رواية الأرملة السوداء الفصل السادس 6 بقلم جمانه السعيدي
بلبدايه احب ااكدلكم
القصه حقيقيه
بقه تليفون رواء يدك
رواء هلو عمه شلونج
...اهلا وسهلا انتم شلونكم
...الحمد لله زينيين
...اكلج بقيت بقلق اشو الولد ثنيينهم مايردون على التليفون
شكووو شصاير
....هشام بلحمام جاي يسبح
وهمام سافر التركيا
...سافر أليوم اشو الصبح ماكال اسافر
...مو اتصلو علي وكالو جايتهم بضاعه اوربيه جديده
اتصل ولكه اكو حجز
وسافر اليوم
...زين من يطلع هشام خلي يتصل عليه
...ان شاء الله عمه يمته ترجعين ترا اشتاقينالج
...باجر العصر ارجع
...توصلين بلسلامه انشاء الله
...مع السلامه
...الله وياج عمه
هشام ماكدرت ادخل غرفتي ولا غرفة همام
عدنا غرفه للخطار رحت كعدت بيه
رواء رحت حضرت عصير ليمون وجبتله
دخلت لكيته امدد بلكاع ويبجي
هاي شبيك هشام اتقوى شويه شنو راح اضل هيج
راح تفضحنا
صير قوي بعد شي وصار وما بيدنا اي شي نغيره
هاك هذا اليمون اشربه
وجبتلك حبايه منوم هاك
الصبح تكعد حديد وناسي كلشي
وتروح الشغلك وتتصرف عادي
جمانه السعيدي
هشام اخذت منه الخبايه بلعته وشربت اليمون
جابتلي مخده وغطه
وتغطيت بس عيني ما تاخذ نوم ابد
كلما اغمض اشوف همام كبالي
صحت عليه رواء رواء
...هااا حبيبي
..اريد بعد حبايه
..بس هاي قويه
...ميخالف اريد بعد وحده
بلعته وضليت اتكلب تقريبا نص ساعه وبعدين نمت وما ادري بنفسي
ثاني يوم بلعشره كعدت مفزوع شفت همام بلحلم شايل سجينه ويركض وراي
ويكول انت وزوجتك قتلتوني
كعدت عركان وتعبان
دخلت سبحت
وبقيت كاعد الندم اكل كلبي
بيومها لا اكلت ولا شربت بس كاعد واتصفن
ولا كدرت اطلع للمحل
للعصر رجعت امي ما اكدر اباوع بوجه
امي هله يمه شبيك شو وجهك اصفر
البارحه كلت الرواء خل يتصل بيه
وبقيت انتضرك وما اتصلت
هشام دنكت بست ايده وكتله مريض شويه واخذت علاج ونمت اعذريني
امي صدك همام سافر التركيه مو من عوايده هيج يسافر مفاجئه
ولا اتصل عليه
جمانه السعيدي
هشام اي سافر مووو لان صارت السفره مفاجئه
امي اتصلت علي اطمنت وصل بلسلامه
هشام اي دزلي رساله كال وصلت
امي زين رقمه الدولي نفسه اريد اطمن علي
هشام مو اني اتصلت علي مراح يتاخر يومين اتلاثه ويرجع
رواء هله عمه الحمد لله على السلامه البيت مو حلو اذا انتي مو بي
امي الله يسلمج حبيبتي
رواء خل احضرلج الاكل
امي لا اكلت مو جوعانه بس تعبانه من الطريق واريد انام
رواء براحتج
راحت عمتي الغرفته
جمانه السعيدي
رواء هاي شبيك هشام راح تفضحنا مبين عليك الخوف والتوتر
هشام ما تكلليلي من اجيبين هاي القوه وللج انتي قتلتي نفس
رواء اي قتلت نفس بس مجبوره واذا ما اسيطر على نفسي راح انسجن وموبعيده يعدموني
لازم اكون قويه
الصار بعد صار وخلص
هشام اريد بعد من هذا الحب الي اخذته البارحه اريد انام
اخذت حبتين ونمت
الصبح كعدت من وكت وطلعت للمحل ما اريد اشوف امي وما اريدها تسئلني عن همام
وصلت وكعدت واني عقلي يريد يطير مني
شلون راح اكعد بلمحل بدون همام
للعشره امي اتصلت وكالت جاي اتصل على اخوك بلرقم الدولي وما يجاوب
هشام يمه يجوز مشغول ليش تلحين علي
امي ما يصير كل هذا مشغول اتصل علي انت وطمني
هشام اي هسه راح اتصل علي
بيومها ما رجعت للبيت
