رواية ذكريات مفقوده الفصل السادس 6 بقلم ام زيزو
لطفاً حبايبي التصويت والتفاعل تعليقات بين الفقرات❤️❤️
فقار ...
بقيت صافن عليها منتضرها تنطق تحجي
وهي كدامي تكلب الوان واحس جسمها صار مثل السعفه يرجف خوف
جريت نفس وحجيت بهدوء
عمرري احجي اذا اكو شي يخصج صارحيني لتخافين نتفاهم
غصون ... لااا ليروح تفكيرك لبعيد
بس
فقار ... فركت وجهي بــَس شنوووووو احجي عاد قلقتيني باله هسه هاي ليلة عرس محسوبه عليه
غصون ... يريدون يكتلونك
فقار ... عقدت حواجبي وكتفت ايدي الصدري
ومنو الي يريد يكتلني بويه
غصون ... باوع خلي افهمك كلشي
قبل فتره من صارت حنه اخوي سامر مو انت جنت موجود خالي واخوي سلوان جانو يحجون بيك واني سمعتهم بالصدفه بدون ميدرون
خالي تحسين ... سلوان لك هذا نسيبكم طلع قيادي بجيش المهدي واذا حس على شغلنه ينهينه نهي
سلوان ... وشلون عرفت
تحسين ... هو من الخطوبه مالته اني شكيت بي من لحيته وشكله همه كلهم الي بالجيش هيج يسون لحاياهم وسالت عليه هواي وتاكدت طلع صحيح ووراه واحد اسمه الحجي بس ماعرفت شنو اسمه الحقيقي هذا كارثه كارثه اذا وكعنه بيده
سلوان ... خالي واحنه شنو شعارنه كلمن يوكف بطريقنه ندفنه
انطيني مهله فتره حته ميحس علينه هــًـًســًه خلي يتزوج وورا الزواج نعزمه يمنه على الغده وهذا اخر غده يتغداه بحياته
تحسين ... وليش تأرمل اختك خو قبل الزواج خلي نخلص منه
سلوان ... اختي مو اهم من شغلنه خليها ورا العرس حته محد يشك بينه اصبرلها خالي واعتبره هاي هي بالجيب صار
تحسين ... خوش الي تشوفه سوي المهم شغلنه ميخرب ومحد يحس بيك انت الي خلصت عليه
فقار ... ابتسمت بكل ثقه. اي وهمه شنوو شغلهم خالج وسلون
غصون ... ماادري ماادري
فقار ... شفتها ارتبكت وتظلت تمتمت بالكلام
رفعت راسها من حنكه
حبيبتي لتخافين انه زوجج احجيلي شنو شغلهم حته اخذ الحذر منهم عالاقل
غصون ... والله مااعرف والله
بــَس.
فقار ... اي بس شنووو احجي لتخافين
غصون ... بس همه عدهم هواي فلوس ودائماً يروحون سويه يبقون ايام ياله يرجعون وكل ماابويه وامي يسالون سلوان شنو شغلكم انت وخالك
يكلهم نشتغل محافضات
فقار ... بقيت صافن لدقايق ابتسمت حته اطمنها
ماشي ماشي حبيبتي
هسه عوفج منهم لتخربين ليلتنه
غصون ... يعني انت مخايف
فقار ... لاا على شنو اخاف كلمن يموت بيومه محد يموت ناقص عمر
فريتها وصرت ورا ضهرها اني تفكيري كله بيهم اريد اعرف شنو شغلهم بس ماريد احسسها بشي سويت نفسي اتصرف طبيعي وبداخلي اريد بس الصبح يطلع والتقي وي الحجي واكله عليهم لان مادام خايفين مني اكيد وراهم سالفه جبيره
قربت راسي يم ركبتها طبعت بوسه وبديت افتح بقيطان البدله
خليتها تطمن للاخر وتنسه السالفه تقربتلها
وصارت مرتي
صباحاً .....
