رواية انتقامك وانتقامي رد الدين الفصل السادس 6 بقلم تولين جراح
وإني اغَار عليه غيَرة تشَبه جَمالهُ فلا جمالهُ ينتَهي ولا غيرتَي تمَوت ♥.
........................................................
جراح: شنوووو شجاي تحجين انتِ
رهف: مثل ما تسمع خطبوني لحذيفه وجابو مشيه كلش جبيره وبابا نحرج وكال الهم نفكر بس اني متأكده راح يوافق بابا
جراح: وانتِ مالج كلمه على ابوج ، زين كليله شسوه بيج هل نجس
رهف: يعرف
جراح: شلون دره ؟
رهف: بيوم اجت نيفين اليه وسولفت الها و......
صرت اسولف اله كل الصار وياي ، احسه صار بركان من الغضب حجى كلام صدمني
جراح: رهف انه احبنج وجايب عمامي وشيوخ العماره كلهم لاجلج انتِ ترضين بيه؟
"احس الحراره صعدت لراسي وخدودي صارن جمر هزيت راسي بحياء "
جراح: رايد اسمعها بصوتج وانه باجر جايب عمامي وجاي ليكم
رهف: موافقه
توسعت ابتسامته وهز راسه وهوه يكول
جراح: لهفه لا توافقين على هذا الچلب انه رايح هسه لهلي وباجر جايكم وهسه يله روحي تأخرتي
عفته ورحت اهرول للبيت واني البسمه ما فاركت وجهي بعد ايام قهر .
ثاني يوم كاعدين على الغداء ونسمع الباب يندك
كام بابا يفتحه واني كلبي صار يدك بقوه عجيبه
توترت حيل ماما انتبهت عليه تريد تسئلني
ودخل بابا متفاجئ
ابو رهف: بسرعه بسرعه حضرو الضيافه
ام رهف: اسم الله الرحمن شكوو عمار؟
ابو رهف: ما ادري كلشي بس ناس شيوخ ترسو الإستقبال ، بسرعه انطيني مي وحضرن الچاي
ام رهف: حاضر عيوني
صرنه نركض هيج وهيج نسوي چاي وننطي لبابا وهوه يصيح بعد هذا قليل ونرجع نصب بعد
كعدنه اني وماما قريب من الإستقبال نسمع شنو يردون
بعد السلام والكلام والتعارف حجى شخص مبين من صوته الحكمه
صار يلقي آيات قرآنية واقاويل وحكم وبعدها دخل بالموضوع
_والله يا ابو رهف احنه اليوم جايين ومتعنين الك من الجنوب بطلب واتمنى ما تردنى خايبين
ابو رهف: تفضل شيخ ان شاء الله الاكدر عليه اسوي وما يكون اله خاطركم طيب
_والنعم منك وليدي ، انه اليوم جاي اطلب ايد بنيتك لوليدي جراح
ابو رهف: والله تفاجأت بطلبكم بس بنتي بعدها طفله كلشي ما تعرف وهم هيه جاي تدرس
_البت يا ابو رهف تاليتها لبيتها واذا بعدها صغيره تتربه على طباع رجلها ويصير هوه ابوها ورجلها ويعلمها
ابو رهف: اعتذر منكم لو جانت عندي بنيه بعد اكبر منها جان انطيتها الكم بس رهف طفلة
صار هواي حجي والكل دخل وبابا انطاهم مهله حتى يفكر ترخصو وراحو
اجه بابا حاير
ام رهف: هااا عمار شصاير ؟
ابو رهف: ماكو شيء ازهار بعدين
فهمت من كلامه ما يريد يحجي كدامي
شوي وترخصت وصعدت لغرفتي نص الدرج وكفت اسمع عليهم
حجه ابوي بعد ما شافني صعدت وبقى ويه ماما على انفراد
ابو رهف: ناس عشاير جايه تطلب ايد رهف مني
ام رهف: ولنت شنو ردك اكيد رفضت ؟
ابو رهف: حاولت أرفض بأي طريقه بس همه اصرو
كلت بعدين ارد الهم الرفض واكول رهف تريد تدرس
ام رهف: راح تأخذ رأي رهف؟!
