رواية كشف المستور الفصل السابع 7 بقلم جمانه السعيدي
بقا كاعد يسولف ويا بابا بس عيونه اكلتني اكل اني كلش اضايقت خليت وطلعت اريد اتغدا جوعانه وهو مجلب بلسوالف مايسكت
شويه وطلع واجاني بابا
هبه بابا نتغدا
ابو هبه...اي بابا خل نتغدا ثامر ماقبل يبقى للغدا
هبه...منو ثامر
ابوهبه بابا راح اشرحلج كلش بس اصبري خل اخلص يله
تحجين
هبه اوكي
ابو هبه بابا هذا رجال متمكن واموره الماديه كلش زينه وفاهم الحياة ويدور على زوجه
ايريد يزوج ويطلع للخارج لان هو اصلا عايش بلسويد وعندا شركه هناك ويريد اله عراقيه
واهل الخير موصفينج اله وهو اجا يشوفج وحيل عجبتي
ومنتضر ردج ويجي يتقدملج
جمانه السعيدي
هبه....بابا شكاعد تحجي هذا اكبر مني بعشرين سنه بعدين اني ما اريد ازوج واعيد غلطتي مره ثانيه
ابو هبه بابا فكري زين اني ما دايم الج وهاي فرصه ماتتعوض بعدين اهنا اذا ازوجتي الناس راح اتضل تاخذ حجي وجيب وناسنا ماترحم ابد
هنا الناس اضل تسئل على سابع ضهر
وحتى اذا لكيتي زوج مناسب باول مشكله بينكم راح يعيرج وينتقص منج
هبه...بابا ما اريد ازوج
ابو هبه....فكري زين الحياة بلخارج تختلف ناس مادور ورا ناس كلمن عايش حياته بكيفه
والرجال مايكدر ياذي المره راسا تشتكي علي ويخلو بلسجن
وراح اشرط علي تكملين دراستج
اصلا هو متمكن ومراح يعارض دراستج
هبه...ولله يابابا كرهت الزواج كله
ابو هبه اني مامتعاجز من عيشتج واني عايش على حسج بلدنيا بس من اخلي راسي على المخده بليل
اخاف مايصبح عليه الصبح
وهنا مجتمعنا مايرحم وين تبقين ومنو يهتم بيج ونتي بعدج زغير والف واحد يطمع بيج
فكري ورجعيلي خبر
جمانه السعيدي
الصراحه كلام بابا حيل خوفني وحسيت نفسي حمل ثكيل علي شنو ذنبه يبقى متحمل مسوليتي
رغم اني ابد ما ارتاحيت الثامر وحسيت اكو شي مو تمام بلموضوع
فات اربع ايام واني ساكته وبابا ساكت
كعدت الصبح وحضرت نفسي للدوام وطلعت حضرت الريوك بس بابا ماكعد مو من عوايده رحت
بابا بابا صباح الخير
ابو هبه....صباح الخير
هبه...اليوم ماكعدت مو من عوايدك
ابو هبه....احس روحي تعبان شويه
هبه....سلامتك اخذك للمستشفى
ابو هبه لامايحتاج شويه واصير احسن
كعدنا نتريك واني اخذني احساسي بلذنب اتجاه بابا
حسيت نفسي محملته مسوليه صعبه
هبه بابا
ابو هبه...ها حبيبتي
هبه...اني موافقه على ثامر بس عندي شرط
ابو هبه شنو شرطج
هبه....تروح وياي لان ما اكدر اعوفك وحدك هنا
ابو هبه روحي انتي بلاول واستقري واني الحكج
هبه...كلام ثقه تجي وراي
ابو هبه...اكيد اني هم ما اكدر افاركج ابد
لليل اجا ثامر مره ثانيه لبست فستان مخصر احمر وشال وكعدت يمهم بس ماده البوز شبر ابد ابد مامقتنعه
ولله كلبي مامطمن اله ابد
اتفقو هو وبابا على كلشي وكلما يسئلني على شي اكول بكيفك
اتفقنا بعد اسبوع ونعقد محكمه وبعدين عقد شيخ ثاني يوم حتى يكدر يطلعلي جواز السفر
لان يحتاج العقد وفعلا جهزت نفسي ما اشتريت هواي شغلات اشياء بسيطه لان الحموله بلطياره محدده
جمانه السعيدي
خل اوصفلكم شكله طويل جسمه زين لاسمين ولاضعيف
مطول شعره نازل لجتافه عندا شيبات بشعرا وبلحيته
شكله مقبول انيق ومرتب بشكل
بياض عيونه شويه احمر لمن سئلت بابا كال يجوز ماينام كفايه ويدخن بشكل مو طبيعي