فزيت باوعت الساعه ب9. شفت غصون نايمه بعدها كمت سبحت وطلعت من الحمام لكيتها كاعده
فقار .. صباح الخير حبيبتي
يله كومي اسبحي وبدلي حته نرجع
غصون ... ليش انت مو حاجز ليلتين
فقار ... اي صح بس ضوجه هنا خنكه خلي نرجع للبيت أحـسن لغرفتنه
غصون ... ماشي هسه عالسريع اسبح وابدل
فقار ... شفتها طبت للحمام طلعت بالبالكون واتصلت بالحجي
.... الووو صباح الخير حجي
..... صباح النور حبيبي شنهي ولك متحلم بيه بمصباح عرسك تخابرني
..... انت بلبيت
..... لاا طالع بشغله
...... عندي شغله وياك العصر موجود
..... بـٍْْعد المغرب موجود تعالي
فقار...
سديت الخط
بدلت ملابسي
طلعت غصون تنشف بشعرها مشطت وبدلت ولمت الجنطه وطلعنه
بالطريق اتصلت على امي كتلها رجعين للبيت
وصلت لبيت طبكت السياره
نزلنه لكيت ذبيحه بلباب والكصاب بده يذبح بيها
وابوي واخواني واكفين يمه
ازهر ... هاي الذبيحه من حمزه الصبح جابها وراح للشغل
مخلد بيده السلاح مالتي رفعه ليفوك ورمه 4 طلقات
سلمت عليهم ودخلنه جوه امي وخالاتي تلكنه بالهلاهل والجكليت
غصون صعدت للغرفه وانه بقيت يم اخواني شويه وصعدت لكيتها بدلت ونزلت تغدينه ورا الغده خالاتي راحن
صعدت تمددت على الجربايه ردت انام
واجتي غصون سحبت ايدي وخلت راسها على ايدي سحبتها الحضني ونمت
العصر ....
فزيت على صوت الباب صحت منو
عباس .... امي تكول انزلو اجتي خاله ام نرجس تسلم عليكم
فقار .... ماشي هسه شويه وننزل
شفت غصون نايمه بعدها
... غصون كومي بدلي ونزلي جوه جايه جوارينه تسلم عليج
اخذت ملابس وطبيت للحمام سبحت ونزلت جوه لكيت امي وغصون وام نرجس كاعدات
ام نرجس ... بالمبارك عليك خويه فقار شايف كل الخير
والله شكد فرحتلك تستاهل كل خير الله يرزقك بالذريه الصالحه
فقار ... رحم الله والديج خويه
امي ... بيدها جنطه مال فرشه فخمه
يمه هاي جابتها ام نرجس هديه عرسك
فقار ... ليش كلفتي نفسج خويه والله جيتج كافيه
ام نرجس .قصص وروايات عراقية كرار صلاح.. على بختك والله مقصره وياك لَيــِْش اني لو ابو نرجس ننسه وكفتك ويانه بيوم الي رادونه نطلع ونعوف بيتنه ونتبهذل والله للموت ماننساها هاي وكفتك ويانه
فقار ... استأذنت منهم وطلعت
وكفت بلباب اتصلت على حمزه
.... حمزاوي حبيبي شلونك
.... لك هلا بالضلع شلونه عريسنه
.... الحمدالله مشكور على الذبيحه
.... دنجب لك ميلوكلك الاخلاق العاليه
والله وصاير ثكيل وكذا هيج الزواج يسوي الواحد
اذا هيج من باجر اشوفلي مره
.... يله لعَـدْ ماتشوف ولك شمنتضر
.... بعد بعد مو هسه خلي اكبر بنيتي واطمن عليها يله اتزوج اخاف لا اتزوج ومرتي تشد وياها لنوب واوكع بين هاي وهاي
..... وانت تنتضر ملاك على ماتكبر وتزوج ياله تزوج انت بهذاك الوكت زين. اذا بيك حيل كل اسبوع تضرب واحد
..... ولك لااا مو لهل درجه اصير ثلاثيني كل الحيل بيه
..... خوش لعَـدْ ملاك ماتروح الغريب انتضرني يصير عندي ولد واخذها اله حته لو اكبر منه موافقين
.... لااا حبيبي ماانطيها الابنك اذا انت ابوه غضب شراح يطلع لعد
.... خاااب دنجب وعلي اخذها اله غصباً مـا على شاربك تجيبها الابني والغرفه مال العرس على حسابك وانت الممنون
بعد ماحجينه شويه بالشغل سديت الخط
بعد المغرب اتصل بيه الحجي كال تعال منتظرك رحتله جانو بمه جماعه انتضرتهم يروحون بقينه وحدنه. باوعلي بنضرات تسائل هز راسه هاااا ابو غضب شّــْْكو وراك يله سولف
فقار ... خويه جني انه ناسبت عصابات مدري ارهابيه مدري مجرمين ماادري بس الي عرفته نسابتي وراهم سالفه وكلش جبيره لدرجه يريدون ينصبولي فخ حته يكتلوني ومااكشف شغلهم
الحجي ..