ابو رهف: اكيد لا رهف بعدها طفلة واني اكبر غلط سويته اخذت رأيها بخطبه حذيفه الها مستحيل أكرر هل غلط مره ثانيه
صعدت لغرفتي محتاره بعد مرور اسبوع واني كاعده بالبيت عطله عندي لان اني وزاري وامتحانات نهايه السنه قربت
جنت متوتره وخايفه
رجع بابا الرفض الهم ونسد الموضوع من جهتنا
واني بديت اروح امتحن ذبيت كل حيلي على الدراسه ضعفت وصرت صفره خدودي راحت بسبب الإرهاق الجاي اعيشه
طلعت من بيتنه واني متوجها للامتحان جان بغير مدرسة بعيده حيل اتفقت اني ونيفين نروح ونرجع سوه
جنت منزله راسي بنص الكتلب وامشي للمدرسه وبنص الطريق جان يوكف كبالي جراح فرحت انو شفته بس كسر فرحتي وجها الغاضب
جراح: شلون سوين هيج رهف ليش خليتيني اجيب عمامي اذا ترفضين ، شنهي انه مضحكه عندج
نصعقت بكلامه نزلت دموعي واني اكول اله
رهف : جراح والله بابا رفض وحتى ما أخذ رأي
جراح: يعني موش انتِ الرفضتي
رهف: لا والله مو اني الرفضت ، اني اريد ازوجك اصلا لان اح.....
سكتت على كرصه نيفين وهيه توعيني على الجفصه الجفصتها
رهف: ءءءء لا لا موو هيجج لا لا اني اريد اروح للمدرسه
صارت تسحل بينه نيفين وهيه حابسه ضحكتها وجراح بمكانه مدهوش من كلامي
نيفين: طيح الله حضج هذا هم كلام ولج فضحتي نفسج
رهف:هفففف ولججج شلون بيه اني
نيفين: لا اريد ازوجك واني احبك ههههههههه ولج لو اني بدالج ما اشوفه وجهي بعد ههههههه
ضلت نيفين الطريق كله تعيب عليه وتضحك
بعد ما خلصت الامتحان طلعنه نتمشى ونشوف جراح منتضرنا بنفس المكان حجت نيفين
نيفين: هذا ما يتعب من الوكفه واصلا هوه من الجنوب شيجيبه لبغداد
رهف: على مودي غير هذا حبيبي
نيفين: واووو مطورين حبيبي
رهف: اشش كافي وصلنه لا يسمعنه
وصلنه وهوه حجى
جراح: شلونه امتحانج طيرة بغداد
رهف: زينه ان شاء الله أنجح
جراح: ان شاء الله ، هاج كضي اعرفنج ما تاكلين
رهف : شكرا جراح
جراح: تدلل بنيتي، راح ارد اخطبج مره ثانيه وثالثه ورابعه لحد ما ابوج يوافق وينطيني مره لجن موش هسه عندج امتحانات ما أريد عقلج يشوش
رهف: هزيت راسي وكملت مشي
صرت امتحن وارجع للبيت أقره بعدت كل التفكير من راسي صرت ادرس بكل جد حتى أنجح
خلصت امتحانات وره يومين وتحي مشيه اكبر من القبلها وهل مره بحضور عمو سامي الي صالح بابا من فتره
وتم الرفض من جديد
بعد مرور ٩ أشهر
وبهل مده جراح خمس مشيات جايب حتى يخطبني وبابا قافل واني نجحت للرابع إعدادي
كبرت وبديت اسمن وتضهر عليه المعالم الانثويه
وحبي لجراح صار هوس كل فتره نلتقي من بعيد من ارجع من المدرسه لو اطلع اشتري
واليوم هم اجت المشيه السادسة
وهناه نحرج بابا كلش لان جايبين وياهم شيخ من منطقتنا بابا كلش يحترمه ويحبه
انطى الموافقه بس قبلها لازم نسئل عن جراح وأهله
حسيت نفسي فراشه وطايره الفرحه ماليه وجهي
وثاني يوم بابا وعمو سامي راحو يسئلون على جراح
ورجع العصر شايط من الأعصاب
ابو رهف: شلون ما يكولون ويستغفلونه هيجج
العم سامي: كول يا الله يمعود
ام رهف: شكو شصاير على كيفك عيني اهدء
ابو رهف: شلون ترديني اهدء والخطب رهف طلع مزوج لا وعنده ٤ أطفال هم شنوو جايز من بنتي وانطيها لشخص مزوج
الصدمه الي نصدمتها بهل كلام خلت اعضائي تجمد عقلي فصل يعني جذب عليه وخدعني
صعدت لغرفتي واني جسد بدون روح
اختنكت من الغرفه احسها بدون هواء
كمت صعدت للسطح نتجيت على الحايط وسديت حلكي بأيدي اكتم صوت شهكاتي لا تفضحني
بعد ساعات من انهياري نزلت نمت على سريري اريد اهرب من واقعي
ثاني يوم داومت وجراح ماكو الثاني والثالث والرابع والخامس......