حتى بيتنا كرهته وما اكدر ادخل بي
لليل رجعت وامي لاكتني هااا يمه اتصلت باخوك شكال
هشام اي اتصلت ويكول طمن امي يومين وارجع
عندي شغل هواي وما اكدر ارد عليه
امي زين
دخلت ولا كتني رواء حضنتني وباستني
عفته ورحت نمت بغرفة الضيوف
استمر هذا الحال يومين
امي ماما هشام انت زعلان ويه زوجتك
هشام لا مازعلان
امي ليش تنام بهاي الغرفه ماتروح يم زوجتك
هشام اي هسه اروح انام يمها
صعدت وامي صاحت وراي هم اتصلت باخوك
هشام اي راح يمدد الاقامه بعد يومين ويكول المكان الي هو بي مابي شبكه
وكال سلملي على امي هواي
امي هاي اول مره يبقى هلكد ما بتصل بيه
ما اعرف ليش كلبي ناغزني علي
هشام شويه كمت اكدر اسيطر على اعصابي واتعامل عادي
خلصن اليومين وامي رجعت تسائل على همام
جمانه السعيدي
هشام مو هاي فكرتج يلعبقريه يله امي بدت اتشك بيه
رواء كل شويه طلعله حجه منا لمن تمل وتسكت
هشام امي واعرفه مراح تبطل تسئل لمن تعرف الحقيقه
رواء روح كللها الحقيقه انت تهددني شنووو
ترا انت شريك وياي بلجريمه
مجرد اتسترت على هاي الجريمه هاي جريمه وحدهاااا
هشام ما اعرف شكلها امي ذكيه وماتعير عليه هاي السوالف
ثاني يوم
امي ماما هشام كلبي ما مطمن على اخوك صار عشر ايام ولا اتصل ولا رجع
هشام يمكن طلع لليونان
امي لليونان شيسوي بليونان
هشام هيج سمعت من اصدقائه
امي لا موهمام الي يسوي هيج شغلات
الناس الفقره تطلع تهريب لليونان ادور شغل بس همام
ليش يطلع
شنو قابل احنا محتاجين
هشام بعد ما اعرف
ام همام كلبي ما مطمن بس طلع هشام اجرت سياره
ورحت للسفاره التركيه
وسئلت عن همام
وهنا اجتني الصدمه
همام ما مسافر ابد التركيا خليتهم اتاكدون عشرين مره
ابد همام ما طالع من العراق
رجعت وبقيت انتضر هشام لمن رجع
امي هشام احجي الحقيقه اخوك وين
هشام سافر التركيا
امي اني رحت للسفاره التركيه وهمام ابد ما مسافر ولا طالع من العراق
هشام سكتت ما اعرف شجاوب
امي اخوك وين جاوبني انت اتكول جنت اتصل بي
منيين تتصل بي
هشام ما اعرف
امي شلون ما تعرف احجي اخوك وين
هشام ما اعرف مو كلت ما اعرف
امي اني راح أبلغ الشرطه اني مستحيل اكعد واسكت أريد اعرف ابني وين صار
جمانه السعيدي
هشام ارتبكت حيل وحسيت الحراره صعدت الراسي
امي اذا بلغت اكيد الشرطه راح تعرف الحقيقه
عرفت هاي الجريمه راح تنكشف بيوم من الايام
رواء اني كنت اسمع حديثهم من ورا الباب قررت ادخل
لان هذا الاثول راح يخرب الأول والتالي
دخلت عمه اني اسفه سمعت كلامكم بلصدفه
صدك همام ما مسافر
امي اي ولا طالع من العراق صار عشر ايام مانعرف عنه اي شي
بس هشام كان يتصل بي
رواء اي حقج تقلقين علي بس هو موزغير
امي انتي ما شايفه العصابات الي تخطف خاف خطفووو
رواء لو كان مخطوف جان اتصلوا وطلبو فديه
امي اي وين راح همام حباب وطيب وما عندا أعداء ابد
رواء باجر الصبح نتصل بكل اصدقائه
واذا ما لكينا نتصل للشرطه
هشام امي اقتنعت بكلام رواء
صعدنا الغرفتنا
هشام يله حليه يم العريف يلعبقريه امي مراح تسكت
احتمال باجر نكعد نلكه الشرطه ادور بيتنا
رواء اكو حل بس انت لازم تساعدني بهذا الحل
واحنا ما ننكشف أمرنا ابد
هشام شنو الحل احجي بسرعه
رواء اصبر خل أسد الباب واجيك لا امك تسمعنا...
