهلج خلي ننهزم منا .
رهف: شسوي مقفول الباب ؟
راجح: فتحي الشباك وحاولي طلعين منه .
"كامت رهف بتعب وهيه تحاول تطلع من الشباك "
رهف: راجح ما أكدر .
راجح: يله رهف حاولي بعد اخوج .
بعد صعوبه طلعت رهف من الحجره ومشينه بحذر
وكفت وانه اكول الها.
راجح: رهف انه راجع اخذ عايلتي ما أكدر اعوفهم واروح .
رهف: راجح اذا السالفه خطر على حياتك الله يخليك اتركني .
راجح: خايبه غير أخيتي انتِ وانه مستحيل اطلع من هني بدونج يله كعدي هنه بدون صوت لحد ما اجيب عايلتي وارد .
رديت مره ثانيه للبيت بخلسه
صعدت لحجرتي شفت عشك صباي نايمه وبحضنها وريد ومن الجها الثانيه نايم زعبان
راجح: بلبل بلبل
فزت وباوعت عليه بدهشه
بلبل : راجح ، شجابك هني وشلون دشيت داخل البيت؟
راجح : موش وكت الجلام هسه بعدين افهمج على كلشي الاريده منج تجين وياي .
بلبل : وين وياك ، وبعدين صدك انتَ عندك علاقه ويه رهف ، شلون تخون اخوك وتخوني ؟
راجح: ولجج بسج عاد شنهي هذا كلامج ، هاي وانتِ تعرفيني عدل وشكيتي بيه شخليتي للوادم الغربه.
بلبل: راجح تره اكو شهود انتَ وهذيج على علاقه
راجح: شهود ، ومنو الشهود ؟
بلبل: إبتهال
راجح : وانتم شلون صدكون بابتهال ما تعرفون هيه تكره رهف
بلبل: إبتهال حلفت على كلام الله والكل صدكها
راجح: شنهي ولج هذا كله تلفيق ولج مؤامرة هاي ، انه جاي اخذج وياي يله زهبي نفسج بسرعه.
بلبل: انه مستحيل اروح وياك لأي مجان وانه حاجيت عمي وطلبت طلاك منك
راجح: شنهي انتِ شجاي تحجين ولج هذا تلفيق يل خبله .
بلبل: جراح انه من اول ما رايدك وانتَ زوجتني غصب
وهسه اريد الطلاك مستحيل اضل وياك بعد الشهيره السويتوها
راجح : وانه ما طلكج .
بلبل: راجح اني اكرهك افهم اكرهك .
راجح : لجن فروخي يرحون وياي وانتَ اطلكج .
بلبل: مستحيل استغني عن فروخي فاهم .
"تقدمت باتجاه وريد وانه اشيلها وجاي اكعد زعبان وصرخت بلبل"
بلبل: لحكوليي راجح رجع يا أهل البيت راجح رجع
بقيت واكف بذهول دفعتها بساع وأخذت بتي ونهزمت
صار صوت رمي وراي وصريخ النسوان وصوت جراح يصيح
جراح: اوكفوو اليوووم موتكم على ايدي.
دخلنه بنص البساتين نركض حد ما تيهناهم
صرنه نمشي بتعب لين طر الفجر
راجح: رهف انه رايح اشوف الوضع وارد
رهف......
راح راجح واني دمعتي ما نشفت معقول جراح هيج يتهمني مستحيل انسى بشاعه الموقف
شوي ورجع راجح بسرعه يركض وهوه يكول
راجح: امشي رهف راح يكتلون ، يله لا توكفين راح يكتلونه
صرنه نركض بسرعه وصياح جراح والرمي يخوف
وريد ضلت تبجي واني ابجي وياها حجيت ويه راحج بتعب
رهف : راجح ما أكدر بعد امشي الله يخليك شصاير راح نموت جراح لكانه
راجح : اذا ما نمشي راح يوصل النه ، يله رهف وصلنه يله وصلنه راح نتيهم
"بقينه نركض وهمه ورانه يرمون
صرنه بنص البستان وضيعناهم واحنه بدون اكل نهار كامل "
رهف:هسه شلون كولي شنسوي اذا لكونه ننكتل اني وياك
راجح :ما ادري شسوي، لازم نهرب قبل لا يطر الفجر
رهف : وهاي الطفله البيدي تريد حليب شلون بيها ؟
راجح : ما اعرف شكلج نتوكل على الله بس يطر الفجر
نمشي هسه ضلمه لا يطلعلنه شي .