توالت الأيام وجراح اختفى من حياتي مر شهر وبابا رجع الرفض الهم وهل مره الجواب حاسم
"واني شمعه ونطفت هذا أقرب وصف لحالتي "
راجعه من المدرسه واني اشوفه كبالي اي هوه
واكف بكل هيبته والبنات يباوعن عليه بنضره اعجاب والي تأشر عليه وتضحك والهمس الي اسمعه بين البنات
كملت طريقي وكأني ما اعرفه
قطع عليه الطريق وهوه يكول
جراح: احنى لازم نحجي
رهف: ما بينه كلام ينحجي رجاء عوفني بحالي والتفت لحياتك وعائلتك
جراح: حكج شتكولين لجن انه ما حجيت خفت تتخلين عني
رهف: وهسه اني متخليه عنك مستحيل اخرب بيت وعائله جراح لا تواريني وجهك مره ثانيه
عفته ورجعت للبيت وتوالت الأيام وجراح بعده ما استسلم رجع طلبني
وهناه دهل الشك بكلب بابا ليش اني بالذات
وليش بقى يلح اله يخطبني
نضرات الشك اتجاهي وترتني
صرت شاردة طول الوقت وصافنه ودمعتي تنزل بدون ما احس
واليوم داومت عادي وبنهاية الدوام شفت جراح واكف كبال المدرسة
مشيت وكأني ما شايفته
مشى وراي بهدوء لحد ما وصلت بطريق ما بي ناس هواي
سحبني من ايدي بقوه
جراح: رهففف اررريد احجي وياججج كافييي تتهربين
رفعت ايدي ودفعته من صدره بقوه واني اصرخ.
رهف: ليششش جررراححح بس كليييي ليشش ولكك حبيتك من كل كلبي ليشش چذبت عليه ليششش وهمتني ، جراح انتَ مزوج تعرف شنووو مزوج وانيي طرف ثالث صرت اني مستحيل افكر اهدم بيت احد ابتعد عني وانساني
جراح: وكلبي شينسيه حبي الججج انه عاشكج افهمي رايدج عل. سنه الله ورسوله لا لعبت عليج ولا عفتجج وان جان على زواجي الشرع محلل اربعه
ما راح افرق بينجن بس بشيء واحد هوه حبي الج
رهف:جراح إنساني اني ما اقبل بيك حتى لوو لووو يا جراح بابا وافق اني أرفض
تركته وصرت امشي بسرعه وهوه يحجي بصوت عالي
جراح: اخذج اخذج وداعه حبي الجج ياا رهف ما تتوسدين غير صدري ذكري هل كلام.
تركت واني ابجي
مرت الايام وجراح ما استسلم
إلى بيوم صار الي ما جنت متوقعه يصير
مثل كل يوم دوام بس هل مره جان جراح واكف
قريب على بيت اهلي
جراح: ابوج اليوم ودعي
رهف: ش شنو شجاي تحجي
جراح: اليوم ابوج راح يشيلو بسبب التزوير وتعرفين بعد القانون شنو يعاقب على التزوير مده لا تقل عن سبع سنوات ، بسس اذا ما عليه دليل قاطع يكدر يطلع بدون اي ضرر ، وانتِ بيدج اذا تردين ابوج ما يجرجر بالسجون تقبلين تزوجيني
جان يحجي ويفتر حولي
رهف: جراح ليش اسوي هيج بابا ما النه غيره تعرف بهل شيء انتَ الله ، انت شتريد
جراح: تزوجيني
رهف: مستحيل بابا يوافق نزوج جراح عوفني الله يخليك إنساني
جراح: مو اله موافقه ابوج نزوج هسه وبهل لحضة ابوج ما عليه شيء
رهف: مستحيل تعرف شنو مستحيل اني ما اخون ثقه اهلي
جراح بصياح: انتي الجبرتيني اسوي هيججج رهففف اليوم ابوووج ما تشوفييي
رجعت للبيت ركض ابجي سألتني ماما
أم رهف: شبيجج ماما منو وياجج
رهف: ماما اني اااا اني بطني توجعني ورجعت
ام رهف: زين سويتي من رجعتي اكلي وهسه انطيج علاج
رهف: لا راح اروح انام
ما سمعت جوابها عفتها وصعدت اركض
بعد مرور عدة ساعات
بابا اختفى صرنه بقلق ماما حجت
ام رهف: رهف امشي نروح لبيت سامي بلكي يعرف عنه خبر موو كلبي راح يطك عليه
رجفت كلي واني اعرف بابا شنو صاير بي بس سكتت
كمت بدلت وطلعنه اني وماما