عقد حواجبي ومنو هذوله بله نسابتك وشلون عرفت انت
فقار .... حجيتله كلشي بالتفاصيل
وانطينه اسمائهم وشنو ع الاساس شغلهم وكل المعلومات الي اعرفها انطيتها اله
الحجي... زين اذا همه ابالهم ينصبولك الفخ من يعزمونك مثل ما حرمتك كايله چا خوش خلي ينصبنه وانت روح طبيعي كلش وشنو الي يكولونه الك سوي اتصرف على طبيعتك
فقار ... ركزت بكلامه ونضراته وبرودته افتهمت قصده هزيت راسي موافق
تمام هاي هي وصلت المعلومه متفقين ونبقه على اتصال
الحجي ... انـ شـاء الـلّه خير نتغده بيهم قبل ليتعشون بيك
استاذنت منه ورجعت للبيت مشت الامور طبيعيه اتصرف وي غصون طبيعي ولا جبت طاري بعد للسالفه
رجعت للشغل وكصينه بضاعه جديده قبل العيد توصل لان بعد شهرين لعيد الفطر
خلصت السبعه ورا يومين
غصون... فقار امي اتصلت بيه كالت باجر معزومين على الغده يمنه
فقار ... اجه الموضوع ابالي بــَس انتبهت الغصون كلش طبيعيه يمكن نست السالفه لان شافتني ممهتم ومافتحت الموضوع بـٍْْعد
جاوبتها اي انـ شـاء الـلّه باجر نروح حته وراها هم نعزمهم احنه
نزلت جوه اتصلت بالحجي
فهمته باجر العزيمه
الحجي .... فقار اني محضر كل احتياطاتي معليك بس امشي على هواهم ولتخلي عصبيتك تسيطر عليك وتتصرف من كيفك وتروح لاول والتالي
فقار ... ماشي حجي نبقه على تواصل
ثاني يوم ....
اخذت غصون ورحنه لاهلها بالطريق طبكت السياره نزلت اخذت فواكه من كل الانواع
وصلنه لبيتهم استقبلنه ابوها واخوها سلون الامور طبيعيه
كاعدين نسولف على الاوضاع وعلى شغلي
صار الغده تغدينه
وشربنه جاي
كلت يله غصون نتوكل للبيت
سلوان ... لاا وين يمعود دخليها يمنه نشوفها خلي تبات يمنه اليـوم نشوفها اشتاقينالها والله
فقار .. اي عادي ماكو مشكله خلي تبقه وباجر العصر ورا الشغل امر اخذها
تقربت يمها خليت بيدها فلوس كلتلها هاج مصرف خاف تحتاجين شي سلمت عليها وطلعت صعدت بالسياره مشيت على كيف مسافه وصلت للركن وانتبهت السلون ورايه يمشي يأشرلي بيده
ابتسمت طبكت السياره اجه فتح الباب الي يمي وصعد
سلوان ... اذا متصير زحمه عليك بلكت توصلني بطريقك اذا ماعندك شغل
فقار ... لاا ماعندي شي تدلل وين تريد تروح
انطاني اسم منطقه ع الاساس لصديقه رايح
هزيت راسي كتله تدلل
شفت تليفونه بيده عينه على الطريق وعين على التليفون
نزلت تليفوني بصفي من الجهه الثانيه وكتبت رساله
(. حجي طلعنه احنه وسلوان ويايه بالسياره يريدني اوصله لمنطقه **** لصديقه)
دقايق واجتني رِســٰالـْه
( ابقه تصرف وياه طبيعي اني وراك )
فقار .... اي سلوان سمعت بيك تشتغل محافضات. شلونه الشغل
سلوان ... هاا الحمدالله زين خير من الله
فقار ... الله يرزقك
بقيت اسولف وياه طبيعي وامشي على الوصف مالته قربت اوصل لمنطقه مكطوعه جوله
سلوان ... جبتك مناه أحـسًٓـن اختصار من الازدحامات بس نخلص هاي الجوله انزل