"بقينه كاعدين بمكانه إلى أن كشف الجو وصارت خيوط الشمس تبين "
راجح : اسمعيني زين هسه نمشي ونطلع من الديره كلهه عبن دمنه نهدر
"كمنه نمشي واني ما وكفت بجي احس وجهي
من الدمع يحركني بسبب الضرب البوجهي معقول العفت اهلي على موده هيج يغدر بيه "
_حدكم هين وارفعو ايدكم واليتحرك ما خسر غير جيله وحدة براسه .
خوف يكتم الأنفاس واكفين والسلاح موجه عليه
رفع راسه النه وكال
خنجر: شنهي الاسوي هسه انتَ اخوي وهوه اخوي.
راجح: سوي التشوفه صح اذا شاك انه خاين اخوي اجتلني بمجاني موش انه الاخون عضيدي واخوي .خنجر : يله يا خوي توكل بالله لا ترد للديره اله وانت جايب دليل برأتكم .
"تقدم راجح وحضنه "
راجح: ما راح انسه السويته وياي يا خويه ثق بالله موش انه الاخون
درنه وجهنا نريد نروح بغير اتجاه درت وجهي عليه وكتله
رهف: شكرا خنجر يا احن اخ صرت اليه ، من تضهر برأتي بس كول لجراح جنت اشوفك أهل بس انت غدرتني احبك لآخر يوم بعمري يا وجع كلبي .
كملنه طريقنه وصعدنه لبغداد ما جنه نعرف وين نروح
بعد مده وصلنه للمحافظة الي طلعت منها غصب وهسه راجعه اله غصب طلعت واني دموعي على خدي ورجعت ودموعي اكثر
بعد اسبوع من وجودنا بغداد رحت لبيت عمو سامي الوحيد الباقي اليه من ريحه اهلي بعد ما كعدنه بغرفه إيجار والوضع المادي جان كلش تعبان
بده يشتغل راجح حمال يا عماله اي شيء في سبيل يوفر النه شيء ناكله
طول الطريق واني خايفه ومتردده خاف ما يستقبلنه
وكفت السياره كبال بيتهم وكفت واني متوتره
دكيت الباب وطلع عمو شافني ونصدم نزلت دموعي وهوه يحضني ويكول .
العم سامي: اخخخخ يااا ريحه الغلي.
رهف: عموووو .
العم سامي: تعاي بابا دخلي تفضل بابا .
دخلنه اني وراجح جانت علامات الاستغراب ضاهره على وجها
رهف : عموو أريدك ساعدني
العم سامي : بابا شجاي يصير زوجج اجه يهدد عباله انتي عندي .
رهف ببجي: عموو اني مضلومه .
العم سامي: تربيه عمار مستحيل تكون عوجه شصاير وياج بابا سولفولي اريد افهم .
"صرنه نسرد اله الصار ويانه كله "
رفع راسه وهوه يكول
العم سامي: تبقون يمي بعد ما اعوفكم .
راجح: مشكور عمي ما تكصر بس جراح يندل مجانكم ما نريد نسبب الكم مشاكل .
العم سامي: لا مشاكل ولاشيء بابا رهف بنت الغالي واحنه مديونين الك لان نقذت حياتها .