دخلنه لبيت عمو سامي واستقبلونه
ام حذيفه: هلا بيج داده ، رهوفه شلونج حبيبتي
رهف: بخير انتِ شلونج خاله
ام حذيفه: حبيبتي فدوه لهل لسان الحلوو
ام رهف: فدوه ام حذيفه ابو حذيفه وين اريد احجي وياه
ام حذيفه: والله ما اعرف شكولج بس يا خيه ابو رهف مسوين عليه إلقاء قبض عليه
ام رهف بفزع: يمه عزه العزاني شنوو مسوين عليه إلقاء قبض فدوه ليش ، رحمتك ربي ما النه غيره
ام حذيفه: والله يا داده ابو رهف ماكو منه اكيد صاير سوء فهم راح سامي يشوف شصاير واكيد يطلع وياه ابو رهف
بقت امي تبجي واني ابجي يعني نفذ تهديده
بعد مده رجع عمو سامي بس بدون بابا
ابو حذيفه: والله يا ام رهف السالفه صعبه
ام رهف: فدوه خويه شصاير وليش القو القبض عليه
ابو حذيفه: بتهمه التزوير وباجر عطله لازم ننتضر للاحد نشوف محامي يرافع بقضيته
انهاريت امي واني صرت ألوم بنفسي
سحبتني نيفين دخلتني لغرفته
رهف: كله بسببي ولججج بابا نسجن من وره جراح
نيفين: انتِ شجاي تحجين رهفف جراح شدخله
رهف: جراح هددني اذا ما أوافق ازوجه يسجن بابا
واني ما وافقت ونفذ تهديده ولجج عنده أوراق يدينن بابا راح اموت والله اذا صاله شيء نا اسامح جراح للموت
نيفين: على كيفج اهدي رهف نشوف حل
رهف: ماكو حل غير زواجي من جراح هوه الي يطلع بابا من السجن
انتضرت العطله تخلص على نار خلصن اليومين وصار يوم الأحد لبست على السريع ونزلت مستعجله
ام رهف: ها رهوفه ماما راح داومين
رهف: اي ماما عندي امتحان
ام رهف: خوش لعد تعاي تريكي وروحي للمدرسه
رهف: لا ما أريد شبعانه يله باي ماما
طلعت واني ماخذه قراري كملت طريقي للمدرسه واني ادوره بعيوني وين راح.معقول ما يجي اليوم
قطع سلسله أفكاري واني اشوفه واكف قريب المدرسه هل مره
وصلت واله واني ارجف
رهف: اني موافقة ازوجك
جراح: شنوو صدك تحجين رهف هههه يعني هاي هيه نروح نزوج
رهف: بس يا جراح والله راح تتندم على السويته بيه
جراح: اني احبنج وكل شيء سويته بس حتى نزوج
رهف: وتروح تسجن بابا وانت تعرف ما عدنا غيره
جراح: يطلع من السجن يطلع لا تخافين ، وهسه خلي نروح نعقد
رهف: ما نزوج اله اشوف بابا طالع فهمت
جراح: تمام هاي هيه هسه رايح أسقط القضيه ، بسس يا رهف لو حاولتي تلعبين وياي ابوج يرجع للسجن
رهف: اكرهك جراح اكرهك
رحت للمدرسه ابجي مادخلت ولا درس وبس خلص الدوام رجعت للبيت
واني اسمع صوت بابا ذبيت جنطتي ودخلت ركض واني اشوفه كاعد على ميز الطعام وياكل
ركضت حضنته واني ابجي وهوه يسكت بيه
ابو رهف: لا لا لا بابا ليش تبجين
رهف: لا تعوفني بعد ما أكدر بدونك
ابو رهف: هههههه ولا اني أكدر بدونج شلونج بابا
رهف: زينه حبيبي
ام رهف: كافي ولج بجي وروحي غيري ملابسج حتى تتغدين ما متريكه اليوم
رحت ركض ابدل بدون ما اسئل شلون طلع لان اعرف هل شيء وجراح هوه طلعه
خلص اليوم واني بحضن بابا كأني جاي اودعه
رهف: بابا اليوم انام يمكم
ابو رهف: اي بابا هله بيج اليوم احضنج وانام
ام رهف: لعد واني وين اروح
رهف: لا لا اريد انام واحضنكم ثنينكم
ام رهف: هههههه اعرف ماما اشاقه وياج
بقيت الليل كله واني بحضن اهلي كعدت الصبح واني خايفه ومتردده من الخطوه الراح اسويها
بهل شيء اعرف راح افقد اهلي
مشيت بخطوات بطيئه وبده يبين جراح أمامي