فقار ... سهله سهله تدلل واذا تريد انتضرك تخلص شغلك واوصلك للبيت
سلوان.. هاا لاا مطول اني هنا ما اريد اعطلك
هزيت راسي براحتك
اباوع بالجامه اريد المح سياره الحجي بس ماكو
اشرلي فوت منا بنهايه الفرع نزلني
وصلته للمكان فتح الباب ينزل
ومحسيت اله سياره طبكت كدامي نزل منها خاله تحسين وياه اثنين شباب اول مره اشوفهم فتح الباب مال جهتي خاله
مد ايده يريد يصافحني
ابتسمت بوجه ونزلت طبيعي صافحته
اجه سلوان من ضهري سحب ايدي ليوره وخله ايده الثانيه على حلكي ماقاومته تصرفت بكل برود سحبوني للسياره مالتهم قصص وروايات عراقية كرار صلاح صعدوني ومنا سلوان بصفي شد ايدي ولف وحلكي
وبصفي واحد ثاني وليكدام واحد وخاله يسوق بدون صوت واحسهم استغربو من برودي بدون مااقاومهم سيارتي بقت بنفس المكان وتليفوني بيها
مشت سيارتهم مسافه دقايق واجني ثلاث سيارات اسود مضلل حاوطو سياره تحسين
انصدمو سحبو اسلحتهم راد يرمون عليهم اجتي طلقه للولد الي كاعد ليكدام كتلته بمكانه
نزل الحجي من السياره وياه 2 من جماعتنه والسيارتين الاثنين البقيه گـِْـِْلِْ سيارت نزلو منها 4
سحبو سلوان واتحسين والولد الي بصفي سحلوهم واخذ اسلحتهم صعدوهم بالسياره
اجه واحد من ولدنه فتح ايدي وحلكي
الحجي اشرلي روح اخذ سيارتك وارجع لبيتكم
فقار .... حجي خلي اجي وياكم
.... ابو غضب لازم تبقه كدام عينهم وتتصرف طبيعي روح نسابتك يمي وغمزلي
.... ابتسمت غمزتله ماريدك تقصر وياهم
رجعت السيارتي
اخذتها ورجعت للبيت بالطريق اتصلت على غصون اتحسس نبضها
.... الووو هاا حبيبتي انه وصلت للبيت
.... هلوو عمرري ماشي لَيــِْش قبلت ابقه اني مناويه ابقه
.... چا غير اخوج يكول. خليها مشااقيلها
.... يمعود اشتاقلي ع لاساس هو ميت عليه بس طلعت انت هو طلع بعد ولا شفته
.... يله عادي ابقي يمج اهلج شوفيهم وباجر من اخلص شغل امر اخذج
... تمام يله بـاي
ثاني يوم الفجر... اتصل. بيه الحجي كال تعالي بسرعه ضروري
اخذت السويج وطلعت امشي سريع دخلت للاستقبال
باوع عليه وهو عاقد حاجبه ويجر نفس من الجكاره مالته
فقار ... هااا حجي سولف شني اخبار الجماعه
.... هز راسه وطفه الجكاره بالنفاضه وشغل الثانيه
جر نفس وكال
... فقار انت تعرف شنو الناس الي مناسبهم
... لَيــِْش شنوو طلع شغلهم
... اسمع ابو غضب شكد شفنه ناس قذرين وشكد مرو علينه ارهاب وعصابات واجرام واشكال والوان وبكل وحده منهن انت وياي شاهد
... اي صح بس شـنــي علاقتهم باهل زوجتي
... حبيبي تخايل كل الزبايل الي مرو علينه هذوله من انضميت النه ولحد يومك هذا
نسابتك ازبل منهم باضعاف كلشي تتصوره يجيك ابالك تلكاه عدهم
مثلاً مخدرات وقتله مأجورين
تسليب سرقه
وفوك كل هذا الضيم اغتصـ/اب
والي راح يصدمك اكثر بمساعدت زوجتك
