رواية سائق القصر الفصل السادس 6 بقلم جمانه السعيدي
معتز...خلص هذا اليوم على خيررر ورجعت البيتنا وحجيت كلشي الابوي
ابوي....يابابا شمدخلك بينهم
معتز....افه انت تكول هيج شلون اعوفه بلشارع وحدها
حتلو مو نرجس
اي وحده بهيج موقف مستحيل اعوفه
ابوي...ذوله ناس واصلين ليش تدخل بحياتهم خاف ياذوك
معتز....مراح يصير غير الي كاتبه رب العالمين
ثاني يوم رحت للقصر واتصلت بنرجس كتله انتضرج برا
نزلت لابسه فستان اسود يخبل عليه ضيك وطويل بي فتحه من الجانب فاتحه شعرها ومكياج خفيف
طالعه تخبل
بيني وبينكم اكو احساس كلش حلو احسه من اشوفه
بس اني مااكدر اتمادا بهذا الاحساس
لان هي وين واني وين مستحيل تباوع الواحد مثلي
مع ان اني احسن من همام الف مره
وهم مااريده تكول جاي يستغلني
صعدت بلسياره
نرجس ...صباح الخير
معتز...صباح الخيرات
نرجس...البارحه اول مره انام واني احس احساس المنتصر
من دخلت هذا البيت لليوم واني عايشه الحسره ولقلق
معتز...باوعت عليه بلمرايه وبتسمت
نرجس...اني بعمري ماكنت عدائيه لان تربيت بيت عز وخير
ودلال
ومااعرف اكره لو احقد على اي واحد
بس من دخلت بيت عمي شفت العجب العجاب
معتز....يالله هاي نرجس الي اريده تكون قويه ودافع عن حقوقه
نرجس....طبعا بيت عمي كلهم أخطاء من عمي الهمام
تعرف اني سمعت زوجت عمي تتصل بواحد وتواعده تطلع ويااا يعني جاي تخون عمي
وهمام انكس خلق الله
وعمي...راس الحيه الجبير
اني لازم اطلع من هذا البيت ودافع عن نفسي وحقوقي
معتز....هسه تعجبيني
نرجس...اليوم اخر محاضره الساعه ١٢ انتضرك
معتز..تمام ست نرجس
نرجس...شنو ست نرجس تريد تكبرني
معتز....اسف
نرجس...كول نرجس وبس
معتز...تمام يااحلى نرجس
...باوعت عليه وبتسمت
معتز...يالله شنو هلابتسامه
درات وجه وراحت واني رجعت للقصر كملت كم شغلي
والساعه ١١ ونص رحت اجيبه
طلعت من الجامعه صعدت بلسياره بعد مافتحتله الباب
معتز....وين نروح
نرجس...للبيت
معتز....اي بيت هسه تعرفين امي طابخه باميه تخبل
حقج ماماكله من ايد امي
نرجس..مااريد احرجكم
معتز...لا تحرجيني ولا شي بس اكلج احنا ناس بسطاء ناكل بلكاع ماعدنا ميز طعام
نرجس....على راسي
معتز...سالم راسج عزيزتي
جمانه السعيدي
طلعنا للبيت تقريبا ٤٥ دقيقه يله وصلنا لان الطريق ازدحام فضيع
نزلت وفتحتاه الباب نزلت
فتحت باب بيتنا ودخلت وكمت اصيح يمه يمه يوم
طلعت امي لا فه الربطه على راسه مثل العمامه
امي..هاا خير ليش اصيح
معتز...هاي نرجس جايه اليوم تاكل من طبخج الطيب
امي...هله وميت هله تفضلي حبيبتي
نرجس دخلت وبسته
امي...ياا بيه ريحة طبخ لا تبوسيني
نرجس.. احلى ريحه
معتز...شجاي تسوين
امي..جاي اخبز شويه بعد واخلص ادخلي يمه جوا
معتز جيبله مي يمه
معتز...صار تدلل
نرجس...بس اغسل بلبدايه
