رواية فصيله لاخو حبيبي الفصل السابع 7 بقلم ارسلان الجاف
داده شونكم اخباركم كل عام ونتو بخير يارب تحقيق الاماني الما متزوجه تزوج وتعس حيات واحد والمتزوجه متعسه حيات واحد بس ان شاء الله تروح حج لا تنسون تفاعل لايك وكومنت حبايب كلبي❤️
(لا يقتنعون انك تتألم حتى
فهد :كيان لا تدخل هالشي يخصني هي فصليتي اسوي الي اريده بيها
كيان:انته صرت ظالم حرام عليك...وطلع من يمه ...
فهد التفت وباوعله يطلع وماهتم وصعد لغرفته...
سهر كاعدة على نار من شافته دخل الغرفة كامت...
سهر بقهر:جان ماجيت..جنت عند الفصلية مو
فهد بهدوء:سهر اذا تردين ورقتج ظلي نقي على راسي اكثر
سهر:انته شبيك عليه صارلك سنة تهددني بالطلاك ليش شسويتلك اني
فهد:لأن مليت منج وشما اسويلج ماتصيرين آدمية..وخري عن طريقي.. وعافها وراح بدل ملابسه وشمر نفسه على الجورباية...
سهر:انته تكرهني لأنك تريد طفل واني رافضة هسة
فهد:انعل ابوج لابو الي يريد طفل منج...تأفف...استغفر الله الله يرحمك يبه..امشي روحي من يمي لأن مو ناقصج ابد..طلعي بره روحي بغرفة بناتج
سهر بعصبية:هسة صرت ماتريدني وانته موتت نفسك عليه قبل لا تاخذني
فهد كام الها:منو موت نفسه عليج ها..نسيتي..منو ظلت تتوسل وتنق براسي حتى ازوجها
سهر بقهر:اي جنت عمية يوم حبيتك وهسة تندمت
فهد:هذا الباب يوسع فريق جمال..تردين تمشين الله وياج..والبنات تحلمين تشوفينهم بعد
سهر ظلت تبجي:فهد ليش هيج تسوي وياي مو جنت تحبني شصارلك تغيرت
فهد:سهر روحي يم بناتج هسة وباجر نتفاهم..وراح نام عالجورباية وتغطه ودار وجهه...
سهر طلعت بقهر حتى ماطفت الضوى ونزلت تريد تروح لملاك شافت الباب مقفول عصبت وراحت ميته قهر لغرفة بناتها وهي تاكل بروحها لو بيدها هسة تموت ملاك....
فهد تزوج بعمر ال23سنة وحباها وحبته بس هو لبسها حجاب مجانت محجبة وهي تتحجب بس كدامه من يطلع عادي عدها يهو ماشاف شعرها... من اول ماتزوجو صار عدهم نور وبعد 3سنوات صارت فاطمة..واخر شي زينب وعمرها سنتين وفهد صارله سنة اكثر من مرة كال لسهر اريد طفل بس ماتقبل تكول مو وقته كافي 3 وهو هم جزعت روحه منها مشكلجية ودوم تتعارك ويه خواته من يجن وتضوج من جهالهم وهو كلشي ولا خوانه..وهم شما يحجي حجابها مو عدل ويدري بيها من يطلع ماتتحجب عدل بس كدامه..وهو انسان محافظ مايريد احد يشوف مرته..وهاي صارلهم سنة مشاكل وجزعت روحه بس يهددها لعلها تتعدل ودوم يكلها اذا ماتتغيرين اطلكج.....
فهد حاول ينام ماكدر اجت بباله ملاك ويكول خاف صدك ماتت مو وقته تموت..وكام بسرعة واخذ المفتاح وراح الها دخل ماهيه عرف مابيها شي ودخلت الحمام..كعد عالكرسي الي جابه مساع ينتظرها تطلع...وبقه عشر دقايق ينتظر وماطلعت راد يكوم سمع صوت باب الحمام...
ملاك تمشي بصعوبة من رجلها وبس شافته جفلت من الخوف وبقت واكفة مكانها وحطت ايديها تغطي نفسها بس ايديها ماتستر شي...
فهد بهدوء:تعالي
..باوع لجسمها تقريبا مابيه مكان صاحي من أثر الضرب وهي بس بملابس الداخليه...
ملاك ماراحت وبقت واكفة..خوف وخجل وهي بهل الملابس...
فهد:تجنبي اذيتج وتعالي
ملاك مابيها حيل بعد يضربها ومشت بصعوبة وبخوف...وصار مسافة بينهم...
فهد بأستهزاء: شنو رجلج متأذة ..وسحبها اله وصار وجها بوجهه..ها يافصلية راح تصيرين مطيعة لو تردين تاخذيلج جم حزام
ملاك ساكته وعيونها تلمع بدموع وتباوع لوجهه بكره وبغض بالرغم من وسامته بس ماتحس بذرة مشاعر لناحية هالرجال ابدا ولا تعتبره زوجها كلش...هو كاعد عالكرسي وهي واكفة بصفه...