فقار ... وكفت على حيلي قطرة دم ماظلت بيه شنوووو شتحجي حجي زوجتي لااا مستحيل صح مصار هواي من تزوجنه بس هم بقينه مخطوبين فوك السنه وماعدها هاي السالفه ولا شك نسبه 1 بالميه مستحيل لو هي متورطه وياهم شلون تجي تكلي اخوي وخالي يريدون يكتلونك وناصبيلك فخ
.... اهدء فقار اني البارحه وياهم من استلمتهم منك هستوني طبيت البيت وخليت ولدنه فوك راسهم
هلكت من انواع التعذيب حته يعترفون وما اعترفو بس الولد الي وياهم يصير ابن خالها بس مو ابن تحسين ابو اخوه الثاني هو متحمل التعذيب واعترف كلشي
زوجتك جانت وياهم من جانت تداوم مدرسه تستدرج البنات الي بحجه تصادقهن وهنا كلهن طالبات متوسطه يـعـنـي اعمارهن 14 و13 سنه تتخايل شنووو يـعـنـي بهيج عمر يتعرضن للخطف والاغتصـ/اب
فقار ... جسمي ظل يرجف كعدت احس رجلي ماتحملني من الصدمه
..... خليك هادء واسمعني هاك اشرب ماي
شربت ماي
حجي زين زوجتي هسه وبعدها وياهم متفقه زين شلون متوسطه وهي اذا حسب كلامها كالت صف ثالث وتركت المدرسه يعني هسه عمرها 20 سنه صارلها شكد من خلصت الثالث
.... صح خلصت الثالث وتركت لان هي كل مرحله تبقه بيها سنتين بهدف الاستدراج مو بهدف الدراسه
ولحد قبل لتنخطبها بسنه يله تركتهم
حسب كلام ابن خالها يكول رادين يزوجوها لابن تحسين وهي رافضته ومهددتهم تفضحهم اذا زوجها اله وراها عايفتهم وتاركه الدراسه وهمه بعدها مفهميها ومقنعيها همه تاركين هالطريق وصايرين يشتغلون شغل طبيعي محافضات ع لاساس يشتغلون مقاولات
فقار .. حجي يعني هسه انه مخلي ابيتي مجرمه
الحجي ... فقار ممنوع ممنوع تتصرف اي تصرف غلط وي لابنيه
فقار ... شنوو هم عوزني ابقيها على ذمتي
الحجي .. اييي تبقيها وتتصرف طبيعي لان هي الورقه الرابحه بيدنه هي الي راح تاخذهم ورا الشمس وتكدر تسحب منها معلومات هم بــَس بدون متحس دير بالك تحسسها بشي اذا حست بشي كلشي ينكلب ضدنه
فقار ... مخلي ايدي على راسي وافرك بشعري
زين وهذوله شراح تسوي وياهم
... هذوله ينسي امرهم اصفي شغلي وياهم على المرتاح بعدها من اخلص منهم راح يروحون للعداله
فقار ... خو اكتلهم وخلي يولون لو تريد انه الي اكتلهم
... لاااا غلط هذوله بالذات غلط نكتلهم وخصوصاً زوجتك سامعتهم ناصبيلك فخ وهسه انت الحر وهمه مختفين اذا انكتلو وعرفو بيهم مكتولين انت الي راح تصير بوجهه المدفع خليهم اصفي حساباتهم ويروحون للعداله
فقار ... بــَس اريد طلب منك
.... وهو
فقار .... اريد ابن خالها الي حجالك اريده
.... اممممممم وشتسوي بي
فقار .... اريد اعرف منه معلومات تخص زوجتي بس
.... مااشي وبهيج حاله راح يعرفك بس
فقار .... خلي يعرف ورا مااخذ المعلومات الي اريدها واسمع منه كلشي راح اتخلص منه ويبقون سلون وتحسين حصتك
.... مااشي بس مو هسه خلي فد اسبوع واخلي بمكان وحده بعيد عن سلون وتحسين واخذك اله اذب جوه رجليك وكلشي تسوي بالعافيه عليك