معتز...اي هاي المغسلة تفضلي
غسلت واجت تكعد الفستان ضيك من كعدت طلعت رجله
اني جبت منشفه وانطيته خلت على رجليه
راسا امي اجت
امي...هسه احضر الاكل
نرجس. براحتج خاله حبيبتي
معتز...اني رحت توضيت وكعدت اصلي
ونرجس عين عليه وعين على الموبايل
خلصت وامي كالت تعال شيل الصينيه
جبت الصينيه بيه خبز حار وتشرب باميه علي لحم وتمن ابيض وخضره وفواكه
امي.. اعذريني خاله ولله لو ادري تجين اليوم جان ذبحنا خروف
نرجس.. اصلا هذا الاكل أطيب من الخروف الف مره
بس مااكل اله تجين تاكلين ويانه حتى الاكل يصير اطيب
معتز... كعدت امي كبالنا بعدنا مابدينا ناكل دخل ابوي
شاف نرجس وتفاجئ
ابوي. ياهلا وسهلا زارتنا البركه
نرجس.. هله بيك عمو الله عليك تعال اكعود ويانه
ابوي. بس اغسل ايدي
امي.. خل اجيبله ماعون تشريب هو يحب تشريب الباميه
كعدنا كلنا ناكل
معتز.. افلس لحم واخلي كدامه
نرجس...معقوله اكل هذا الحم كله
معتز. امي تزعل اذا مااكلتي
نرجس.. بلعكس الاكل كلش طيب اول مره اكل هيج اكل طيب تالي طبخه موطيب
امي. تالي الخدامه
نرجس. اي
امي. طبعا ثقافته غير ثقافتنا وطبخهم غير طبخنا
نرجس.. بس لازم تعلميني شلون اطبخ لان اني كلشي مااعرف
امي.. لا تتعلمين ولا شي اني اطبخلج وادزلج بس اتصلي اي اكله تعجبج تدللين
نرجس...تسلمين خاله
جمانه السعيدي
معتز....خلصنا اكل وكامت تغسل واني انقل بلمواعين
وامي خدرت الجاي
راسا نرجس لبست صدرية المطبخ وبدت تغسل بلمواعين
معتز.. عوفيهن لا تتبللين
نرجس. لا مااتبلل
معتز...اني هسه اغسلهن
نرجس...اني اغسلهن
معتز...خلاص نغسلهن سوا
امي.. يمه نرجس عوفي المواعين
نرجس. شنو القصه خلصت
هي تجلف واني اغسل وياها
نرجس.. حلوه عائلتك
معتز....انتي احلى وغمزتله راسا خجلت ودنكت
معتز...ترا اني جاي احجي الحقيقه
نرجس...شنو الحقيقه
معتز...انتي كلش حلوه
نرجس...عفت المواعين نشفت اديه وكلت خلصت
معتز...اوكفي مو هذا اتفاقنا نخلص سوا شنو اني جنتكم عايفين غسل المواعين عليه
نرجس. ....هههههه هههههه هههههه
معتز...اي اضحكي ورطتيني بلغسل
امي...عوفهن حبيبي انت من يمته تغسل مواعين اليوم شفت نرجس وطلعت كل فعالياتك
معتز.. غمزت الامي يمعود لا تكشفين اوراقي
نرجس...لا خاله جديات خوش يغسل يوميه عيفي للمواعين علي
معتز...هااا هيج صارت
امي...انت اجيب الحجي النفسك
كملنا اكل وشربنا جاي وكعدنا نسوالف ونضحك
نرجس...ولله الكعده وياكم حلوه بس لازم ارجع
معتز... عود كلما تشتهين باميه تعاي بس غسل المواعين عليج
نرجس...اتقفنا
صعدنا بلسياره بس هلمره نرجس كعدت بصفي ليكدام
نرجس...عن جد عائلتك تخبل ذكرتني بااهلي قبل
معتز...الله يرحمهم
نرجس....ويرحم والديك
لمتابعة باقي الرواية زوروا قناتنا على التليجرام من هنا