بقه عمي يقنع براجح إلى أن وافق قرر عمو راجع ينتقل لبيت غير هذا حتى نجي نعيش يمهم وما يندل المكان جراح
بعد مرور شهرين
بهاي الشهرين كلشي أختلف بحياتي انتقلنا نعيش ببيت عمو سامي بس راجح جان يطلع من الصبح لليل حتى ما يضايق بيت عموو
تعبت كلش والقهر استنزف طاقتي
بيوم كاعده على الغداء ولعبت نفسي من الاكل جان.شيخ محشي واني احبه كلش بينت علامات الاستغراب على الموجودين وبقو يسئلون بيه واقترحو ياخذوني للدكتور بس رفضت رفض قاطع وكلت الهم معدتي متاذيه ما أكدر اكل بسبب الحاله النفسيه الكل سكت واقتنع بالكلام ، وبعدها سأت حالتي
صرت طريحه الفراش
ام حذيفه: امشي اخذج للدكتوره حالتج ما ينسكت عنها
رهف: عمه ما بيه شيء والله
ام حذيفه: امشي ولج يله حضري نفسج يله لا تعبيني
العصر رحنه للدكتوره وحجت كلام مستحيل اصدكه
ام حذيفه: مرحبا دكتورة
الدكتورة: هلا تفضلي شنو الحالة
ام حذيفه : هاي بنتي تتخربط علينه وبس تتقيء
الدكتورة: تمام هيه مزوجه
ام حذيفه : اي مزوجه
الدكتورة : تفضلي هذن التحاليل سويهن ورجعي
طلعنه سوينها التحاليل ورجعنه وجان انصدم صدمه عمري حلمي تحقق وأخيرا
الدكتورة: هذا سبب التقيء مبروك ماما انتِ حامل
نزلت دموعي بقهر واني اتخيل جراح اذا يعرف شيسوي وشنو رد فعله بس رجعت لواقعي وان جراح يعتبرني خاينه
طول الطريق دمعتي ما نشفت فرح على خوف
خبرنه الكل وكانت رد فعل راجح قهرتني من نزلت دمعته بقهر
راجح كان كلش انعزالي وخاصه بعد ما رفضت تروح وياه بلبل دائمن جان يذكر ابنه زعبان ويباوع على وريد بقهر
وريد كانت كله يم نيفين هيه اهتمت بيها وكلش تحبها
اليوم اني واكفه كبال المراية صافنه على بطني
والايام الجاي اعيشها معقول مرت تسع أشهر بدون جراح
زين وطفل معقول ما يشوف ابوه
طلعت بره واني اباوع على الكل كأني جاي اودعهم ما اعرف ليش شيء بداخلي يكلي هاي اخر ايامج وياهم
اباوع على راجح ونيفين الي زوجو قبل أربع أشهر
بسبب وريد لان تعلقت بيها هواي وشلون تباوع على راجح بنضرات حب وتقابلها نضرات راجح الكلها امتنان
بليل كلش حسيت بوجع ذبحني بعد ما كدرت ابقى بمكاني صرت اصرخ بوجع اريد بس اخلص من الوجع
دخلو عليه واخذوني للمستشفى عرفت راح اجيب
وبعد عذاب وتعب نورت حياتي جمار بنتي
١٩٩٣ /٢٥/٥
وره يوم طلعوني من المستشفى بعد ما طمنو على حالتي
اباوع على راجح الشايل جمار بحضنه ويباوع عليها بلهفه وفرح
كاعدين كلنه وعمه ام حذيفة جاي سبح بجمار بعد ما صار اسبوع من جبت
كانت كلش حلوه حمره وبيضه الشفايف كرز والعيون صفر الواحد من يباوع عليها يصفن
نيفين.....
دخلت لرهف واني اسمع جمار تبجي
دخلت واني احجي على رهف
نيفين: موو كتلج ما تكدرين لجمار بعدج تعبانه ليش ما سمعين الكلام
يله كومي على كيفج رضعي البنيه ماتت بجي
اباوع على رهف حاضنه جمار وجها اصفر
رجف كلبي واني اباوع عليها بدون حركت
قدمت ايدي بتردد واني اتحسس تنفسه
بدل ماتدور وتبحث علي الروايات خليها علي تليفونك وحمل تطبيقنا