فقار اني ادري هسه بشنو تحس ونار مشتعله بكلبك لذالك راح انطي الك تبرد كلبك منه وتسمع الي تريده وبعدها بيدك انت تخلص منه
فقار ... هزيت راسي
.... يله هسه روح ابدي يومك وتصرف طبيعي خصوصاً وي زوجتك مْـإأشي
فقار ... ماشي ماشي وانه منتضر هالاسبوع بفارغ الصبر
طلعت منه وانه الافكار تتضارب براسي وصلت للبيت طبيت الغرفه فتحت الكنتور حته اطلع ملابس ابدل صارن ملابسها كدامي
تنهدت وسحبت نفس شكد لعبت روحي منها هسه انه هم اسمي عريس مصار كم يرم من عرست وانكشفت حقيقتها بعدني حته ماتهنيت بعرسي منين اجيتني انتي منين
بدلت ملابسي و رحت للشغل كاعد بالمكتب وحمزه بيده السجل يجرد بي كل نهايه شهر يسوي جرد للمبيعات وللديون
حمزه ... فقار المبيعات هالشهر 25 مليون
والديون بالسوك 15 مليون سددولنه منهم 5 وبقت 10 عليهم
فقار ... هو يحجي وانه بالي مويمه
تفكيري كله بغصون وبحقيقتها هي واهلها
حمزه .. فقار وياي تسمعني
فقار .. هاا ايي وياك تمام انت بعد تصرف طلع فلوس المسواك وطلع رواتب العمال وانطي المخلد راتبه وطلع الايجار والكهرباء والباقي الربح اخذ حصتك وحصتي اتركها بالخزنه احجي بشكل سريع وبيدي القلم ادك بطارف القلم على الميز
حمزه .... شبيك فقار صاير شي شو مْْـو على بعضك
فقار ... شمرت القلم ورجعت راسي على الكرسي فركت وجهي وجريت نفس احس روحي راح اطك مااتحملت الي سمعته وماعندي غير حمزه اكدر افضفضله هو بير اسراري
حجيت كلشي الحمزه لان هو الوحيد الي مااضم عليه شي
هوايه شغلات ضامهن على اهلي بــَس حمزه حاجيله عليهن
حمزه... وهسه شراح تسوي اذا الحجي كلك متطلك وتتصرف طبيعي وياها اكيد اله غايه بيها
فقار ... هنا المصيبه هنا وهو صار بالشغله وعرفو شكله مااكدر اتصرف من ضهره مااكدر اطعن بي ومجبور امشي على الخطه مالته
حمزه ... هز راسه بأسف
شني هاي الدنيه شلون بـٍْْـعد الواحد يثق ويأمن والله مصيبه وانت حضك مصارت من قسمتك اله هاي
فقار ... ايي شفت باله حضي الاغبر وقسمتي السوده الي جابتها اليه
لنوب المصيبه اهلي مكيفين بيها ويحبونها ويحترمونها وخصوصاً امي تكول هاي صارت بنتي بـٍْْعد وتعاملها ع هالاساس
ومتضرين مني حفيد الهم
لو يبقه اخر يوم بعمري مااخلي هاي المجرمه تصير ام لاطفالي
حمزه ... شلون راح تتصرف بهاي الطريقه بدون متحسسهم
فقار ... لازم اول خطوه مااخليها تقوي علاقتها باهلي وقدر الامكان ابعدها عنهم متقوي علاقتها بامي واخواني هواي
حمزه ... اذا هي حاسه بغلطها وعايفه هالطريق ليش متتقبلها وتنسها الماضي وتفتح صفحه جديده
فقار... فتحت عيوني مصدوم
انت شتحجي حمزه تخبلت لااا تخبلت اكيد ٱڱڵــك تستدرج بنات اعمارهن 13 و14 و15 سنه علمود يخطفوهن ويسامون اهلهن علمود الفلوس
والكو*** ميكفيهم هذا يغتصبـ/وهن ويكتلوهن ويشمروهن بالمزبله وهي لوما جابرها تحسين على ابنه جان بقت بقت مستمره بشغلها وبأجرامها بنت الكو**