فهد شافها هادئة كال اكيد راح تصير مطيعة مستحيل تتحمل ألم الضرب بعد...قرب وجهه واتجه لشفايفها وباسها بقوة...وهي تدفعه وتقاوم وهو لازمها قوي...ملاك شفايفها توجعها كلها جروح وهو يبوسها بقوة...مد ايده يفتح حمالات الصدر...وهي دفعت ايده وخرت عنه..كام الها وضربها كفين وشلع وجها بهل الكفين وهي اصلا وجها يوجعها من كثر الكفوف لذلك صار الم الكف مضاعف...وماعدها غير الدموع...
فهد دفعها عالسرير:خليج مطيعة لا والخلقج اعذبج قطرة قطرة لمن تموتين ببطئ
ملاك برفض:لاااااا والف لااااا..ماريدك
فهد:والله جنيتي على نفسج بهل الكلمة..لزمها قوي ونزعها كل الباقي عليها...ويألمها بكل لمسة...وهي تقاوم وتبجي بحركة..وتتوسل بيه يعوفها..كامت تخرمش بصدره ومافاد لزمت لحيته وتخرمشه حيل وشرمخت رقبته...هنا فار دمه وحط ايديه برقبتها وخنكها وهي تدفعه وصارت زركه..وخر ايديه عنها..
فهد بغضب:ماريدج تموتين هسة اريد اعذبج وندمج على رفضي...وخر عنها مايريد يفرض رجولته على بنية ماتريده وترفضه...بس بعده غاضب....كعد عالكرسي ...وهي تسعل وتشهك...
لملمت نفسها وتريد تغطي نفسها بالجرجف...
فهد بغضب: لا تتغطين ابقي هيج..وهذا عقاب صغير الج
ملاك عيونها تمطر دموع وحضنت رجليها:الله ينتقم منك..اكرهك
فهد:على الاساس اموت عليج..انتي مجرد فصلية وخادمة عندي
ملاك بكره وحقد:اكرهك اكرهك انته وحش مو بشر
فهد:هو هذا المطلوب اريدج تكرهيني اكثر
ملاك:ابغغغغغضك
فهد: اي واخيرا سمعت صوتج طلعي الي بكلبج بعد وبعد
ملاك ماتريد تستفزه مابيها حيل:اتركني بحالي
فهد كام:اوك راح اتركج مؤقتا..لأن باجر وراي اشغال ومو فارغ الج..لا تظنين سكتلج عن توه..وراح يجيج العقاب..راح رفع علاكة واخذ من الملابس الي بالعلاكات وشمرهن عليها...ستري نفسج يافصلية...وطلع بهدوء وماقفل الباب...ملاك كامت لبستهن بصعوبة لبست الملابس وكامت راحت غسلت وجها وغسلت شفايفها بعنف من اثر بوسته...وطلعت ورجعت بصعوبة للسرير وكعدت تبجي وتحاجي نفسها..
ملاك بدموع:بابا تعال اخذني من هنا ماكدر اتحمل...
هي مساع لبست دشداشة فهد وصلت بيها ونزعتها لأن تخاف يجي يشوفها عليها..بقت تبجي للفجر وغفت وهي عيونها مورمة من البجي وجها كله اثار الضرب وشفتها صايرة بنفسجية من اثر الجروح البيها...
الصبح فهد كعد وبدل ملابسه ونزل...كلهم كاعدين على الطاولة حتى بناته بس كيان ماكو...
نور كامت لأبوها:صباح الخير بابا حبيبي
فهد باس خدها:صباح الخير..وصبح عالكل...سهر شايلة خشمها وماتحاجيه...
فهد:وين كيان
امه:نايم لهسة
فهد:اها..يمه تردين شي اني طالع
امه:سلامتك..ماتاكل...هي تدري الصبح ماياكل مايشتهي...
فهد:لا بالعافية..فاتن روحي للفصلية وديلها اكل لو جيبيها هنا..وطلع وراح يريد يطلع عنده شغل مهم...
فاتن كامت بسرعة وراحت الها...دخلت وملاك جانت نايمة وكامت مفزوعة...
فاتن راحت الها:اسم الله عليج شبيج
ملاك جانت عبالها فهد:انتي منو
فاتن:اني اخت فهد واسمي فاتن امس ماتعرفنه ماصارت فرصة
ملاك جسمها كله يوجعها:اهلا فاتن..اعتقد تعرفين منو اني..فصلية اخوج الشيخ
فاتن:اي امس كالتلي امينة اسمج وهي جابتلج ملابس
ملاك:اي ماشكرتها وينها...
لمتابعة باقي الرواية زوروا قناتنا على التليجرام من هنا