عقدنا بلمحكمه طبعا راح وياي بابا لان قاصر وثاني يوم
عقدنا عقد شيخ لبست فستان كريمي تور مخصر ورحت للصالون ماسويت بس تنضيف بشره وحفافه شعري عفته مثل ماهو برمته اليه ام الصالون طلع شكلي حلو
بعد العقد كعد يمي واخذ ايدي وباسها وكال انشاء الله اسعدج
بعدين قرب يبوسني بخدي رجعت ليوره هو ضاج بس ما حجه اي شي
اجا بابا باسني وباركلي ووصا عليه
من راح بابا قرب عليه وهمس البوسات بس البابا واني
ماكو بوسه
سكتت ما رديت علي
جمانه السعيدي
اجر شقه نبقى بيها كم يوم بين ماتكمل اجراءات السفر
ثاني يوم ورا عقد الشيخ كان يوم زواجنا الي هو اسوء يوم مر عليه بحياتي كله
لبست فستان سمائي منفوش وشال لفته حلوه وفوكه تاج
اجا اخذني بسيارته بليل وطلعنا للشقه
وصلنا دخلت حلوه الشقه وبيه عطر طيب
قرب باسني طبعا كوه خليته باسني روحي ماتريده ابد
دعيت ربي يصبرني وتخلص هاي اليله على خير
كعد شويه يحجلي عن حياته بلخارج وشلون النسوان تفتر عليهم ولويريد عشره يجنا بليوم والحريه هناك والحياة مختلفه جان يقدملي اغراءات ويشوقني الحياة الخارج
طبعا اني ساكته
اكول بكلبي كل هذا الي تحجي عنه ما اشتري بساعه وحده ابيتنا اني وبابا
بعدين كال اخذي راحتج بدلي اني اطلع اجيب عشه واجي
من طلع وسد الباب اتنفست يمه جان خانكني
سبحت وبدلت لبست سيت وردي شغلت التليفزيون
افتريت بلشقه شفت اكو اكل بلثلاجه
طلعت تفاحه واكلت خاف يجي وتنسد نفسي عن الاكل
بعدين دعيت ربي يارب كلبي مامطمن اذا اليه خير بهاي الزواجه طمن كلبي واذا مابيها خير اليه لاتخليني اتغرب
وسافر يارب اني يتيمه وانت اهلي ساعدني ياربي
جمانه السعيدي
بقيت كاعده للوحده وهو ماكو بلوحده وثلث اجا بس شني صاير طينه سكران كلش ساعته عرفت ليش عيونه حمر من الشرب
شفته خفت حيل ياربي وين اولي هو صاحي ماطايقته انوب سكران
كعد على الجربايه تعاي عروسه تعاي اليله ليلتنا
هبه...ليش سكران
ثامر....عيوني اسكر حتى اسويلج ليله حمره
ولو انتي شبعانه من هاي الشغله بله بشرفج ولو انتي منيلج شرف عبد الامير ( يقصد بابا ) كم مره ينام وياج بليوم
هبه....شنو شنو عبد الامير ابوي وتاج راسك وهاي السوالف الوصخه انت تعرفه لان ثوبك
ثامر...انجبي لاتسوين نفسج شريفه براسي شفتي شلون حاضنج ويبوس بيج عبالج اني غشيم
تردين تقنعنيني كاعدين سوا وماينام وياج بليوم خمس مرات
انجب حقير هاي سوالفك ياشيطان
هبه...خفت حيل وكرهت نفسي اكثر وكرهت الدنيا الي حطتني بهيج موقف بشع
ضليت اردد بكلبي يارب انت اماني يارب ارحمني ونجيني
ضل يحجي ويخربط بكيفه تقريبا نص ساعه
يمكن رب العالمين التفت عليه بساعته
اتمدد ونام واني راسا بدلت لبست بنطرون وبلوز
ولفيت شالي وحضرت ملابسي
عفتله كلشي جابه اليه حتى الحلقه نزعته
بقيت كاعده اريد الفجر يطلع حتى اشرد
مجرد ما طلع الضوه لكفت جنطتي وطلعت ركض
المشكله بعد وقت واخاف اصعد بلسياره
بقيت امشي وشايله جنطتي
هذا شنو من امتحان صعب
وكفلي رجال جبير كال عمي اوصلج
هبه اي عمي فدوه وانطيته العنوان
السايق وين رايحه ياعمي من الصبح
هبه هااا ابوي متخربط وخابرني اريد اروح اشوفه
بسرعه حجي رحمه الاهلك
وصلت للبيت بلسته ونص الصبح وكسرت الباب تكسر
بابا طلع شافني وكال هبه ياستار شكوووو