حمزه ... بس فكر شويه لتعصب احتمال هي متعرف بسالفه الاغتصـ/اب اكيد متعرف بس الخطف ويجوز يكلولها اخذنه فلوس وعفناهن
فقار .... افرض متعرف بسالفه الاغتصـ/اب تمام وياك زين والقتل هم متعرف معقوله بنات وياها وبنفس المدرسه ماسمعت وحده فد يوم ماتت معقوله كل الي انخطفن اهلهن ضمو خبر وفاتهن حمزه انت بس تخايل شكم ابنيه بابنيه راحت ضحيه من ورا الس*** الي على ذمتي
شكم ابنيه انحرمت من حياتها ومستقبلها
ولك شنو عمر 13 و14 و15 ولك هذني جهال جهال والله جهال مصيبه هاي مصيبه
عصبت اكثر واريد اوصله الفكره حته مينطيها الحق ولا واحد بالميه
صحت بس تخايل خلي نفسك بمكان اهلها اعتبر اختك تتعرض للاغتصـ/اب بهذا العمر شنووو موقفك
حمزه ... وكف على حيله وصك على اسنانه رفع اصبعه بوجهي وصاح
..كاااااااااافي فقار لهنا والزم حدك اختي خط احمر لاتجيب طاريها ولا تضرب بيها مثل هيج امثال شووووف ترى اني عايش لجل عينها بس اذا تجيب طاريها مره ثانيه انسى انت اخوي ومتتخايل شلون راح اتصرف وياك وحق علي اكتلك خلاص
ماضربت مثل بنفسك لان ماعندك اخت ضربته بيه لان تريدين اتخايل ملاك توصل بعمر ال13 وال14 وهيج يصير بيها ولك اني زواج زواج برضاتها وعلى سنة الله ورسوله مااتخايلها وهي بهيج عمر مو لنوب تريدني اتخايلها للاغتصــ/اب
فقار .... صحيت على كلامه ضربت ايدي على كصتي
اني غبي غبي فقدت عقلي صرت مااعرف بشنو احجي ولك لاتاخذ بخاطرك والله معصب وصرت اخربط ولك لهسه مامستوعب الي تزوجتها شنووو طلعت من يا طينه
وبعدين ملاك اختي مثل ماهي اختك وحته لو اجيتني وكلت اجوي خطابه على ملاك وهي قبل عمر ال18 سنه وانت مقتنع وقابل وحق علي اذبحك ومااخليك تنطيها هاااا خلي هالحجي براسك وانه عد كلمتي
حمزه ...
رغم عصبيته بس ابتسم
طبطب على كتفي فقار بروح الحسين اريدك تبقه مصر على تفكيرك اتجاه ملاك خاف بيوم اني اصير مطي وافضل مصلحتي عليها ع لاقل انت ترجعني لوعي لان ماكو احد يدور مصلحتها بس اني حته ابوي ميفكر بيها مثل تفكيرك ولا محسسها هو ابوها رغم وياه بنفس البيت ومن جنت اعاتبه يكول اكره البنات مااطيقهن لذالك احلفك بضلع الزهره ابقه على كلامك اخــّّـّّاف يجي يوم وتدخل وحده الحياتي وتغويني وتغير تفكيري كلشي يصير
فقار ... خاب وضلع الزهره اذبحك مو بس امنعك ولو عندي اخت هم افكر وياها هالتفكير شني ابنيه يزوجوها جوه ال18 بعدها مراهقه وهالعمر كلش غلط للابنيه لان هرمونات تتغير عدها وتفكيرها يصير مزاجي وعاطفي متتحكم بعقلها والعاطفه تاخذها قصص وروايات عراقية كرار صلاح بعدين تندم
اصلاً اني ابالي الابنيه من عمر ال12 لل18 المفروض اهلها يتعاملون وياها مثل الزجاج يخافون لا بلحضه ينكسر او ينخدش ممنوع ينضغط عليها ممنوع تنجبر على شي مراغبته هي تراقبها بس بدون متحس انت مراقبها اي مواضيع تخص بمتعة الزواج مينحجي كدامها لان راح تنطبع الافكار براسها وتصير ترغب للزواج
