رواية جحيم اهلي الفصل السابع 7 بقلم جمانه السعيدي
نمت بليلته كلش تعبانه من الركض والخوف الصبح كال
حجزتلج كومي اخذج للدكتور
بدلت وطلعت اني واخته ومرينا على عمي اجه ويانه
مشت السياره بينا اكثر من ساعه يله وصلنا
مثل الجامع وشكد ناس منتضره
اني ما فتهت السالفه شني
كعدنا ننتضر لمن هواي وبعدين صاحوووو اسمي
دخلت
شنو هذا هذا مو دكتور
شيخ يقرا على الناس
كال اصعدي على السديه
صعدت تمددت وغطيت جسمي
بدا يقرا عليه ايات قرآنيه
حسيت نفسي اريد اتقئ اشرت الحماتي جابتلي سطل
وبديت استفرغ بي
بعدين كال هاي زوجتك معمولله عمل
انطاني علاج اعشاب مقري علي
رجعت الطريق كله تعبانه وكلساع اوكف السياره واتقئ
لمن وصلنا للبيت حسيت نفسي حيل تعبانه
دخلت الغرفتي ونمت
جمانه السعيدي
وراها بيومين تعاركنا وكمت اغلط واصيح
اكرهك تفهم يعني اكرهك طلكني ما اريدك
يا ربي ماعندك احساس
...ولله لوما مريضه جان عرفت شلون ارد عليج عافني وطلع
وراها بيومين عمي عزمنا للعشه
رحنا البيت عمي تعشينا وكملنا بعدين عمي كام يحجي عليه
زوجج يحبج ويريد خاطرج انتي شني زغيره
شو جبيره وتفتهمين
ترا اهلج ميفيدونج
زوجج يفيدج داري وديري بالج علي
اني ساكته وابد ما حجيت
دخلو للصاله عمي ورجلي يحجون
واني اسحبت على كيف وطلعت من الباب ورحت ركض الاهلي
وصلت وكلبت الدنيا بلصياح ما اريد تفتهمون
بعد ما ارجعله واذا اجبروني ارجعله اكتل نفسي
امي كالت اكعدي بعد ماترجعين
البيت انخبص خبص
خابرو علي اجه هو وعمي
امي كالتله طلكه ماتريدك شني قابل تعيش وياك بلغصب
بعد ماترجعلك طلكه وفضه
كاللهم ما اطلكه اله اسمع منها هي
تجي هنا كبالي وتكول طلكني ما اريدك
طلعت وكفت كباله وكتله طلكني بعد ما ارجع وياك
ضل صافن ومامصدك عيونه يلمعن ومتفاجى
اطلكج بس روحي جيبي الذهب مال عرسج
رحت جبت الذهب وحتى الحلقه نزعته ونطيتهن اله
كال انتي طالك
من طلع كمت ابجي من الفرح ابد مامصدكه
طلكني وخلصت منه مومعقوله
جمانه السعيدي
زواجي دام ٣ اشهر بس ولله عبالك دهر
عشت بيهن اسوء ايام عمري
حالتي الصحيه تعبانه امي كالت اخذج دكتور نفسي
لان حالتج ماينسكت عليه ابد
وفعلا رحت دكتور نفسي
كاللهم اريد احجي وياها لوحدنا
طلعت امي واخوي برا
كال اصعدي على السديه واحجي اي شي يخطر ابالج
صعدت وبديت اسولفله كلشي صار وياي
اسولف وتذكرت كلشي صار وياي
كمت ابجي وارجف
لزمني الدكتور من ايدي لان حيل ترجف
وكال خلاص لاتخافين كلشي انتهى
انتي عندج انهيار عصبي حاد
بس سببه موبس رجلج اهلج السبب الاول
ورجلج كمل المهمه
انطاني علاج وحددلي جلسه ثانيه
العلاج كلش قوي جان يسببلي هلوسه
يعني مره ابدل بلحمام وقافله الباب عليه
شفت اخوي يباوع عليه اجيت اضربه
لكيته ماكوووووو
اتاكدت هذا وهم مو حقيقه
نمت لان حسيت نفسي دايخه من العلاج
كعدت لكيتهم كلهم كاعدين يمي
طفرت من مكاني وكلت ها شكو
امي شكو صارلج ٣ ايام نايمه وكلما نكعدج ماتكعدين
الحمد لله على سلامتج
شنو ٣ايام نايمه احس ضهري يوجعني وكوه اتحرك
خلال هاي الفتره كامو يعاملوني احسن معامله
لان مريضه خافو لايصير عليه شي
لكن لمن صرت زينه وتحسن حالي
رجعت ريمه العادته القديمه
اخواني يصيحولي الخبله
وامي تكعدني وتكومني المن رديتي عليه ما عولت ازوجج واخلص منج
ولاتلبسين هذا ولاتوكفين بلباب
ولاتطلعين ولاتطبين
كلمه والثانيه انتي مطلكه
ورجعت اخدم بلبيت ليل نهار
والاتعس رجعو اخواني يتحرشون بيه
الضاهر التعاسه مكتوبه عليه للابد
وجحيم اهلي مايخلص
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