احس الحب تبدل فجأة كره صرت ما اشوف جراح البطل مالتي لا اشوفه سجاني
"حجى بفرحه "
جراح: هله لهفه مستعده حتى تكونين حرمه الجراح
رهف: جراح تراجع الله يخليك الجاي سوي غلط هيج راح اكرهك اكثر خلي اخر ذكرى حلوه منك
جراح: لا حبيبه انتي شوي غضبانه مني لجن سجنت ابوج بس من نزوج راح ترجعين تحبيني
رهف: جراح ما أريد ازوجك
جراح: جا ابوج يخيس بالحبوس والسبب انتِ ، يله امشي ما ضل وكت ، جبتي مستمسكات وياج
هزيت راسي ب اي ورحنه عقدنه
تم العقد وهسه اني زوجه جراح الثانيه
واكفه كبال بيتنه واني خايفه من هل خطوه
تقدم جراح وهوه ماسك ايدي ودك الباب
شفت بابا وهوه يفتح الباب وشكله مصدوم بعد ما وكعت انضاره على ايدينه الماسكه بعض
أبو رهف: رهف بابا صاير بيج شيء شكوو ؟
جراح: نكدر ندش داخل نتحجه بدل الباب
ابو رهف: صاير شيء؟
جان بابا يحجي بدون وعي ما يعرف الكلام الجاي يحجي حاير والحيره بينت على معالم وجها
رهف: بابا...
جراح: سوي طريق عمي عدنه حجي وياك
فسح النه طريق بابا دخلنه وحجى جراح بدون مقدمات
جراح: عمي انه ورهف زوجنه
ابو رهف: انتَ شجاي تحجي شهل تمسلت
رهف بابا شصاير احجييييييي
كمزت من صيحه بابا
نزلت دموعي واني اكله
رهف: بابا حباب سامحني
ابو رهف: شسامح ولجججج شسامحححح شلوون سسوين هيجج ولججج هذا مزززوجج تعرفين شنووو مزوج لييشش دمرتييي حياتججج
رهف ببجي : بابااا انيي اسفه حباب سامحني والله جنت مطره
ابو رهف: ولججج مطره ، هددج كليلي هددج شسوالججج
رهف: بابا احبه ما كدرت اعيش بدونه
تقدم بابا بتجاهي يريد يضربني
بس جراح صار كدامه وحماني وهوه يكول
جراح: رهف هسه مرتي ما اقبل كائن من يكون يتعده عليها
رفع راسه بابا وبنضرات قهر ودموعه نزلت على وجناته
ابو رهف: من اليوم رهف ماتت ما عندي بنيه بهل اسم
سمعتي لا تجين بيوم وتكولين عندي أهل
متبري منج ليوم الدين
رهف: لا بااااباااا لا تكول هيججج حباب انييي اسفه غلطت سامحني
نزلت على رجه ابوسهن بس هوه دفعني وفتح الباب
ابو رهف: امشي طلعو من بيتي ولا تفكرون بيوم تجونه
رفعت راسي صارت ماما كدامي كمت عليها واني اتعثر
حضنتها واني اكول الها
رهف : ماما حبابه حاجي بابا والله اني احبكم ما أكدر اعيش بدونكم
ام رهف: ليشش هيج سويتي رهف ولجج ليش كسرتينه وانتِ هل وحيده عدنه
سحبني بابا من حضن ماما ودفعني على جراح
وكعت بحضنه واني ابجي
ابو رهف: امشو طلعو بره بيتي يللللله
سحبي جراح من أيدي وطلعني من البيت
واني منهاره صعدني للسيارة
وانطلقنه لمكان مجهول ما اعرف شيء عنه ولا شنو الناس للبي تاركه دلال اهلي وحبهم ومدرستي وصديقاتي.............
.
.
.
.
.
.
.
.
.
.
يتــبـ؏
هلووو حبيباتي طبعن اعرف مقصره وياجن حقجن عليه بس والله جنت مريضه كلش وصالي يومين اكتب بل بارت وما اركز بي اعتذر على الأخطاء الاملائيه لان نشرت البارت بدون تدقيق والبارت الجاي ان شاء الله قريبآ
لا تنسون التصويت +التعليق بين الفقرات جميلاتي
قراءة ممتعة، دمتم برعاية الرحمن وحفظة
في ميزان حسناتكم
﴿إِنَّ اللهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا﴾
«اللَّهُمَّ صَلِّ وَسَلِّمْ عَلَى نَبِيِّنَا مُحَمَّدٍ»🍃
لمتابعة باقي الرواية زوروا قناتنا على التليجرام من هنا