متطلع وحدها تحتاج شي متمنعها بس بنفس الوقت تكون وياها خطوه بخطوه
واهم خطوه هي تصادقها وتعرف بشنو تفكر تشاركها الرئي من تطرح عليك موضوع تتناقش وياها وتماشيها وياها على تفكيرها حته اذا موضوع مو الصالحها وهو غلط وهي شايفته صح بكل هدوء تحاول تقنعها هالشي مو الصالحها وتطرح عليها افكار افضل والصالحها
ودائماً تعاملها على انها طفله وتجيبلها الشغلات الي تحبها من هي وصغيره مثلاً الحلويات العاب كارتون مفضل عدها من هي وصغيره حته لو تكلك لتعاملني هـًُّـٍيج اني كبرت
راح تكلها لا بعدج بنضري صغيره واحب تبقين صغيره وابقه مدللج مثل الاطفال ودائماً ذكرها بطفولتها حته تبقه تحس نفسها صغيره ومتاخذ طابع هي كبرت وتتصرف على هالاساس مثلاً حلووو من كل فتره تاخذها لمدينه العاب وتخليها تصعد كل لعبه تحبها بدون لااا هاي مال جهال مو مال عمرج وهاي عيب تصعديها شنوو حالج حال الجهال شكبرج تصيرين بعد
تشتريلها الشغلات الي تحبها الاطفال بهيج اماكن مثلاً شعر بنات شاميه هيج شغلات
من تعدي عمر ال18 وتدخل للجامعه راح تكون عدت هالمرحله وتتصرف بعقلها وهنا صار مرحله تحسسها هي كبرت وصارت مسؤله عن نفسها بس دائماً حسسها عندك ثقه بيها وهي كد هالثقه ودائماً وفرلها الشغلات الي تحتاجها حته ميصير الها سبب تطلبهن من غيرك
حمزه ....
صافن كملت كلامك
فقار .... امممم
وكف كدامي ويصفك بيدك
والله انت يوميه تفاجئني بشي بشخصيتك لك عمي انت مدرسه وعلي تدري همزين انت صديقي
.... هههههههه چا غير امك تحبك وصرت انه صديقك
.... ايي بعلي صدك امي تحبني ودومها جانت تدعيلي الله يبعد عنك ولد الحرام الف رحمه على روحج يايمه شكد مشتاقلها
.... يله لاتبجيني ترى البيه مكفيني وعلي الجمعه نروح انه وياك للنجف انه هم اريد ازور الامير مختنك حيل
.... انـ شـاء الـلّه
خلصت شغل وانه راجع للبيت بالطريق اتصلت عليه غصون وطلبت مني امر بطريقي اخذها
احس غصه بكلبي وروحي لعبانه منها بس اساير الامور واشوف شنوو تاليها
وصلت المنطقتهم اتصلت عليها كلتلها اطلعي للباب مستعجل وتعبان من الشغل
فتحت باب السياره وصعدت
غصون .... هلوووو حبيبي
فقار ... درت وجهي عليها غضمت عيوني وسحبت نفس هلا هلا
مشيت سريع واني مركز على الطريق نص الطريق وكالت
... شبيك فقار
... مابيه شي بس تعبان ونعسان حيل
... مْـاشي
جنت متوقعها تفتح موضوع اخوها وهو من البارحه غايب عنهم بس تتصرف بشكل طبيعي ولا كأنو صاير شي
وصلنه للبيت هي دخلت بين ما صفيت السياره ودخلت وراها
شفت امي حاضنتها تبوس بيها وتكلها اشتاقيتلج بنيتي
وهي تكول لامي اذا هيج خوش بـٍعد حته لاهلي ماارو
لمتابعة باقي الرواية زوروا قناتنا على التليجرام من هنا
بدل ماتدور وتبحث علي الروايات خليها علي تليفونك وحمل تطبيقنا
